बिहीबार, माघ १९, २०७९

अधुरै रह्यो प्रचण्ड र रविलाई भेट्ने प्रेमको चाहना

ज्योति अधिकारी  |  काठमाडौं, बुधबार, माघ ११, २०७९

ज्योति अधिकारी

ज्योति अधिकारी

बुधबार, माघ ११, २०७९, काठमाडौं

नेपाल समय
मंगलबार बेलुकी प्रेमलाई भेटेर स्वास्थ्य राज्यमन्त्री तोसिमा कार्कीले स्वास्थ्यवस्था बुझेकी थिइन्।

काठमाडौं- इलामका प्रेम आचार्यले मंगलबार नयाँ बानेश्वरमा आत्मदाहको प्रयास गरे। संघीय संसद् भवन अगाडि उनले आफ्नै शरीरमा आगो लगाए। प्रहरी र वरपरका मानिसको सहयोगमा केही बेरमा उनको शरीरको आगो त निभाइयो तर त्यतिन्जेल शरीरको ८० प्रतिशत भाग जलिसकेको थियो।

पछि उनलाई उपचारका लागि कीर्तिपुरस्थित कीर्तिपुर बर्न अस्पतालमा लगियो। उनको शरीरको अगाडिपट्टिको भाग बढी जलेको थियो। गम्भीर अवस्थामा उपचार गर्दै गर्दा बुधबार बिहान उनको निधन भएको डा. किरण नकर्मीले जानकारी दिए।

आचार्यले फेसबुकमा लामो स्ट्याटस लेखेर मंगलबार आत्मदाहको प्रयास गरेका थिए। आफूले गरेको कर्मबाट केही उपलब्धि हात पार्न नसकेको, देशमा पढ्दा, जागिर खाँदा, व्यापार गर्दा, रोजगारीका लागि विदेश जाँदा धेरै समस्या भोगेको भन्दै निराशा व्यक्त गरेका उनले नयाँ सरकारका केही प्रतिनिधिलाई सम्बोधन नै गरेर स्ट्याटस लेखेका थिए। सोही नामको लिस्टमा स्वास्थ्यराज्यमन्त्री तोसिमा कार्कीको नाम थियो। 

मंगलबार साँझ करिब ८ बजे स्वास्थ्य राज्यमन्त्री डा. तोसिमा प्रेमको स्वास्थ्यवस्थाा बुझ्न बर्न हस्पिटल पुगेकी थिइन्। अस्पतालको बेड नम्बर ४०७ मा थिए प्रेम आचार्य। उनलाई पूर्णरुपमा अक्सिजन दिइएको थियो। तोसिमा पुग्दा प्रेमको होस् थियो। उनी बोल्न सक्ने अवस्थामा थिए। चिकित्सकसँग उनको स्वास्थ्यवस्थाबारे बुझेपछि राज्यमन्त्री तोसिमाले प्रेमसँग कुरा गरेकी थिइन्।

कार्कीले प्रेमलाई भनेकी थिइन्, 'प्रेम दाइ म तोसिमा कार्की।' 

प्रेमले जवाफ फर्काएका थिए, 'म चिन्छु।' यति भनिसकेपछि प्रेम एकोहोरो बोलिरहे। आफ्नो स्ट्याटसमा लेखिएका कुरा दोहोर्‍याए।

स्वास्थ्यराज्यमन्त्री कार्कीले भनिन्, 'किन यस्तो गर्नुभएको? हामी थियौं, राज्य थियो नि।'

उनले जवाफ थियो, 'कसैले सुन्दैनन्, कसैले सुन्दैनन्।'

तोसिमाले भनिन्, 'हाम्रो नयाँ सरकार बनेको थियो, हामीले केही न केही उपाय खोज्थ्यौं, यस्तो गर्नुहुन्थेन।'

बोलिरहँदा आँखा बन्द थियो, तोसिमाले आँखा खोल्न आग्रह गरिन्, उनले आँखा खोले। अनि भने, 'मलाई निकै दुखेको छ।'

तोसिमाले चिकित्सकसँग प्रेमलाई पेन फ्री राख्न आग्रह गरिन्। केहिबेर चिकित्सकसँग उनको स्वास्थ्य अवस्थाबारे जानकारी लिइन्, उपचारमा कुनै कसुर बाँकी नराख्न भनिन्।

उपचारका संलग्न चिकित्सक सुरेन्द्रजंग बस्नेतले तोसिमासँगको ब्रिफका क्रममा भनेका थिए, 'उहाँको शरीरको ८० प्रतिशत भाग जलेको छ। अहिले बोल्न सके पनि अवस्था चिन्ताजनक हो।' 

निस्कने बेलामा तोसिमाले प्रेमलाई भनिन्, ‘डाक्टर सावहरू यहाँ हुनुहुन्छ, नआत्तिनुस्, केही परेमा हामी गछौं।’ 

तोसिमाले  यति भन्दै गर्दा प्रेमले भने, ‘मलाई भेट्न रवि सरलाई पनि यहाँ पठाइदिनुस्, प्रचण्ड सरलाई पनि पठाइदिनुस्। मलाई यहाँ हुँदैन भने घरमा लैजानुस्।'

तोसिमाले प्रेमलाई सान्त्वना दिँदै भनिन्, 'हामी छौं त नआत्तिनुस् तपाईंलाई ठिक हुन्छ।’

प्रेमलाई ठिक भएन। र, रवि-प्रचण्डलाई भेट्ने उनको अन्तिम चाहना पनि पुरा हुनसकेन।

यो पनि

यो पनि

यो पनि

यो पनि


प्रकाशित: January 25, 2023 | 08:05:57 काठमाडौं, बुधबार, माघ ११, २०७९

तपाईं को प्रतिक्रिया

ट्रेंडिंग

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

एकीकृत समाजवादीले प्रधानमन्त्रीलाई ज्ञापनपत्र बुझाउने

देशको आर्थिक अवस्था नाजुक भएको भन्दै एकीकृत समाजवादीले यसलाई सुधार्न प्रधानमन्त्रीको ध्यानाकर्षण गराउन लागेको हो।

सिंहदरबार ताक्ने रवि लामिछानेको योजनामा माओवादीको अवरोध

आइतबारको बालुवाटार जमघटमा एमाले अध्यक्ष केपी ओलीले गृहमन्त्रीमा लामिछानेलाई नियुक्त गर्न र गठबन्धनको मर्मअनुसार चल्न सुझाए पनि सोमबारको माओवादी पदाधिकारी बैठकले गृह मन्त्रालय नछाड्न र रविलाई गृहमन्त्री नबनाउन दबाब दिएपछि अलमलमा प्रधानमन्त्री प्रचण्ड।

प्रधानमन्त्रीलाई भेटेपछि गभर्नरसँग छलफल गरे मेयर बालेनले

निजी सम्पत्तिमा महानगरले क्षति पुर्‍याएको भन्दै आन्दोलनसमेत भइरहेको छ। यस्तो अवस्थामा मेयरले संघीय सरकारबाट हुनुपर्ने सहयोगको अपेक्षासमेत राखिरहेका छन्।

आत्मदाह प्रयास गरेका पुरुषलाई बचाउँदा घाइते भएकी महिलाको मृत्यु

पोखरा महानगरपालिका-१३ काहूँखोलामा आइतबार एक व्यापारिले आत्मदाह प्रयास गरे। घर वहालमा बसेका युवकले शरीरमा आगो लगाउन खोजेपछि घरबेटीले डेरावाल युवकलाई बचाउन खोजेकी थिइन्।

थप समाचार

नेपाल समय
स्वास्थ्य/जीवनशैली

बुस्टर डोज ल्याउने योजना बनाउन स्वास्थ्यमन्त्रीको निर्देशन

विभागमा आयोजित कार्यक्रममा बोल्दै मन्त्री गिरीले कोभिड संक्रमणको जोखिमबाट बच्नका लागि बुस्टर डोजको व्यवस्था चाडैं गर्नुपर्ने बताए। उनले बुस्टर डोज ल्याउनेबारे योजना बनाउन विभागका कर्मचारीहरुलाई निर्देशन दिए।
नेपाल समय
स्वास्थ्य/जीवनशैली

मोरङमा फागुन ११ देखि हात्तीपाइले रोग विरुद्धको औषधि खुवाइने

१५ दिन सम्म अभियान सञ्चालनका लागि स्वास्थ्य कार्यालय मोरङले बुधबार जिल्ला स्तरिय योजना तर्जुमा गोष्ठि गरेको छ।
नेपाल समय
स्वास्थ्य/जीवनशैली

धनगढीका दुई बालबालिकामा देखियो दादुरा

धनगढी उपमहानगरपालिका वडा नम्बर १ स्थित पशुपति टोलका दुई बालबालिकामा दादुरा पुष्टि भएको हो।
नेपाल समय
स्वास्थ्य/जीवनशैली

औषधी व्यवसाय दर्ता, नवीकरणलाई झन्झटिलो नबनाउन स्वास्थ्यमन्त्रीको निर्देशन

मन्त्री गिरीसहितको टोलीले औषधी व्यवस्था विभाग र राष्ट्रिय औषधी प्रयोगशालाका विभिन्न शाखा र महाशाखा अनुगमनका क्रममा विभागलाई दर्ता, नवीकरण सहज बनाउन निर्देशन दिएको हो।
नेपाल समय
स्वास्थ्य/जीवनशैली

सरकारी अनुदानमा स्वास्थ्य संस्थाको रजाइँ, गुपचुप पारिन्छन् हिसाब

धुलिखेल अस्पताल, नेपाल चिकित्सक संघ, नेपाल अर्थोपेडिक अस्पताल जोरपाटी, सुष्मा कोइराला मेमोरियल अस्पताल, मनमोहन सामुदायिक अस्पताललगायतले अघिल्ला वर्षमा बेरुजु फस्र्याेट नगरे पनि नियमित अनुदान लगेको महालेखाको प्रतिवेदनमा उल्लेख छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना