सोमबार, असोज १७, २०७९

खेलाडी विदेश पलायनबारे सोच्‍न ढिला भएन?

शिशिर बस्नेत  |  काठमाडौं, शनिबार, साउन २१, २०७९

शिशिर बस्नेत

शिशिर बस्नेत

शनिबार, साउन २१, २०७९, काठमाडौं

नेपाल समय
राष्ट्रिय फुटबल खेलाडीद्वय दर्शन गुरुङ (बायाँ) र सन्तोष तामाङ।

काठमाडौं– पछिल्लो समय नेपाली राष्ट्रिय फुटबल टोलीका खेलाडीहरू विदेशिने क्रम बाक्लिएको छ। केही महिनाअघि मात्रै नेपाली राष्ट्रिय टिमका मिडफिल्डर सन्तोष तामाङ र फर्वार्ड दर्शन गुरुङ अस्ट्रेलिया लागे। यी दुई खेलाडीले केही महिनाअघि मात्रै कुवेतमा भएको एएफसी एसियन कप छनोटअन्तर्गतका खेल खेलेका थिए। कुवेतमा राष्ट्रिय टोलीबाट खेलेर फर्किएलगत्तै उनीहरू रोजगारीका लागि विदेशिएका हुन्।

त्यसो त, विदेश पलायन हुने खेलाडीको सूचीमा दर्शन र सन्तोष नाम मात्र छैन,  रोजगारीका लागि मिडफिल्डर हेमन गुरुङ, गोलकिपर एलन न्यौपाने, जगजीत श्रेष्ठ र राष्ट्रिय टिमबाट खेलिसकेका निरोज बस्नेत पनि छन्। 

निरोजले २०७७ मा ढाकामा भएको बंगलादेशसँगको मैत्रीपूर्ण खेलमा डेब्यू गरेका थिए। उनी न्युरोड टिमबाट ‘ए’ डिभिजन लिग खेल्थे। यही वर्ष मात्रै राष्ट्रिय टिमबाट खेलिसकेका सुमन लामा र आशीष लामा पनि अस्ट्रेलिया गएका छन्। अन्य केही खेलाडी पनि विदेशिने तयारीमा रहेको स्रोतको दाबी छ।

राष्ट्रिय टोली र घरेलु प्रतियोगितामा खेलेर नाम कमाएका खेलाडीले कठोर निर्णय लिनुको कारणमध्येको प्रमुख हो–खेल क्षेत्रको कमाइले जीवनयापमा कठिनाइ।

बिहीबार ललितपुरमा आयोजित हाम्रो खेलकुद डटकमको सातौं वार्षिकोत्सव अवसरमा संस्थाले धावक जीतबहादुर केसी, धावक बैकुण्ठ मानन्धर, फुटबलका राजुकाजी शाक्य, ओलम्पियन तेक्वान्दोकी संगीना वैद्य, तेक्वान्दोकै दीपक विष्ट, क्रिकेटका पूर्वकप्तान पारस खड्का र पौडीकी गौरीका सिंहलाई २५ हजार नगदसहित सर्वकालीन सम्मान गर्‍यो। उक्त कार्यक्रममा सम्मानित हुने क्रममा बोल्दै लेजेन्डरी फुटबलर राजुकाजी शाक्यले खेलाडी विदेश पलायनको विषयलाई सरकार र राष्ट्रिय खलेकुद परिषद् (राखेप)को ध्यानाकर्षण गराए।

जवाफमा गगन थापा र टंकलाल घिसिङले यस विषयमा आफूहरूको कमजोरी रहेको स्वीकारे। उनीहरूले खेलाडी विदेश पलायन हुने विषय जटिल भएको र यसलाई रोक्न आवश्यक खेल पूर्वाधार तथा आर्थिक रूपमा पनि विशेष ध्यान दिइने प्रतिबद्धता जनाए। खेलाडीको आर्थिक समस्याको विषयबारे  आफूहरूको पहल रहिरहने उनीहरूको धारणा थियो।

यसै विषयमा नेपाल समयले राजुकाजी शाक्यलाई खेलाडी विदेशिक पलायन रोक्न के गर्नुपर्छ भनी सोधेको थियो।

शाक्यले भने, ‘खेलाडीले उमेर भएर खेल्न सकुन्जेल जसोतसो केही गर्छ, आफ्नो जीवन चलाउँछ। खेल्न छाडेपछि के गर्ने  भन्ने सबैभन्दा महत्त्वपूर्ण कुरा हो। नेपालको हकमा खेलाडीको पढाइ निकै कम हुने गर्छ। मलाई लाग्छ, नेपालमा धेरै कम खेलाडी त्यस्ता छन्, जसले पढाइ पूरा गरेका होउन्। त्यसैले खेलाडीलाई सरकारले देशका लागि खेलेको अथवा दिएको योगदानलाई मूल्यांकन गर्दै प्रमाणपत्र दिनुपर्छ। त्यसो गर्दा हामीले त्यहीअनुसारको जागिर गरेर जीवनयापन गर्न सक्छौं। संन्यासपछि खेलाडीलाई जागिर अनिवार्य हुनैपर्छ। हामीले त्यति धेरै ठूलो कुरा माग गरेका छैनौं। देशले जति दिन सक्छ, त्यो हुनुपर्छ।’

उनले खेलाडीका परिवारलाई निःशुल्क शिक्षा र स्वास्थ्योपचार पनि आवश्यक रहेको बताए। उनले भने, ‘अहिले स्कुल पढाउन धेरै महँगो छ। त्यसैले कम्तीमा पनि खेलाडीको परिवारलाई निःशुल्क पढाइदिने व्यवस्था हुनुपर्छ। स्वास्थ्योपचार पनि निःशुल्क गरिदिनुपर्छ। यातायातमा पनि खेलाडीलाई केही प्रतिशत छुट भए आर्थिक रूपमा धेरै हलुका हुने थियो।’

नेपाली खेलाडी विदेश रोजगारीमा गएका म आफैं चिन्तित छु। नेपालमा हुनुपर्ने लिग निरन्तर हुँदैनन्। यसले गर्दा खेलाडीले व्यावसायिक फुटबलबाट पाउने तलब पाउँदैनन्। वर्षमा तीन–चार महिना लिग खेलेर पाएको पैसाले पुग्दैन।

सरकारले खेलाडीको अनिवार्य बिमा गर्नुपर्ने उनको भनाइ छ। ‘पहिलेको तुलनामा अहिले धेरै बिमा गराइँदै आएको छ। यस्तो बिमा विभिन्न क्लबले गरिरहेका छन्। एन्फाबाट खेल्दा एन्फाले गर्छ। तर दीर्घकालीन रूपमा सबै खेलाडीलाई बिमा व्यवस्था गर्नुपर्‍यो।’

शाक्यलाई अगाडि सोधियो। खेलाडीले संन्यासपछि कत्तिको सम्मान पाउँछन्? उनले भने, ‘जुन खेलाडी लिजेन्ड हो, सबैले उसलाई चिन्छन्। मिडियामा धेरै नाम कमाएको पनि छ। उसलाई कुनै समस्या छैन। तर सबै खेलाडीको त्यस्तो नाम हुँदैन। पहिलो कुरा, खेलाडीलाई सबैमाझ चिनाउने वातावरण बनाउन सरकारले पहल थाल्नुपर्छ। एउटा संस्कृतिको विकास गर्नुपर्‍यो, खेलकुदलाई सबै क्षेत्रमा पुर्‍याउन सक्नुपर्‍यो। त्यसो भए खेलाडीले केही सम्मान पाउँछन्। तर यस्तो अवस्था नेपालमा छैन, जसले गर्दा खेलाडीले जति सम्मान पाउनुपर्ने हो, त्यो पाइरहेका छैनन्। कति खेलाडीलाई विभिन्न मन्त्रालय तथा कार्यालयमा पनि सहजै छिर्न दिइँदैन। गेटमै रोकिराखिन्छ, जुन दुःखद कुरा हो। यस्तो प्रवृत्ति तत्कालै अन्त्य हुन आवश्यक छ।’ सरकारबाटै खेलाडीको मूल्यांकन हुन नसकेको उनको गुनासो छ। खेल क्षेत्रलाई पेसा बनाएका खेलाडीलाई सरकारले हेर्नुपर्ने उनको माग छ।

खेलाडीहरू रोजगारीका लागि विदेश पलायन भएको विषयलाई उनले यसरी सुनाए, ‘पहिलो कुरा, नेपाली खेलाडी विदेश रोजगारीमा गएका म आफैं चिन्तित छु। नेपालमा हुनुपर्ने लिग निरन्तर हुँदैनन्। यसले गर्दा खेलाडीले व्यावसायिक फुटबलबाट पाउने तलब पाउँदैनन्। वर्षमा तीन–चार महिना लिग खेलेर पाएको पैसाले पुग्दैन। अन्य नकआउट खेलमा उनीहरूले खेलका आधारमा पैसा पाउँछन्। जहाँ उनीहरूको टिम बाहिरिँदैन, त्यतिबेलासम्म मात्रै खेल्छन्। कुनै टुंगो हुँदैन। यसरी लिग लगातार नभएपछि धेरै कुराको अभावले देशमा खेलेर कुनै भविष्य नदेखेर विदेशिएका हुन सक्छन्। उनीहरूलाई आफ्नो निर्णय लिने अधिकार भने छ।’

खेलाडीहरू विदेशिनु देश तथा खेल क्षेत्र दुवैका लागि राम्रो नभएको उनले बताए। शाक्यले भने, ‘यसरी खेलाडी विदेशिनु राम्रो कुरा होइन। यसले आउँदो पुस्तालाई पनि असर गर्छ। नयाँ पुस्तालाई खेलमा ल्याउन प्रोत्साहन गर्नुपर्छ। खेलाडीलाई राम्रो सुविधा दिनुपर्छ। खेलाडी, प्रशिक्षक, विभिन्न निकाय तथा सञ्चारकर्मीले पनि यस विषयलाई उठान गर्न जरुरी छ।’

शाक्य नेपालमा लामो समय फुटबल खेल्ने र देशका लागि धेरै पदक जित्ने खेलाडी हुन्।

यो पनि


प्रकाशित: August 6, 2022 | 19:50:26 काठमाडौं, शनिबार, साउन २१, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
फुटबल

लेवान्डोस्कीको गोलले बार्सिलोना शीर्षस्थानमा

खेलको २०औं मिनेटको गोलबाट बनाएको अग्रतालाई जोगाउँदै बार्सिलोनाले जित निकालेको हो।
नेपाल समय
फुटबल

प्रिमियर लिगमा चेल्सीको जित, ब्राइटनसँग बराबरीमा रोकियो लिभरपुल

चेल्सीले ३८औं मिनेटमा पहिलो र अन्तिम मिनेटमा दोस्रो गोल गर्दै जित निकालेको हो।
नेपाल समय
फुटबल

टोटेनहमलाई हराउँदै आर्सनल शीर्षस्थानमा

आर्सनलको इमिरेट्स मैदानमा सम्पन्न भएको खेलमा घरेलु टिमले टोटेनहमलाई ३–१ ले हराएको हो।
नेपाल समय
फुटबल

एसियन कप छनोट खेल्ने टोली घोषणा

मुख्य प्रशिक्षक उर्जन श्रेष्ठले २०२३ मा हुने छनोटका लागि बिहीबार टोली घोषणा गरेका हुन्।
नेपाल समय
फुटबल

अल्मुताइरीको राजीनामा स्वीकृत

अल्मुताइरीले केही साताअघि एन्फामा राजीनामा बुझाएका थिए। बंगलादेशसँगको खेलका लागि एन्फाले प्रदीप हुमागाईंलाई कार्यवाहक मुख्य प्रशिक्षक नियुक्त गरेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना