सोमबार, मंसिर १९, २०७९

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल समय  |  काठमाडौं, मंगलबार, असोज ११, २०७९

नेपाल समय

नेपाल समय

मंगलबार, असोज ११, २०७९, काठमाडौं

नेपाल समय
नेपाली राष्ट्रिय फुटबल टोलीका कप्तान किरण चेम्जोङ।

काठमाडौं- नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्। 

बंगलादेशविरुद्ध मैदान उत्रिनुअघि सञ्‍चारकर्मीसँग कुरा गर्दै उनले आफू टिममा फर्किन पाउँदा खुसी व्यक्त गर्दै भने, 'मलाई तत्कालीन प्रशिक्षक अलमुताइरीले टिमबाट निकालेको हो। म टिममा रहन चाहँदा-चाहँदै पनि टिमबाट निकालिएपछि मैले खेल्न पाइनँ। म मात्रै निकालिएको होइन। त्यो समयमा अन्य १० जना खेलाडीलाई पनि टिमबाट निकालिएको थियो।'

यति धेरै मिहेनत गरेर राष्ट्रिय टिमको नेतृत्व गर्ने अवस्थामा पुगेको बताउँदै त्यस समयमा निकै दु:ख लागेको उनले बताए। उनले थपे, 'म अहिले टिममा फेरि फर्किएको छु। म धेरै खुसी छु, फेरि एकपटक म देशको नेतृत्व गर्दैछु। केही समय अघि देशको लागी खेल्न नपाउँदा दुःख लागेको थियो। तर, अहिले एकपटक फेरी पूरै देशको नेतृत्व गर्ने मौका पाएको छु, यसलाई सदुपयोग गर्नेछु।'

टिमभन्दा बाहिरको मान्छेका लागि सबै खेलाडी समान रहेको र टिममा कुनै पनि गुट-उपगुटहरु नरहेको उनले बताए। उनले भने, 'राष्ट्रिय टिममा गइसकेपछि कुनै पनि कुरा विभेद, गुटबन्धी केही पनि हुँदैन। नेपाली टिममा त राई, लिम्बु, क्षेत्री, बाहुनजस्ता जातका कुराहरु अथवा त यो ठाउँबाट आको, त्यो ठाउबाट आको जस्ता कुराहरु पनि हुँदैनन्। हामी राष्ट्रिय टिममा आएपछि एउटा सिंगो राष्ट्रको लागि खेल्ने हो। बाहिरको मान्छेले कसरी सोचेको छ, त्यसको बारेमा मलाई थाहा छैन। तर, म एउटा कप्तानको हिसाबले, टिममा भइसकेपछि हामी देशको लागि खेल्न आको हो। हामीले देशलाई संसारमा चिनाउनका लागि खेल्ने हो।'

राष्ट्रिय टिमका सिनियर खेलाडी रोहित चन्दले प्रशिक्षणका क्रममा खेलाडीको व्यवस्थापन राम्रो नभएको र तत्कालीन प्रशिक्षक अबदुल्ला अलमुताइरीले पनि दुर्व्यवहार गरेको भन्दै असन्तुष्टि जनाउँदै क्याम्प छाडेका थिए। त्यसपछि उनलाई समर्थन गर्दै राष्ट्रिय टिमका अन्य सिनियर खेलाडी विशाल श्रेष्ठ, अनन्त तामाङ, अन्जन विष्ट, सुमन लामा, तेज तामाङ, विशाल राई, बिमल घर्तिमगरलगायतका खेलाडीले पनि चन्दलाई समर्थन गर्दै क्याम्प छाडेका थिए।

त्यो समय टिमका कप्तान किरण चेम्जोङ व्यवसायिक फुटबल खेल्ने क्रममा माल्दिभ्समा रहेका थिए। माल्दिभ्सबाटै उनले पनि चन्द तथा अन्य खेलाडीको समर्थन गर्दै र प्रशिक्षक अलमुताइरीले खेलाडीप्रति देखाएको व्यवहारमा असन्तुष्टि जनाएर फेसबुमा पोष्ट लेखेका थिए। 

उनले भनेका थिए, ‘राष्ट्रिय टोलीको प्रशिक्षणमा खेलाडीप्रति प्रशिक्षकबाट गरिएको व्यवहारप्रति मेरो असन्तुष्टि छ। राष्ट्रिय टोलीको क्याम्पमा जायज विषय उठाउँदा खेलाडीलाई क्याम्प नै छोड्न लगाउनु पक्कै सहि होइन। टोलीको कप्तान र एक सदस्यको हिसाबले म सधैं खेलाडीको पक्षमा छु।’ क्याम्प छाडेका खेलाडीको समर्थन गरेको भन्दै किरणलाई पनि टिमबाट निकालिएको थियो।

नेपाली राष्ट्रिय टिमका कप्तान एवंम गोलकिपर किरण सर्वाधिक अन्तर्राष्ट्रिय खेल खेल्ने नेपाली खेलाडी हुन्। उनले गत वर्ष २० भदौमा भारतविरुद्ध मैदानमा उत्रिँदा नेपाली राष्ट्रिय टिमबाट ७४औं खेल खेल्दै सर्वाधिक खेलाडीको रेकर्ड बनाए। किरण यसअघिका कप्तान विराज महर्जनले बनाएको ७३ खेलको रेकर्डलाई पछि पार्दै राष्ट्रिय टिमबाट सर्वाधिक खेल्ने एक्ला खेलाडी बने। त्यसपछि उनले जति खेल खेले, ती सबै रेकर्ड हुन्।

किरणले २००८ मा कम्बोडियामा भएको एएफसी च्यालेन्ज कपमा लाओसविरुद्ध खेल्दै अन्तर्राष्ट्रिय डेब्यू गरे पनि त्यो खेल सुखद् रहेन। खेलको २३औं मिनेटमा उनको मुखमा चोट लाग्यो। उनी बाहिरिए। त्यसपछि उनलाई खेलमा ब्याक हुनै नसकिने हो कि भन्ने डर थियो। तर, त्यस्तो भएन। किरणले तीन वर्षपछि १७ मार्च २०११ मा जीवनको दोस्रो अन्तर्राष्ट्रिय खेल खेले, भुटानविरुद्ध। भुटानविरुद्धको खेलपछि उनी निरन्तर राष्ट्रिय टिमको पहिलो रोजाइका गोलकिपरको रूपमा छन्। राष्ट्रिय टिममा निरन्तर रुपमा उत्कृष्ट प्रदर्शन गर्दै सबैको मन जितेका छन्।



प्रकाशित: September 27, 2022 | 20:25:24 काठमाडौं, मंगलबार, असोज ११, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
फुटबल

थिएरी हेन्‍रीलाई पछि पार्दै जिरुड बने फ्रान्सका अल टाइम टप स्कोरर

जिरुडले फ्रान्सका लागी ५२ गोल गर्नका लागी ११७ खेल खेलेका छन्।
नेपाल समय
फुटबल

इंग्ल्याण्डलाई अफ्रिकन च्याम्पियनको चुनौती

सेनेगलले आफ्ना मुख्य खेलाडी साडियो मानेलाई चोटका कारण गुमाइसकेको छ। मतलब उनी आजको खेलमा हुनेछैनन्। वायर्न म्युनिखबाट खेलेको खेलमा खुट्टाको एंकलमा चोट लागेपछि उनले विश्वकप गुमाउने पक्का भएको हो।
नेपाल समय
फुटबल

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।
नेपाल समय
फुटबल

प्रि-क्वाटर फाइनलः फ्रान्सविरुद्ध पोल्यान्ड र इङगल्यान्डविरुद्ध सेनेगल भिड्दै

कतारमा जारी फिफा विश्वकपअन्तर्गत प्रि-क्वाटर फाइनलमा आज दुई खेल हुँदैछन्।
नेपाल समय
फुटबल

अस्पतालबाट पेले भन्दैछन् : धेरै आशासँगै म बलियो बन्दैछु

ब्राजिललाई तीन पटक फुटबल विश्वकपको उपाधि दिलाएका पेले अहिले बिरामी भएर अस्पताल भर्ना भएका छन्। सधैँ विश्वकपमा अतिथि भएर आइरहने पेले यो वर्ष भने रंगशालामा उपस्थित हुन सकिरहेका छैनन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना