सोमबार, साउन ३०, २०७९
नेपाल समय

निम्स दाइले सम्भव बनाएको असम्भव कार्य जसले संसारको ध्यान तानेको छ

नवराज राउत  |  काठमाडौं, शनिबार, मंसिर १८, २०७८
नवराज राउत

नवराज राउत

काठमाडौं, शनिबार, मंसिर १८, २०७८

संसारमा ८ हजार मिटरभन्दा अग्ला शिखर १४ वटा छन्। यीमध्ये सबै शिखर चढ्ने कमै छन्। इतिहास केलाउँदा रेनहोल्ड मेस्नरले १६ वर्ष लगाएर १४ शिखर चढेका थिए। आठ हजारमाथिका शिखर चढेको सबैभन्दा कम समय सात वर्षको थियो। तर निम्सले ७ महिनामा १४ वटै शिखर चढ्ने लक्ष्य लिए। निम्स अर्थात् निर्मल पुर्जा। हो, सात महिनामा आठ हजार मिटरभन्दा अग्ला १४ वटा हिमाल चढेर कीर्तिमान राखेका निर्मल र उनको टिममाथि बनेको वृत्तचित्रले अहिले संसारको ध्यान तानेको छ। 

निम्ससँगै मिग्मा, ग्याल्जेन, लाक्पा, गोसमान ५ नेपालीको ‘मिसन पोसिबल टिम’ अगाडि बढ्यो। मिसनले आफ्नो लक्ष्य पूरा गर्न तीन चरण छुट्याएको थियो। पहिलो चरणमा नेपालका अन्नपूर्ण, धौलागिरी, कञ्चनजंघा, सगरमाथा, मकालु, ल्होत्से गरी ६ वटा शिखर चढ्ने योजना बन्यो। दोस्रो चरणमा पाकिस्तानका ५ वटा अग्ला शिखर आरोहण गर्ने, तेस्रो चरणमा मनास्लु तथा तिब्बतका चोयु र सिसापाङका शिखर चढ्ने योजना थियो।

निम्सले ६ महिना ६ दिनमा त्यो असम्भव काम सम्भव बनाएर एउटा प्रेरणादायी काम गरे। उनीसँग सगरमाथा, ल्होत्से र मकालुका शिखर ४८ घण्टामा चढेको कीर्तिमानी रेकर्ड छ भने ६ वटा हिमाल आरोहणको पुरानो रेकर्ड पनि उनले तोडेका छन्।

को हुन् निम्स?

सन् २०१९ को अन्त्यसम्म निम्स नाम सबैका लागि नौलो थियो। नेपालको म्याग्दीको एउटा गरिब परिवारमा जन्मेका निर्मल पुर्जा निम्स दाइका रुपमा चर्चित व्यक्ति हुन्। बाबुआमाका तीन सन्तानमध्ये उनी कान्छा हुन्। सानैदेखि चुनौती स्वीकार गरी त्यसलाई पूर्णतातिर लैजाने उनको बानी थियो। त्यही लगावले उनलाई सफलतामा पुर्‍याइछाड्यो। उनका बुबा बेलायती गोर्खा सैनिक थिए। बुबालाई मुटुको समस्या देखियो। त्यो समस्याले उनी प्यारालाइज्ड भए। आमा दीर्घरोगी थिइन्। बेलायती गोर्खा सैनिकका सन्तान भएर पनि जीवनका प्रारम्भिक काल त्यति सुखद रहेन।

निम्स सन् २००३ मा बेलायती सेनाको गोर्खा रेजिमेन्टमा भर्ना भए। ६ वर्ष सैनिक सेवा गरेपछि बेलायतको स्पेसल बोर्ड सर्भिसमा छनोटका लागि आवेदन दिए। ती दिन उनी बिहान २ बजे उठेर ३४ किलोको भारी बोकेर २० किलोमिटर दौडिन्थे। दिनभरि काम गर्थे र बेलुका जिम जान्थे। घर फर्कंदा रातको ११ बज्थ्यो।

स्पेसल बोर्ड सर्भिसमा छनोट हुने उनी पहिलो नेलाली थिए। सेनामा सेवारत हुँदा उनले जस्तोसुकै परिस्थितिमा पनि दिमाग शान्त राख्नुपर्छ भन्ने कुरा सिके। अनुभवले कठिन चुनौतीसँग लड्न सिकायो। जीवनमा जे हुन्छ त्यो पहिल्यै तय हुन्छ भन्ने पूर्वीय दर्शनका अनुयायी न थिए उनी पनि। 


 सन् २०११ एउटा युद्धमा उनी घाइते भए। कुनै स्नाइपरले गर्दनमा ताकेर हानेको गोली उनको बन्दुकमा लागेको थियो। लडाइँमा जिन्दगी र मृत्युबीचको फरक त्यही केही सेन्टिमिटरमा चुकेको गोली थियो। ६ वर्ष बेलायत सैनिकको सेवा बाँकी हुँदा उनी जागिर छोड्ने निर्णयमा पुगे। जसरी ठूला निर्णयलाई सबैले डाउँछन्, पत्याउँदैनन्। सेनाको आडिलो जागिर छोडेर विश्वका ८ हजारमाथिका सबै हिमाल छोटो समयमा आरोहण गरेर कीर्तिमानी कायम गर्ने अपत्यारिलो योजनालाई लगभग सबैले उडाए। ए भाइ! यसो नगर भनेर सम्झाउनेको बगाल लाग्यो।

तर उनी ‘बोलेपछि बोल्यो बोल्यो’ भन्ने जंगे अडानमा रहे। उनले त्यो निर्णय त्यसै लिएका थिएनन्। जोखिमको व्यापक अध्ययन गरेका थिए। कैयौं रात पुनर्विचार गरेका थिए निर्णय गर्नुअघि।

म डराउदिनँ। मलाई खतरामा कामबाहेक केही गर्न आउँदैन। हार मान्नु हाम्रो रगतमा छैन। मलाई हरेक आरोहणमा म आज मर्दिनँ भन्ने विश्वास थियो।

सन् २०१८ मा जागिर छाड्दा उनीसँग आफ्नो योजना पूरा गर्न पुग्ने पैसा थिएन। थियो त मात्र अदम्य साहस। अगाडि कठिनाइका चुचुरा ठडिएका थिए। भनौं आफैंले ठड्याएका थिए। आफ्नो योजना पूरा गर्न कसरी लगानी खोज्ने केही थाहा थिएन। अन्त्यमा उनले आफ्नो घर धितो राखेर ऋण लिए। पैसा जम्मा गरेर शिखर चुम्न निक्ले निम्स।

निम्सले के थाहा भए भने ठूलो सपना देख्न डराउनु हुन्न। उनले भनेका छन्, ‘म डराउदिनँ। मलाई खतरामा कामबाहेक केही गर्न आउँदैन। हार मान्नु हाम्रो रगतमा छैन। मलाई हरेक आरोहणमा म आज मर्दिनँ भन्ने विश्वास थियो। कुनै दिन मर्छु तर आज मर्दिनँ। हिमालमा एउटै नियम हुन्छ हार मान्नु र लतो छाड्नु हँुदैन। जब ज्यान खतरामा हुन्छ तब बाँच्ने कोसिस गरिन्छ। म आरोहण यस कारणले गर्छु कि म हरेक पल बाँच्न चाहन्छु।’

उनी भन्छन्, ‘जब म हिमालका चुचुरा चढ्न संघर्ष गरिरहेको हुन्छ तब म को हुँ भन्ने थाहा हुन्छ। जीवन एउटा खाली पाना हो। यसलाई जोस, खुसी र उत्सवले भर्नुपर्छ।’

बिरामी आमाले सधैं छोरोको हौसला बढाउने काम मात्र गरिरहिन्। ‘छोरा तिमीलाई संसारले चिनोस्’ भनेर शिरमा हात राखेर आशीर्वाद दिइरइन्। छोराको सफलता देखेर मात्रै आमा बितिन्। 

निम्सले अन्नपूर्ण आरोहणका क्रममा अर्को टिमका एक आरोहीलाई उद्धार गर्न महत्त्वपूर्ण भूमिका खेले। हार मानेर बसेका डन बैलीलाई हौसला दिएर अन्नपूर्णको चुचुरोमा पु¥याए। पाकिस्ताको के टु हिमालसँग पराजित आरोहीका नैराश्यलाई उत्साहको मलहम लगाएर जोखिम उठाऊ भाग्य र साहसमा विश्वास गर भन्दै चुचुरासम्म पुग्न उत्पे्ररित गरे। एउटा चुचुरोबाट चिप्लिएर सय मिटर तल खसे तर होस र साहससँग डोरी समातेर बाँचे। हेजको सिकार पनि भए।

वृत्तचित्रको सफलता

वृत्तचित्र सजीव छ। साहससँगै हौसला छ। जीवनमरणको बीचको जोखिम थाहा भए पनि श्रीमान्को अठोट, क्षमता र उद्देश्यलाई उनकी श्रीमती सूचीले साथ दिइन्। यो मिसनपछि जिन्दगी बदिलिन्छ भन्ने सूचीलाई विश्वास थियो।

बिरामी आमाले सधैं छोरोको हौसला बढाउने काम मात्र गरिरहिन्। ‘छोरा तिमीलाई संसारले चिनोस्’ भनेर शिरमा हात राखेर आशीर्वाद दिइरइन्। छोराको सफलता देखेर मात्रै आमा बितिन्। 

वृत्तचित्रमा आमाको आशीर्वाद, श्रीमतीको माया र दाजुको अभिभावकत्वलाई पनि देखाइएको छ। आरोही टोलीका सदस्यको लगनशीलता, समर्पण र योगदानले गर्दा असम्भव भन्ने केही छैन भन्ने देखाइएको छ।

सिंगो वृत्तचित्रले देशको गौरव, हिमालको सौन्दर्य र नेपालीको बहादुरीको गाथा प्रदर्शन गरेको छ। पर्दापछाडिका योजनाकारको आत्मीयतालाई पनि अगाडि ल्याइएको छ। सय मिनेट बितेको पत्तै नहुने गरेर बनेको वृत्तचित्रमा टोर्किल जोन्सको निर्देशकीय क्षमताको तारिफ नगरी रहन सकिँदैन।

अन्नपूर्ण, धौलागिरी, कञ्चनजंघा, सगरमाथा, मकालु, ल्होत्से, मनास्लुजस्ता हिमाली शृंखलाको मनमोहक दृश्य देख्न पाइन्छ। नेपालकै टिमले यो असम्भव कार्यलाई सम्भव गरेको छ। नेपाली दाजुभाइको नेपाली शब्द कतैकतै सुन्न पाइन्छ। 

निम्सले भने जस्तो यो १४ औं संसारका अग्ला चुचुरा युरोपका अथवा पश्चिमको कुनै आरोहीले चढेको भएको यसको प्रचार १० गुणा बढी हुन्थ्यो। हामी नेपालीको विश्वमा पहुँच कम भएर निम्सले यस्तो भनेका होलान्।

अहिले सञ्चार, सोसल मिडिया र अनलाइनले जोडेको संसारमा निम्सको साहस, धैर्य र प्रेरणादायक खोजलाई संसारले कदापि बिर्सने छैन, बरु घरीघरी सम्झन बाध्य हुनेछ। पक्कै पनि नेपाली आरोहीको भविष्यका लागि वृत्तचित्र सफल हुनेछ।

तपाईं को प्रतिक्रिया

तपाईं को प्रतिक्रिया

ट्रेंडिंग

तालाबन्दी र तोडफोडले बिगारेको त्रिवि : माग एउटा, नियत अर्कै!

पछिल्लो समय भने तालाबन्दी राजनीतिक पाटोसँग भन्दा पनि लेनदेनको पाटोसँग जोडिएको उपप्राध्यापक रेशम थापा बताउँछन्। ‘पहिला राजनीतिक कारण हुन सक्थ्यो। तर, हिजोआज यो बिल्कुल आर्थिक पाटोसँग जोडिएको छ। लनेदेनको कुरा मिले ताला खुल्छ। नत्र लागिबस्छ,’ थापाले भने।

नयाँ तलबमान र ग्रेड लागू गर्ने मन्त्रिपरिषद्को निर्णय

सरकारले सबै राष्ट्र सेवक कर्मचारीहरूको नयाँ तलबमान र ग्रेड स्वीकृत गरेको छ।

यी ३२ निर्वाचन क्षेत्र, जहाँ गठबन्धनलाई पर्न सक्छ सिट बाँडफाँटमा सकस

२०७४ मा बाम गठबन्धन बनाएर संघीय सांसद भएकाहरू दल बदल र पाँच दलीय गठबन्धनभित्र समेटिएपछि आउँदो चुनावमा कांग्रेसका आकांक्षी उम्मेदवार र सत्ता साझेदार दलका नेताहरू आ–आफ्नो दाबीसहित टिकटका लागि दौडधुप गर्दै छन्।

यी कांग्रेस नेता जो अहिले गुमनाम छन्

गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।

निहारिकाद्वारा शीतलनिवास अगाडि आत्मदाहको प्रयास, जनकपुर उच्च अदालतमा विचाराधीन छ बलात्कार मुद्दा

जबरजस्ती करणी मुद्दामा न्याय माग्दै अनसनरत निहारिका राजपूतले राष्ट्रपति निवासअघि आत्मदाहको प्रयास गरेकी छन्।

केसी-महत विवादले माओवादीलाई हुन सक्छ फाइदा, नुवाकोटमा कसरी मिल्ला बाँडफाँट?

नुवाकोट-१ माओवादीलाई छाड्नु परे त्यसमा हितबहादुर तामाङ उम्मेदवार बन्ने सम्भावना प्रबल छ। नुवाकोट-२ कांग्रेसले लिँदा केन्द्रीय सदस्य बहादुरसिंह लामालाई उमेदवार बनाउने चर्चा पनि नुवाकोटमा छ।

कैलालीमा आरजुलाई आउँदो चुनाव कति सहज?

२०७४ को निर्वाचनमा राणालाई हराउन भूमिका खेलेको भन्दै कैलाली कांग्रेसका पुराना नेता पुष्करनाथ ओझालाई कांग्रेसले अनुशासनको डन्डा बर्साएपछि बूढानीलकण्ठसँग बदला लिने असन्तुष्टहरूको संख्या पनि ठूलै छ।

आफ्नै कारण राजनीतिबाट 'किनाराकृत' हुँदैछन् वामदेव

कुनै बेला राजनीतिको केन्द्र भागमा रहेका वामदेव गौतम नेकपा एकता राष्ट्रिय अभियानले गरेको कारबाही र तत्काल वाम एकता नहुने संकेतसँगै राजनीतिक संकटमा भासिँदै छन्।

कालीबाबाले भेटे पूर्वराजा ज्ञानेन्द्रलाई

भारतमा बसोबास गर्ने नेपाली मूलका साधु काली बाबाले नेपाल आएर पूर्वराजा ज्ञानेन्द्र शाहसँग भेट गरेका छन्।

प्रतिनिधिसभा निर्वाचन : देउवासँग किन नाम जोड्न चाहँदैनन् कर्ण मल्ल?

उनी नेकपा एमालेको समर्थनमा कांग्रेस बीपीबाट उम्मेदवार बन्न सक्ने धेरैको आकलन छ। मल्लले नेपाल समयसँग कुरा गर्दै प्रदेशसभामा निर्वाचन नलड्ने बताए। यसले उनी संघीय चुनाव लड्ने पक्का भएको छ।

थप समाचार

नेपाल समय
फिल्म

'ऐना झ्यालको पुतली' को ट्रेलर सार्वजनिक

ऐना झ्यालको पुतलीको ट्रेलरमा स्कुले शिक्षा लिन चाहने किशोरीको सपना र त्यसमा आउने अवरोधलाई संकेत गरेर कथा बुनिएको छ।
नेपाल समय
फिल्म

दया अनि सौगातले बदल्न नसकेको कथा, पात्र र चरित्र

रंगमञ्चबाट सिने क्षेत्र प्रवेश गरेका अभिनेताद्वय दयाहाङ र सौगातले चलचित्रको पर्दामा कथा, पात्र र चरित्रअनुसार फरकपन दिन नसकेको आरोप छ।
नेपाल समय
फिल्म

भुवन केसीविरुद्ध सर्वोच्चमा मुद्दा

शैक्षिक योग्यता नपुगेको भन्दै चलचित्र विकास बोर्डका अध्यक्ष भुवन केसीको नियुक्तिविरुद्ध सर्वोच्च अदालतमा रिट दर्ता भएको छ।
नेपाल समय
फिल्म

कलाकार बनाएको फिल्म 'प्रकाश' छाडेर ‘हिरोइजम’मै फर्किए प्रदीप

१० भदौमा प्रदर्शनमा आउने चलचित्र प्रकाशको प्रचार–प्रसारका लागि कलाकारले नेपालका सहर घुमिरहे पनि प्रदीपले टोलीलाई बीच बाटैमा छाडिदिएका छन्।
नेपाल समय
फिल्म

'सहायक श्रीमान'ले जित्यो उत्कृष्ट डकुमेन्ट्री अवार्ड

अमेरिकाको एटलान्टामा अगस्त ४ देखि ७ सम्म भएको आठौं कब इन्टरनेसनल फिल्म फेस्टिभलमा पाण्डे निर्देशित ‘को–हजबेन्ड’लाई उत्कृष्ट अन्तर्राष्ट्रिय डकुमेन्ट्री फिल्म घोषणा गरिएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना