सोमबार, माघ २३, २०७९

साढे तीन वर्ष फुटबल नखेलेको पाकिस्तानसँग डराउनुपर्छ नेपाल?

विनय सापकोटा  |  काठमाडौं, मंगलबार, कार्तिक २९, २०७९

विनय सापकोटा

विनय सापकोटा

मंगलबार, कार्तिक २९, २०७९, काठमाडौं

नेपाल समय

काठमाडौं- नेपालले भोलि (बुधबार) पाकिस्तानको अन्तर्राष्ट्रिय फुटबल टिमसँग १७ औं पटक खेल्दा ‘नेपाली फुटबलको घर’ मानिने दशरथ रंगशालामा आफ्नो ५० औं खेल पूरा गर्छ। नेपाली खेलप्रेमीका लागि दशरथ रंगशाला जहिल्यै पनि महत्त्वपूर्ण खेल स्थलका रुपमा पर्छ।

त्यसमाथि फुटबलको सहर काठमाडौंमा नेपालले ५० खेल पूरा गर्नु नेपाली फुटबलको लागि ऐतिहासिक कुरा हो। सन् १९८२ बाट अन्तर्राष्ट्रिय फुटबल सुरु गरेको नेपालले सबैजसो अन्तर्राष्ट्रिय खेल खेलिने घरमा ५० खेल पूरा गर्न ३८ वर्ष लामो समय त हुँदै हो। त्यसमाथि फिफाको लामो प्रतिबन्धबाट फुकुवा भई नयाँ आशाका साथ फर्किएको पाकिस्तानविरुद्ध खेल्दा रंगशालामा दुवै टिम जोशका साथ प्रस्तुत हुनेछन्। ‘उत्कृष्ट छनोट र राम्रो तयारीले गर्दा सबै खेलाडी सेपमा छन् र टिम पनि फर्ममा छ,’ अनिश्चितताका बाबजुद मुख्य प्रशिक्षक सहजद अनवरले खेलअघि भनेका छन्।

उनलाई आशा छ– आफ्नो टिमले नेपालविरुद्ध निकै राम्रो प्रदर्शन गर्नेछ। पाकिस्तान फुटबल संघ फिफाको लामो प्रतिबन्धपछि भर्खरै फर्किएको हो। २०१९ को जुनमा प्यालेस्टाइनसँगका दुवै खेलमा हार बेहारेपछि उसले पहिलो पटक अन्तर्राष्ट्रिय खेल्न लागेको हो।

‘पाकिस्तान दुई वर्षयता दुःखद् अवस्थाबाट गुज्रिरहेको छ,’ प्रतिबन्धको अवस्थामा कस्तो थियो त भन्ने प्रश्नमा अनवरको जवाफ छ, ‘स्थानीय आयोजकले खेलाइरहेको अवस्था थियो। खेलाडी खेलमै थिए थिए। केहिले विदेशमा खेलिरहेका पनि थिए। आसाफ र बसिरले पहिले पनि राष्ट्रिय टिमबाट खेलिरहेका छन्।’

पछिल्लो समय नेपालमा पनि लिग भइरहेका छैनन्। सधैंजस्तो हुने हो भने ए डिभिजन लिग सुरु हुने बेला भइरसकेको छ। तर यो वर्ष सुरु भएको छैन। त्यसैले नेपाली खेलाडी पनि सेपमा नभएको अवस्था थियो अहिले। ‘अहिले लिग नभएकाले खेलाडी फिटनेसमा ल्याउनका गाह्रो थियो। थोरै समयको अभ्यासमा त्यहि अनुरुपमा खेलाउने हो,’ नेपाल टिमका प्रशिक्षक प्रवेश कटुवाल भन्छन्। तर पछिल्लो खेलमा नेपालले बंगलादेशलाई हराएको छ। त्यो जितको उत्साह ताजै छ।

‘यदि खेलाडी अष्ट्रेलिया नगएको भए राष्ट्रिय टिम झन् बलियो हुन्थ्यो। अस्ति बंगलादेशसँग खेलेकै खेलाडी ल्याएर बनाएको टिम हो यो चाहिँ,’ प्रशिक्षक प्रवेशले भने। राम्रा खलाडी बाहिर गइरहेका कारण नेपाली फुटबलमा अप्ठ्यारो अवस्था आउन सक्ने संकेत रोहितको पनि छ। ‘केहि राम्रा डोमेस्टिक भएको भए यो क्रम रोकिन्थ्यो कि!’ रोहित ए डिभिजन लिगतर्फ संकेत गर्छन्।

यद्यपि प्रशिक्षक प्रवेशलाई थाहा छ– पाकिस्तानविरुद्ध १६ खेलबाट पाँच जित मात्र छ। ‘उसले तीन वर्षसम्म नखेलेको हामीले पछिल्लो खेल पनि जितेकाले हामीले जितको लक्ष्य साथ टिम तयारी गरेको हो,’ प्रवेशले भने।

अहिले नेपाल रंगशालाको ५० औं खेलमा ५८ औं गोलको पर्खाइमा हुनेछ। किनभने यहाँ ५० गोल गरेको नेपालले दुई आत्मघाती गोल पाएर ५७ गोल पूरा गरिसकेको छ। त्यो भनेको हरेक खेलमा नेपालले औषतमा एकभन्दा धेरै गोल गरेको छ।

यसरी हेर्दा पाकिस्तानविरुद्ध बुधबार नेपाली टिमको गोल देख्न पाइने छ। ‘ऊ गाह्रो प्रतिस्पर्धी हो। त्यसका बाबजुद उच्च मनोबलका साथ खेल्ने हो। खेल राम्रो हुन्छ,’ नेपाली टिमका कप्तान रोहित चन्दले भने। उनी इन्डोनेसियाको घरेलु लिग खेल्दै आइरहेका व्यावसायिक खेलाडी हुन्।

नेपालमा चाहिँ लिग नभएका कारण खेलाडीहरु बाहिरिनु परिरहेको छ। राष्ट्रिय टिमका खेलाडी पनि अहिले विदेश पलायन भइरहेका छन्। यस्तो अवस्थामा नेपाली टिम बलियो बन्छ त? प्रशिक्षक प्रवेशको जवाफ ‘हुँदैन’ भन्ने छ।

‘यदि खेलाडी अष्ट्रेलिया नगएको भए राष्ट्रिय टिम झन् बलियो हुन्थ्यो। अस्ति बंगलादेशसँग खेलेकै खेलाडी ल्याएर बनाएको टिम हो यो चाहिँ,’ प्रशिक्षक प्रवेशले भने। राम्रा खलाडी बाहिर गइरहेका कारण नेपाली फुटबलमा अप्ठ्यारो अवस्था आउन सक्ने संकेत रोहितको पनि छ। ‘केहि राम्रा डोमेस्टिक भएको भए यो क्रम रोकिन्थ्यो कि!’ रोहित ए डिभिजन लिगतर्फ संकेत गर्छन्।

नेपाली टिमका निरन्तर कप्तान किरण चेम्जोङ यो खेलमा अनुपस्थित छन्। त्यसैले उनी नहुँदा गोलकिपरमा प्रवेशलाई तीन नयाँ विकल्प हुनेछन्। गोलपोस्ट कसले सम्हाल्ला त? छान्न दबाब छ? ‘दबाब छैन। त्यो मैले नै डिसिजन गर्छु। रिजल्टको भागिदार पनि मै हुने हो,’ प्रवेशले भने।

नेपाल र पाकिस्तानको इतिहास

अहिलेसम्म पाकिस्तानले नेपाललाई सात पटक हराइसकेको छ। पाँच खेल बराबरी भएका छन्। चार मैत्रीपूर्ण खेलको कुरा गर्दा नेपालले तीन हार बेहोरिसकेको छ। भोलि हुन लागेको पनि अफिसियल प्रतियोगिता होइन। त्यसैले पाकिस्तान यो मैत्रीपूर्णमा धेरै ट्रायल गर्ने बताउँछ। ‘हामीलाई खेलाडी अनुसन्धान गर्नका लागि अवसर पनि यो हो खेल,’ पाकिस्तानी प्रशिक्षक अनवरले भने।

यता कप्तान बसिरचाहिँ आफूले डेनमार्कमा सिकेको कौशल देखाउने दाउमा छन्। भन्छन्, ‘अन्तिम पटक नेपालसँग साफ (२०१८)मा खेलेको हो। डेनमार्कमा खेलिरहेको अनुभवसँगै आशा पनि उच्च छ,’ बसिरले भने।

अब पाकिस्तानी फुटबल विगत बिर्सेर, भविष्यलाई हेरेर अघि बढिरहेको छ। नेपालविरुद्ध यसअघिका तीन खेलको अनुभव पनि बसिरसँग छ। २०१३ मा काठमाडौंमा मैत्रीपूर्ण खेलेदेखि २०१८ मा बंगलादेशको ढाकामा साफ च्याम्पियनसिप खेलेसम्म बसिरले नेपालको अन्तर्राष्ट्रिय खेल बुझेका छन्। भन्छन्, ‘हामीसँग नेपाली फुटबलविद्ध निकै सुन्दर इतिहास छ। नेपालविरुद्ध तेस्रो पटक खेलिसकेको छु, यो चौथो पटक हो।’

नेपालले पाकिस्तानसँग अन्तर्राष्ट्रिय फुटबल खेल्न थालेको पनि ३७ वर्ष त भइसकेको छ। ‘१९८५ मा भएको साउथ एसियाली खेलकुदमा नेपालले पाकिस्तानसँग खेल्दा २–२ को बराबरी भएको थियो। पाकिस्तानविरुद्धको पहिले खेलमा गोल गर्ने खेलाडी गणेश थापा र मान बहादुर मल्ल थिए,’ फुटबलबारे जानकार हिमेशरत्न बज्राचार्य नेपाली टिमको इतिहास सुनाउँदै भन्छन्। त्यो खेलयता यी दुई देशले मैत्रीपूर्ण खेलबाहेक ओलम्पिक छनोट, साफ च्याम्पियनसिप, साफ गोल्डकपमा प्रतिस्पर्धा गरिसकेका छन्।

सन् २००८ मा मालेमा भएको साफ च्याम्पियनसिपमा नेपालले पकिस्तानलाई ४–१ ले हराएको थियो। जुमानु राईले दुई तथा राजु तामाङ र निराजन रायमाझीले समान १–१ गोल गरेको दिन नेपालले पाकिस्तानलाई इतिहासमै सबैभन्दा ठूलो गोलअन्तरले हराएको दिन थियो। तर पाकिस्तानले नेपाललाई दुईभन्दा धेरै गोल गर्न सकेको छैन।

तर यो पटक पाकिस्तानलाई थप चुनौति छ। किनभने प्रतिबन्धले उसको टिम लामो समय दिशाहिन थियो। अब नयाँ युगको सुरुआत भएको मान्ने पाकिस्तान दशरथ रंगशालामा नेपाली फुटबलको महत्वपूर्ण दिनमा नेपालविरुद्ध खेल्दै छ। यद्यपि पाकिस्तान उत्साहित देखिन्छ। ‘फुटबललाई माया गर्ने घरेलु मैदानमा धेरै दर्शकमाझ खेल्न रमाइलो हुनेछ। त्यहाँ चियरिङ भइरहेको होला, धेरै क्राउडमा ठूलो हल्ला पनि होला त्यसलाई हामी पनि इन्जोय नै गर्नेछौं,’ पाकिस्तानी कप्तानले भने।

प्रशिक्षक र कप्तानलाई अवसर

घरेलु लिगमा दुई उपाधि जितेपछि प्रवेशले राष्ट्रिय टिम सम्हाल्ने जिम्मेवारी पाएका छन्। ‘राष्ट्रिय टिम सम्हाल्ने सबैको इच्छा हुन्छ। मैले त्यो पूरा गरेको छु। बेस्ट दिन्छु भन्ने लागेको छ। पाकिस्तानलाई फुटबलमा ब्यान्ड गरेको भए पनि उसका सबै खेलाडी खेलिहेकै छन्।’

पाकिस्तानी खेलाडीले एकै टिम भएर नखेलेका काण त्यहिअनुसार टिम तयारी गरिरहेको प्रवेश बताउँछन्। नेपाली घरेलु लिगमा खेलाडी हुँदा पनि उपाधि जितेका प्रवेशले लामो समय भने झापा–११ बाटै खेले।

उनले मछिन्द्र क्लबलाई दुईपटक लिगको उपाधि जिताइसकेका छन्। पछिल्लो वर्ष त एक खेल बाँकी रहँदै उनले क्लबलाई उपाधि दिलाएका थिए। त्यसैले एन्फाले उनलाई राष्ट्रिय टिम सम्हाल्ने अवसर दिएको हो।

प्रवेशजस्तै रोहितले पनि किरणको अभावमा नेपाली टिमको कप्तानी गर्दैछन््। पाकिस्तानविरुद्ध खेल्दा उनी एकमात्र नेपाली व्यावसायिक खेलाडी हुनेछन्। ‘देशलाई रिप्रेजेन्ट गर्नु नै ठूलो कुरा हो। कप्तान नै हुन्छु भनेर सोचेको छैन। मैले कप्तानी पाउँदा खुसी छ तर ठूलो रुपमा लिएको छैन। हामी ११ जना नै कप्तान हो,’ उनले आफ्नो जिम्मेवारीबारे भने।

पाकिस्तानसँगको खेलबारे सोधिएको प्रश्नमा रोहितले भने, ‘प्रशिक्षकले आफ्नो रणनीति अनुसारको टिम छनोट गर्नुभएको छ। रिजल्ट अनुमान गर्न सकिने अवस्था छैन। हामी आफ्नो शतप्रतिशत दिने कोसिस गर्नेछौं।’


प्रकाशित: November 15, 2022 | 19:06:48 काठमाडौं, मंगलबार, कार्तिक २९, २०७९

तपाईं को प्रतिक्रिया

ट्रेंडिंग

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

आन्तरिक उडानमा थप पाँच नियम

आन्तरिक हवाई उडानलाई थप सुरक्षित, भरपर्दो, मर्यादित र व्यावसायिक बनाउने उद्देश्यले नयाँ हवाई उडान व्यवस्था गरिएको प्राधिकरणले बताएको छ।

नेपालमा पनि राम्रो छ कमाइ 'पठान'को, शुक्रबारदेखि 'ह्यारीकी प्यारी' सँग प्रतिस्पर्धा

नेपालमा मनोज राठीले पठान ल्याएका हुन्। फिल्मले १ सातामा नेपालबाट ६ करोड रूपैयाँ कमाएको छ।

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

थप समाचार

नेपाल समय
फुटबल

यू–२० साफमा आज नेपालले भुटानको सामना गर्दै

ढाकाको वीर सहिद श्रेष्ठ सिपाही मोस्तफा कमल रंगशालामा आज हुने आफ्नो दोस्रो खेलमा नेपालले भुटानको सामना गर्न लागेको हो।
नेपाल समय
फुटबल

युनाइटेडको जित, बराबरीमा रोकियो चेल्सी

खेलमा निधै राम्रो प्रदर्शन गरे पनि चेल्सीले फुलह्यामविरुद्ध गोल गर्न भने सकेन्। खेलाडी ट्रान्सफरमा धेरै खर्च गरेको चेल्सीको प्रदर्शनमा सुधारको अपेक्षा गरिएको छ।
नेपाल समय
फुटबल

रेलिगेसन क्षेत्रमा रहेका टिमसँग आर्सनल र लिभरपुल पराजित

अघिल्ला खेलहरुमा म्यानचेस्टर युनाइटेड, साउथह्याम्टन र वेस्ट ह्याम्सँग हार बेहोरेको एभर्टनले शनिबार राति घरेलु मैदानमा आर्सनललाई १–० ले हराएको हो।
नेपाल समय
फुटबल

साफ यु-२० महिला च्याम्पियनसीप: पहिलो खेलमा नेपाल पराजित

अब नेपालले आफ्नो दोस्रो खेल आइतबार भूटानसँग खेल्नेछ।
नेपाल समय
फुटबल

खेलाडी पलायनमा दोषी को?

नेपाली राष्ट्रिय फुटबल टिमका नियमित सदस्य हुन् विशाल। अन्तर्राष्ट्रिय खेलमा पूरा समय उत्तिकै जोशमा खेल्न सक्ने कमै खेलाडीमा पर्छन् विशाल। उनी ९० मिनेटकै जुझारु खेलाडी हुन्। तर उनले नेपालमा भविष्य देखेनन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना