शुक्रबार, मंसिर १६, २०७९

स्क्रिन जोडी दिलीप र निरुताको नजुरेको सहकार्य

नेपाल समय  |  काठमाडौं, शनिबार, कार्तिक १३, २०७८

नेपाल समय

नेपाल समय

शनिबार, कार्तिक १३, २०७८, काठमाडौं

नेपाल समय

काठमाडौं- नेपाली फिल्मका दर्शकले रुचाएको जोडीमध्येको एक हो, दिलीप रायमाझी र निरुता सिंहको जोडी। दर्पणछायाँ, लहना, बन्धकीलगायतका फिल्ममा यो जोडीले गरेको कामलाई दर्शकले रुचाए। ठूलो पर्दामा रुचाइएको जोडी बनेका दिलीप र निरुताले फिल्म निर्माणमा समेत सहकार्य गर्ने तयारी गरेका थिए। 

‘हाम्रो जोडी पर्दामा दर्शकले रुचाइरहेका थिए, साथै हामी रियल लाइफमा पनि मिल्ने साथी थियौँ र छौँ’, निरुता भन्छिन्, ‘हामीले वर्कआउट पनि सँगै गर्थ्यौँ, मिल्ने साथी भएकाले धेरै कुराहरू एक आपसमा हुन्थ्यो।’ 

त्यसै क्रममा फिल्म ‘बन्धकी’ को छायांकनको समयमा दिलीपले निरुतालाई फिल्म निर्माणको अफर गरेका थिए। ‘लेलेमा छायांकन भइरहेको समयमा मलाई उहाँले फिल्म निर्माण गर्न लागेको जानकारी गराउनुभयो। त्यहीँ कुराकानी फिल्ममा अभिनय गर्ने हुँदाहुँदै सट दिने बेलामा निर्माणमा पनि सहकार्य गर्नेसम्म पुग्यो’, निरुताले एक टेलिभिजन अन्तर्वार्ताको क्रममा भनिन्। 

दिलीपले अफर गरेकाले उनले पनि सहमति जानाइन्। फिल्म नगरीका व्यस्त दुई कलाकारले फिल्म निर्माण गर्ने भएपछि निर्देशक पनि खास चाहिन्थ्यो।  

‘मैले चाहेर सहकार्य नगरेको होइन। तर, त्यो समयमा खै के भयो? त्यो प्रोजेक्टको कामलाई अगाडि बढाउन सकिन’

उक्त समयमा अभिनेता राजेश हमालले एक एड फिल्म निर्देशन गरेका थिए। त्यो देखेपछि यी दुईले अभिनेता हमाललाई निर्देशकको रूपमा अफर गरे। तुरुन्तै फोन गरेर फिल्म निर्देशनको प्रस्ताव गरेपछि अभिनेता हमालले भेट्न बोलाए। ‘राजेश दाइले मलाई निर्देशक बनाउने सोच कसरी आयो भनेर सोध्नुभयो। दिलीपजीले कन्भिन्स गरेपछि उहाँ तयार पनि हुनुभयो। ५/६ महिना लाग्ने समयसँगै राजेश दाइले आफ्नो दायित्व बुझेपछि मात्र सहमति जनाउनुभयो’, निरुताले भनिन्। 

राजेशसँग फिल्म गर्ने सहमति भएपछि दिलीप एकाएक पछि हटे।  ‘यता लेखनको काम भइरहेको थियो। म पनि आफ्नो काममा थिएँ। सबै काम हटाएर दिलीपजी भारत लाग्नुभयो’, निरुताले गुनासो गरिन्। दिलीपकै कारण फिल्म निर्माणमा सहकार्य नभएको उनको गुनासो थियो। दिलीपले सुनिल दत्त पाण्डेसँग फिल्म निर्माण गर्ने भएपछि दिलीपले अभिनेत्रीको रूपमा अफर गरे  र  कलाकारकै रूपमा सहकार्य भयो। 

‘मैले चाहेर सहकार्य नगरेको होइन। तर, त्यो समयमा खै के भयो? त्यो प्रोजेक्टको कामलाई अगाडि बढाउन सकिन’, दीलिपले भने। तत्कालीन समयमा सहकार्य नभएपछि पछिल्लो समय पुनः तयारी बढेको छ।

नेपाली फिल्ममा क्लासिक मानिने फिल्म ‘दर्पणछायाँ’लाई नयाँ स्वरूपमा तयार गर्ने दिलीप र निरुतासँग उत्तम प्रधान पनि अगाडि बढेका छन्। यी तीनैलाई स्थापित गराउने फिल्मको रूपमा चिनिने दर्पणछायाँलाई ‘फेरि दर्पणछायाँ’ नाम दिइएर दर्शकमाझ ल्याउने तयारी केही समय अगाडिदेखि नै छ। 

निर्देशक तुलसी घिमिरेको सहमति पाएपछि निरुताले पटकथा तयार पारेकी छिन् भने निर्देशकको जिम्मेवारी उत्तमले लिएका छन्।  स्क्रिप्ट तुलसी घिमिरेलाई पनि मनपरेको उनको भनाइ थियो। यसपटक पनि सल्लाहले सहकार्यको स्वरूप लिन सकेको छैन।

आजभन्दा २० वर्षअघि प्रदर्शन भएको ‘दर्पणछायाँ’ले ऐतिहासिक सफलता पाएको थियो। यो फिल्मसँगै निरुता सिंह, दिलीप रायमाझी र उत्तम प्रधानको स्टारडम चुलीमा पुगेको थियो। यसको १७ वर्षपछि तुलसी घिमिरेले नयाँ कलाकारलाई लिएर यसको शृंखला बनाएका थिए। पुष्प खड्का, सहारा शर्मा र श्रद्धा प्रसाईंको अभिनय रहेको यो फिल्म पहिलाको फिल्मको एकछेऊ पनि नभएको टिप्पणी भएको थियो।      -न्युज कारखाना


प्रकाशित: October 30, 2021 | 21:00:00 काठमाडौं, शनिबार, कार्तिक १३, २०७८

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
फिल्म

शुक्रबारदेखि प्रदर्शनमा आउँदै पासो

दुई नायिका केन्द्रित फिल्मले महिला अपहरण, बलात्कार र विद्रोहको कथा बोल्छ।
नेपाल समय
फिल्म

इजरायली फिल्म निर्माता नदाव लपिडले भने–कश्मीर फाइल्स भद्दा प्रोपोगान्डा हो

सन् १९९० दशकमा कश्मीरी पण्डितको पलायन र हत्यामा आधारित कश्मीर फाइल्सलाई भारतको गोवामा सञ्चालन भइरहेको ५३औं अन्तर्राष्ट्रिय फिल्म फेस्टिबलमा जुरी अध्यक्ष तथा इजरायली फिल्म निर्माता नदाव लपिडले प्रोपोगान्डा भनेपछि विश्वव्यापी तरंग।
नेपाल समय
फिल्म

महजोडीको फिल्म 'महापुरूष'ले कमायो १० करोड

यसवर्ष कबड्डी ४ र प्रेम गीत ३ पछि १० करोड ग्रस गर्ने यो तेस्रो चलचित्र बनेको छ। नेपाली चलचित्रले हलमै यत्तिको व्यवसाय गर्नुलाई ‘ब्लकबस्टर’ मानिन्छ।
नेपाल समय
फिल्म

शवाना आजमी भन्छिन्- रंगमञ्चका लागि यो कठिन समय

दोस्रो अन्तर्राष्ट्रिय नाट्य महोत्सवको लागि काठमाडौं आएकी आजमीले दिल खोलेर नेपाली सौन्दर्य, कला र संस्कृतिको प्रशंसा गरिन्। पत्रकारसँगको भेटघाटमा उनले भनिन्, ‘नेपालको कला, संस्कृतिको म सदैव प्रशंसक हुँ। नेपाल संस्कृति र कलामा धनी छ।’
नेपाल समय
फिल्म

पर्यटनले बोर्डले हेऱ्यो ‘उचाइ’, नेपाललाई छायांकन हब बनाउन सहकार्य गर्ने प्रतिबद्धता

पर्यटन बोर्डका व्यस्थापक सूर्य थपलियाले चलचित्र र पर्यटन क्षेत्रको सहकार्यको ढोका खोल्ने प्रयासस्वरुप प्रदर्शनी आयोजना गरिएको बताए।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना