सोमबार, असोज १७, २०७९

साफ च्याम्पियनसिप : श्रीलंकासँगको परीक्षामा नेपाली युवा टोली

शिशिर बस्नेत  |  काठमाडौं, बुधबार, साउन ११, २०७९

शिशिर बस्नेत

शिशिर बस्नेत

बुधबार, साउन ११, २०७९, काठमाडौं

नेपाल समय

काठमाडौं– नेपाली युवा टोलीले भारतमा जारी साफ च्याम्पियनसिप फुटबलको उद्घाटन खेलमा सोमबार शानदार सुरुआत गर्‍यो। व्यस्त बनेका नेपाली मिडफिल्डर र फर्वाडले माल्दिभ्सको गोल पोस्टमा चार गोलको वर्षा गरे। खेलको अधिकांश समय माल्दिभ्सविरुद्ध हावी भएको नेपाली टोलीले खेलको पहिलो हाफमै दीपेश गुरुङको गोलमा अग्रता लियो।

त्यसपछि दोस्रो हाफमा झन् आक्रामक र उत्कृष्ट बनेको नेपालले सुगम सुवाल, क्रितिशरत्न छुन्जु र मनग्य नकर्मीको गोलमा जित सुनिश्चित गर्दै साफको तालिकामा सुखद् तीन अंक बटुल्यो। प्रतियोगितामा तीन अंकको ठूलो महत्त्व छ किनकि प्रतियोगितामा पाँच टोली मात्रै छन् र तालिकाको शीर्ष दुईमा रहने टोलीले सीधै फाइनल खेल्नेछ। सोही कारण नेपाल प्रतियोगिताका सबै खेलमा तीन अंक जोड्दै फाइनल खेल्ने लक्ष्यमा छ।

टिमप्रति विश्वस्त रहेका नेपाली टोलीका प्रशिक्षक मेघराज केसीले खेलमा मज्जाले मनोरञ्जन गरे। ‘हामीलाई अन्य टोली कस्ता छन्, केही थाहा छैन तर एउटा कुरा के थाहा छ भने हामी साफ जित्छांै,’ उनले भने। हुन पनि आत्मविश्वासी केसीले पहिलो खेल नै विशेष बनाइदिए। राम्रो खेलको ग्यारेन्टी दिने बताउँदै आएका उनले पहिलो पाइला सुखद् चालेका छन्।

टिमको प्रदर्शनपछि उत्साहित हुँदै प्रशिक्षक केसीले लामो समयपछिको प्रतियोगिताको सुरुआत कस्तो हुन्छ होला भन्ने कूतुहल रहेको तर टिमले धेरै राम्रो प्रदर्शन गरेकामा खुसी लागेको बताए। ‘हामीले यसको तयारीमा धेरै मिहिनेत गरेका थियौं र सोहीअनुसार धेरै राम्रो खेल्यौं। कडा मिहिनेत गरेर जित्यौं। माल्दिभ्सले पनि धेरै राम्रो खेलेको हो तर हामीले अझ धेरै मिहिनेत गरेका थियौ,’ केसीले भने। पहिलो खेलमा भन्दा अझै धेरै सुधार गरेर दोस्रो खेल खेल्ने उनले बताए।

पहिलो खेल नै जितेपछि नेपाल शीर्ष दुईमा रहँदै फाइनल पुग्ने सम्भावना उच्च भएको छ। तर प्रशिक्षक केसीले फाइनलभन्दा पनि बाँकी अन्य खेलमा ध्यान दिनुपर्नेमा जोड दिए। ‘हामी यहाँ उपाधिका लागि आएका हौं। अहिले फाइनलभन्दा अर्को खेलमा केन्द्रित छौं। फाइनल अझै टाढा छ,’ केसीले भने। पहिलो खेलमै फराकिलो जितपछि आगामी खेलमा ऊर्जा थपेको र टिमलाई थप प्रेरणा मिलेको उनको भनाइ छ।

युवा टोलीको परीक्षा

देशभरबाटै खुला प्रतिस्पर्धाबाट खेलाडीको छनोट भयो। यसमध्ये कमै मात्र त्यस्ता खेलाडी थिए, जसले यसअघि ठूला (ए डिभिजनका लिग तथा कप र अन्तर्राष्ट्रिय खेल) जस्ता प्रतियोगिता खेलेका छन्। टोलीमा केही खेलाडी यस्ता छन्, जसले पहिलो पटक रंगशालामा पाइला टेकेका हुन्। तर पहिलो पटक रंगशालामा पाइला राखे पनि उनीहरू कडा मिहिनेत गर्दै देशको प्रतिनिधित्व गर्ने सामर्थ्य राख्छन्।

खेलाडी छनोट गर्दा शौभाग्यवश नेपालले कप्तान पनि अनुभवी पाएको छ। कप्तान आयुष घलान टोलीमा सबैभन्दा अनुभवी खेलाडी हुन्, जसले गर्दा टिमलाई केही राहत मिलेको छ। टिम अत्यन्तै फ्रेस छ, अधिकांश खेलाडीको मुहार पहिलो पटक दर्शकमाझ देखिँदै छ। यसले गर्दा अहिले नेपाली युवा टोलीको परीक्षा भइरहेको छ। सिंगो राष्ट्र अहिले यो टिमको भरोसामा छ, जसले गर्दा खेलाडीमाझ जिम्मेवारी थपिएको छ। माल्दिभ्सलाई हराउँदै समर्थकको मुहारमा नयाँ आशा जगाएका युवा टोलीमाथि उक्त नतिजालाई निरन्तरता दिन दबाब छ।

पहिलो खेलमा शानदार सुरुआत गरेको नेपालले बिहीबार श्रीलंकाविरुद्ध खेल्दै छ। पहिलो जितसँगै नेपाली टोलीको मनोबल उच्च छ। उनीहरू यसलाई निरन्तरता दिने विषयमा पनि सकारात्मक देखिएका छन्। तर श्रीलंकाको अवस्था फरक तथा जटिल छ। नेपाल पहिलो खेलमा पाएको जितले धेरै प्रेरित भइसकेको छ। श्रीलंकाको भने पहिलो खेल सुखद् हुन सकेन। श्रीलंका पहिलो खेलमा बंगलादेशसँग १–० ले पराजित भएको थियो।

यसले गर्दा उसलाई अबको बाँकी खेल जित्नैपर्ने दबाब छ। प्रतियोगितामा बलियो देखिएको नेपालविरुद्ध उसलाई जित निकाल्न त्यति सहज भने पक्कै हुने छैन। नेपाललाई भने पहिलो खेलमै पराजित भएर मनोबल न्यून बनाएको श्रीलंकासँग खेल्न सहज हुन सक्छ। साथै, नेपालले श्रीलंकाविरुद्ध उसको कमजोरीको मौकाको फाइदा उठाउने अवसर पनि छ। श्रीलंका प्रतियोगितामा कमजोर देखिएको छ। उसले बंगलादेशविरुद्ध राम्रो प्रदर्शन गर्दै जित निकाल्न सकेन। श्रीलंका अंकविहीन रहँदै तालिकामा अंक जोड्ने प्रयासमा हुनेछ। नेपाल अर्को तीन अंक थप गर्दै फाइनलको सम्भावना पक्का बनाउने लक्ष्यमा छ।

बिहीबार श्रीलंकासँग खेलिसकेपछि नेपालले तेस्रो खेल भारतसँग जुलाई ३१ मा खेल्नेछ। लिगको अन्तिम खेलमा नेपालले बंगलादेशसँग अगस्ट २ मा खेल्नेछ। राउन्ड रोविन लिगका  आधारमा हुने खेल तालिकाको शीर्ष दुई टोलीबीच अगस्ट ५ मा फाइनल खेल हुनेछ।

नेपाली टोली

गोलरक्षकः ईश्वर गुरुङ, युनेश चौधरी र जियारथ शेख
डिफेन्डरः अमर श्रेष्ठ, सोनित दाहाल, आयुष श्रेष्ठ, अजय चौधरी, सुमित श्रेष्ठ, सृजन धानी, रोशन थापा र अभिषेक वाइबा
मिडफिल्डरः दीपेश गुरुङ, आशीष राई, सन्दीप कार्की, जन्मजय धामी, मोहित गुरुङ, कृतिशरत्न छुन्जु, सुगम सुवाल, मनग्य नकर्मी र आयुष घलान
फर्वाडः रोहित सुब्बा, निरञ्जन मल्ल र रोहन खड्गी


प्रकाशित: July 27, 2022 | 09:26:23 काठमाडौं, बुधबार, साउन ११, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
फुटबल

लेवान्डोस्कीको गोलले बार्सिलोना शीर्षस्थानमा

खेलको २०औं मिनेटको गोलबाट बनाएको अग्रतालाई जोगाउँदै बार्सिलोनाले जित निकालेको हो।
नेपाल समय
फुटबल

प्रिमियर लिगमा चेल्सीको जित, ब्राइटनसँग बराबरीमा रोकियो लिभरपुल

चेल्सीले ३८औं मिनेटमा पहिलो र अन्तिम मिनेटमा दोस्रो गोल गर्दै जित निकालेको हो।
नेपाल समय
फुटबल

टोटेनहमलाई हराउँदै आर्सनल शीर्षस्थानमा

आर्सनलको इमिरेट्स मैदानमा सम्पन्न भएको खेलमा घरेलु टिमले टोटेनहमलाई ३–१ ले हराएको हो।
नेपाल समय
फुटबल

एसियन कप छनोट खेल्ने टोली घोषणा

मुख्य प्रशिक्षक उर्जन श्रेष्ठले २०२३ मा हुने छनोटका लागि बिहीबार टोली घोषणा गरेका हुन्।
नेपाल समय
फुटबल

अल्मुताइरीको राजीनामा स्वीकृत

अल्मुताइरीले केही साताअघि एन्फामा राजीनामा बुझाएका थिए। बंगलादेशसँगको खेलका लागि एन्फाले प्रदीप हुमागाईंलाई कार्यवाहक मुख्य प्रशिक्षक नियुक्त गरेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना