सोमबार, असोज १७, २०७९
साफ यू–२० प्रतियोगिता

बलियो टोली बंगलादेशविरुद्ध मैदानमा उत्रिँदै नेपाल

नेपाली टोली फाइनल नपुगे राजीनामा दिने प्रशिक्षकको केसीको घोषणा
नेपाल समय  |  काठमाडौं, मंगलबार, साउन १७, २०७९

नेपाल समय

नेपाल समय

मंगलबार, साउन १७, २०७९, काठमाडौं

नेपाल समय

काठमाडौं– नेपालले मंगलबार (आज) भारतको भुवनेश्वरम्मा जारी साफ यू–२० प्रतियोगितामा समूह चरणको अन्तिम खेलमा बलियो टोली बंगलादेशविरुद्ध खेल्दै छ। खेल नेपाली समयअनुसार बेलुकी सवा ४ बजेबाट सुरु हुँदै छ।

प्रतियोगिताको फाइनल पुग्ने झिनो आश तथा अघिल्लो खेलमा भारतसँगको हारलाई बिर्सिएर नेपाली टोली मैदानमा उत्रिँदैछ। गर या मर को स्थितिमा रहेको नेपाल प्रतियोगिताको फाइनल पुग्ने सम्भावना न्यून छ तर सकिएको भने छैन। नेपाललाई मंगलबारको खेल जित्नुबाहेक अन्य विकल्प छैन। यदि नेपाल मंगलबार पराजित भए फाइनल पुग्ने सम्भावना सकिनेछ। प्रतिद्वन्द्वी बंगलादेश प्रतियोगिताको एक मात्र अपराजित टिम हो। यसले गर्दा आजको खेल जित्न नेपाललाई सहज पक्कै छैन। बंगलादेशले आफ्नो खेलमा साविक विजेता भारतलाई २–१ गोल अन्तरले पराजित गर्दै प्रतियोगितामा दर्बिलो छाप छाडिसकेको छ। प्रतियोगितामा बलियो देखिए पनि पछिल्ला वर्षको उमेर समूहलाई हेर्दा नेपाल बंगलादेशसँग अपराजित छ।

यसअघि भारतविरुद्ध खेल्नुअघि नेपाल फाइनल नजिक थियो। भारतलाई पराजित गरेको अवस्थामा नेपाल सोझै एक खेलअघि नै फाइनल पुग्ने सुनौलो अवसर थियो। तर भारतसँग ८–० को अप्रत्यासित पराजयसँगै नेपालको फाइनल समीकरण कठिन बन्न पुग्यो। लगातार दुई खेल जित्दै उच्च मनोबलका साथ मैदान उत्रिएको नेपाल भारतविरुद्ध निरीह बन्यो। भारतसँगको खराब प्रदर्शनपछि नेपाली राष्ट्रिय टिमका प्रशिक्षक मेघराज केसीले हारमा आफ्नो गल्ती रहेको र खेलाडीमा अनुभवको कमी रहेको स्वीकारेका छन्। पराजयपछि आफ्नो फेसबुकमा स्टाटस लेख्दै केसीले एन्फा र खेलाडीलाई दोष नदिनसमेत आग्रह गरे। 

उनले लेखेका छन्, ‘अझै पनि हामीलाई कम ब्याकका लागि केही दिन बाँकी छ। हामी प्रयास गर्नेछौं। यदि हामीले राम्रो नतिजा ल्याउन सकेनौं भने पदबाट राजीनामा दिनेछु। मेरो फाइदाका लागि देशको फुटबल डुबाउन सक्दिनँ। त्यसैले मैले सकिनँ भने फुटबलबाट अलग हुनेछु। एन्फा र खेलाडीलाई दोष नदिनुहोला। सबै दोष मेरो हो। टिममा क्षमतावान खेलाडी छन् तर उनीहरुसँग अनुभव कम भएका कारण यस्तो नतिजा आएको हो।’

भारतमा निर्भर नेपाल

केही दिनअघिसम्म भारतलाई प्रतियोगिताको शीर्ष दुईमा रहँदै फाइनलमा स्थान सुरक्षित गर्न नेपालको नतिजाले फरक पार्थ्यो। अर्थात्, नेपालको नतिजाले असर गर्थ्यो, भारतलाई। तर अहिले परिस्थिति फेरिएको छ। नेपालले आफ्नो खेल जित्नैपर्ने दबाब त छँदै छ, भारतको नतिजामा निर्भर रहनेछ।

भारतले मंगलबार नै प्रतियोगिताबाट बाहिरिइसकेको कमजोर टिम माल्दिभ्सविरुद्ध खेल्दै छ। माल्दिभ्सविरुद्ध नेपालले उद्घाटन खेलमा ४–० को सानदार नतिजा निकाल्दै विजयी सुरुआत गरेको थियो। सोही हिसाबले ‘हेड टु हेड’ नतिजा हेर्ने हो भने माल्दिभ्सविरुद्ध भारत हाबी हुने देखिन्छ। भारत प्रतियोगिताको पहिलो खेलमा बंगलादेशसँग पराजित भएको थियो। तर त्यसपछिका दुई खेलमा सानदार जित निकाल्दै शीर्ष दुईको सम्भावना बलियो बनाएको छ।

बंगलादेश प्रतियोगितामा शतप्रतिशत नतिजाका साथ ३ खेलबाट ९ अंक जोड्दै तालिकाको शीर्ष स्थानमा छ। नेपाल र भारतले भने समान एक खेलमा पराजित हुँदै तीन खेलमा ६ अंक जोडेका छन्। गोल अन्तरका आधारमा नेपाल तेस्रो स्थानमा झरेको हो। शीर्ष दुईमा रहेका टिमको समान अंक भए गोल अन्तरलाई हेरिनेछ। 

नेपाल भारतसँग फराकिलो अन्तरले पराजित भएका कारण नेपाल ‘हेड टु हेड’मा गोल अन्तरले पछि परेको छ, जसले गर्दा भारतलाई फाइदा हुनेछ। मंगलबारको खेलमा माल्दिभ्सले भारतलाई हराए नेपालले बंगलादेशसँग बराबरी मात्रै खेल्दा पनि फाइनलमा पुग्नेछ। त्यसैले नेपाल, भारत र बंगलादेश तीन वटै देशको साफ फाइनल खेल्ने सम्भावना जीवितै छ। तर नेपालको हकमा भने आजका दुवै खेलको नतिजा कुर्नुपर्ने हुन्छ।


प्रकाशित: August 2, 2022 | 14:49:04 काठमाडौं, मंगलबार, साउन १७, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
फुटबल

लेवान्डोस्कीको गोलले बार्सिलोना शीर्षस्थानमा

खेलको २०औं मिनेटको गोलबाट बनाएको अग्रतालाई जोगाउँदै बार्सिलोनाले जित निकालेको हो।
नेपाल समय
फुटबल

प्रिमियर लिगमा चेल्सीको जित, ब्राइटनसँग बराबरीमा रोकियो लिभरपुल

चेल्सीले ३८औं मिनेटमा पहिलो र अन्तिम मिनेटमा दोस्रो गोल गर्दै जित निकालेको हो।
नेपाल समय
फुटबल

टोटेनहमलाई हराउँदै आर्सनल शीर्षस्थानमा

आर्सनलको इमिरेट्स मैदानमा सम्पन्न भएको खेलमा घरेलु टिमले टोटेनहमलाई ३–१ ले हराएको हो।
नेपाल समय
फुटबल

एसियन कप छनोट खेल्ने टोली घोषणा

मुख्य प्रशिक्षक उर्जन श्रेष्ठले २०२३ मा हुने छनोटका लागि बिहीबार टोली घोषणा गरेका हुन्।
नेपाल समय
फुटबल

अल्मुताइरीको राजीनामा स्वीकृत

अल्मुताइरीले केही साताअघि एन्फामा राजीनामा बुझाएका थिए। बंगलादेशसँगको खेलका लागि एन्फाले प्रदीप हुमागाईंलाई कार्यवाहक मुख्य प्रशिक्षक नियुक्त गरेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना