सोमबार, माघ २३, २०७९

सन्देशपूर्ण मैत्री खेल

विनय सापकोटा  |  काठमाडौं, बुधबार, कार्तिक ३०, २०७९

विनय सापकोटा

विनय सापकोटा

बुधबार, कार्तिक ३०, २०७९, काठमाडौं

नेपाल समय
बुधबार साँझ पाकिस्तानसँगको मैत्रीपूर्ण खेलमा गोल गरेपछि खुशीयाली मनाउन टीसर्ट खोलेका अञ्जन विष्ट।

काठमाडौं- साढे तीन वर्षसम्म पाकिस्तानी फुटबल गुमनामसमान भयो। फिफाले प्रतिबन्ध हटाइदिएसँगै पाकिस्तानको फुटबल पहिलेझैँ गुलजार हुँदैछ। वितग भुलेर बुधबार दशरथ रंगशालामा नेपाली टिमको ५०औं खेलमा प्रतिस्पर्धी बनेर मैदान उत्रिएको पाकिस्तानी फुटबल नयाँ युगको सुरुवातका लागि अग्रसर छ भन्ने सन्देश प्रवाह गरेको छ। 

‘संकटपछि हामीले खेल्न सुरु गरेको हो। यो नै ठूलो कुरा हो। हामीले फुटबलको राम्रो भविष्यको आशा राखेका छौं। यो खेल पाकिस्तानका लागि धेरै अर्थ राख्छ,’ खेलपछि पाकिस्तानी टिमका मुख्य प्रशिक्षक अहजर अनवरले भने।

फिफाको लामो प्रतिबन्धबाट फुकुवा भएपछि पहिलो पटक ६ हजार ९७२ दर्शकसामु नेपालसँग खेलेको पाकिस्तानले निर्धारित ९० मिनेटमा पाकिस्तानले कुनै गोल गर्न नसकेपछि हार व्यहोर्नुपर्यो। यद्यपि यो खेललाई पाकिस्तानले महत्वका साथ लिएको छ। 

१-० को नतिजा आफ्नो पक्षमा पारेको नेपाललाई उसले बधाई दिएको छ। ‘विजयी नेपाललाई बधाई। उनीहरुले लगातार खेलिरहे पनि हामीले साढे तीन वर्षपछि पहिला पटक खेलिरहेको हो। मलाई लाग्छ हामीले अहिले अरु टिमसँग तुलुना गर्नु हुँदैन,’ पत्रकारको प्रश्नमा अनवरको जवाफ छ।

खेलको ८४औं मिनेटमा गोल गरेका नेपाली खेलाडी अञ्जन विष्टले राष्ट्रिय टिमबाट ११ गोल पूरा गरेका छन्। उनले गोल गर्दा फुकाएर नचाएको जर्सी भने पाकिस्तानी खेलाडीसँग साटेका छन्। ‘हामीले पहिले खेल्दाखेरी नै जर्सी साट्ने भनेका थियौँ। पछि साटेको हो,’ म्यानअफ दि म्याचसमेत बनेका अन्जनले पाकिस्तानी खेलाडीसँग खुसी साटेको पल सम्झँदै भने, ‘त्यतिबेला चाहिँ पाकिस्तानमा बोलाउँछौं भनेका थिए। मैले पनि खेल्न आउँछु भनेँ।’

नेपाल समय

यो मैत्रीपूर्ण खेल मात्र थियो। तर उनले जसरी सेलिब्रेसन गरे त्यो चाहिँ ठूलो प्रतियोगितामा निर्णयक गोल गर्दाको शैलीमा जस्तै देखिन्थ्यो। के त्यो आवश्यक थियो? अञ्जनको जवाफ छ, ‘यो मैत्रीपूर्ण खेल हाम्रा लागि मैत्रीपूर्णमा सीमित छैन। देशलाई प्रतिनिधित्व गरेको हो। गोल भएपछि त्यस्तै भयो। अघिबाटै सोचेको चाहिँ थिएन। भित्रैबाट आइहालेको हो।’

सन् २००८ मा नेपालले पाकिस्तानसँग खेलेका दुवै खेलमा हार व्यहोरेको थियो। नेपालले अन्तिम पटक पाकिस्तानलाई जितेको भनेको पनि १४ वर्ष भइसकेको रहेछ। ‘१४ वर्षपछि पाकिस्तानलाई हराउन पाउँदा एकदमै खुसी छु। हामीले १२ दिनको मात्र अभ्यास गरेका थियौँ। त्यसबाट पनि जित निकाल्नु ठूलो कुरा हुन्थ्यो,’ नेपाली टिमका प्रशिक्षक प्रवेश कटुवालले भने।

खेलमा नेपालले निकै अवसर पाए पनि सदुपयोग गर्न सकेन। पहिलो हाफको सुरुमै विष्टले एकपटक पोस्टमाथि प्रहार गरे। पाकिस्तानी खेलाडीले प्रहार गर्नै लागेको बल दीप कार्कीले अघि बढेर नियन्त्रणमा लिए। त्यस्तै खेलको ३०औं मिनेटमा अञ्जनले बक्सभित्रै बल भेट्न नसक्दा गोलको अर्को अवसरमा नेपाल चुक्यो।

पहिलो हाफको अन्तिम १० मिनेट बाँकी रहँदा तेज तामाङले पोस्टअघि क्रस गरेका थिए। पाकिस्तानी डिफेन्डर अदुल क्बदर खानले हेडमार्फत् बल क्लियर गरिदिएपछि बल हान्न पुगेका विमल घर्तिमगर त्यसै फर्किए।

दिनेश राजवंशीले पाकिस्तानी क्षेत्रको मैदानको मध्यभागबाट प्रदान गरेको बललाई चाहिँ गोलकिपर युसुफ बटले बचाएका थिए। 


नेपाल समय

पाकिस्तानले पनि गोलका अवसर सिर्जना गरेको थियो। पोस्टअघिबाट हसन बसिर र वालिद खानले लगातार दुईपटक प्रयास गरे पनि नेपाली डिफेन्डरले जोगाए। पकिस्तानले पहिलो हाफको बीचतिर केही प्रयास गरे पनि गोल हुन सकेन। यससँगै पहिलो हाफ गोलरहित बराबरीमा रोकिएको थियो।

‘सायद तयारी कम भए पनि होला, फिनिसिङ गर्न सकेनौँ,’ खेलको विश्लेषणमा प्रशिक्षक प्रवेश कटुवाल भन्छन्, ‘हाम्रो खेलाडी सबै फिट थिएनन्। त्यसैले ६० मिनेटपछि बेन्चका खेलाडी छिराएको हो। धेरै थाकिसकेको बेलामा नयाँ स्फुर्ति दिन्छ भनेर।’

दोस्रो हाफका पाँचौँ मिनेट नबित्दै पाकिस्तान आत्मघाती गोलबाट जोगिएको थियो। बसिरले नेपालको पोस्टअघिबाट प्रभावशाली प्रहार गरे। तर उनको प्रहारमा बल पोस्टलाई बायाँतर्फ छोड्दै अघि गयो।

५६औं मिनेटमा सेसेहाङ आङदेम्बे र पुजन उपरकोटीको ठाउँमा आवास लामिछाने र एरिक विष्ट मैदान प्रवेश गरेका थिए। आवासले सेसेहाङको ठाउँमा मैदान छिदै डेब्यु गरेका थिए। त्यस्तै, ७२औं मिनेटमा नवयुग श्रेष्ठ र सुनिल बल मैदानमा प्रवेश गरेपछि खेल झन् प्रतिस्पर्धात्मक बनेको थियो। त्यसको केही समयमा पाकिस्तानका सायक दोस्तले गरेको प्रहार गोलकिपर कार्कीले बचाएका थिए। खेलमा १० मिनेट बाँकी रहँदा दुवै टिमले अट्याकलाई तीव्र बनाएपनि गोल हुन सकेको थिएन। ८२औं मिनेटमा अञ्जनले लामो पासलाई पोस्टको दायातर्फ प्रहार गर्दै गोल गरेका थिए। दिनेश राजवंशीले ‘राइट फ्ल्यांक’बाट उपलब्ध गराएको पासमा नेपालले गरेको यो निकै आकर्षक गोल थियो। 

खेलपछि पाकिस्तानी प्रशिक्षक अनवरले पीच फरक परेको, उचाईका कारणले गर्दा खेलाडीमा क्रम्पलगायतका समस्या आएको पनि बताएका छन्। नेपालका प्रशिक्षक प्रवेशले चाहिँ आफ्नो जिम्मेवारीलाई एन्फाको ठूलो उपहार भएको बताएका छन्। 

‘प्रशिक्षणको पनि तीन वर्ष त भयो। यति छिटै यो निकै ठूलो उपहार हो। तर यसअघि पनि सक्षम हुँदाहुँदै पनि पाइनँ। यद्यपि विरलै आउने यस्तो अवसरका लागि मैले हरेश खाएको थिएन। मैले पाउँछु भन्ने लागेको थियो,’ प्रशिक्षक प्रवेशले भने। 

आजको खेलमा म्यान अफ दि म्याच बनेका अञ्जनले पनि गोल गरेर अझै धेरै गर्नुछ भन्ने संकेत दिएका छन्। ‘यो गोल चाहिँ अन्तिम होइन अझै धेर गर्नुछ भन्ने कुराको संकेत हो। अनि म सेलिब्रसन गर्दा कान थुन्ने गर्दछु। मेरो भनाइ चाहिँ कस्तो भने, जीवनमा उतारचढाव हुन्छ। तल परेको बेला नराम्रो नसुनौँ भन्ने पनि छ,’ उनले आफ्ना सेलिब्रसनबारे भने।

लामो समयसम्म अञ्जनले गोल गर्न सकेका थिएनन्। तर उनले पछिल्ला दुवै खेलमा निर्णायक गोल गरेका छन्। अघिल्लो खेलमा त ह्याट्रिक नै गरे। एकाएक यस्तो परिवर्तन कसरी? उनको जवाफ छ, ‘लामो समय गोल भएन। तर कमजोरीलाई फोकस गरेर त्यसलाई सुधार गर्दै अघि बढ्नु पर्छ। अझै कति खेल्न बाँकी छ।’


प्रकाशित: November 16, 2022 | 21:17:59 काठमाडौं, बुधबार, कार्तिक ३०, २०७९

तपाईं को प्रतिक्रिया

ट्रेंडिंग

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

आन्तरिक उडानमा थप पाँच नियम

आन्तरिक हवाई उडानलाई थप सुरक्षित, भरपर्दो, मर्यादित र व्यावसायिक बनाउने उद्देश्यले नयाँ हवाई उडान व्यवस्था गरिएको प्राधिकरणले बताएको छ।

नेपालमा पनि राम्रो छ कमाइ 'पठान'को, शुक्रबारदेखि 'ह्यारीकी प्यारी' सँग प्रतिस्पर्धा

नेपालमा मनोज राठीले पठान ल्याएका हुन्। फिल्मले १ सातामा नेपालबाट ६ करोड रूपैयाँ कमाएको छ।

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

थप समाचार

नेपाल समय
फुटबल

अमिषाको ह्याट्रिकमा नेपालले भुटानलाई हरायो

राजधानी ढाकाको वीर सहिद श्रेष्ठ सिपाही मोस्तफा कमल रंगशालामा आज भएलो आफ्नो दोस्रो खेलमा नेपालले भुटानविरुद्ध ४-० को सहज जित निकालेको हो।
नेपाल समय
फुटबल

यू–२० साफमा आज नेपालले भुटानको सामना गर्दै

ढाकाको वीर सहिद श्रेष्ठ सिपाही मोस्तफा कमल रंगशालामा आज हुने आफ्नो दोस्रो खेलमा नेपालले भुटानको सामना गर्न लागेको हो।
नेपाल समय
फुटबल

युनाइटेडको जित, बराबरीमा रोकियो चेल्सी

खेलमा निधै राम्रो प्रदर्शन गरे पनि चेल्सीले फुलह्यामविरुद्ध गोल गर्न भने सकेन्। खेलाडी ट्रान्सफरमा धेरै खर्च गरेको चेल्सीको प्रदर्शनमा सुधारको अपेक्षा गरिएको छ।
नेपाल समय
फुटबल

रेलिगेसन क्षेत्रमा रहेका टिमसँग आर्सनल र लिभरपुल पराजित

अघिल्ला खेलहरुमा म्यानचेस्टर युनाइटेड, साउथह्याम्टन र वेस्ट ह्याम्सँग हार बेहोरेको एभर्टनले शनिबार राति घरेलु मैदानमा आर्सनललाई १–० ले हराएको हो।
नेपाल समय
फुटबल

साफ यु-२० महिला च्याम्पियनसीप: पहिलो खेलमा नेपाल पराजित

अब नेपालले आफ्नो दोस्रो खेल आइतबार भूटानसँग खेल्नेछ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना