मंगलबार, मंसिर १३, २०७९

पैसाको बार्गेनिङ गर्ने प्रधानन्यायाधीशको काम छैन : पूर्णमान शाक्य [अन्तर्वार्ता]

दिलीप कुँवर  |  काठमाडौं, बिहीबार, फागुन ५, २०७८

दिलीप कुँवर

दिलीप कुँवर

बिहीबार, फागुन ५, २०७८, काठमाडौं

नेपाल समय
पूर्णमान शाक्य, अध्यक्ष (सर्वोच्च बार)

प्रधानन्यायाधीश चोलेन्द्रशमशेर राणाको राजीनामा माग गर्दै सर्वोच्च बार, नेपाल बार एसोसिएसन र विभिन्न कानुन व्यवसायीहरुले सय दिनभन्दा बढी आन्दोलन गरे। लगातार धर्नासमेत दिए। र पनि राणाले भने राजीनामा दिने कुनै छाँटकाट नै देखाएनन्। बरु उनले जबर्जस्ती संविधानको अपवाख्या गर्ने प्रयास गरे। 

सर्वोच्चभित्रै गुट चलाएको, मुद्दा जिताउन–हराउन पैसाको बार्गेनिङ गरेको, जिम्मेवारी पूरा गर्न नसक्नेजस्ता आरोप खेप्दै आएका राणाविरुद्ध पाँच दलीय गठबन्धनले महाभियोगको प्रस्ताव दर्ता गरेपछि भने उनको बहिर्गमन चाहनेहरुलाई ‘हाइसन्चो’ भएको देखिन्छ। 

यस्तो अवस्थामा सर्वोच्च बारका अध्यक्ष पूर्णमान शाक्यलाई नेपाल समयले ६ प्रश्न सोधेको छः  

१) राणामाथि महाभियोग लगाउन तपाईंहरुले पाँच दलीय गठबन्धनलाई गुहार्नुभएको हो? 

हो, हामीले दलहरुलाई गुहारेकै हौं। सुरुमा १७ बुँदे आरोप लगाएर आन्दोलन गर्दा हामीले सोचेका थियौं कि चोलेन्द्रले चार–पाँच दिनमै राजीनामा दिनेछन्। तर त्यसो भएन। सय दिनभन्दा बढी लगातार आन्दोलन र धर्ना दिँदा पनि उनले राजीनामा दिने छाँटकाट देखाएनन्। बरु संविधानमै नभएको अधिकार पनि जबर्जस्ती प्रयोग गरेर ज्यादती गर्न थाले। त्यसपछि हामीले पनि बाध्य भएर गठबन्धन दलहरुसँग हाम्रो माग राखेका हौँ। दलहरुले पनि त्यतिबेला तत्काल कुनै कदम चालेनन्। अहिले ढिलै भए पनि महाभियोगको प्रस्ताव दर्ता गरे। अहिले चोलेन्द्रको बहिर्गमन चाहनेहरु हामी सबै खुसी छौं। 

२) राणाले न्यायपालिकामा ज्यादती गरे भन्नुभयो, कस्ता ज्यादती हुन् र तपाईंहरुलाई अपच भयो? 

पहिलो कुरा त उनी एक नम्बरका भ्रष्टाचारी हुन्। हामीले लगाएको १७ बुँदे आरोपमा पनि यसबारे स्पष्ट छ। मुद्दाको सम्बन्धमा आफ्नै नातागोताहरुबाट पैसा बार्गेनिङ गर्ने पनि प्रधानन्यायाधीश हुन्छन् र?  पैसाको आधारमा मुद्दा जिताउने–हराउने, अदालतभित्रै गुटबन्दी गर्ने, बेञ्च गठन गर्दा सेटिङ मिलाउने प्रधानन्यायाधीशले कसरी न्यायालयको नेतृत्व गर्न सक्छन्? वास्तवमा न्यायपालिकाले त संविधानको रक्षा गर्ने हो। कार्यान्वयन गर्ने हो। तर राणाले त संविधान नै मिचेर राजनीतिक लसपस गर्ने, भागवण्डा खोज्ने काम गरे। 

यदि उनलाई राजनीति गर्ने सोख नै हो भने खुला राजनीतिमा जाउन् न। हामी खुशी–खुशी सम्मानसहित सहयोग गर्छौं। तर गलत प्रवृत्ति बोकेर किन न्यायपालिको नेतृत्वमा बसिरहन पाइँदैन। यसर्थ, हामीले आफ्नो दायित्व र भूमिका नै पूरा गर्न नसक्ने प्रधानन्यायाधीश चाहिँदैन भनेका हौं। 

 उनी एक नम्बरका भ्रष्टाचारी हुन्। हामीले लगाएको १७ बुँदे आरोपमा पनि यसबारे स्पष्ट छ। मुद्दाको सम्बन्धमा आफ्नै नातागोताहरुबाट पैसा बार्गेनिङ गर्ने पनि प्रधानन्यायाधीश हुन्छन् र?

३) यस्ता घटना र गतिविधिले त न्यायापालिकामाथिको विश्वास घटेन र?

केही हदसम्म न्यायपालिकामाथि प्रश्न गर्ने ठाउँ बनेकै हो। तर न्यायपालिकामा हुने सम्भावित दुर्घटनाबाट बच्न नै हामीले पनि चोलेन्द्रको बहिर्गमन चाहेका हौं। चोलेन्द्र प्रधानन्यायाधीश रहिरहँदा सर्वोच्च बार, न्याय परिषद् र न्याय सेवा आयोगका कुनै पनि बैठकले गति दिन सकेका थिएनन्। तर अब सुचारु हुनेछन्। तपाईंहरु यसमा ढुक्क हुनुहोस्। अहिले कामु प्रधानन्यायाधीशसहित कानुनमन्त्री, न्याय परिषद् र आयोगका सबै साथीहरु सकारात्मक नै छौं। 

४) संसद्मा राणामाथिको महाभियोग विफल भयो भने नि ? 

यो कुरा चाहिँ संसद्मै भर पर्छ। पाँच दलीय गठबन्धनले लगाएको महाभियोगमा २१ बुँदाका आरोपहरु छन्। यसबारे  ११ जनाको छानबिन समितिले प्रतिवेदन तयार गरेपछि संसद्मा मतदान होला नै। अहिले हामी पनि अन्योलमै छौं। के हुन्छ ठ्याक्कै भन्ने अवस्था छैन। यदि केहीगरी चोलेन्द्र फेरि न्यायापालिकामा फर्किहालेमा चाहिँ हामी उनीसँग बेञ्चमा बहस गर्दैनौं। बरु नयाँ आन्दोलनका कार्यक्रमहरु बन्न सक्छन्। 

५) राणासँग ‘बेञ्च सेयर’ गर्न तपाईंहरुलाई किन यत्रो टाउको दुखाइ त? 

जो मान्छेले न्यायपालिकाको नेतृत्वमा बसेर न्यायको निर्मम हत्या गर्ने प्रयास गरिरहेको छ, ऊसँग हामी कसरी बेञ्च सेयर गर्न सक्छौं? हामीहरु यतिसम्म स्पष्ट छौं कि चोलेन्द्रमाथिको महाभियोग सफल भए पनि वा विफल भए पनि राणासँग बसेर न्याय निरुपण गर्ने कुरामा हामी उनलाई कुनै पनि हालतमा स्वीकार्न सक्दैनौं।

६) नेकपा (एमाले)ले त प्रतिवाद गर्ने जनाइसक्यो, तपाईंलाई थाहा छैन र? 

मैले पनि सुनेको छु। संसद्मा एमाले पनि ठूलो दल नै हो। उसले ‘पोलिटिकल बेसिस’मा निर्णय लिनुपर्छ। 

कुनै व्यक्ति अयोग्य छ भने उसलाई हटाउन महाभियोग लगाउन पाउनु संवैधानिक अधिकार नै हो। तर महाभियोगले असर गर्यो भन्दैमा ‘काउन्टर’ दिन अर्को महाभियोग भन्ने चाहिँ संवैधानिक भावनाभित्र पर्दैन। यदि साँच्चिकै संसद्मा एमालेले महाभियोग विफल नै गराउन चाहेको हो भने पनि ११ सदस्यीय छानबिन समितिले बुझाएको प्रतिवेदनमा चोलेन्द्रलाई निष्कलकिंत हो, उसले भ्रष्टाचार गरेको छैन, विचौलियाहरुलाई राखेको छैन भन्ने कुरा प्रमाणित गर्नुपर्छ। नत्र, यी कुराहरु पनि प्रमाणित गर्न नसक्ने र महाभियोग पनि प्रतिवाद गर्छौं भन्नुको कुनै औचित्य छैन। 


यो पनि


प्रकाशित: February 17, 2022 | 18:45:39 काठमाडौं, बिहीबार, फागुन ५, २०७८

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
संवाद

सरकार कांग्रेसकै नेतृत्वमा बन्छ, जनताको चाहनालाई केन्द्रमा राख्ने छौं : प्रकाशशरण महत [अन्तरवार्ता]

नयाँ पीढीको अपेक्षामा खरो उत्रिनुपर्ने देखियो। पार्टी, व्यक्तिको लाभहानीभन्दा माथि उठेर देश र जनताको लाभ हानीमा ध्यान केन्द्रित गर्नुपर्छ। उच्च कर्तव्यनिष्ठताका साथ रातदिन आफ्नो जिम्मेवारीप्रति पूर्ण जिम्मेवार भएर काम गर्नुपर्छ। त्यसपछि यो निराशाको माहौल हटेर हामीप्रति विश्वासको वातावरण बन्ने छ।
नेपाल समय
संवाद

मतदानको निष्पक्षतामा असर पार्ने जो कोहीलाई पनि कारबाही हुन्छ : दिनेशकुमार थपलिया [अन्तर्वार्ता]

मतदान शुरू हुने दिनभन्दा ४८ घण्टा अघिदेखि अर्थात आज राति १२ बजेदेखि मतगणना सम्पन्न नभएसम्म मदिरा बिक्री वितरण तथा सेवन गर्ने/गराउने कार्यलाई पूर्ण रूपले निधेष गर्ने व्यवस्था मिलाउन जिल्ला आचारसंहिता अनुगमन समिति र स्थानीय प्रशासनलाई सक्रिय बनाइएको छ।
नेपाल समय
संवाद

मकवानपुरबासीको मन र मत पाउन प्रत्यक्ष चुनावमा होमिएकी हुँः महालक्ष्मी उपाध्याय [अन्तर्वार्ता]

मैले सांसदमात्रै बन्न उम्मेदवारी दिएकी होइन। सांसद बन्नकै लागि भए समानुपातिकको पहिलो नम्बरमा बस्थें। नेताहरूले समानुपातिकको सूचीमा बस्न आग्रह गरे पनि प्रत्यक्षतर्फ नै उम्मेदवार बन्ने अठोट लिएर मकवानपुरबासीको मन र मत पाउन चुनावी मैदानमा होमिएकी हुँ।
नेपाल समय
संवाद

शेरबहादुरजीले विश्राम लिनुपर्छ, प्रधानमन्त्री म बन्छु : शशांक कोइराला

मान्छेले राजनीति किन गर्छ? राजनीति गरिसकेपछि सबैभन्दा माथिल्लो तलामा जाने चाहना हुन्छ। त्यो चाहना मेरो पनि छ। म प्रधानमन्त्रीको बलियो उम्मेदवार पनि हो। पार्टीभित्र कुरा भइसकेको छैन तर म प्रधानमन्त्री बन्न बलियो दाबी गर्ने व्यक्ति हुँ।
नेपाल समय
संवाद

दलका घोषणापत्र बनाउने अर्थविद् लेखनदास मात्रै हुन् : डा. विमल कोइराला [अन्तर्वार्ता]

राजनीतिक दलले जारी गरेका घोषणापत्र वाचाकबुल र आश्वासन दिने तर काम नगर्नेहरूको फेहरिस्त मात्र हो। राजनीतिक दलहरूका बीचमा कति हावादारी गफ लेख्ने भन्ने प्रतिस्पर्धा चलिरहेको छ। जसले बढी हावादारी कुरा घोषणापत्रमा लेख्छ, उही जनताको बीचमा लोकप्रिय हुन्छ भन्ने भ्रम छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना