सोमबार, मंसिर १२, २०७९

'सत्यम'बाट मलिका बाहिरिएपछि पलको जोडी उपासना

नेपाल समय  |  काठमाडौं, सोमबार, कार्तिक २९, २०७८

नेपाल समय

नेपाल समय

सोमबार, कार्तिक २९, २०७८, काठमाडौं

नेपाल समय

काठमाडौं– अभिनेत्री तथा मोडल मलिका महत चलचित्र ‘सत्यम’बाट बाहिरिएकी छन्। उनको स्थानमा नायिका उपासना सिंह ठकुरीले अभिनय गर्ने भएकी छन्। उनी राइजिङ सुपरस्टार पल शाहको जोडीको रुपमा देखिनेछिन्। यसमा राजेश हमालको मुख्य भूमिका रहनेछ। 

पढाइ र सुटिङको समय तालिका नमिल्ने भएपछि महतले चलचित्र छाडेकी हुन्। निर्माता रेशम सापकोटाले मलिकाले चलचित्र छाड्नुको कारण उनको अध्ययन नै रहेको बताए। ‘मलिकाले बिबिए अध्ययन गर्दै हुनुहुन्छ। चलचित्रको कार्यशाला गर्ने समयसम्म पढाइ अनलाइनमा हुने भन्ने थियो तर सोचेभन्दा अगाडि नै कलेजको फिजिकल क्लास हुने भएपछि उहाँले समय दिन सक्नुभएन। अन्य कारण केहि छैन,’ सापकोटाले प्रष्ट पारे।

निर्देशक शंकर कार्कीका अनुसार ‘सत्यम’का लागि पहिले उपासनालाई नै अफर गरिएको थियो। तर अर्को चलचित्रको छायांकन मिति जुधेपछि उनले समय दिन सकेकी थिइनन्। निर्देशक कार्कीले भने, ‘पहिले उपासनाले चाहेर पनि समय दिन सक्नुभएको थिएन तर अहिले भने उहाँको समय मिलेको छ। हामीले सहमति गरेर अगाडि बढिसकेका छौं। अब मलिकाले अभिनय गर्ने भूमिका उपासनाले गर्नुहुन्छ’।

उपासना पहिलो पटक चलचित्रमा राजेश हमाल र पल शाहसँग स्क्रिन सेयर गर्नका लागि निकै उत्साहित छन्। यो चलचित्रबाट आफूले धेरै कुरा सिक्न पाउने उनको विश्वास छ।

त्यस्तै, हमालको जोडीको रुपमा निलिमा चन्दले अभिनय गर्ने भएकी छन् भने अभिनेत्री निरुता सिंहसँग पनि यो चलचित्रमा अभिनयको लागि कुराकानी भइरहेको निर्माता सापकोटाले बताए।

चलचित्रमा अनुप विक्रम शाही र अभय बराल, कृष्ण जोशीको पनि अभिनय रहनेछ। पर्दामा दर्शकले राजेश हमाल र अनुपको भिडन्त हेर्न पाउनेछन्। यसअघि उनीहरुले चलचित्र ‘सौर्य’ मा एकसाथ अभिनय गरेका थिए। चलचित्रमा हमालको चार फरक लुक्स रहनेछ।

यो चलचित्रबाट राजेश हमालले चार वर्षपछि कमब्याक गर्न लागेका हुन्। यसकारण पनि ‘सत्यम’ निर्माण अगावैदेखि दर्शकमाझ प्रतिक्षीत बनेको छ। चलचित्रमा दक्षिण भारतिय चलचित्रहरुमा उदाइरहेका कलाकार मिलन सिजापतिको पनि नेगेटिभ भूमिका रहनेछ। यो चलचित्रबाट मोक्तर खान, कैलाश रावल, नेरिस्का स्थापित, प्रिन्स प्रसिद्ध सिंह, प्रविन चापागाईं, अन्विशा खड्की लगायतका अन्य कलाकारहरुले डेब्यू गर्दैछन्। यि सबै कलाकारहरु अडिसनबाट छानिएका हुन्। 

नवयुग सिनेमाको प्रस्तुतिमा बन्ने ‘सत्यम’ लाई रेशम सापकोटाले लेखेका हुन् भने सापकोटा नै चलचित्रका निर्माता हुन्। गणेश पौडेल एसोसियट निर्माता रहेको चलचित्रका सह–निर्माताहरुमा श्याम मल्ल र कृष्ण जोशी रहेका छन्। त्यस्तै, लाइइन प्रोड्युसरमा रेशम गौतम, सुबास भुर्तेल र कृष्ण अधिकारी छन्।

चलचित्रमा योगेश काजीको संगीत, कुटुम्ब ब्याण्डको शिर्ष गीत र ब्याकग्राउण्ड म्युजिक, गणेश पौडेलको सह–संगीत, रेशम सापकोटा र बिष्णु निरिशको शब्द रचना, अन्जु पन्त, योगेश काजी, समिक्षा अधिकारी, गणेश पौडेल र राजु महर्जनको गीतमा स्वर सुन्न सकिनेछ। त्यस्तै, चलचित्रको डिओपीमा राजेश श्रेष्ठ छन् भने टेक्निकल सुपरभाइजर जीवन थापा हुन्।

चलचित्रको एक्सन सिन खिच्न निर्माण टिमले पोखरामा भव्य सेट निर्माण गरेको छ। यो चलचित्र माथिल्लो मनाङ, मुस्ताङ, पोखरा र काठमाडौंमा छायांकन हुने चलचित्रको इनडोरका महत्त्वपूर्ण सिनहरु छायांकन भने सेटमा खिचिनेछ। निर्देशक शंकर कार्कीका अनुसार निर्माणधिन सेटमा हेलिकोप्टर क्र्यासको दृश्यदेखि ठूला भवनहरुको दृश्यहरु छायांकन गरिनेछ।


प्रकाशित: November 15, 2021 | 14:10:12 काठमाडौं, सोमबार, कार्तिक २९, २०७८

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
फिल्म

पर्यटनले बोर्डले हेऱ्यो ‘उचाइ’, नेपाललाई छायांकन हब बनाउन सहकार्य गर्ने प्रतिबद्धता

पर्यटन बोर्डका व्यस्थापक सूर्य थपलियाले चलचित्र र पर्यटन क्षेत्रको सहकार्यको ढोका खोल्ने प्रयासस्वरुप प्रदर्शनी आयोजना गरिएको बताए।
नेपाल समय
फिल्म

उचाइ : नेपाल चिनाउने बलिउड फिल्म

७० प्रतिशत छायांकन नेपालमै गरिएको बलिउड फिल्म उचाइमा दोहोरिइरहने हिमशृंखलाका दृश्य र संवादले मुलुकलाई विश्वमाझ पुनः चर्चामा ल्याएको छ।
नेपाल समय
फिल्म

राजेश हमाल ‘महानायक’ सम्मानबाट सम्मानित हुँदै

एपिक नेपाल म्युजिक अवार्डमा राजेश हमाललाई ‘महानायक’को सम्मान प्रदान गरिने भएको छ।
नेपाल समय
फिल्म

अभिनयबाट विश्राम लिँदै बलिउड नायक आमिर खान

भारतीय सिने उद्योगमा ३५ वर्षदेखि काम गर्दै आएका खान आफ्नो परिवारका लागि समय दिन फिल्मी दुनियाँबाट टाढिन लागेका हुन्।
नेपाल समय
फिल्म

तीन तलाकमा आधारित फिल्म 'निकाह' जसका संवादमा बजिरहन्थ्यो ताली

'तिमी पनि अरुजस्तै पुरुष निस्कियौ, जसले नारीलाई सम्पत्ति ठान्छन्। तर म सम्पत्ति होइन। म जिउँदो नारी हुँ। म नै तिमीलाई छोड्दैछु।'

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना