मंगलबार, माघ २४, २०७९

कामु प्रधानन्यायाधीश कार्कीलाई ७ प्रश्न, भन्छन्- चोलेन्द्र फर्केर आए हामी बेञ्च सेयर गर्दैनौं

दिलीप कुँवर  |  काठमाडौं, बुधबार, फागुन ४, २०७८

दिलीप कुँवर

दिलीप कुँवर

बुधबार, फागुन ४, २०७८, काठमाडौं

नेपाल समय

पाँच दलीय गठबन्धनले गत आइतबार प्रधानन्यायाधीश चोलेन्द्र शमशेर राणाविरुद्ध संसद्मा महाभियोगको प्रस्ताव दर्ता गरेपछि अहिले कायममुकायम प्रधानन्यायाधीशको जिम्मेवारी दीपककुमार कार्कीले सम्हालिरहेका छन्। 

कार्की उनै वरिष्ठ न्यायाधीश हुन्, जो पहिल्यैदेखि न्यायालयबाट राणाको बहिर्गमन चाहन्थे। त्यसो त, प्रमुख प्रतिपक्षी दल नेकपा (एमाले)ले भने राणाविरुद्धको महाभियोगको प्रतिवाद गर्ने धारणा राखिसकेको छ। यस्तो अवस्थामा संसद्बाट महाभियोग पास गराउन चाहिने दुई तिहाइ बहुमत जुटाउन गठबन्धनलाई पनि सकस नै देखिन्छ। 

अतः गठबन्धनसँगै मिलेर राणालाई फसाएको भन्ने आरोप खेपिरहेका उनै कामु प्रधानन्यायाधीश कार्कीलाई नेपाल समयले ७ प्रश्न सोधेको छः 

१) कायमुकायम नै सही, प्रधानन्यायाधीशको कार्यसम्पादन गर्ने तपाईंको रहर पूरा भएको हो? 

प्रधानन्यायाधीश बन्ने मेरो रहर होइन। र, प्रधानन्यायाधीशको पद खाली भएर मैले नेतृत्व गरेको पनि होइन। वरिष्ठ न्यायाधीशले कायममुकायम भएर काम गर्ने संवैधानिक व्यवस्था अनुसार अहिले अस्थायी नेतृत्व गर्नुपरेको हो। 

२) चोलेन्द्र शमशेर राणाको बहिर्गमन हुनुपर्छ भन्दै चर्को आवाज निकाल्ने तपाईं पनि त हो नि, हैन र? 

हो, म सधैं राणाको बहिर्गमनको पक्षमै थिएँ। तर, यो मेरो व्यक्तिगत तथा पारिवारिक अभ्यास होइन। हामी वरिष्ठ न्यायाधीश र अन्य न्यायाधीीशहरुको सामूहिक र साझा माग हो। संकटमा परेको न्यायालयलाई बचाउनै हामीले पहिलेदेखि नै राणाको बहिर्गमन हुनुपर्छ भन्दै आएका हौं। राणाले न्यायालयको कार्यसम्पादन तथा नेतृत्व सम्हाल्न सक्दैनन् भनेर सर्वोच्चका सबै न्यायाधीशहरुलाई थाहा छ। यसमा दुविधा नै छैन। 

३) भनेपछि पाँच दलीय गठबन्धनले लगाएको महाभियोगले त तपाईंहरुलाई ‘बढारेर फाल्नुपर्ने कसिंगर हावाले उडाइदियो’ भनेझैं भयो नि? 

पहिले यो कुरामा स्पष्ट हुनुहोस् कि मेरो स्थायी पद वरिष्ठ न्यायाधीश नै हो। तर अहिले मुलुकको परिस्थिति अनुसार मैले कायमुकायमको जिम्मेवारी सम्हालेको हुँ। राणाले न्यायपालिकाको नेतृत्व गर्न सक्दैनन् भन्ने जानेरै हामीले उनको बहिर्गमन माग गरेका हौँ। न्यायाधीशहरुको सर्वसम्मत सहमतिबाटै उठेको माग हो, यो। माग राख्न पाउनु हाम्रो अधिकार हो, राख्यौँ। तर, राणालाई नेतृत्वबाट हटाउने वा नहटाउने चाहिँ हाम्रो अधिकारभित्र पर्दैन। त्यो अधिकार संसद्मा देखिने दृश्यले तय गर्छ। र संसद् राजनीतिक थलो हो। के हुन्छ, हामीलाई पनि थाहा छैन। 

४) न्यायपालिका पनि राजनीतिबाट अछूतो छ र? 

तपाईं ढुक्क हुनुस्, न्यायालयमा अझै राजनीति छिरिसकेको छैन। तर राजनीति छिराउने प्रयासहरु धेरै भइरहेको छ। यदि न्यायपालिकाको नेतृत्वमा राणाजस्ता पात्रहरु रहिरहने हो भने न्यायपालिका, न्यायपालिका रहँदैन। 

५) तपाईं पनि पाँच दलीय गठबन्धनसँग मिलेको आरोप छ नि? 

यो कुरा बाह्य गफ मात्रै हो, पूरक तथ्य होइन। म अदालतसँग मात्र होइन, न्यायपरिषद् र न्याय सेवा आयोगसँग पनि जानकार नै छु। हाम्रो चाहना भनेको न्यायपालिका बचाउन राणाको बहिर्गमन हुनैपर्छ भन्ने मात्र हो। हाम्रो यो चाहनालाई पूरा गर्न राणाले राजीनामा दिनुपर्छ। वा अर्को विकल्प भनेको महाभियोग लगाएरै हो, जुन अहिले संसद्मा दर्ता भएको छ। गठबन्धनका दलहरुको अभ्यास र हाम्रो चाहना संयोगले मिलेको मात्र हो। एकै पक्ष भएर लागेका होइनौं। मिलेका होइनौं।

६) नेकपा (एमाले)ले प्रतिवाद गर्ने जनाएपछि संसद्को अकंगणित अनुसार महाभियोग पास हुन पनि सकस नै देखिन्छ, यदि राणा फर्किए भने? 

वास्तवमा हामी अहिले ‘पर्ख र हेर’को अवस्थामै छौं। राणामाथि लागेको महाभियोग संसद्बाट पास भए त ठिकै छ, तर यदि महाभियोग पास नभएर फर्किएमा हामी राणासँग बेञ्च सेयर गर्दैनौ। अन्य न्यायाधीश र कानुन व्यवसायीहरुसँग फेरि छलफल गरेर अघि बढ्छौं। 

७) अबको निकास के त? 

निकासको बाटो सिधा छ– कि राणाले आफैँ राजीनामा दिने, कि उनीमाथिको महाभियोग पास गरेर हटाउने। 


प्रकाशित: February 16, 2022 | 18:03:16 काठमाडौं, बुधबार, फागुन ४, २०७८

तपाईं को प्रतिक्रिया

ट्रेंडिंग

अनाथालय प्रमुख नै बलात्कारी !

बालिका बलात्कारको आरोपमा चन्द गत माघ १७ गते अनाथालयबाटै पक्राउ परेका हुन्।

सरकारबाट बाहिरिएका रास्वपाका मन्त्रीले किन गरेनन् पत्रकार सम्मेलन?

राष्ट्रिय स्वतन्त्र पार्टी (रास्वपा) आइतबार नै सरकारबाट बाहिरिसकेको छ।

संसद् भवन अगाडि भिख माग्दै बालिका

अकासेपुलमा भिख माग्नका लागि राखिएकी एक अबोध बालिका

मिडियामाथि आक्रोशित रविले जे बोले…

आइतबार सरकारमा रहने वा बस्ने विषयमा भएको छलफलमा पार्टीले सरकारबाट बाहिरिने निर्णय गरेको छ। सरकारबाट बाहिरिने निर्णय सुनाउँदै पत्रकार सम्मेलन गरेका रविले भने सबै झोंक मिडियामाथि पोखेका छन्।

आउने चुनावमा बहुमत ल्याएर प्रधानमन्त्री हुन्छु: रवि

राष्ट्रिय स्वतन्त्र पार्टीका सभापति रवि लामिछानेले आगामी चुनावमा आफ्नो पार्टीले बहुमत ल्याउने र आफू प्रधानमन्त्री हुने उद्घोष गरेका छन्

नारायणकाजीसँग मन्त्रालय साटफेरको चर्चा, मान्लान् रवि?

राष्ट्रिय स्वतन्त्र पार्टी सरकारमा रहने कि बाहिरिने चर्चा चलिरहेको समयमा सत्ता गठबन्धन दलभित्र पार्टी सभापति रवि लामिछानेलाई भौतिक पूर्वाधार मन्त्रालय दिएर मनाउने तयारी भएको बताइएको छ।

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

थप समाचार

नेपाल समय
संवाद

लुम्बिनीको समृद्धिका आधार तयार पारिसकेका छौं: मुख्यमन्त्री गिरी [अन्तर्वार्ता]

मुख्यमन्त्रीमा नियुक्त भएपछि माघ ५ गते प्रदेशसभाबाट विश्वासको मतसमेत लिएपछि उनले केही दिनमै सरकारलाई पूर्णता दिने तयारी गरेका छन्।
नेपाल समय
संवाद

आगामी आर्थिक वर्ष ठूला र नयाँ आयोजना ल्याउन सकिँदैनः डा. मीनबहादुर श्रेष्ठ [अन्तर्वार्ता]

जनताको पक्षमा देखिने गरी काम गर्ने लक्ष्यका साथ मुलुकको कार्यकारी प्रमुखको जिम्मेवारी सम्हालेका प्रचण्ड नेतृत्वको सरकारलाई सफल बनाउने दायित्व अब डा श्रेष्ठलगायतको विज्ञ समूहलाई छ।
नेपाल समय
संवाद

विमान र चालकलाई दोष दिने होइन, नियामक बलियो हुनुपर्छः वरिष्ठ क्याप्टेन कुमार पाण्डेय [अन्तर्वार्ता]

अख्तियारका आयुक्त नै जेल पर्ने देश हो नेपाल। आकाश र पाइटललाई मात्र दोष दिएर हुँदैन। सरकारले पार्टीका झोलेहरूलाई राजनीतिक नियुक्ति दिने नभई सक्षम व्यक्तिलाई नियामक निकायमा जिम्मेवारी दिनुपर्छ।
नेपाल समय
संवाद

विज्ञताका हिसाबले स्वास्थ्य मन्त्रालय मैले नै पाउनुपर्छ: डा. तोसिमा कार्की [अन्तर्वार्ता]

आम मानिसले तपाईंले स्वास्थ्य बुझ्नुभएको छ, तपाईंले नै स्वास्थ्य मन्त्रालय चलाउनुपर्छ भनेर भनिरहेका छन्। मलाई जनताले अनुमोदन गरेर संसद्मा पठाउनुभएको छ। मेरो स्वास्थ्यको नारा नै त्यही हो।
नेपाल समय
संवाद

प्रचण्डलाई प्रधानमन्त्री दिन कांग्रेस तयार थियो, उहाँ नै बेइमान निस्किनुभो: प्रकाशशरण महत [अन्तर्वार्ता]

कांग्रेसको लचिलोपनलाई प्रचण्डले हतियार बनाउनुभयो, जुन राजनीतिक बेइमानी थियो। जनताको नजरमा कम्युनिस्टहरूको विचार भन्ने चीज जनतालाई भ्रममा पार्ने हतियार रहेछ भन्ने उदाहरण प्रचण्डजीले फेरि पनि पुष्टि गरिदिनुभएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना