शुक्रबार, असार १७, २०७९
कुराकानी

म अन्य पार्टीमा जान्‍नँ, रेणु जितको कारण बलियो व्यवस्थापन हो : जगन्‍नाथ पौडेल

ज्योति अधिकारी  |  काठमाडौं, आइतबार, जेठ ८, २०७९

ज्योति अधिकारी

ज्योति अधिकारी

आइतबार, जेठ ८, २०७९, काठमाडौं

नेपाल समय

भरतपुर- चितवनको भरतपुर महानगरपालिकामा यतिबेला २० वडाको मतपरिणाम सार्वजनिक भइसकेको छ। हालसम्म्को मतगणना अनुसार नेपाली कांग्रेसले १२, एमालेले ५ वटा, एकीकृत समाजवादीले २ र नेकपा माओवादीले १ वडा जितेको छ। 

त्यस्तै मेयर पदका लागि सत्ता गठबन्धनकी उम्मेदवा नेकपा माओवादी केन्द्रकी रेणु दाहालले फराकिलो मतान्तर बनाएकी छन्। दाहालले नेकपा एमालेका उम्मेदवार विजय सुवदीलाई ८ हजारभन्दा बढीको मतान्तरले पछाडि पारेकी छन्। हालसम्म रेणु दाहालले ३८ हजार ६५५ मत ल्याएकी छन् भने सुवेदीले ३० हजार १६३ मत प्राप्त गरेका छन्। 

२०७४ को निर्वाचनमा मतपत्र च्यातिएपछि सबैको ध्यान तानिएको भरतपुरमा यसपटक नेपाली कांग्रेसबाट असन्तुष्ट भएपछि स्वतन्त्र उम्मेदवारी दिएका जगन्नाथ पौडेलका केन्द्र राजनीतिको ध्यान केन्द्रित भएको छ। सत्ता गठबन्धनले भरतपुर महानगरको मेयर रेणु दाहाललाई दिने निर्णय गरेपछि असन्तुष्ट बनेको पौडेलले आफ्नो उम्मेदवारी दिए। उनलाई उम्मेदवारी फिर्ता गराउन निकै प्रयास गरिए पनि सत्ता गठबन्धन सफल भएन। बरु पौडेलका कार्यकर्ताले उनलाई घरमा नै छेकेर राखि नेताहरुसँग भेट हुन दिएनन्। पौडेलले पनि आफ्नो अडानलाई छोडेनन् र चुनावी चिह्न भुँइकटहरको साथ निर्वाचनमा होमिए। 

तीनै पौडेलले २० वडाको मतगणना सकिँदासम्म १२ हजार ६४१ मत प्राप्त गरेका छन्। तर अझै आफूले अपेक्षा गरेभन्दा कम मत आएको उनी बताउँछन्। वैशाख २६ सम्म आफ्नो पक्षमा माहोल बनेको भए पनि निर्वाचनको मौन अवधिमा आर्थिक चलखेल हुँदा आफ्नो पक्षको माहोल गिजोलिएको उनको भनाई छ। 

आइतबार मतगणनास्थलमा भेटिएका उनै पौडेलसँग गरिएको कुराकानी :

हालसम्म तपाईंलाई प्राप्त भएको मतलाई कसरी लिनुहुन्छ? 

वैशाख २६ गतेसम्म मेरो एक किसिमको माहोल बनेको थियो। तर, जब निर्वाचनको मौन अवधि सुरु भयो, तब धेरै आर्थिक चलखेल भए। निर्वाचन आचारसंहिताहरु सबै उल्लंघन भयो। अहिले मलाई मत दिनेहरु लोकतन्त्रप्रति प्रतिबद्ध छन्। कांग्रेसका लागि जीवन समर्पित गर्नेहरु हुन्। मलाई मत दिनेहरु कांग्रेसका ब्याकवोनहरु हुन्। 

कांग्रेसका प्रमुख शक्तिका स्रोतहरु हुन्। यति धेरै जनताको समर्थन महानगरभित्र छ भने पक्का पनि यसले देशमा एक प्रकारको तरंग उत्पन्‍न गर्छ, म गौरावान्वित छु। मेरो विचारमा १८ हजारको हाराहारीमा मैले मत पाउँछु भन्‍ने लाग्छ। 

तपाईंलाई जति मानिसले मत हालेका छन्, उनीहरुको संरक्षण गरेर कसरी अगाडि बढ्नुहुन्छ? 

यो हाम्रो नीतिगत सैद्धान्तिक कुरा हो। पार्टी विरोधी कुरा होइन। पार्टीले ठिक बाटो समात्‍न पर्‍यो, पार्टीले आफ्नै लाइनमा हिँड्न पर्‍यो। पार्टीले पार्टीका कार्यकर्तालाई संरक्षण गर्नपर्‍यो। पार्टीले पार्टीका कार्यकर्ताको औकात, हैसियत, उनीहरुले पार्टीमा गरेको लगानी, पार्टीप्रतिको समर्पणको आधारमा पार्टीले निर्णय गरोस् भन्‍नका लागि मैले यो कदम चालेको हो। 

तपाईं लगायतलाई पार्टीले कारबाही गरिसकेको छ, आगामी दिनमा तपाईंका कार्यकर्ता पनि तितरवितर हुने हुन् की भन्‍ने लख काटिएको छ नि? 

यो कारबाहीको कुराबारे मैले भनिसकेकको छु। मैले पार्टीको आदेशको पालना गरेको छु र पार्टीले विधानको अधिनमा रहेर काम गर्नुपर्छ भन्ने मेरो मान्यता हो। त्यसैले मलाई यो कारबाहीको कुनै चिन्ता छैन। र कारबाहीको चिन्ता मेरो साथमा उभिएका साथीहरुलाई पनि छैन। किनकी कारबाहीको डरबाट धेरै साथीहरु  म बाट विमुख भए। 

चुनावको पूर्वसन्ध्यामा साथीहरुलाई कारबाही हुन्छ भनियो, धम्क्याइयो, एकप्रकारको प्रपञ्‍च रचियो पनि। केही साथीहरुले कारबाही भोगे पनि। मलगायत केही साथीहरुलाई सूचना आएको छ तर पत्र आएको छैन। म त्यसलाई कारबाही भन्दिनँ। त्यो एउटा हप्की-दप्की हो। गठबन्धनको पक्षमा आउ भन्नका लागि मात्रै मलाई तर्साइएको हो। कारबाही म मान्दिनँ। अर्को कुरा कारबाही हुन्छ भन्‍ने सन्देश दिएको भए पनि कारबाही भोग्न तयार भएर यी मान्छेहरु साथमा छन्, रहन्छन्, ती मान्छेहरु पनि कांग्रेसलाई बलियो बनाउने शक्तिको रुपमा हुन्छन्। 

हामी मुल पार्टी हौं र मुलधारमा छौं, हामीलाई अन्य पार्टीमा जान आवश्यक छैन। हँसिया हथौडाको प्रचार गरेर हिंड्नुभएका साथीहरु पनि आउने ठाउँ त यही हो नी। हँसिया हथौडालाई भोट हाल्ने  साथीहरु विस्तारै हाम्रोमा आउँछन्।  

उनीहरु अन्य पार्टीहरुमा पो जान्छन् कि? 

हामी किन अरु पार्टीमा जाने? हामी मुल पार्टी हौं र मुलधारमा छौं, हामीलाई अन्य पार्टीमा जान आवश्यक छैन। तपाईं हेर्दै जानुहोला हँसिया हथौडाको प्रचार गरेर हिंड्नुभएको छ, पछि आउने ठाउँ त यही हो नी। हँसिया हथौडालाई भोट हाल्ने  साथीहरु विस्तारै हाम्रोमा आउँछन्। तपाईले सुन्नुभएको होला फेरि बाम नेताहरुको दौडधुप सुरु भइसकेको छ। बाम–बाम एक ठाम भन्ने कुरा सुनिसकिएको छ यस्तो अवस्थामा कसरी बस्‍न सकिन्छ र? 

लगभग रेणुजीले चुनाव जित्‍नुभयो उहाँलाई बधाई दिनुपर्छ। उहाँको लोकप्रियता पनि होला, तर त्यो भन्दा बढी चुनावमा उहाँहरुको व्यवस्थापन धेरै बलियो देखियो। त्यसैको रिजल्ट हो आसन्‍न विजय।

बाम गठबन्धनको सम्भावना कत्तिको देख्नुहुन्छ?

यो स्वार्थप्रेरित गठबन्धन हो। यो कुनै नीतिगत गठबन्धन होलाजस्तो मलाई लाग्दैन। अब अहिले कांग्रेसले चुनाव जित्यो भन्‍ने कुरा छ। कांग्रेसले चुनाव जित्यो कि हार्‍यो, कति घाटा नाफा भयो भन्ने कुराको समीक्षा हुन्छ। बामपन्थी भन्नेहरुको बीचमा हुने गठबन्धनको पनि मुल उद्देश्य सत्तामा जाने हो। सत्तामा जानुमात्रै आजको राजनीतिको लक्ष्य हुनु हुँदैन। सत्तामा गएर के भयो त? यो कुरा गम्भीर हो। त्यसैले बाम गठबन्धन पनि स्वार्थ प्रेरित हो। 

भूइँकटहरले गठबन्धनको धेरै मत काट्छ भन्‍ने थियो, तर रेणुले निकै फराकिलो अग्रता बनाउनु भयो नि? 

रेणुलाई तीनतिरको मत गएको छ। कांग्रेसको, माओवादीको र एमालेको पनि मत गएको छ। सूर्यका धेरै मतहरु रेणुलाई गएका छन्। मलाई पनि चौतर्फी मत आएको छ। तर सोचेअनुसार आएन। 

अब लगभग रेणुजीले चुनाव जित्‍नुभयो उहाँलाई बधाई दिनुपर्छ। उहाँको लोकप्रियता पनि होला, तर त्यो भन्दा बढी चुनावमा उहाँहरुको व्यवस्थापन धेरै बलियो देखियो। त्यसैको रिजल्ट हो आसन्‍न विजय। उहाँलाई मेयर बनाउनका लागि सबैकुरा मिल्यो। रेणुलाई आएको मत केही प्रतिशत विकासको योगदान होला तर त्यो भन्दा ठूलो कुरा उहाँहरुको व्यवस्थान हो, त्यो धेरै राम्रो हो। 

तपाईंले मत काट्दा एमालेलाई घाटा लागेको हो? 

अब एमालेले भरतपुरको मेयरका लागि जितको आत्मविश्वास गुमाइसक्यो। मैले त मेरै मत ल्याएको हो। घाटा-नाफा कसलाई भयो भन्‍ने कुरामा म जान चाहन्‍नँ। मलाई आउने मतको प्रकृति हेर्नुभयो भने चौतर्फी छ र संवेदनशील मत मलाई आएका छन्। मलाई मत दिनेहरु जागरुक, चेतनशील छन्, उनीहरुको निष्ठाको राजनीतिको लागि पुरस्कारका दिनुपर्छ। 

अब तपाँइको यात्रा राजनीतिमा कस्तो हुनेछ? 

म त पार्टीलाई सुदृढ, संगठित बनाउनुपर्छ, पार्टीमा निष्ठाको कदर हुनुपर्छ भनेर राष्ट्रियस्तरमा संयोजनको रुपमा काम गर्नेछु। मेरो पार्टीसँग कुनै तिक्तता छैन। कुनै नराम्रो छैन, म समदूरीमा छु। मेरो व्यक्तिगत कुरा होइन। राजनीतिको लागि यो कदम चालेको हुँ। मलाई नजिक र टाढा हुनुपर्ने कारण छैन। 

 





प्रकाशित: May 22, 2022 | 18:45:42 काठमाडौं, आइतबार, जेठ ८, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

नाबालिगविरुद्ध २७ वर्षीया विवाहित महिलाको बलात्कार मुद्दा, तर अदालतले पत्याएन

बलात्कृत भएकी भनिएकी महिलाको घरमा टिभी मर्मत गर्न पुगेका नाबालिगले सहमतिमै शारीरिक सम्पर्क गरेको बयान दिएपछि जबर्जस्ती करणीको मुद्दामा न्यायाधीशले सुनाए अचम्मको फैसला।

श्रीमतीलाई भीरबाट लडाएर हत्या गर्ने निर्दयी श्रीमान्

गत असार ५ गते भएको घटना १० गते मात्र थाहा भएको थियो। लेकबहादुरले गत असार ५ गते बिहान घरमा कोही नभएको मौका छोपी श्रीमतीलाई कुटपिट गदै लखेट्दै जंगलतिर लगेको प्रहरी अनुसन्धानबाट खुलेको छ।

चन्द्रागिरिको जंगलमा हराएका तीन विदेशी भीरमा भेटिए

उक्त स्थान थानकोटबाट करिब सात किलोमिटर टाढा थानकोट–चित्लाङ सडकखण्ड नजिक रहेको प्रहरीले जनाएको छ।

...अनि पटक-पटक मर्ने प्रयास गरेकी थिइन् दिलमायाले

‘त्यसबेला मेरो छोरो पाँच वर्षको थियो। म माइतीको शरणमा गएको थिएँ। तर माइतीले पनि नहेरेपछि मर्छु भनेर बाबुलाई घरमै छोडेर जंगलभित्र गा'को थिएँ। तर जंगलमा ३ घन्टा रुँदैरुँदै बिताएर घर फर्किएँ। बच्चाले दुःख पाउँछ भनेर मर्न सकिनँ...

गायिका सुनार मृत्यु प्रकरण : प्रेमीले फालेको सल नालीमा भेटियो, पोस्टमार्टम रिपोर्ट कुर्दै प्रहरी

प्रहरीको प्रारम्भिक अनुसन्धानले गायिका सुनारको डिभोर्सपछि उनी श्रेष्ठसँग करिब डेढ वर्षयता ‘लिभिङ टुगेदर’मा बस्दै आएको देखिएको छ। नेपालटारस्थित उनको डेरामा श्रेष्ठको आउजाउ बाँक्लै थियो।

कांग्रेसभित्र यसरी 'फ्रन्ट डोर' ढकढक्याउँदैछन् विनोद चौधरी

म कांग्रेस एकदमै कमजोर भएको अवस्थामा प्रवेश गरेको हुँ। मेरो बाँकी राजनीतिक जीवन कांग्रेसमै बित्छ। कांग्रेसमै रहेर पार्टी र देशका लागि केही गर्ने हो। परिवर्तन ल्याउन भूमिका खेल्ने हो। म मेरो योजनामा असफल भएँ भने राजनीतिमा विश्राम लिएर आराम गरेर बस्छु।

गोर्खा सैनिकको सम्झनामा त्यो फोकल्यान्ड युद्ध

‘बिहानको १० बजेसम्म घाम देखिँदैन। जताततै तिखा चट्टान, ढुंगा र घासे मैदान। चार मोजा र बुट लगाउँदा सम्म नथेगिने चिसो। घरिपानी, घरि असिना, घरि हिउँ। रुखपात छैन, झारपात मात्र कस्तो ठाउँ होला!’

बालुवाटार पुगे नेकपा एसका तीन मन्त्री

स्वाथ्य तथा जनसंख्यामन्त्री विरोध खतिवडा, शहरी विकासमन्त्री रामकुमारी झाँक्री र श्रम, रोजगार तथा समाजिक सुरक्षा मन्त्री कृष्ण कुमार श्रेष्ठ आफूहरुको माग र अडान पुरानै भएको दोहोर्‍याउन बालुवाटार पुगेको स्रोतको दाबी छ। उनीहरुसँग निरा जैरुसहित केही सांसद पनि रहेको बताइएको छ।

नेपालबाट बेलायत जाने मौसमी कामदार बढे, सरकार भन्छ- ऐनले चिन्दैन

कोराना महामारीपछिको अर्थतन्त्रलाई ट्रयाकमा ल्याउन बेलायत सरकारले विभिन्न मुलुकबाट मौसमी रोजगारका लागि आवेदन मागिरहेको छ। तर नेपालको श्रम ऐनमा मौसमी रोजगारसम्बन्धी व्यवस्था नहुँदा नेपाली श्रमिकलाई अप्ठेरो पारिरहेको छ।

साडियो माने : धुलाम्य मैदानदेखि लिभरपुलको लोभलाग्दो रवाफसम्म

बाल्यावस्थादेखि बलसँगै लडिबुडी गरेका मानेले फुटबलमा पाएको जादूयी सफलतापछि जन्मथलो बम्बालीमा उम्रिँदै छन् सयौं मानेहरू।

थप समाचार

नेपाल समय
संवाद

प्रचण्डले ओलीको धोकाबाट प्राप्त ज्ञान बिर्सिनुहुन्‍न : विश्‍वप्रकाश शर्मा [अन्तर्वार्ता]

प्राइमरी इलेक्सन जस्तो गराएर भोटिङमार्फत पहिलो भएकोलाई उम्मेदवार बनाउने, दोस्रो भएकोलाई प्रचार समितिको संयोजक बनाउने खालको पद्धतिमा किन नजाने?
नेपाल समय
संवाद

बजेट पास हुनेबित्तिकै रुग्ण उद्योग सञ्चालनको मोडालिटी ल्याउँछौँ : दिलेन्द्रप्रसाद बडू [अन्तर्वार्ता]

निजी क्षेत्रले त सरकारले बनाइदिएको वातावरणमा आफ्नो उत्पादन गरेर निर्यात गर्छ। तर सरकारको लगानी रहेका रुग्ण तथा बन्द उद्योगलाई उपयुक्त मोडालिटी बनाएर सञ्चालन गर्ने सरकारको सोच हो। हामीले हेटौँडा कपडा उद्योग सञ्चालनबारेमा अध्ययन गरी मोडालिटीमा काम गरिरहेका छौँ।
नेपाल समय
संवाद

हरेक पार्टीसँग सरकारमा जाने हुटहुटी छ तर गएपछि के गर्ने योजना छैन

हरेक पार्टीलाई सरकारमा कसरी जाने भन्ने त थाहा हुन्छ तर निर्वाचन जितिसकेपछि के गर्ने भन्ने पार्टी संगठनमा कुरा चल्दैन। नेपालका राजनीतिक दलमा जुन प्रकारको पूर्वतयारी हुनुपर्ने हो त्यो एकप्रकारले निमिट्यान्न अवस्थामा रहेको छ।
नेपाल समय
संवाद

गाउँघरदेखि सहरसम्म विद्युतीकरण गरेर व्यापार घाटा कम गर्न सकिन्छ : राजेन्द्र मल्ल [अन्तर्वार्ता]

नीति कार्यक्रम घोषणाअघि अर्थशास्त्रीहरु यस वर्षको बजेट कार्यान्वयन हुन नसक्ने नभई सरल र सामान्य किसिमको ल्याउनुपर्ने बताइरहेका छन्।
नेपाल समय
संवाद

बजेटको मुख्य प्राथमिकता औद्योगिकरण हुनुपर्छ : विष्णुकुमार अग्रवाल [अन्तर्वार्ता]

अग्रवालले आगामी बजेटको नीति तथा कार्यक्रममा सरकारले औद्योगिकीकरणलाई प्राथमिकता दिनुपर्ने बताएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना