बुधबार, असोज १२, २०७९

लुम्बिनी : परासीमा तीन दशकयताकै ठूलो बाढी, चारको मृत्यु, दुई जना बेपत्ता, २५ सय घरमा क्षति

विनोद परियार  |  काठमाडौं, शुक्रबार, भदौ ११, २०७८

विनोद परियार

विनोद परियार

शुक्रबार, भदौ ११, २०७८, काठमाडौं

नेपाल समय

बुटवल– लुम्बिनीमा भीषण वर्षापछि आएको बाढीले बगाउँदा शुक्रबार चार जनाको मृत्यु भएको छ । दुई जना बेपत्ता छन्। बाढीले बगाउँदा नवलपरासी पश्चिममा दुई जनाको मृत्यु भएको छ। मृत्यु हुनेमा रामग्राम नगरपालिका–१८, बन्जरियाका ३७ वर्षीय विनोद प्यासी र उनका छोरा १३ वर्षका प्रदीप रहेको जिल्ला प्रहरी कार्यालय परासीका प्रहरी नायब उपरीक्षक राजु लामाले बताए।

घरमा बाढी पसेपछि ज्यान बचाउन निस्किँदा खेतमा डुबेर उनीहरूको मृत्यु भएको लामाले जानकारी दिए। उनीहरूको शव केही तल खेतमा फेला परेको थियो। सुनवल नगरपालिका १४ की एलिसा तामाङ बेपत्ता भएकी छन्। तामाङको अवस्था अज्ञात रहेको इलाका प्रहरी कार्यालय सुनवलका प्रहरी निरीक्षक कृष्ण धितालले जानकारी दिए।

यस्तै रुपन्देहीको दानव खोलामा आएको बाढीले बगाउँदा ओमसतिया गाउँपालिका वडा नम्बर ४ बस्ने ५० वर्षीय रामेश्वर कहारको मृत्यु भएको छ। सम्मरीमाई गाउँपालिका–३ पिपरहवाका २३ वर्षीय बब्लु लोध बेपत्ता भएका छन्। शुक्रबार बिहान ६ बजेतिर खोलामा दाउरा खोज्न गएका बेला लोध बेपत्ता भएका जिल्ला प्रहरी कार्यालय रुपन्देहीले जनाएको छ।

दाङमा बबई नदीले बगाउँदा एक जनाको ज्यान गएको छ।  बिहान १० बजेतिर दंगीशरण गाउँपालिका १ बाँकी गाउँका ५० वर्षीय वामदेव देवकोटालाई बबई नदीले बगाएको प्रहरीले जनाएको छ।

नवलपरासी (पश्चिम) को सदरमुकाम परासी बजारमा बाढीका कारण ३० वर्षयताकै ठूलो क्षति भएको छ। २०३८ र २०४५ सालमा परासी क्षेत्र डुबानमा परेको थियो। त्यसयता यस वर्ष ठूलो क्षेत्र डुबानमा परेको हो। 

‘स्थानीय सरकारका तर्फबाट हामीले तथ्यांक संकलन गरिरहेका छौं। मानवीय क्षति ठूलो नभए पनि खाद्यान्न, पसलका सामान र उद्योगमा करोडौंको क्षति पुगेको छ।’

परासी बजार क्षेत्रमा ६ फिटसम्म बाढी पसेको रामग्राम नगरपालिकाका नगर प्रमुख नरेन्द्रकुमार गुप्ताले बताए। ‘मेरो सम्झनामा यति ठूलो पानी परेको थाहा छैन। परासी क्षेत्रका घर, उद्योग र पसलमा ठूलो क्षति पुगेको छ’, नगरप्रमुख गुप्ताले भने, ‘डुबानले करोडौंको क्षति पुगेको छ।’ उनका अनुसार परासी बजारसहित ग्रमीण भेगका बस्तीमा डुबानले ठूलो क्षति गराएको छ। ‘स्थानीय सरकारका तर्फबाट हामीले तथ्यांक संकलन गरिरहेका छौं। मानवीय क्षति ठूलो नभए पनि खाद्यान्न, पसलका सामान र उद्योगमा करोडौंको क्षति पुगेको छ’, उनले भने।

परासी बजार क्षेत्र राति २ बजेदेखि डुबानमा परेको हो। बिहान १० बजेसम्म निरन्तरको वर्षाले मानिस घरबाट बाहिर निस्कन नसकेको नवलपरासी (पश्चिम) का प्रमुख जिल्ला अधिकारी धमेन्द्रकुमार मिश्रले बताए। झरही खोला र रामखण्ड खोलामा आएको बाढी ओभरफ्लो हुँदा परासीसहित अन्य गाउँपालिका डुबान  परेको उनले बताए। 

‘म बिहान ७ बजे कार्यालय पुग्दा जिल्ला प्रशासन भवन पूरै डुबेको थियो। यति ठूलो पानी पर्‍यो कि उद्धार गर्न जानसमेत कठिन भयो’, मिश्रले भने। उनका अनुसार रामग्रामसहित सुनवल, बर्दघाट नगरपालिकाका ७ वटै पालिका डुबानमा परेका हुन्। 


प्रमुख जिल्ला अधिकारी मिश्रका अनुसार नवलपरासीमा १५ सय घर डुबानमा परेका छन। सुनवलको तुरिया खोला नजिकै डुबानमा परेका ५६ जनालाई छतबाट प्रहरीको सहयोगमा राति नै उद्धार गर्नुपरेको थियो। 

जिल्ला प्रहरी कार्यालय नै डुबानमा परेको थियो। शिक्षा कार्यालय, घरेलु उद्योग, नेपाली सेनासहितका दर्जनौं सरकारी कार्यालय र सयौं स्थानीय सर्वसाधरणका घर डुबानमा परेका छन्।

नदी अतिक्रमण नै डुबानको कारण

सामान्यतया परासी र सुनवल डुबानमै पर्ने क्षेत्र हो। तर, सामान्यतया केही क्षेत्र मात्रै डुबान हुन्थ्यो। तर, शुक्रबार भने निकै डरलाग्दो गरी परासी बजार क्षेत्र डुबानमा परेको हो। एक्कासि परासी क्षेत्रमा बाढी पस्नुमा खोला अतिक्रमण नै प्रमुख कारण रहेको जानकारहरु बताउँछन्।  झरहीमा आएको बाढी ओभरफ्लो हुँदा सुनवल र परासी बजार क्षेत्रसहित बस्तीसम्म बाढी पसेको हो। प्रमुख जिल्ला अधिकारी मिश्रले खोलाको बहाव क्षेत्रबाट बाढी ओभरफ्लो हुँदा बस्तीमा पसेको बताए।

‘बाढी बजार बस्तीमा पस्नुको कारण खोलाको बहाव क्षेत्र खुम्चिनु पनि हो’, रामग्राम नगरपालिकाका नगरप्रमुख गुप्ताले भने। उनले बाढी बस्तीमा पस्नुमा मानवीय अतिक्रमण कारक रहेको बताए। 

रूपन्देहीमा करिब हजार घर डुबानमा

रुपन्देहीको भैरहवा, तिलोत्तमा, मर्चवार तथा धकधई लगायतका दक्षिणका क्षेत्र डुबानमा पर्दा सयौं परिवारको बिचल्ली भएको छ। जिल्ला प्रहरी कार्यालय रुपन्देहीका अनुसार ९ सय ५० घरमा क्षति पुगेको छ। डुबानमा परेका ३७ जनालाई उद्धार गरिएको जिल्ला प्रहरी कार्यालय रुपन्देहीका प्रहरी नायब उपरीक्षक सत्यनारायण थापाले बताए।

रुपन्देहीकै रोहिणी गाउँपालिका वडा नम्बर १, ३ र ४ प्रभावित भएको छ। यी वडाका बस्तीमा पानी पस्दा अधिकांश घर  जलमग्न भएका छन्। घरहरु डुबानमा पर्दा घरभित्रका अन्न, लत्ताकपडा, घरपालुवा पशुपक्षी पनि प्रभावित भएका छन्। यस्तै वर्षाका कारण लुम्बिनी प्रदेशका बाँके, बर्दिया, दाङ र कपिलवस्तुमा पनि असर पारेको छ। 

लुम्बिनीका पहाडी भेगमा पहिरोको जोखिम छ भने तराईका जिल्ला डुबानमा परेका छन्। तिनाउ, दानव, वाणगंगा, नारायणी र राप्ती लगायतका नदीहरुमा पानीको सतह बढ्न सक्ने भएकाले सतर्क रहन प्रशासनले आग्रह गरेको छ।

दुई पुल भासिए

पूर्व–पश्चिम राजमार्गअन्तर्गतको बुटवल-नारायणघाट सडकको २ वटा पुल भासिएका  छन्। रुपन्देहीको देवदह नगरपालिका–७ स्थित घोडाहा खोलाको पुल  र पश्चिम नवलपरासीको  सुनवल नजिकै रहेको तुरियामायी पुल भासिँदा पूर्व–पश्चिम राजमार्ग अवरुद्ध भएको हो । घोडाहाको पुलको एउटा  र तुरियाको २ वटा पिल्लर धसिएका छन्।

पुल भासिनुमा  यातायात व्यवसायीले भारतीय ओभरलोड प्रमुख कारण भएको बताएका छन भने स्थानीयले ओभरलोडसँगै नदी र खोलामा अनियन्त्रित नदीजन्य पदार्थको दोहन पुल र सडकको दुरवस्था हुने गरेको औँल्याएका छन्।



सरकारले भारतीय ओभरलोड नियन्त्रण नगरेसम्म यस्ता पुलहरु भासिने र ध्वस्त हुने क्रम चलिरहने नेपाल ट्रक यातायात व्यवसायी महासंघका वरिष्ठ उपाध्यक्ष लोकराज पोखरेलले बताए।

नेपालका सडक र पुलको ३० टन लोड थेग्न सक्ने क्षमताका रहेको तर ९० टन सम्मको लोड लिएर भारतीय गाडी निर्बाध रुपमा गुडने गरेका कारण यो दयनीय अवस्था भएको हो। राष्ट्रिय राजमार्गमा तौलपुल कार्यविधिविपरीत ओभर लोड ढुवानी हुँदा सडक र पुल  जीर्ण हुने गरेको पश्चिमाञ्चल यातायात व्यवसायी समितिका महासचिव जितबहादुर भाटले बताए।

सडकदेखि ५ सय मिटर दुरी भन्दा टाढाबाट नदीजन्य पदार्थ निकाल्नुपर्नेमा त्यो पालना नहुदा पुलका पिल्लर भासिएको सडक डिभिजन कार्यालय बुटवलका प्रमुख जयलाल मरासिनीले स्वीकार गरे। उनले भासिएको पुलको मर्मत चाँडै गर्ने बताए।


प्रकाशित: August 27, 2021 | 21:22:35 काठमाडौं, शुक्रबार, भदौ ११, २०७८

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
लुम्बिनी

लुम्बिनीमा आचार संहिता लागू भएपछि निवर्तमान सांसदलाई सम्मान, एमालेले बहिष्कार गर्ने

स्थायी राजधानीमा रातारात सामान ओसारेर आलोचित लुम्बिनी प्रदेशसभाले निर्वाचन आचार संहिता लागू भएपछि सम्मान र शुभकामना आदान प्रदान कार्यक्रम गर्न लागेको छ।
नेपाल समय
लुम्बिनी

लुम्बिनीका विद्युतीय गाडीको यान्त्रिक परीक्षण असोज १५ देखि

असोज १५ देखि ५ दिनसम्म अफिसियल परीक्षणसमेत हुने गरी नि:शुल्क यातायात सेवा सञ्चालन गर्ने निर्णय गरिएको कोषका कोषाध्यक्ष ढुण्डीराज भट्टराई (सिद्धिचरण) ले जानकारी दिए।
नेपाल समय
लुम्बिनी

लुम्बिनी भ्रमणमा आएका पर्यटकलाई स्वागत

४३ औं विश्व पर्यटन दिवस लुम्बिनीमा पनि मनाइएको छ। लुम्बिनी विकास कोषसहित लुम्बिनी होटल संघ, लुम्बिनी पर्यटन व्यवसायी संघ लगायतका संस्थाहरुले लुम्बिनी भ्रमणमा आएका पर्यटकहरुलाई स्वागत गरेर दिवस मनाइएको हो।
नेपाल समय
लुम्बिनी

नागरिकता विधेयक रोकिँदा लाखौं अनागरिक भए: गृहमन्त्री

गृहमन्त्री बालकृष्ण खाणले राष्ट्रपतिले नागरिकता विधेयक रोकेर संविधानमाथि अतिक्रमण गरेको टिप्पणी गरेका छन्।
नेपाल समय
लुम्बिनी

कोहलपुरमा चाडपर्वका बेला चोरको बिगबिगीः प्रहरी निरीह, व्यवसायी त्रसित

एक महिनामै कोहलपुर नगरभित्रका १० वटा घर तथा पसलमा चोरी भएपछि स्थानीय त्रसित छन्। चाडपर्व भित्रिँदै गएका बेला चोरी बढिरहे पनि ढोकैमा रहेको प्रहरीले सुरक्षा दिन नसकेको नागरिकको गुनासो छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना