सोमबार, असोज १०, २०७९
राष्ट्रिय फुटबल टिम

११ खेलाडी फर्किंदा नवयुग र आयुष 'आउट', हुमागाईं भन्छन्- केही कारणले यस्तो भयो

विनय सापकोटा  |  काठमाडौं, शुक्रबार, असोज ७, २०७९

विनय सापकोटा

विनय सापकोटा

शुक्रबार, असोज ७, २०७९, काठमाडौं

नेपाल समय

काठमाडौं- राष्ट्रिय फुटबल टिमको लामो समयको द्वन्द्वपछि बंगलदेशसँग मैत्रीपूर्ण खेल्ने टिमको घोषणा निकै महत्त्वपूर्ण थियो। अखिल नेपाल फुटबल संघ एन्फाले पत्रकार सम्मेलन गरेरै नेपाली फुटबल टिमको घोषणा गरेको छ।

त्यसो त अहिले सिनियर फुटबल टिमका कार्यवाहक प्रशिक्षक प्रदीप हुमागाईं यो विषयमा बोल्न चाहँदैनन्। तर, एन्फाकै नियमअनुसार यसअघि बाहिरिएका ११ खेलाडीलाई उनले आफ्नो टिममा राखे।

‘म आउनुभन्दा पहिलेको कुरा खासै थाहा छैन। पहिले के भएको थियो भन्ने कुराले अहिले अर्थ राख्दैन,’ प्रशिक्षक हुमागाईंले भने।

यसअघि अनुशासनको प्रश्न उठाउँदै मुख्य प्रशिक्षक अब्दुल्लाह अलमुताइरीले हटाएका खेलाडीलाई हुमागाईंले टिममा बोलाउँदा अब्दुल्लाहको टिमको नियमित सदस्यहरू नवयुग श्रेष्ठ र आयुष घलान भने टिममा परेनन्।

उनले अगाडी भने, ‘पहिले विवाद भएका ११ खेलाडी कोहुन् भन्ने बारे मलाई थाहा भएन। नामको लिस्ट छैन। अहिले को पर्‍यो, परेन भन्दा पनि सबै खेलाडीलाई समान व्यवहार गरेर कसलाई राख्ने भन्ने निर्णय लिइएको हो। मलाई राख्ने नराख्ने कुनै दबाब थिएन।’

तर, टिममा दुई नयाँ अनुहार देख्न भने पाइएको छ। ‘हामीसँग भएका सबै  खेलाडी महत्त्वपूर्ण नै थिए। खेलका लागि हामीले सबैभन्दा वेस्ट नाम यही नै तोक्न सक्यौं,’ टिम घोषणासँगै प्रशिक्षक हुमागाईंले भने। नयाँ दुई खेलाडी चाहिँ ऋतिक खड्का र आशिष चौधरी हुन्। बन्द प्रशिक्षणमा बोलाइएका सुनिल बल चाहिँ इन्ज्युरीको कारण टिममा राख्न नसकेको हुमागाईंले प्रस्ट पारेका छन्। 


अहिले टिममा चार जना गोलकिपर राखिएको छ। दीप कार्की, विशाल सुनार, विकेश कुथुसँगै किरण पनि टिममै छन्। तर किरण अहिले नेपालमा छैनन्। किरण आउने पक्कापक्की रहेको प्रशिक्षकले बताएका छन्। यस्तोमा एक खेलका लागि एक जना मात्र गोलकिपरको आवश्यकता पर्छ। हदै भए दुई गोलकिपर चाहिएला।

‘हामीले खेलको पूर्वानुमान लगाउन सक्ने अवस्था छैन। हामी गर्दैनौ। टिमबीचको विश्वास र भावना हामीले देखाउने नै छौं। एन्फा, कोचिङ स्टाफ र खेलाडीबीचको सञ्चार र आपसी समझदारीले एकले अर्काको भावना बुझेर प्रदर्शन गर्ने हो भने हामीले पक्कै पनि जित निकाल्नेछौं,’ प्रशिक्षक गुमागाईंले भने।

चार जना चाहिँ किन नि? प्रशिक्षक हुमागाईंको जवाफ छ, ‘अभ्यासको दौरान एकै समयमा दीप कार्की,  विशाल सुनार, विकेश कुथु घाइते भएका थिए। किरण चाहिँ भर्खरै बाहिरबाट आएर बिहे गरेर गइसकेको अवस्था छ। यस्तोमा तीन दिनको अभ्यास हामीले विना गोलकिपर गरेको हो।’

उनले अगाडी थपे, ‘डेंगुको समस्याले  धेरै खेलाडीलाई असर गरेको थियो। यता किरण पनि आइनसकेको अवस्थाका कारणले गर्दा हामीले रिस्क लिन गाह्रो हुने भएकाले चार जना राखेको हो। अरू कुरामा रिस्क लिन सहज भए पनि गोलकिपरको कुरामा रिस्क लिन सजिलो हुँदैन। र, एक खेलाडी थप गर्दा केही फरक पर्दैन।’

त्यसैले अब तीन गोलकिपर एबसेन्ट भए गाह्रो हुने भएकाले प्रशिक्षकको टिमले सेफ ल्यान्डिङ खोजेको हुमागाईंले बताए।

किरण नआइसकेको अवस्थामा टिमको कप्तान घोषणै भएको छैन। पछिल्लो समय कप्तान नै टिममा नपरेपछि उनले अलमुताइरीको विरोध पनि गरेका थिए। अहिले चाहिँ साबिक कप्तान किरण कुमार लिम्बू टिममै छन्, ‘खेलअघि नै कप्तानी घोषणा गर्नेछौं। खेल आउनका लागि समय बाँकी नै रहेको कारण हामीले कप्तानी घोषणा नगरेको हो।’

पत्रकार सम्मेलनकै दौरान टिमको प्रोग्रेस हुँदै छ कि कस्तो टिम बनेको छ भन्ने प्रश्नमा प्रशिक्षक हुमागाईंले भने, ‘हामीसँग भएको सबैभन्दा बलियो टिम यो हो। हामीले यो अभाइलेबल भएका खेलाडीमध्येबाट बलियो टिम छानेको हो।'

यता गौतम श्रेष्ठ टिममा नहुनुको कारण चाहिँ उनलाई यसअघि भएको डेंगु र ह्यामस्ट्रिङ इन्ज्युरी हो। त्यसैले उनी सुरुबाटै टिममा छैनन्। अभ्यासका दौरान विकास र भरत खवास, विशाल श्रेष्ठ अनि सुरज ज्यु ठकुरीलाई पनि डेंगुको संक्रमण भएको नेपाली टिममा फिजियोथेरापिस्ट आविष्कार पुडासैनीले बताए। 

अहिले होस्टेलमा भएका खेलाडीहरू कोही पनि चोट नलागेको फिजियो आविष्कारले जानकारी दिएका छन्। त्यस्तै, युवा खेलाडी आयुष घलान पनि टिममा छैनन्। उनले चाहिँ  यू २० को अन्तिम खेलमा मैदान छिरेको १५ मिनेटमै रातो कार्डको सजाय पाएका थिए। बंगलादेशी खेलाडीमाथि अश्लील संकेत गरेपछि उनले रातोकार्ड बेहोरेका थिए।

टिममा नराख्नका लागि त्यो नै कारण हो त? ‘यसकारेमा त एन्फाको समितिले नै डिक्लियर गर्ला। अनुशासन समित पनि होला एन्फाको। 'आयुष यू २० को टिममा रहिरहेको कारण नै सुरुमा हाम्रो टिममा पर्न नसकेको हो,’ प्रशिक्षक हुमागाईंले भने, ‘खेलाडीको अनुशासनको सन्दर्भमा भन्दा त्यो हर्कतबाट म खुसी छैन नै। तर टिममा नराख्नाको कारणमा यो पनि जोडिएला। मनोवैज्ञानिक रूपमा असर गरेपछि त्यो कारण पनि मान्न त मिल्छ नै। बलमा उनी राम्रो गर्न सक्ने खेलाडी हुन्।’

बंगलादेशविरुद्धको मैत्रीपूर्ण खेलका लागि नेपाली टिमले अभ्यास गरेको पाँच हप्ता पुग्नै लागेको छ। ‘३२/३३ दिनमा राम्रो गरिरहेका छौं। भएका स्रोतसाधनलाई उपयोग गरेर हामीले अभ्यास गरिरहेका छौं। र, बंगलादेशसँग पक्कै पनि राम्रो गर्ने नै छौं,’ नेपाली टिमका सहायक प्रशिक्षक युगल किशोर राईले भने।

अब बंगलादेशसँगको खेल कस्तो रहला त? जहाँ यसअघि २३ पटक खेल्दा बंगलादेशले तीन जित निकालिसकेको छ भने नेपालले सात खेलमा मात्र जित निकाल्न सकेको छ।

‘हामीले खेलको पूर्वानुमान लगाउन सक्ने अवस्था छैन। हामी गर्दैनौ। टिमबीचको विश्वास र भावना हामीले देखाउने नै छौं। एन्फा, कोचिङ स्टाफ र खेलाडीबीचको सञ्चार र आपसी समझदारीले एकले अर्काको भावना बुझेर प्रदर्शन गर्ने हो भने हामीले पक्कै पनि जित निकाल्नेछौं,’ प्रशिक्षक गुमागाईंले भने।


उनले नयाँ आएका खेलाडी ऋतिक र आशिष टिममा राम्रो खेलाडीको छवि बनाएको जानकारी दिए। 

उनले भने, ‘दुवै खेलाडी डिभिजन ए लिग र बि डिभिजनमा राम्रो गरेका खेलाडी हुन् त्यसैले हामीले ल्याएको हो। उनीहरूबारे हामीले धेरै आशा राखेका छौं। टिममा स्वागत पनि छ,’ हुमागाईंले भने, ‘बलसँग, बलबाहेक, फिल्डभित्र र बाहिर सबै राम्रो भएर नै नयाँ लाई प्राथमिकता दिएको हो। त्यो स्तरको खेल चरित्र भएको कारणले गर्दा उनीहरूले राष्ट्रिय टिममा डिजर्भ गरेका हुन्। सबै बराबरी पर्न लायक नै हुन्।’

यता नवयुग पनि डिजर्भिङ हुन तर ‘केही कुराका कारण’ले उनी टिममा नपरेका मुख्य प्रशिक्षक हुमागाईंले बताए। साथै टिममा अभ्यास रमाइलो भइरहेको जानकारी दिए।

यता, युगल किशोर चाहिँ पहिलो पटक राष्ट्रिय टिमको सहायक प्रशिक्षक बनेका हुन्। उनले राष्ट्रिय टिममा धेरै दबाबसँगै धेरै कुरा सिकिने पनि बताएका छन्। उनले भने, ‘सहायक प्रशिक्षकको अनुभव भए पनि फुटबलमा यात्रा २० वर्षको भइसकेको छ। त्यहाँबाट पनि धेरै सिकियो। यो अनुभवले राष्ट्रिय टिमको दबाब झेल्ने साहस आएको छ।’

नेपाली टिम

गोलकिपर : किरण चेम्जोङ्ग, विशाल श्रेष्ठ, दीप कार्की, विकेश कुथु

डिफेन्डर : रोहित चन्द, अनन्त तामाङ, विकास तामाङ, विकास खवास, दिनेश राजवंशी, सुमन अर्याल, रेजिन धिमाल

मिडफिल्डर : सुदिप गुरुङ, तेज तामाङ, सेसेहनङ आङदम्बे, विशाल राई, सुजल श्रेष्ठ, सुरज ज्यु ठकुरी, एरिक विष्ट

फरवार्ड : विमल घर्ती मगर, अञ्जन विष्ट, रितिक खड्का, मनिष डाँगी र आशिष चौधरी


प्रकाशित: September 23, 2022 | 09:37:37 काठमाडौं, शुक्रबार, असोज ७, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
फुटबल

प्रथम ‘वडाअध्यक्ष कप’ फुटबल प्रतियोगिता : गुरूमार्ग युवा क्लब विजेता

प्रथम ‘वडाअध्यक्ष कप’ फुटसलको ट्रफी गुरूमार्ग युवा क्लबले हात पारेको छ।
नेपाल समय
फुटबल

नेसन्स लिगमा पोर्चुगल र सर्बियाको सानदार जित

चेक गणतन्त्रकै मैदानमा भएको खेलमा पाहुना टिम पोर्चुगलले ४-० ले हराएको हो।
नेपाल समय
फुटबल

नेसन्स लिगमा स्विट्जरल्यान्डसँग स्पेन पराजित, नर्वेको पनि हार

स्पेनमै भएको खेलमा स्विटजरल्यान्डले घरेलु टिमलाई २–१ ले हराएको हो।
नेपाल समय
फुटबल

११ खेलाडी फर्किंदा नवयुग र आयुष 'आउट', हुमागाईं भन्छन्- केही कारणले यस्तो भयो

राष्ट्रिय फुटबल टिमको लामो समयको द्वन्द्वपछि बंगलदेशसँग मैत्रीपूर्ण खेल्ने टिमको घोषणा निकै महत्त्वपूर्ण थियो। अखिल नेपाल फुटबल संघ एन्फाले पत्रकार सम्मेलन गरेरै नेपाली फुटबल टिमको घोषणा गरेको छ।
नेपाल समय
फुटबल

यू-२० : साफपछि एसिया कप छनोटमा पनि नेपाल असफल

हारको कारणबारे कुरा गर्दै प्रशिक्षक केसीले बराइनको फरकपना, तापक्रममा एडजस्ट हुन नसक्नुले नै हारसम्म पुर्याउन ठूलो भूमिका खेलेको बताए।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना