सोमबार, साउन ३०, २०७९

कोरोना उपचारका लागि टेकु पुगेका बिरामीलाई फिर्ता पठाउँदै अस्पताल

ज्योति अधिकारी  |  काठमाडौं, बिहीबार, साउन १९, २०७९

ज्योति अधिकारी

ज्योति अधिकारी

बिहीबार, साउन १९, २०७९, काठमाडौं

नेपाल समय

काठमाडौं- कोरोना संक्रमणको पहिलो, दोस्रो र तेस्रो लहरमा देशभरका अस्पतालबाट बिरामीहरु टेकुस्थित शुक्रराज ट्रपिकल तथा सरुवारोग अस्पतलामा पुगे। सरकारले पनि शुक्रराज अस्पताललाई कोभिड डेडिकेटेड अस्पतालको रुपमा तोकेको थियो। अस्पतालले  शय्याको क्षमता विस्तार गर्‍यो, ल्याब विस्तार गर्‍यो।

अस्पतालमा आएका बिरामीलाई फिर्ता नपठाइ उपचार गर्‍यो। देशभरका अस्तपालहरुले अक्सिजनको अभावका कारण बिरामीलाई अन्य अस्पतालमा रेफर गरिरहँदा टेकु अस्पतालले भने अस्पतालको प्रांगणमा राखेरै पनि उपचार गर्‍यो।

नेपालमा कोरोनाको पहिलो र दोस्रो संक्रमितको टेकु अस्पतालमा नै उपचार भएको थियो। कोरोनाको अघिल्ला लहरमा टेकु अस्पतालले दिएको सेवा उदाहरणीय रहेको थियो। कोरोना महामारी अगाडि जम्मा ६० शय्यामा सञ्‍चालनमा रहेको टेकु अस्पताल हाल सय शय्याभन्दा बढी क्षमतामा सञ्‍चालित छ। 

यतिबेला देशमा कोरोनाको चौथो लहर सुरु भएको छ। दैनिक ७ सयभन्दा माथि कोरोना संक्रमितहरु थपिँदै छन्। यस्तो समयमा सोही शुक्रराज असस्पतालले बिरामीलाई फिर्ता गर्न थालेको छ। कोरोना संक्रमण सुरु भएदेखि नै देशभरका अस्पतालबाट रिफर भएर पुग्‍ने टेकु अस्पतालमा अब भने टेकुबाट अन्यन्त्र जानुपर्ने अवस्था आएको छ।

अस्पतालमा आवश्यक जनशक्ति नहुँदा शुक्रराज ट्रपिकल तथा सरुवारोग अस्पतालमा उपचारका लागि पुगेका बिरामीलाई फिर्ता पठाउन थालिएको छ। उपचारका लागि आवश्यक जनशक्ति नहुँदा बिरामीलाई फिर्ता पठाउन बाध्य भएको अस्पतालका सूचना अधिकारी नवराज गौतमले बताए। 

पछिल्लो समय कोभिड १९ संक्रमण बढेसँगै अस्पतालमा दैनिक उपचारका लागि जाने कोभिड संक्रमितहरु बढ्न थालेका छन्। तर अस्पतालले भने अस्पतालले उपचार गर्न नसक्ने भन्दै बिरामीलाई अन्य अस्पतालमा रिफर गर्न थालेको छ। सूचना अधिकारी गौतमका अनुसार अहिले उपचार गर्न आएकामध्ये गम्भीर प्रकारका बिरामीलाई वीर अस्पतालामा रेफर गरिएको छ। 'गम्भीर प्रकारका बिरामीलाई भर्ना गर्नुपर्छ तर त्यसको लागि जनशक्ति चाहिन्छ, हामीसँग जनशक्ति छैन, आईसीयू भए पनि जनशक्ति छैन। त्यसैले भर्ना गर्नुपर्ने अवस्थाका बिरामीलाई हामीले वीर अस्पताल रेफर गरेका छौं,’ गौतमले नेपाल समयसँग भने। 

गौतमका अनुसार अस्पतालमा हाल दैनिक ६÷७ जना कोभिड संक्रमित अस्पतालक पुग्‍ने गर्छन्, मध्यम खालका बिरामीलाई अस्पतालमा उपचार गरे पनि गम्भीर बिरामीलाई भने वीर अस्पतालमा रेफर गरिएको छ। 

कोरोना संक्रमण सुरु भएसँगै स्वास्थ्य तथा जनसंख्या मन्त्रालयले कोभिड उपचारका लागि कोभिडका लागि तोकिएका अस्तपालहरुमा चिकित्सक, नर्स, कार्यालय सहयोगी लगायतका स्वास्थ्यकर्मीहरु करारमा राख्नका लागि स्वीकृति दिएको थियो। सोही अनुसार शुक्रराज अस्पताललाई पनि मन्त्रालयले ७४ जनाको स्वीकृति दियो। उनीहरुमध्ये ६६ जना अस्पतालमा कार्यरत थिए। तर सरकारले साउन १ गतेदेखि करारमा राखिएका सबै कर्मचारीलाई हटाउने निर्णय गर्‍यो।

सोही अनुसार साउन १ गतेदेखि कोभिडको समयमा राखिएका सबै कर्मचारीहरु अस्पतालहरुले हटाएका छन्। तर कोरोना संक्रमणको चौथो लहर सुरु भएसँग बिरामीको संख्या बढ्न थालेपछि अस्पतालहरुमा समस्या देखिन थालेको हो। शुक्रराज अस्पतालमा पनि सो निर्णयले एकैपटक ६६ जना कर्मचारी कटौती भएपछि उपचारमा समस्या भएको सूचना अधिकारी गौतम बताउँछन्। गौतमका अनुसार अस्पतालका ३ चिकित्सक, रेडियोग्राफर २, ल्याब टेक्निसियन ५, हेल्थ असिस्टेन्ट ५, नर्सिङ अधिकृत १, स्टाफ नर्स १९, बायो मेडिकल टेक्निसियन १, सहचालक २, कार्यालय सहयोगी ३० जना र अन्य २ जना करारका कर्मचारी कटौती भएका छन्। 

स्वास्थ्य तथा जनसंख्या मन्त्रालयका कर्मचारी प्रशासन प्रमुख मदन भुजेलका अनुसार अस्पतालमा जनशक्ति थप्‍न लागिएको बताए। भुजेलका अनुसार अस्पतलाले ७२ जनाको करार स्वीकृति गरिदिनका लागि अनुरोध गरेको छ। सोही अनुसार अस्पतालले अस्पतालले आन्तरीक स्रोतबाट तलब खुवाउनेगरी उक्त जनशक्ति स्वीकृत गर्न लागेको छ। 'एक दुईदिनभित्रै यस समस्याको समाधान हुन्छ,' भुजेलले भने। 

भुजेलका अनुसार टेकु अस्पतालमा थपिएको सेवाका लागि आवश्यक जनशक्ति थप गर्ने तयारी भइरहेको छ। 

कोरोना संक्रमण बढ्न थालेपछि सरकारले देशभरका १७ अस्पताललाई कोभिड डेडिकेटेड अस्पतालको रुपमा तोकेको छ। यसभन्दा अगाडि कोभिडको समयमा अस्पतालहरुमा करारमा राखिएका कर्मचारीहरु कटौती भएका छन्।  यदि उक्त अस्पतालहरुमा जनशक्ति अभावका कारण उपचार हुन नसक्ने अवस्था आएमा पुन करारमा कर्मचारी राख्‍न सकिने भुजेलले बताए।


प्रकाशित: August 4, 2022 | 19:30:34 काठमाडौं, बिहीबार, साउन १९, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

तालाबन्दी र तोडफोडले बिगारेको त्रिवि : माग एउटा, नियत अर्कै!

पछिल्लो समय भने तालाबन्दी राजनीतिक पाटोसँग भन्दा पनि लेनदेनको पाटोसँग जोडिएको उपप्राध्यापक रेशम थापा बताउँछन्। ‘पहिला राजनीतिक कारण हुन सक्थ्यो। तर, हिजोआज यो बिल्कुल आर्थिक पाटोसँग जोडिएको छ। लनेदेनको कुरा मिले ताला खुल्छ। नत्र लागिबस्छ,’ थापाले भने।

नयाँ तलबमान र ग्रेड लागू गर्ने मन्त्रिपरिषद्को निर्णय

सरकारले सबै राष्ट्र सेवक कर्मचारीहरूको नयाँ तलबमान र ग्रेड स्वीकृत गरेको छ।

यी ३२ निर्वाचन क्षेत्र, जहाँ गठबन्धनलाई पर्न सक्छ सिट बाँडफाँटमा सकस

२०७४ मा बाम गठबन्धन बनाएर संघीय सांसद भएकाहरू दल बदल र पाँच दलीय गठबन्धनभित्र समेटिएपछि आउँदो चुनावमा कांग्रेसका आकांक्षी उम्मेदवार र सत्ता साझेदार दलका नेताहरू आ–आफ्नो दाबीसहित टिकटका लागि दौडधुप गर्दै छन्।

यी कांग्रेस नेता जो अहिले गुमनाम छन्

गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।

निहारिकाद्वारा शीतलनिवास अगाडि आत्मदाहको प्रयास, जनकपुर उच्च अदालतमा विचाराधीन छ बलात्कार मुद्दा

जबरजस्ती करणी मुद्दामा न्याय माग्दै अनसनरत निहारिका राजपूतले राष्ट्रपति निवासअघि आत्मदाहको प्रयास गरेकी छन्।

केसी-महत विवादले माओवादीलाई हुन सक्छ फाइदा, नुवाकोटमा कसरी मिल्ला बाँडफाँट?

नुवाकोट-१ माओवादीलाई छाड्नु परे त्यसमा हितबहादुर तामाङ उम्मेदवार बन्ने सम्भावना प्रबल छ। नुवाकोट-२ कांग्रेसले लिँदा केन्द्रीय सदस्य बहादुरसिंह लामालाई उमेदवार बनाउने चर्चा पनि नुवाकोटमा छ।

कैलालीमा आरजुलाई आउँदो चुनाव कति सहज?

२०७४ को निर्वाचनमा राणालाई हराउन भूमिका खेलेको भन्दै कैलाली कांग्रेसका पुराना नेता पुष्करनाथ ओझालाई कांग्रेसले अनुशासनको डन्डा बर्साएपछि बूढानीलकण्ठसँग बदला लिने असन्तुष्टहरूको संख्या पनि ठूलै छ।

आफ्नै कारण राजनीतिबाट 'किनाराकृत' हुँदैछन् वामदेव

कुनै बेला राजनीतिको केन्द्र भागमा रहेका वामदेव गौतम नेकपा एकता राष्ट्रिय अभियानले गरेको कारबाही र तत्काल वाम एकता नहुने संकेतसँगै राजनीतिक संकटमा भासिँदै छन्।

कालीबाबाले भेटे पूर्वराजा ज्ञानेन्द्रलाई

भारतमा बसोबास गर्ने नेपाली मूलका साधु काली बाबाले नेपाल आएर पूर्वराजा ज्ञानेन्द्र शाहसँग भेट गरेका छन्।

प्रतिनिधिसभा निर्वाचन : देउवासँग किन नाम जोड्न चाहँदैनन् कर्ण मल्ल?

उनी नेकपा एमालेको समर्थनमा कांग्रेस बीपीबाट उम्मेदवार बन्न सक्ने धेरैको आकलन छ। मल्लले नेपाल समयसँग कुरा गर्दै प्रदेशसभामा निर्वाचन नलड्ने बताए। यसले उनी संघीय चुनाव लड्ने पक्का भएको छ।

थप समाचार

नेपाल समय
स्वास्थ्य/जीवनशैली

स्वास्थ्य बिमाबारे क्याबिनेटमा छलफल भइरहेको छ, चाँडै टुंगो लाग्छ : मन्त्री खापुङ

स्वास्थ्यमन्त्री भवानीप्रसाद खापुङले स्वास्थ्य बिमा कार्यक्रमका विषयमा पछिल्लो विवाद चाँडै समाधान हुने बताएका छन्। नेपाल उद्योग वाणिज्य महासंघले आयोजना गरेको स्वास्थ्य बिमा सम्बन्धी कार्यक्रममा मन्त्री खापुङले यस्तो बताएका हुन्।
नेपाल समय
स्वास्थ्य/जीवनशैली

स्वास्थ्य अनुसन्धान परिषदद्वारा प्राविधिक कर्मचारी माग

नेपाल स्वास्थ्य अनुसन्धान परिषद्ले प्राविधिक जनशक्ति माग गरेको छ।
नेपाल समय
स्वास्थ्य/जीवनशैली

कोभिड अपडेट : ४५५ जना संक्रमित थपिए, दुईको मृत्यु

पछिल्लो २४ घण्टामा देशभर ४५५ जनामा कोरोना भाइरसको संक्रमण पुष्टि भएको छ।
नेपाल समय
स्वास्थ्य/जीवनशैली

२४ घण्टामा २६३ कोरोना संक्रमित थपिए, दुई जनाको मृत्यु

स्वास्थ्य तथा जनसङ्ख्या मन्त्रालयले शनिबार सार्वजनिक गरेको बुलेटिनमा तीन हजार एक सय ६५ मा गरिएको परीक्षणमध्ये २६३ मा कोरोना भाइरसको सङ्क्रमण पुष्टि भएको हो। सक्रिय सङ्क्रमितको सङ्ख्या पाँच हजार चार सय ३४ पुगेको छ।
नेपाल समय
स्वास्थ्य/जीवनशैली

शनिबार थपिए २६३ कोरोना संक्रमित

३,१६५ जनामा कोरोना परीक्षण गर्दा २६३ संक्रमित भेटिएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना