बिहीबार, माघ १९, २०७९

नेपथ्यको एक महिने सांगीतिक यात्रा

नेपाल समय  |  काठमाडौं, मंगलबार, कार्तिक १५, २०७९

नेपाल समय

नेपाल समय

मंगलबार, कार्तिक १५, २०७९, काठमाडौं

नेपाल समय

काठमाडौं– लामो समयदेखि मुलुकको समसामयिक भोगाइलाई सम्बोधन गरी सांगीतिक यात्रा गर्दै आएको नेपथ्य अब फेरि नयाँ नारासहित  एक महिने देशव्यापी सांगीतिक यात्रामा जाने भएको छ ।

आगामी १६ मंसिरदेखि १६ पुससम्म नेपालको पूर्वी कुनादेखि पश्चिमी कुनासम्म पुग्ने तयारीमा रहेको यो ब्यान्डले यसपालिदेखि नयाँ अठोटका रुपमा ‘मानवता प्रवद्र्धन अभियान’ मा सहभागी हुँदै छ ।

यसभन्दा पहिले विद्यालयमा हतियारधारीको हस्तक्षेप हटाउन ‘शान्तिका लागि शिक्षा’ र द्वन्द्वको चक्रबाट मुलुकलाई मुक्त गर्ने कामनाका साथ ‘सुन्दर शान्त नेपाल’ जस्ता अभियान नेपथ्यकै सक्रियता एवं सहभागितामा अघि बढेका थिए।

यस्ता अभियानमा नेपथ्यले गीत सुनाउनुका साथै आफूले उठाएको नारालाई अथ्र्याउने प्रयास गरेको थियो। यसरी आफ्नो स्वरलाई हस्तक्षेपमुक्त विद्यालय बनाउने, शान्तिको कामना गर्ने र युद्धविरोधी आवाजमा समेत रुपान्तरण गर्दै आएको नेपथ्यले अब भने ‘मानवताका लागि संगीत’ मार्फत मानवीय आयामलाई आफ्नो आवाजको उद्देश्य बनाउने सोच लिएको हो।

यो प्रणलाई सार्थक तुल्याउन नेपथ्यले मुलुकभर फैलिएको अग्रणी सामाजिक संस्था ‘मानव सेवा आश्रम’ सँग हातेमालो गरेको छ। घरपरिवार र आफन्तविहीन भई वा परिवार र समाजबाट अपहेलित भई मानसिक रोग लागेका मानिसको सेवामा समर्पित मानव सेवा आश्रम एक दशकयता सक्रिय छ।

यो संस्थाले तीन वर्षभित्र सिंगो मुलुकलाई सहयोगापेक्षी सडक आश्रित मानवरहित तुल्याउने संकल्प बोकेको छ। ‘मानवताका लागि संगीत’ कार्यक्रमको पहिलो प्रस्तुति विराटनगरमा हुनेछ। १६ मंसिर शुक्रबार विराटनगरस्थित ‘हाटखोला मैदान’मा नेपथ्य गुञ्जिनेछ।

त्यसपछि १९ मंसिरमा वीरगन्जको आदर्शनगर रंगशालामा नेपथ्यको प्रस्तुति हुनेछ। २२ मंसिरमा हेटौंडाको भुटनदेवी स्कुल मैदानमा लोक रक गीत सुनाइनेछन्। मानव सेवा आश्रमको मुख्य कार्यालय हेटौंडामै रहेको छ।

त्यहाँबाट विस्तार भएको यो संस्थाले मुलुकभर ७७ वटै जिल्लामा हाल आफ्नो सेवा परिचालन गरिरहेको छ। ‘सांगीतिक क्षेत्रमा लागेका संस्थामध्ये नेपथ्यको सामाजिक योगदान र नैतिक बल अत्यन्त उच्च देखिएकै कारण हामी सहकार्यका लागि हौसिएका हौं,’ मानव सेवा आश्रमका संस्थापक एवं अध्यक्ष रामजी अधिकारी भन्छन्, ‘यो सहकार्यले हाम्रो अभियानमा मुलुकभर विशेषतः तन्नेरी पुस्तालाई जोड्न महत्त्वपूर्ण योगदान मिल्ने अपेक्षा गरेका छौं ।’

हेटौंडापछि २५ मंसिरमा नारायणगढको क्याम्पाचौरमा ब्यान्डको प्रस्तुति हुनेछ। मंसिरको अन्तिम शो भने नेपालगन्जमा २९ मंसिरमा आयोजना गरिनेछ।

३ पुसमा नेपथ्यले धनगढीको रंगशालामा सांगीतिक आवाज पस्किनेछ । त्यसपछि ब्यान्डले वीरेन्द्रनगर सुर्खेतको खुलामञ्चमा ६ पुसमा कर्णाली प्रदेशका श्रोतालाई आफ्ना नयाँ तथा पुराना गीत सुनाउनेछ। 

नेपथ्यले बुटवलस्थित ‘रामनगर खेलमैदान’मा तयार पारिने मञ्चमा ९ पुसमा सांगीतिक प्रस्तुति दिनेछ । त्यसपछि नेपथ्य यात्राले उसको ‘होम ग्राउन्ड’मा प्रवेश गराउनेछ। १२ पुसमा पोखरा नयाँबजारस्थित ‘प्रदर्शनी केन्द्र’मा आफूलाई उभ्याउनेछ।

यसरी मुलुकका सम्पूर्ण प्रदेश घुमिसकेपछि अन्तिममा ब्यान्ड संघीय राजधानी काठमाडौं आइपुग्नेछ। काठमाडौंमा १६ पुसमा भृकुटीमण्डपमा सांगीतिक प्रस्तुति हुनेछ।

नेपथ्यले अघिल्लो पटक पनि काठमाडौंका श्रोता दर्शकलाई सांगीतिक माहोलमा रमाउन भृकुटीमण्डपमै उभ्याएको थियो। ब्यान्डले यी प्रदर्शनमार्फत बेसहारा बनेका नेपालीको आवाज बनिदिने मात्र नभई उनीहरूको सहयोगार्थ रकम संकलनमा समेत हातेमालो गर्नेछ।

‘हामीले गीत–संगीत मात्र नभई सामाजिक दायित्वलाई समेत वहन गरिरहेका छौं,’ ब्यान्डका मुख्य गायक एवं अगुवा अमृत गुरुङ भन्छन्, ‘कुनै पनि नेपालीले कष्टपूर्ण अवस्था झेल्नु नपरोस् भनेर अब मानवताको सन्देश लिएर श्रोता, दर्शकमाझ पुग्न लागेका हौं।’

द्वन्द्वकालमा सांगीतिक कार्यक्रम लिएर देशव्यापी यात्रा गर्दा ठाउँ–ठाउँमा मानसिक सन्तुलन गुमाएका मानिस अलपत्र परेको दृश्यले अमृतलाई नरमाइलो लाग्थ्यो। अब भने त्यस्ता नेपालीको उद्धारमा खटिएको संस्थासँग हातेमालो गर्न पाउँदा सन्तोष लागेको उनी बताउँछन्। यो अभियानसँगै अब नेपथ्यका गीत ‘मानवताका लागि संगीत’ बन्नपुगेको अमृतको धारणा छ।

नेपथ्यको यो भ्रमणलाई ‘नेपालय’ले व्यवस्थापन गर्न लागेको हो। मुलुकभरका कन्सर्ट आयोजक मानव सेवा आश्रमका स्थानीय तवरमा सक्रिय केन्द्रले सम्बन्धित स्थानमा यसलाई सघाउनेछन्।

‘हामीले सबैतिर उच्च स्तरको प्रविधिसहित खुला अकासमुनि शो आयोजना गर्न लागेका छौं,’ नेपालयका प्रमुख किरणकृष्ण श्रेष्ठ भन्छन्, ‘एकातिर यसले सर्वत्र एकरूपता झल्काउनेछ भने कतिपय स्थानमा यस किसिमको पहिलो मञ्चका रूपमा पनि स्थानीय श्रोता, दर्शकले कन्सर्टको आनन्द लिन पाउनेछन्।’



प्रकाशित: November 1, 2022 | 12:51:56 काठमाडौं, मंगलबार, कार्तिक १५, २०७९

तपाईं को प्रतिक्रिया

ट्रेंडिंग

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

एकीकृत समाजवादीले प्रधानमन्त्रीलाई ज्ञापनपत्र बुझाउने

देशको आर्थिक अवस्था नाजुक भएको भन्दै एकीकृत समाजवादीले यसलाई सुधार्न प्रधानमन्त्रीको ध्यानाकर्षण गराउन लागेको हो।

सिंहदरबार ताक्ने रवि लामिछानेको योजनामा माओवादीको अवरोध

आइतबारको बालुवाटार जमघटमा एमाले अध्यक्ष केपी ओलीले गृहमन्त्रीमा लामिछानेलाई नियुक्त गर्न र गठबन्धनको मर्मअनुसार चल्न सुझाए पनि सोमबारको माओवादी पदाधिकारी बैठकले गृह मन्त्रालय नछाड्न र रविलाई गृहमन्त्री नबनाउन दबाब दिएपछि अलमलमा प्रधानमन्त्री प्रचण्ड।

प्रधानमन्त्रीलाई भेटेपछि गभर्नरसँग छलफल गरे मेयर बालेनले

निजी सम्पत्तिमा महानगरले क्षति पुर्‍याएको भन्दै आन्दोलनसमेत भइरहेको छ। यस्तो अवस्थामा मेयरले संघीय सरकारबाट हुनुपर्ने सहयोगको अपेक्षासमेत राखिरहेका छन्।

आत्मदाह प्रयास गरेका पुरुषलाई बचाउँदा घाइते भएकी महिलाको मृत्यु

पोखरा महानगरपालिका-१३ काहूँखोलामा आइतबार एक व्यापारिले आत्मदाह प्रयास गरे। घर वहालमा बसेका युवकले शरीरमा आगो लगाउन खोजेपछि घरबेटीले डेरावाल युवकलाई बचाउन खोजेकी थिइन्।

थप समाचार

नेपाल समय
मनोरञ्जन

चलचित्र पत्रकारिता कार्यशाला सम्पन्न

चलचित्र पत्रकार सङ्घ नेपालको आयोजनामा दुई दिने कार्यशाला सम्पन्न भएको छ।
नेपाल समय
मनोरञ्जन

गायक मनोज केसीको ‘घर त गैरी गाउँ’ सार्वजनिक

गायक मनोज केसीको स्वरमा रहेको ‘घर त गैरी गाउँ’ सार्वजनिक गरिएको छ। उक्त गीतमा गायिक अस्मिता अधिकारीले मनोजलाई स्वरमा साथ दिएकी छन्।
नेपाल समय
मनोरञ्जन

गोविन्दाः हिरो बन्न २४ लाख गायत्री मन्त्र जप

बलिउडका ‘राजा बाबू’ अर्थात् गोविन्दाले आफ्नो स्टारडमका कारण बलिउडमा कुनै समय सबैलाई हैरान बनाएका थिए।
नेपाल समय
मनोरञ्जन

नेपथ्य अष्ट्रेलिया टुरको डार्बिनमा भब्य सुरुवात

सरस्वती पुजाको अघिल्लो दिन नेपालमा माघे ठिही चलिरहेकै बेला अष्ट्रेलियाको डार्बिन हपहपी गर्मीमा रापिएको थियो। यसैबीच भर्खरै नयाँ स्वरुप पाएको ‘डार्बिन इन्टरटेनमेन्ट सेन्टर’मा बुधबार ठीक ७ बज्दा चिरपरिचित घडी देखिन सुरुभयो।
नेपाल समय
मनोरञ्जन

आरआरआरको नाटुनाटु ओस्कारमा मनोनित

९५औं ओस्कार अवार्डको मनोनयनमा बाहुबली निर्देशक एसएस राजामौलीको ‘आरआरआर’को गीत ‘नाटु नाटु’ बोलको गीत मनोनित भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना