सोमबार, असोज १७, २०७९

साफ यु-२० च्याम्पियनसिप : फाइनलभन्दा एक कदम टाढा नेपाल

शिशिर बस्नेत  |  काठमाडौं, शुक्रबार, साउन १३, २०७९

शिशिर बस्नेत

शिशिर बस्नेत

शुक्रबार, साउन १३, २०७९, काठमाडौं

नेपाल समय
साफ यु–२० च्याम्पियनसिप फुटबलअन्तर्गत गत बुधबार श्रीलंकालाई ३–० गोल अन्तरले हराएपछि खुसी मनाउँदै नेपाली खेलाडी।

काठमाडौं– साफमा यू–२० मा नेपाली समर्थकमाझ फेरि खुसीको रंग थपिएको छ। प्रतिद्वन्द्वी फरक, प्रदर्शन उही, जर्सी फरक, नतिजा उही। नेपालको पहिलो खेलको रातो जर्सीमा जुन चहलपहल देखिएको थियो, दोस्रो खेलको नीलो जर्सीमा पनि त्यसले निरन्तरता पायो।

'गोर्खाली हौँ। अन्तिमसम्म हार नमानी लड्छौं' भन्ने साहसका साथ कप्तान तथा अन्य युवा खेलाडीले निरन्तर आफ्नो परीक्षा मात्रै पास गरेनन्, तिनले समर्थकको पनि मन जितिरहेका छन्। अहिले सबै समर्थकले युवा टोलीको फोटो तथा भिडियो सञ्चार माध्यममा राख्ने क्रम बढ्दो छ। सोही कारण यतिबेला  सामाजिक सञ्जालमा छाइरहेका छन्, उनीहरू।

लगातारको जितपछि प्रशिक्षक मेघराज केसी प्रदर्शनलाई लिएर उत्साहित भएको बताउँछन्। ‘हामीले सोचेजस्तो प्रदर्शन गर्न सफल भइरहेका छौं। फिनिसिङ लाइन केही चुके पनि निरन्तरको प्रयासपछि त्यसमा सुधार भएको छ,' केसीले भने, 'यसले गर्दा प्रतियोगितामा हामीले राम्रो प्रदर्शन गर्न सफल भएका छौं। हाम्रो टिम बलियो छ। सबैले उच्च मनोबल तथा हौसलाका साथ खेलिरहेका छन्।’ उनले एक खेलअगावै फाइनल पुग्न चाहेको बताएका छन्।

प्रतियोगितामा लगातारको जितसँगै नेपाल फाइनभन्दा अब मात्रै एक कदम टाढा छ, अर्थात्, नेपाललाई एक खेल जित्दा फाइनल पुग्ने पहिलो टिम बन्ने अवसर छ। नेपालले आइतबार भारतविरुद्ध खेल्दै छ। भारत प्रतियोगिताको साविक विजेता टिम हो। भारतलाई प्रतियोगितामा सबैभन्दा बलियो टिम मानिएको थियो। तर पहिलो खेलमै पराजित भएपछि भारतको शीर्ष दुईको सम्भावना कमजोर भएको छ। 

साविक विजेता भारत शीर्ष दुईमा रहँदै फाइनल पुग्ने लक्ष्यमा नेपालले बाधा पुर्‍याउने देखिएको छ। पहिलो खेलमै बंगलादेशसँग २–१ गोल अन्तरले पराजित भएपछि भारतलाई प्रतियोगिताको फाइनलमा स्थान बनाउन सकस भएको हो। यदि नेपालले भारतलाई पराजित गरेको अवस्थामा नेपाल एक खेलअगावै फाइनल पुग्ने सम्भावना बलियो छ भने भारतको फाइनल पुग्ने सम्भावना समाप्त हुनेछ।

नेपालले शनिबारको खेलमा भारतलाई हराए भारतसँग बंगलादेशसँग बराबरी मात्रै गरे पनि फाइनलको बाटो खुला रहनेछ। तर नेपाल शनिबार भारतसँग पराजित भएको अवस्थामा भने नेपालले अन्तिम खेलमा बंगलादेशसँगको खेल नै निर्णायक हुनेछ। 

प्रतियोगिताको साविक विजेता भारतलाई प्रतियोगितामा सबैभन्दा बलियो टिम मानिएको थियो। तर पहिलो खेलमै पराजित भएसँगै शनिबार हुने भारतविरुद्धको खेलमा नेपालले जित निकाल्ने सम्भावना बलियो छ। 

नेपाललाई एक खेलअगावै फाइनलमा स्थान सुरक्षित गर्ने हो भने शनिबार (आज) को खेल जित्नैपर्ने दबाब छ। नेपालले यसअघि खेलेका माल्दिभ्स र श्रीलंका तुलनात्मक रूपमा कमजोर टिम हुन्। उनीहरू प्रतियोगितामा पहिलो जितको खोजीमा छन्।

नेपालले खेल्न बाँकी दुई खेल भारत र बंगलादेश बलिया टोली हुन्। यसले गर्दा पनि नेपालले अबका खेलमा कस्तो प्रदर्शन गर्छ, सुरुआत दुई खेलको प्रदर्शनलाई निरन्तरता दिन्छ/दिँदैन, यी कुरा हेर्न भने बाँकी छ। तर प्रतियोगितामा शानदार प्रदर्शन गर्दै आएको नेपाल सबैभन्दा राम्रो लयमा रहेको टिम हो। यसले गर्दा भारतलाई पनि नेपालविरुद्धको खेल खेल्न सहज पक्कै हुने छैन।

प्रतियोगितामा सहभागी टिमको प्रदर्शन हेर्दा नेपाल र बंगलादेश सबैभन्दा बलियो टिमका रूपमा देखिएका छन्। दुवै टोलीले प्रतियोगितामा समान दुई–दुई खेल खेल्दै ६ अंक जोडेका छन्। तर नेपाल गोअन्तरका आधारमा तालिकाको शीर्ष स्थानमा रहेको छ। यसले गर्दा नेपाल र बंगलादेशलाई उपाधि दावेदारका रूपमा पनि हेरिएको छ। बंगलादेशले पहिलो खेलमा श्रीलंकालाई १–० ले पराजित गर्दै वियजी सुरुआत गरेको थियो।

श्रीलंकाविरुद्ध नेपालले खेलेको दोस्रो खेलमा ३–० को शानदार जित निकालेको थियो। यसबाट पनि नेपाल बंगलादेशभन्दा केही बलियो छ भन्ने अनुमान लगाउन सकिन्छ। बंगलादेशले उसको दोस्रो खेलमा साविक विजेता भारतलाई पराजित गरेको थियो।

प्रतियोगितामा खेलेका दुवै खेलमा पराजित भएको श्रीलंकाको भने फाइनल पुग्ने सपनामा पूर्णविराम लागिसकेको छ। बंगलादेश र नेपालसँग पराजित भएपछि उसको सम्भवना सकिएको हो। त्यस्तै, माल्दिभ्सको पनि शीर्ष दुईमा पर्ने सम्भावना निकै कमजोर देखिएको छ। एसले पनि प्रतियोगितामा जित दर्ता गर्न सकेको छैन। 

भारतविरुद्धको खेल सकिएपछि नेपालले आफ्नो अन्तिम खेलमा बंगलादेशसँग खेल्दै छ।

नेपाल २ खेलबाट ६ अंकसाथ अंक तालिकाको शीर्ष स्थानमा छ। दोस्रो स्थानको बंगलादेशको समान ६ अंक रहेको छ। भारत, माल्दिभ्स र श्रीलंका भने अंकविहीन रहेका छन्। नेपालले  बंगलादेशसँग २ अगस्तमा खेल्नेछ भने फाइनल खेल ५ अगस्तमा हुनेछ।

नेपाली टोली

गोलरक्षक: ईश्वर गुरुङ, युनेश चौधरी र जियारथ शेख

डिफेन्डर: अमर श्रेष्ठ, सोनित दाहाल, आयुष श्रेष्ठ, अजय चौधरी, सुमित श्रेष्ठ, सृजन धानी, रोशन थापा र अभिषेक वाइबा

मिडफिल्डर: दीपेश गुरुङ, आशीष राई, सन्दीप कार्की, जन्मजय धामी, मोहित गुरुङ, कृतिशरत्न छुन्जु, सुगम सुवाल, मनग्य नकर्मी र आयुष घलान

फर्वाड: रोहित सुब्बा, निरञ्जन मल्ल र रोहन खड्गी


प्रकाशित: July 29, 2022 | 18:57:42 काठमाडौं, शुक्रबार, साउन १३, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
फुटबल

लेवान्डोस्कीको गोलले बार्सिलोना शीर्षस्थानमा

खेलको २०औं मिनेटको गोलबाट बनाएको अग्रतालाई जोगाउँदै बार्सिलोनाले जित निकालेको हो।
नेपाल समय
फुटबल

प्रिमियर लिगमा चेल्सीको जित, ब्राइटनसँग बराबरीमा रोकियो लिभरपुल

चेल्सीले ३८औं मिनेटमा पहिलो र अन्तिम मिनेटमा दोस्रो गोल गर्दै जित निकालेको हो।
नेपाल समय
फुटबल

टोटेनहमलाई हराउँदै आर्सनल शीर्षस्थानमा

आर्सनलको इमिरेट्स मैदानमा सम्पन्न भएको खेलमा घरेलु टिमले टोटेनहमलाई ३–१ ले हराएको हो।
नेपाल समय
फुटबल

एसियन कप छनोट खेल्ने टोली घोषणा

मुख्य प्रशिक्षक उर्जन श्रेष्ठले २०२३ मा हुने छनोटका लागि बिहीबार टोली घोषणा गरेका हुन्।
नेपाल समय
फुटबल

अल्मुताइरीको राजीनामा स्वीकृत

अल्मुताइरीले केही साताअघि एन्फामा राजीनामा बुझाएका थिए। बंगलादेशसँगको खेलका लागि एन्फाले प्रदीप हुमागाईंलाई कार्यवाहक मुख्य प्रशिक्षक नियुक्त गरेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना