आइतबार, साउन २९, २०७९

बलिउड डेब्यु फिल्म 'एनिमल'को स्क्रिप्ट पढ्दै विपिन, अहिलेसम्मकै नयाँ भूमिकाको पर्खाइ

राज सरगम  |  काठमाडौं, मंगलबार, जेठ २४, २०७९

राज सरगम

राज सरगम

मंगलबार, जेठ २४, २०७९, काठमाडौं

नेपाल समय
अभिनेता विपिन कार्की

काठमाडौं– अभिनेता विपिन कार्की यतिखेर बलिउड फिल्म ‘एनिमल’को स्क्रिप्ट पढिरहेका छन्। स्क्रिप्टमा आफ्नो भूमिका पढ्दा बेग्लै ‘इनर्जी’ पाएको उनी सुनाउँछन्, ‘अघिल्ला काममा यस्तो इनर्जी मैले महसुस गरेको थिइनँ। सायद साह्रै उत्साहित भएर पनि होला।’ 

आफ्नो अभिनयको जादूले नेपाली दर्शकको मन जित्दै आएका विपिन विश्वका दर्शकको मन जित्ने अवसरमा छन्। किनकी उनी ‘एनिमल’ मार्फत बलिउडमा डेब्यु गर्दैछन्। उनी भन्छन्, ‘काम गर्दै जाँदा यस्ता अवसर पनि पाइँदोरहेछ। यो कामबाट म आफूलाई चिनाउन पाउँदैछु।’

हालै हप्ता दिनको सेड्युल बाँकी रहेको ‘के घर के डेरा’मा व्यस्त छन् विपिन। सोही फिल्मको छायांकन सकिएपछि विपिन एनिमलको लागि जुलाईमा भारत निस्किने छन्। उनी भन्छन्, ‘बाल्यकालमा जसका फिल्म हेरेर हुर्किएँ तिनै कलाकारसँग स्क्रिन सेयर गर्न लाग्दैछु, आफूलाई लक्की ठानेको छु।’

एकै समुदाय र एकै दर्शकमाझ काम गर्दै आएका विपिन ठूलो मासमा पुग्नु आफैँमा चुनौती मान्छन्। त्यसैले उत्साहित रहेका विपिन आफ्नो भूमिकामाथि गम्भीर रहेको कुरा जोड्छन्, ‘यो काम निकै चुनौतीपूर्ण छ। उहाँहरूले गरेको विश्वास मेरा लागि काम गर्ने ऊर्जा हो।’

विपिनले आफूले गरेको कामको केही भिडियो एनिमल निर्माण टिमलाई पठाइसकेका छन्। आफूले गर्ने भूमिका देखेर निकै कौतहूल पनि छन्। उनी भन्छन्, ‘मेरो काम मन पराइदिनु भएको छ एनिमल निर्माण टिमले। त्यसैले आफूलाई तयारी गर्दैछु।’ 

एनिमलमा विपिनले बलिउडका सदावहार अभिनेता अनिल कपूर, रणविर कपूर, बबी देओल जस्ता दिग्गज कलाकारसँग स्क्रिन सेयर गर्दैछन्। र पनि सबैभन्दा बढी स्क्रिन सेयर अनिल कपूरसँग रहेको बताउँछन् विपिन। यसमा दक्षिण भारतीय अभिनेत्री रश्मिका मन्दनाको पनि मुख्य भूमिका रहेको छ।

आफ्नो अभिनयको जादूले नेपाली दर्शकको मन जित्दै आएका विपिन विश्वका दर्शकको मन जित्ने अवसरमा छन्। किनकी उनी ‘एनिमल’ मार्फत बलिउडमा डेब्यु गर्दैछन्।

फिल्म एनिमलको मुख्य पात्रबीच असमझदारी चर्कंदै गएपछि मानिसभित्र जनावरको स्वाभाव कसरी विकसित हुन्छ भन्ने कथा हो एनिमल। यो फिल्मलाई सन्दीप रेड्डी ‘वान्गा’ ले निर्देशन गर्दैछन्। रेड्डीले दक्षिण भारतमा बनेको ‘अर्जनु रेड्डी’ र त्यसैको बलिउड भर्सन ‘कवीर सिंह’ निर्देशन गरेका थिए। कवीर सिंह नेपालमा समेत अत्यधिक रुचाइएको थियो। 

हाल एनिमलको दोस्रो चरणको छायांकन भइरहेको र तेस्रो चरणको छायांकनमा आफ्नो सहभागिता हुने बताए विपिनले। युवा पुस्ताको मनोविज्ञानमाथि फिल्म बनाउने रेड्डीले विपिनलाई यस्तै मनोविज्ञानमाथि ‘प्ले’ गराउँदै छन्। निरन्तर निर्देशक सन्दीपसँग सम्पर्कमा रहेका विपिनको भूमिका के हो त? विपिन आफ्नो भूमिकामा सधैं विविधता ल्याउँछन्। एकनासका भूमिका भन्दा पनि फरकफरक भूमिकामा आफ्नो चरित्र निभाउन खुशी हुन्छन्। यस्तै फरक भूमिका निर्वाह गर्दैछन् एनिमलमा। भन्छन्, ‘मेरो भूमिका भिलेनको हो। अथवा एन्टागोनिस्ट हो।’

सन् १८७० को एक चर्चित भारतीय पहलमानको भाइको भूमिकामा देखिँदैछन् विपिन, जसको चरित्र एकै खालको हुँदैन। ‘मेरो हाउभाउ छिनछिनमा बदलिरहन्छ। यस्तो भूमिका नेपाली सिनेमामा त्यति गरेको छैन’, कुराकानीमा क्रममा उनले भने। 

१३ वर्ष अगाडि चलचित्र ‘छड्के’मा ‘बिन्दु’को भूमिका गरेका थिए अभिनेता विपिन कार्कीले। बिन्दु एक खलपात्र थियो। जुन भूमिकाले विपिनलाई यो क्षेत्रमा स्थापित नै गरायो। छड्केलाई आफ्नो करियरको डेब्यु फिल्म मान्छन् विपिन। 

दर्जन फिल्म खेलेपछि विपिनले ‘पशुपति प्रसाद’ मा ‘भष्मे डन’को भूमिका निर्वाह गरे। यो भूमिका पनि खलपात्रकै हो र पनि दर्शकमाझ निक्कै लोकप्रिय भयो भष्मे डन। यो फिल्म विपिनको करिअरको अर्को टर्निङ पोइट थियो। आफ्नो भूमिकामा ‘जान’ ल्याउन कुनै कसर नछोड्न विपिन भर्सटाइल एक्टर हुन् भन्दा फरक नपर्ला। लुटदेखि विपिनले छड्के, जात्रा, ताण्डव, कालोपोथी, हरि, प्रसाद, गोपी, सेल्फी किङजस्ता फिल्ममा आफ्नो अभिनयको जादू देखाइसकेका छन्। 

नेपाली चलचित्रमा ‘हिरोगिरी’ भूमिकामा भन्दा पनि ‘भिलेन’ भूमिकामा उनी रुचाइएका थिए। यस्तै चमत्कार फिल्म एनिमलमा निभाएको भूमिकाले नगर्ला भन्न सकिँदैन।  


प्रकाशित: June 7, 2022 | 16:37:36 काठमाडौं, मंगलबार, जेठ २४, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

निर्मला प्रकरण : 'शंकास्पद दोषी' विष्टको बचाउ गर्ने परिवार नै पीडित!

निर्मला हत्या प्रकरणमा प्रहरीले विष्टलाई दोषी करार गर्न खोजेको थियो। आरोप विष्टले स्वीकार पनि गरेका थिए। तर स्थानीयले विष्टको मानसिक सन्तुलन ठीक नभएको र प्रहरीले ‘भीआईपी’ अपराधी जोगाउन ‘निर्दोष’लाई 'बलिको बोको' बनाउन खोजेको भन्दै आन्दोलन गरेका थिए। त्यो भीडमा विष्टबाट यतिबेला दुर्व्यवहार भोगेकी किशोरीको परिवार पनि सहभागी थियो।

०६४ सालमा केपी ओलीलाई हराएका लिङ्देन खोज्दैछन् अर्को 'चान्स'

२०६४ सालको चुनावमा केपी ओलीलाई झापा क्षेत्र नम्बर ५ बाट हराएर चर्चामा आएका लिङ्देन पुनः उनैसँग आउँदो मंसिरको निर्वाचनमा भिड्ने मुडमा छन्।

'सहायक श्रीमान'ले जित्यो उत्कृष्ट डकुमेन्ट्री अवार्ड

अमेरिकाको एटलान्टामा अगस्त ४ देखि ७ सम्म भएको आठौं कब इन्टरनेसनल फिल्म फेस्टिभलमा पाण्डे निर्देशित ‘को–हजबेन्ड’लाई उत्कृष्ट अन्तर्राष्ट्रिय डकुमेन्ट्री फिल्म घोषणा गरिएको हो।

पञ्चायत र प्रजातन्त्रमा चुनाव गराएका सूर्यप्रसाद श्रेष्ठ, जसले बिर्सन सक्दैनन् यस्ता घटना

२०४३ को राष्ट्रिय पञ्चायतको चुनाव र प्रजातन्त्र पुनर्स्थापछिको बहुदलीय चुनाव गराउने अवसर पाएर राजा, कांग्रेस, कम्युनिस्टको रोजाइमा परेका पूर्वनिर्वाचन आयुक्त हुन् सूर्यप्रसाद श्रेष्ठ।

धरातल बिर्सिएका हुन् त धराने मेयरले?

मेयर साम्पाङका हरेक गतिविधि अपरिपक्व लाग्ने गरेका छन्। नीति निर्माण तहमा रहेका उनी घरी रुने, घरी केटाकेटी पाराले सामाजिक सञ्जालमा प्रस्तुत हुने बानीले कार्यपालिका सदस्यहरु आफूहरुलाई लाज लाग्ने गरेको बताउँछन्।

गाउँपालिकासँगको विवादले दुई ठूला सिमेन्ट उद्योगको उत्पादन प्रभावित, गुम्दै करोडौं राजस्व

कपुरकोट गाउँपालिकाले क्लिंकर उत्पादनमा प्रयोग हुने कच्चा पदार्थ चुनढुंगा बोक्ने टिपर सञ्चालनमा अवरोध गरेपछि दुई महिनादेखि सिमेन्ट उत्पादन प्रभावित भएको हो।

त्यसैले विश्वविद्यालयजस्तो छैन त्रिवि

राजनीतिक दलहरूको संगठित दोहन र आन्दोलनका नाममा विद्यार्थी संगठनहरूको निरन्तरको बार्गेनिङले त्रिविलाई खोक्रो बनाइरहेको छ।

प्रकाशमानले भने- फर्स्ट म्यान बनेर देशको विकास गर्ने चाहना छ

नेपाली कांग्रेसका नेता प्रकाशमान सिंहले प्रधानमन्त्री बनेर नेपालको विकास गर्ने चाहना प्रकट गरेका छन्।

कथा, किंवदन्ती र रीतिरिवाजको संयोजन रातो मच्छिन्द्रनाथलाई आँखैअगाडि कोर्दा...

रातो मच्छिन्द्रनाथको रथ निर्माणलाई प्रत्यक्ष हेरेरै १९ वटा चित्र कोरेकी सुशीलाले १६ चित्र भने १६ दिन लगातार बनाएकी थिइन्। उडान सीमाभन्दा बाहिर शीर्षक दिएर उनका चित्रलाई गत १७ जुलाईबाट म्युजियम अफ नेपाली आर्टले प्रदर्शनीमा ल्याएको छ।

काठमाडौं उपत्यकामा भूकम्पको धक्का महसुस

काठमाडौं उपत्यकामा भूकम्पको धक्का महसुस भएको छ।

थप समाचार

नेपाल समय
फिल्म

दया अनि सौगातले बदल्न नसकेको कथा, पात्र र चरित्र

रंगमञ्चबाट सिने क्षेत्र प्रवेश गरेका अभिनेताद्वय दयाहाङ र सौगातले चलचित्रको पर्दामा कथा, पात्र र चरित्रअनुसार फरकपन दिन नसकेको आरोप छ।
नेपाल समय
फिल्म

भुवन केसीविरुद्ध सर्वोच्चमा मुद्दा

शैक्षिक योग्यता नपुगेको भन्दै चलचित्र विकास बोर्डका अध्यक्ष भुवन केसीको नियुक्तिविरुद्ध सर्वोच्च अदालतमा रिट दर्ता भएको छ।
नेपाल समय
फिल्म

कलाकार बनाएको फिल्म 'प्रकाश' छाडेर ‘हिरोइजम’मै फर्किए प्रदीप

१० भदौमा प्रदर्शनमा आउने चलचित्र प्रकाशको प्रचार–प्रसारका लागि कलाकारले नेपालका सहर घुमिरहे पनि प्रदीपले टोलीलाई बीच बाटैमा छाडिदिएका छन्।
नेपाल समय
फिल्म

'सहायक श्रीमान'ले जित्यो उत्कृष्ट डकुमेन्ट्री अवार्ड

अमेरिकाको एटलान्टामा अगस्त ४ देखि ७ सम्म भएको आठौं कब इन्टरनेसनल फिल्म फेस्टिभलमा पाण्डे निर्देशित ‘को–हजबेन्ड’लाई उत्कृष्ट अन्तर्राष्ट्रिय डकुमेन्ट्री फिल्म घोषणा गरिएको हो।
नेपाल समय
फिल्म

‘सायरा’बाट आर्यनले खस्किएको करियरलाई छलाङ लाउन सक्लान्

पछिल्लो समय कुनै पनि हिट फिल्म दिन नसकेका आर्यन सिग्देल नयाँ फिल्म ‘सायरा’मा अनुबन्धित भएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना