शनिबार, मंसिर १८, २०७८

साफ फाइनलमा नेपाल भारतसँग पराजित

नेपाल समय  |  काठमाडौं, शनिबार, असोज ३०, २०७८

नेपाल समय

नेपाल समय

शनिबार, असोज ३०, २०७८, काठमाडौं

नेपाल समय

काठमाडौं– भारतले साफ च्याम्पियनसिपको उपाधि जितेको छ। साफ च्याम्पियनसिपअन्तर्गत शनिबार माल्दिभ्सको राजधानी मालेमा भएको फाइनलमा भारतले नेपाललाई ३–० गोलले पराजित गर्दै उपाधि जितेको हो।

पहिलो पटक फाइनलमा पुगेको नेपाललाई हराउँदै भारतले साफ च्याम्पियनसिपको उपाधि जितेको छ। फाइनल खेलमा नेपालाई दबाब बनाउँदै भारतले च्याम्पियनसिपको उपाधि आफ्नो बनायो। १३ औं संस्करणको उपाधि जितसँगै भारतले दक्षिण एसियाली क्षेत्रको सबैभन्दा ठूलो पावरहाउसका रुपमा आफ्नो वर्चस्व कायम राखेको छ। भारतले अहिले आठौं पटक उपाधि जितेको हो। 

पहिलो हाफमा बराबरी नतिजा रहेकोमा दोस्रो हाफको सुरुमै भारतीय पक्षबाट निरन्तर दुई गोल भएको थियो। खेलको ४९ औं मिनेटमा भारतका तर्फबाट सुनिल क्षेत्रीले गोल गरेका थिए भने ५० औं मिनेटमा सुरेश सिंह वाङजामले दोस्रो गोल गरेका थिए। यसपछि भारतका तर्फबाट सहल अब्दुल समदले इन्जुरी समयमा गोल गरेका थिए।

खेलको सुरुआतबाट बलमा पकड जमाउँदै भारतले नेपालमाथि दबाब बनाएको थियो। यता नेपालले पनि काउन्टर अट्याकको प्रयास गरे पनि गोलको अवसर सिर्जना गर्न सकेन।

२३ औं मिनेटमा भारतका अनिरुद्ध थापाको प्रहारलाई दिनेश राजवंशीले क्लियर गरिदिएका थिए। २७ औं मिनेटमा सुनिल क्षेत्रीले गरेको प्रहार भने किरण कुमार लिम्बूको हातमा पुगेर रोकिएको थियो। ३० औं मिनेटमा नेपालका तेज तामाङले गरेको प्रहार भने भारतीय गोलकिपरको हातमा पुगेर रोकिएको थियो। 

३१ औं मिनेटमा अनिरुद्ध थापाले गरेको प्रहार पोस्टमाथिबाट बाहिरियो। त्यस क्रममा डिफेन्समा रहेका सुजल श्रेष्ठ, दिनेश राजवंशी र अनन्त तामाङ निकै व्यस्त भइरहे। खेलको ३० मिनेटसम्म नेपाली टिमले केही राम्रा मुभ बनाए पनि गोल गर्न भने सकेन।

भारतले पनि निकै राम्रा मौका गुमाइरह्यो। फरवार्ड क्षेत्रीले पहिलो हाफको अन्तिम समयमा गोल गर्ने अवसर पाए, तर उनको प्रहार पोस्ट नजिकैबाट बाहिरिएको थियो। पहिलो हाफमा नेपालले भारतको पोस्टतर्फ तीन र भारतले नेपालका पोस्टतर्फ १० प्रहार गरेका थिए। 

दोस्रो हाफको सुरुमै भारतले नेपालको विरुद्धमा अग्रता बनायो। ४९ औं मिनेटमा सुनिल क्षेत्रीले गोल गरे भने त्यसको एक मिनेटपछि सुरेश सिंह वाङजामले गोल थपे। 

भारतबाहेक माल्दिभ्सले २ पटक, बंगलादेश, श्रीलंका र अफगानिस्तानले समान एक पटक जितेका छन्। अफगानिस्तान सन् २०१५ पछि साफ च्याम्पियनसिपबाट बाहिरिसकेको छ। नेपाल, पाकिस्तान र भुटानले भने अहिले सम्म साफ च्याम्पियनसिप जितेको छैन। 

दुई गोलले पछि परेको अवस्थामा सहायक प्रशिक्षक किरण श्रेष्ठले एकैपटक मनीष डाँगी, विशाल राई र आयुष घलानलाई मैदानमा छिराएका थिए। ५८ औं मिनेटमा नवयुगले गरेको प्रहार भारतका गोलकिपरले सहजै नियन्त्रणमा लिए। ६६ औं मिनेटमा सुनिल क्षेत्रीको प्रहारलाई गोलकिपर लिम्बूले बचाएका थिए। ७८ औं मिनेटमा रोहित चन्दको हेडर प्रहार भने पोस्टको बारमा लागेर बाहिरिएको थियो। ८३ औं मिनेटमा मनीष डाँगीको लङ रेन्ज इफोर्ट पनि पोस्टबाहिर गएको थियो।

भारतका लागि इन्जुरी समयमा साहल अब्दुल समदले गोल गरेर भारतको अग्रता बढाए। उनको गोलसँगै नेपाल ३–० गोलले पछि पर्‍यो  र नेपाल फाइनलमा पराजित भयो।

फाइनलमा नेपालले भारतको पोस्टतर्फ छ प्रहार गरेको थियो। तीमध्ये कुनै प्रहार सफल भएनन्। टेक्निकल एरियामा बस्न नपाएका प्रशिक्षक अब्दुल्लाह अलमुताइरी खेलपछि मैदानमा ओर्लिएका थिए। उनले यसअघि दुई खेलमा यल्लो कार्ड पाएपछि फाइनलमा डगआउट बस्नबाट वञ्चित भएका थिए।

भारतीय प्रशिक्षक इगोर स्टिमेचले पनि पछिल्लो खेलमा रातो कार्ड पाएका थिए। उनले पनि खेल सकिएपछि मैदानमा आएर समर्थकसँग खुसियाली साटेका थिए।

भारतले यसअघि सात पटक साफको उपाधि जितेको छ। भारतबाहेक माल्दिभ्सले २ पटक, बंगलादेश, श्रीलंका र अफगानिस्तानले समान एक पटक जितेका छन्। अफगानिस्तान सन् २०१५ पछि साफ च्याम्पियनसिपबाट बाहिरिसकेको छ। नेपाल, पाकिस्तान र भुटानले भने अहिले सम्म साफ च्याम्पियनसिप जितेको छैन। 

नेपालले यसपटकको साफमा खेलेको पाँचमध्ये २ खेलमा जित हात पारेको छ भने एक खेल बराबरीमा रोकिएको थियो। यसअघि भएको खेलमा भारतसँग नेपाल १–० गोल अन्तरले पराजित भएको थियो। लिग चरणको अन्तिम खेलमा बंगलादेशलाई १–१ गोलको बराबरीमा रोक्दै नेपाल फाइनल प्रवेश गरेको थियो। उता भारत भने २ खेलमा बराबरी र २ खेलमा जित निकाल्दै फाइनल प्रवेश गरेको थियो। 


प्रकाशित: October 16, 2021 | 22:38:05 काठमाडौं, शनिबार, असोज ३०, २०७८
नेपाल समय

नेपाल समय

नेपाल समय
काठमाडौं, शनिबार, असोज ३०, २०७८

थप समाचार

४-१ ले जिते पनि किन असन्तुष्ट छ सातदोबाटो? पराजितको प्रदर्शन राम्रो!

यही वर्ष मात्र ए डिभिजन लिगमा बढुवा भएको सातदोबाटोले तेस्रो खेलसम्म हार व्यहोरेको छैन। पहिलो खेल गोलरहित बराबरी खेलपछि उसले दोस्रो खेलमा थ्रीस्टारविरुद्ध १-० गोलको जित निकालेको थियो।

सहिद स्मारक ए डिभिजन लिगमा पहिलो ह्याट्रिक

सहिद स्मार ए डिभिजन लिगमा पहिलो ह्याट्रिक भएको छ। त्रिपुरेश्वरस्थित दशरथ रंगशालामा जारी लिगको तेस्रो चरणम ह्याट्रिक गर्ने विदेशी खेलाडी रहेका छन्।

ए डिभिजन लिगमा आजबाट तेस्रो चरणका खेल सुरु हुँदै

सहिद स्मारक ए डिभिजन लिगमा आज शुक्रबारबाट तेस्रो चरणका खेल सुरु हुँदैछन्। तेस्रो चरणका सम्पूर्ण खेल त्रिपुरेश्वरस्थित दशरथ रंगशालामा हुनेछन्।

रोनाल्डोको कीर्तिमानी ८०० गोल, युनाइटेडको रोमाञ्चक जित

बिहीबार राति घरेलु मैदान ओल्ड ट्राफोर्डमा १ गोलले पछि परेको स्थितिमा युनाइटेडले पुनरागमन गर्दै आर्सनललाई ३-२ अन्तरले पराजित गरेको हो।

फुटबलका 'न्यायाधीश'ले लिए गैरकानुनी बाटो!

यसबाहेक पनि भर्खरै चार जना भर्खरै रेफ्री कोर्स पास भएर आएका छन्। ६ जनाले परीक्षा दिएकामा ४ रेफ्री उत्तीर्ण भएका थिए। यता साविकका रेफ्रीहरुले नखेलाए नयाँ रेफ्री प्रयोग गर्न एन्फालाई स्वतन्त्रता भने छ।

बराबरीमा रोकियो पीएसजी

पेरिस सेन्ट जर्मेन (पीएसजी) ले फ्रेन्च लिग वानअन्तर्गत बुधबार रातिको खेलमा निससँगै गोलरहित बराबरी खेलेको छ। पीएसजी घरेलु मैदानमै निससँग बराबरीमा रोकिएको हो।

ट्रेंडिंग

नेपाल समय
प्रदेश न. २

प्रदेश २ : पौडेल पक्ष चुनावी दौडबाटै 'आउट', निधि र देउवा गुट प्रतिस्पर्धामा

देउवा गुटबाट उम्मेदवार खुलेपछि प्रदेश २ मा सभापति देउवा र उपसभापति निधिको बाटो फरक भएको थप स्पष्ट भएको छ। २ आकांक्षीले देउवा निकटका उम्मेदवारलाई समर्थन जनाएपछि उपसभापति निधिका उम्मेदवार रामसरोज एक्लिएका हुन्।
नेपाल समय
राजनीति

देउवा-सिटौला सहकार्य महाधिवेशनमा कति सम्भव?

सिटौला पक्षीय नेता भीमसेनदास प्रधानले यसअघि दिँदै आएका अभिव्यक्ति र तल्लो तहमा बनेका समीकरण आधार हुन्। प्रधानले आगामी महाधिवेशनपछि सिटौला कांग्रेसको कार्यवाहक सभापति हुने बताउँदै आएका छन्।
नेपाल समय
स्वास्थ्य/जीवनशैली

ओमिक्रोनको जोखिम : ९ देशबाट नेपाल आउन रोक

पछिल्लो समय कोरोना भाइरसको ओमिक्रोन भेरियन्ट देखिएपछि सरकारले सजगताका लागि ती देशबाट आउने यात्रुमाथि प्रतिबन्ध लगाएको हो।
नेपाल समय
राजनीति

लिङ्देनसँग लड्न यसकारण सजिलो छैन कमल थापालाई

कठिन परिस्थितिहरुमा सतिसाल जसरी थापाको पक्षमा उभिएका यिनै लिङ्देन अहिले थापासँग लड्दैछन्।
नेपाल समय
शिक्षा

आन्तरिक प्रतिस्पर्धाबाट स्थायी गर्ने निर्णय तत्काल खारेज गर्न विद्यार्थी संगठनको माग

त्रिभुवन विश्वविद्यालयका कुलपति तथा प्रधानमन्त्रीसमेतको त्रिवि सभा बैठकले गत मंगलबार १० वर्षदेखि करारमा कार्यरत प्राध्यापकलाई आन्तरिक प्रतिस्पर्धाबाट स्थायी गर्ने निर्णय गरेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C