सोमबार, असोज १७, २०७९

साख फर्काउने ध्याउन्‍नमा रोनाल्डो

शिशिर बस्नेत  |  काठमाडौं, मंगलबार, साउन १०, २०७९

शिशिर बस्नेत

शिशिर बस्नेत

मंगलबार, साउन १०, २०७९, काठमाडौं

नेपाल समय
ronaldo

काठमाडौ– क्रिस्टियानो रोनाल्डो फुटबल क्षेत्रमा ठूलो नाम हो। पाँच वालोन डी ओर र च्याम्पपियन्स लिग, एक युरो कप तथा कयांै अवार्ड जितेका रोनाल्डो एक सफल खेलाडी पनि हुन्।

अघिल्लो सिजन इटालियन क्लब युभेन्ट्सबाट आफ्नो पुरानो क्लब म्यानचेस्टर फर्किएका उनको युनाइटेड बसाइँ पहिलेजस्तो हुन सकेन। उनको टिमले प्रिमियर लिगमा राम्रो प्रदर्शन गर्न नसक्दा शीर्ष चारमा रहन सकेन। यसले गर्दा युनाइटेडले यस पटकको च्याम्पियन्स लिग गुमाएको छ।

तर ३७ वर्षे फुटबल स्टार रोनाल्डो अझै पनि ठूला प्रतियोगिता खेल्न, गोल गर्न र उपाधि जित्न भोका छन्। करियरको लगभग अन्त्यतिर आएका रोनाल्डो अझै पनि ठूला प्रतियोगिता खेल्दै कीर्तिीमान कायम गर्ने लक्ष्यमा छन्। 

रोनाल्डो युनाइटेड छाड्ने निर्णयमा पुगिसकेका छन् र उनी फेरि पनि क्लब परिवर्तन गर्न चाहन्छन्। युनाइटेडको टिममा नयाँ प्रशिक्षकको आगमन भइसकेको छ। उनी टिमलाई पुनर्निर्माण गर्दै बलियो टिम बनाउने लक्ष्यमा छन् तर रोनाल्डो उक्त टिमको हिस्सा बन्न चाहँदैनन्। अहिले टोली प्रशिक्षणमा व्यस्त हुनुका साथै प्रि–सिजनका खेल पनि खेलिरहेको छ। तर रोनाल्डोको कुनै पनि अत्तोपत्तो छैन। उनी प्रशिक्षणमा पनि सहभागी छैनन्।

यसबाट पनि के अनुमान लगाउन सकिन्छ भने उनी युनाइटेडमा रहन चाहँदैनन्। क्लबमा नयाँ प्रशिक्षक एरिक टेग ह्याजभने रोनाल्डोलाई जसरी पनि टिममा राख्ने प्रयासमा छन्। रोनाल्डोका लागि उनी आफ्नो रणनीति परिवर्तन गर्नसमेत तयार छन्। प्रशिक्षक टेनले मिडियासँग कुरा गर्दै रोनाल्डो टिमको ठूलो हिस्सा रहने बताउँदै आएका छन्। उनी भन्छन्, ‘रोनाल्डो हाम्रो टिमको हिस्सा रहनेछन्। उनी मेरो मुख्य योजनाका खेलाडी हुन्। उनी क्लब नछाडी हामी सँगै रहेर खेल्नेछन्। टिमलाई रोनाल्डोको आवश्यकता छ। यो कुरा उनले बुझेका छन्। मेरो मुख्य प्राथमिकता भनेको उनलाई क्लबमै राखेर बलियो टिम बनाउनु हो। त्यसैले म चाहन्छु, उनी चाडै क्लबमा फर्किनेछन्।’

प्रशिक्षक टेन अझै पनि बारम्बार रोनाल्डो बिक्रीका लागि नभएका बताउँदै आएका छन्। यसअघिको सिजनमा युनाइटेड प्रिमियर लिग तालिकाको दोस्रो स्थानमा रहेको थियो। त्यसपछि क्लबमा रोनाल्डोको पुनः आगमन भयो। रोनाल्डो क्लबमा अनुबन्ध भएसँगै क्लबले उनलाई सहज हुने गरी रणनीति परिवर्तन ग¥यो। यसले गर्दा रोनाल्डोलाई केही सहज भयो।

रोनाल्डो गत सिजन क्लबका शीर्ष गोलकर्तासमेत बने। तर उनको व्यक्तिगत प्रदर्शन उच्च रहे पनि टिमका अन्य खेलाडी तथा क्लबले राम्रो प्रदर्शन गर्न सकेन। उनी क्लबमा रहँदा अन्य अग्र भागका खेलाडीले राम्रो प्रदर्शन गर्न सकेनन्। युनाइटेडले शून्य उपाधिमै सिजनको समाप्ति गर्न बाध्य भयो, जुन युनाइटेडको इतिहासकै खराब वर्षमध्येको बन्न पुग्यो।

खेल जीवनको सुरुआतमा कैयौं उतारचढावका बीच पनि आफ्नो करियर सम्झनलायक बनाएका रोनाल्डोको पछिल्लो समय व्यावसायिक फुटबल करियर अन्योलमा परेपछि ठूला प्रतियोगिता जितेर पुनः साख फर्काउने योजनामा छन्।

उनको करियर अहिले एकाएक अनिश्चित भएको छ। खेल जीवनको सुरुआतमा कठिनाइ तथा कयौं उतारचढावका बीच पनि उनले आफ्नो करियर सम्झनलायक बनाए। तर करियरको अन्त्यतिर आइपुग्दा उनको व्यावसायिक फुटबल करियरमा अन्योल देखिएको छ। सफल खेल जीवन बिताएका रोनाल्डोका लागि समय फेरि उस्तै रहेन। कुनै समय सबै क्लबले चाहने रोनाल्डोलाई त्यो समय पनि उस्तै रहेन। उनलाई आफ्ना क्लबमा राख्नैपर्छ भन्ने कुरा युरोपका ठूला क्लबहरूलाई लागेन्। युनाइटेड छाड्ने मनसाय बनाएका रोनाल्डोलाई अब कहाँ जाने भन्ने प्रश्नले सताउन थालिसकेको छ। किनकि, उनलाई कुनै पनि क्लबले चासो दिइरहेको छैन। भर्खरै मात्र उनलाई चेल्सी तथा वार्यन म्युनिखले अस्वीकार गरेको थियो।

जर्मन च्याम्पियन वार्यनका सीईओ ओलिभर काहनले रोनाल्डोलाई अनुबन्ध गर्ने कुनै योजना नभएको बताएका छन् । उनले भनेका छन्, ‘रोनाल्डो निकै माथिल्लो दर्जाका खेलाडी हुन्। साथै, उनी विश्व फुटबलकै महान् खेलाडी पनि हुन्। तर उनलाई अनुबन्ध गर्ने हाम्रो कुनै योजना छैन । म उनलाई खेलाडीका रूपमा मन पराउँछु। उनी वास्तवमै कति राम्रा खेलाडी हुन्, सबैलाई थाहा छ, तर प्रत्येक क्लबको एउटा आफ्नै फुटबल सोच हुन्छ । वायर्न र बुंडेसलिगा दुवैका लागि रोनाल्डोलाई अनुबन्ध गर्ने काम अहिले ठीक हुन्न।’

उनी आफ्नो पूर्वक्लब रियलमड्रिड फर्किने सम्भावना निकै कम छ। उनले ९ वर्ष रियलमा आफ्नो उत्कृष्ट खेल जीवन बिताए। ९ वर्षे अवधिमा उनले रियलमा कयौं कीर्तिमान तथा उपाधि जितेका थिए। तर रियलमड्रिडमा युवा फर्वार्ड तथा कप्तान करिम बेन्जेमाले रोनाल्डोको अभावको पूर्ति गरिरहेका छन्। साथै, रियलले यस पटकको च्याम्पियन्स लिग पनि जितेको छ। रोनाल्डोले सन् २०१८ मा रियल मड्रिड छाडेपछि यो क्लबको पहिलो च्याम्पियन्स लिग हो।

अबको गन्तव्य

रोनाल्डो अझै पनि च्याम्पियन्स लिग गुमाउन चाहँदैनन् तर अन्य क्लबले चासो नदेखाएपछि उनको भविष्य अन्योलमा परेको छ। प्रिमियर लिग सुरु हुन अब दुई साता मात्रै बाँकी छ तर रोनाल्डोलाई अनुबन्ध गर्ने कुनै क्लब आएका छैनन्।  अन्तर्राष्ट्रिय सञ्चार माध्यमका अनुसार रोनाल्डो स्पेन आउन सक्ने पनि बताइएका छ। उनी एथ्लेटिको मड्रिड जान सक्ने विषयले चर्चा पाउन थालेको छ। तर यसअघि रियल मड्रिडमा रहँदा उनले गरेको व्यवहारले एथ्लेटिको मड्रिडका फ्यानहरूले उनलाई मन पराउँदैनन्।

यसले गर्दा उनलाई एथ्लेटिको खेल्न सहज हुने सम्भावना कम छ। एथ्लेटिकोबाहेक उनी आफ्नो पूर्वपोर्चुगिच क्लब स्पोर्टिङ क्लब फर्कन सक्ने पनि सम्भावना रहेको अन्तर्राष्ट्रिय सञ्चार माध्यमले बताएका छन्। उनले यही क्लबबाट आफ्नो खेल करियरको सुरुआत गरेका थिए। स्पोर्टिङ क्लबले पनि उनलाई आफ्नो क्लबमा भित्र्याउन प्रयास गरिरहेको छ। तर अहिलेकै स्थितिमा रोनाल्डो त्यहाँ खेल्ने मनस्थितिमा छैनन्।

- समाचार एजेन्सीहरुको सहयोगमा



प्रकाशित: July 26, 2022 | 07:26:39 काठमाडौं, मंगलबार, साउन १०, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
फुटबल

लेवान्डोस्कीको गोलले बार्सिलोना शीर्षस्थानमा

खेलको २०औं मिनेटको गोलबाट बनाएको अग्रतालाई जोगाउँदै बार्सिलोनाले जित निकालेको हो।
नेपाल समय
फुटबल

प्रिमियर लिगमा चेल्सीको जित, ब्राइटनसँग बराबरीमा रोकियो लिभरपुल

चेल्सीले ३८औं मिनेटमा पहिलो र अन्तिम मिनेटमा दोस्रो गोल गर्दै जित निकालेको हो।
नेपाल समय
फुटबल

टोटेनहमलाई हराउँदै आर्सनल शीर्षस्थानमा

आर्सनलको इमिरेट्स मैदानमा सम्पन्न भएको खेलमा घरेलु टिमले टोटेनहमलाई ३–१ ले हराएको हो।
नेपाल समय
फुटबल

एसियन कप छनोट खेल्ने टोली घोषणा

मुख्य प्रशिक्षक उर्जन श्रेष्ठले २०२३ मा हुने छनोटका लागि बिहीबार टोली घोषणा गरेका हुन्।
नेपाल समय
फुटबल

अल्मुताइरीको राजीनामा स्वीकृत

अल्मुताइरीले केही साताअघि एन्फामा राजीनामा बुझाएका थिए। बंगलादेशसँगको खेलका लागि एन्फाले प्रदीप हुमागाईंलाई कार्यवाहक मुख्य प्रशिक्षक नियुक्त गरेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना