सोमबार, माघ १६, २०७९

'दोहोरीको राजा' म्युजिक भिडियोको दृश्य कथा

राज सरगम  |  काठमाडौं, सोमबार, कार्तिक २२, २०७८

राज सरगम

राज सरगम

सोमबार, कार्तिक २२, २०७८, काठमाडौं

नेपाल समय

काठमाडौं- पछिल्लो समय म्युजिक भिडियोमार्फत कथा भन्ने चलन बढेको छ। तीन मिनेटको गीतमा दुई मिनेट कथा थपेर पाँच मिनेटको बनाइएको पाइन्छ। गीतको मर्मलाई कतिपय अवस्थामा त कथाले पनि न्याय नै गरेको हुन्छ।

गीतको भिडियोमा कथा भन्ने शैली पुराना म्युजिक भिडियोमा पनि पाइन्छ। तर, पुराना गीतमा गीतको समयभित्र कथा भनिएको हुन्थ्यो। अहिले भने गीत सुरु हुनुअगाडि र गीत सकिएपछि कथा जोड्न थालिएको छ।

कुनै समय डाँडाकाँडा तथा खोलाको बगरमा गीत छायांकन गरिन्थ्यो। नृत्यमा केही स्टेप गरिन्थ्यो। खर्च कम लाग्थ्यो। अहिले भने अभिनय बढी हुन थालेको छ। खर्च पनि बढ्दो छ। यो ‘ट्रेन’ दर्शकले मन पनि पराएका छन्। यही ट्रेनलाई पछ्याउने क्रम बाक्लिँदो छ। चलेका गायकगायिकाले गीतभन्दा भिडियोलाई बढी महत्त्व दिन थालेका छन्। त्यसो हुँदा गीत खास हुँदैन। तर, गीतको भिडियो लोकप्रिय बन्न पुग्छ। यस्तै देख्न सकिन्छ लोकदोहोरी गायक पशुपति शर्माको ‘दोहोरीको राजा’मा। 

वालिङ स्याङ्जाका गायक शर्मा आफ्ना गीतमार्फत दर्शकलाई मनोरञ्जन मात्रै दिँदैनन् स्वावलम्बी र आत्मनिर्भरता हुन पनि सिकाउँछन्। यस्तै उदाहरणीय गीत हो, ‘मलाई अमेरिका यहीं, मलाई बेलायत पनि यही’‌।

भिडियो शब्द र भाकाभन्दा पनि कथामा केन्द्रित छ। २१ मिनेटको भिडियोमा सात मिनेट त कथा भन्नै लागेको छ। नकुल भन्छन्, ‘ऐतिहासिक कथालाई न्याय दिन खोजेर पनि कथा लामो भएको हो।’

‘लुट्न सके लुट कान्छा’ बोलको गीतको सबै भागमा उनले राज्यको दोहन गर्ने भ्रष्टाचारीलाई व्यङ्ग्य गरेका छन्। उनी आफै‌ंले अभिनय गरेको यो गीतका केही लाइन र दृश्य विवादित पनि बनेका थिए। 

सान्दर्भिक समस्याहरुलाई गीतका टुक्का बनाउँदै मौलिक भाका बनाउने गायक हुन् शर्मा। तर यसपालीको चर्चित ‘दोहोरीको राजा’ बोलको गीतलाई शर्माले गाएका मात्रै हुन्। शर्माले भिडियोमा आफ्नो कुनै सहकार्य नभएको बताए।

यस गीतको शब्द, संकलन नकुल ढकाल गरेका हुन्। भिडियोमा राजाको भूमिका निर्वाह पनि उनैले गरेका छन्। गीतको शब्द र भिडियोको कथा पनि उनैले लेखेका हुन्। गए लकडाउनमा उनले केही धार्मिक किताब पढे। तिनै किताबले यो गीत फुरेको उनले बताए।

गीतले दिमाग घुमाइरहेको थियो। त्यही बेला उनले ‘महारानी’ उपन्यास पनि पढिभ्याए। सो उपन्यासमार्फत पर्वत राज्यको सांस्कृतिक पक्षबारे धेरै जानकारी थाहा पाए। अनि गीतको भिडियोको परिकल्पना पनि ऐतिहास पृष्ठभूमिकै रचना गरिएको उनी बताउँछन्।

उनी भन्छन्, ‘केही नयाँ भिडियो गर्न सोच थियो। यस काममा महारानी उपन्यासले सहयोग पुर्‍यायो। भिडियोमार्फत ऐतिहासिक कथा देखाउने प्रयास पनि गरिएको हो। जे होस् धेरैजनाले रुचाइदिनु भयो।’

भिडियो शब्द र भाकाभन्दा पनि कथामा केन्द्रित छ। २१ मिनेटको भिडियोमा सात मिनेट त कथा भन्नै लागेको छ। नकुल भन्छन्, ‘ऐतिहासिक कथालाई न्याय दिन खोजेर पनि कथा लामो भएको हो।’

गीतमा कथा भन्ने शैलीले गीतको मर्म अझ प्रभावकारी भएको बताउँछन् संगीतकार दीपक शर्मा। ‘गीतभित्रको कथालाई उठाउन भिडियो कथाले सहयोग पुर्‍याउँछ,’ उनी भन्छन्।

गीतभन्दा गीतको भिडियो बनाउनु चुनौतीपूर्ण हुने धारण छ म्युजिक भिडियो निर्देशक जिबी आग्रीको। ‘भिडियो खर्चिलो हुने भएकाले चुनौती छ। तैपनि कथालाई जोड्दा गीतको मर्म मर्दैन,’ उनी भन्छन्। 

२१ मिनेटको भिडियोमा सात मिनेट लामो कथा भनिएको छ। 

भिडियोको कुरा 

पृष्ठभूमिमा भव्य दरबार देखिन्छ। वि.सं. १७९२ मा पर्वतका राजा परमप्रतापी राजा डिम्बमद्वारा निर्मित विशाल राज्य गद्दीमा पाँचौँ पुस्ताका प्रतापी राजा शाही बम विराजमान छन्। धर्म संस्कृति र संस्कारप्रति समर्पित छन् उनी। उनै राजाको प्राङ्गणमा  मञ्चन गरिएको घटना -

दरबारको आन्तरिक डबलीमा राजारानी, सामान्त, सेवक र सुसारे छन्। सेनाको कडा सुरक्षा छ। नेपालको बाइसे चौबिसे राज्यबाट आमन्त्रित राजकुमार छन्। ती राजकुमार सांस्कृतिक मञ्चन हुने कार्यक्रममा सहभागी हुन आएका हुन्।

पर्वत राज्यकी राजकुमारी शकुनमाला जुहारीमा पारङ्गत छिन्। राजाले आफ्नो चेलीका लागि वर खोज्न यस्तै मञ्चनमा दोहोरी गीत प्रतिस्पर्धा चलाउँछन्। जसले जुहारी जित्छन् आफ्नो चेली दिने तर हारेमा राजकुमारले घरज्वाइँ बस्नुपर्ने सर्त राख्छन्, राजाले। सर्त सुनेर राजकुमारहरू डराउँछन्। कोही राजकुमार मन्जुर नभएपछि सभा समापन गर्न लाग्छन् राजा। अन्तिममा निम्तो नै नगरिएका राजकुमार घोडामा आइपुग्छन् र जुहारीमा प्रतिस्पर्धामा सहभागी हुन्छन्। सर्तअनुसार जुहारी खेल्छन्। 

हे म त कुमार अछामी राज्यको, 

परीक्षामा छु आफ्नै भाग्यको... 

गीतका शब्द कोर्दा नै स्रष्टाको मानसपटलमा दृश्य बन्दै जान्छ। यो गीत तयार गर्दा शर्माले पनि पर्वत राज्यको कल्पना पक्कै गरे होलान्। अझ भिडियोका कथालाई सार्थक पार्न निर्देशक निशान काश्यपले पनि उत्तिकै मेहनत गरेको अनुमान गर्न सकिन्छ। जसको कारण दोहोरीको राजा गीतको दृश्यमा ऐतिहासिक कथाको उठान गरियो।

यस्ता इतिहासलाई भिडियोमार्फत न्याय कति गरियो छुट्टै बहस होला। र, इतिहासलाई गीतको कथामा देखाउन खोज्नु चुनौती पनि छ। जोखिम पनि उस्तै। यस्तो म्युजिक भिडियो तयार गर्न गहिरो अध्ययन अनुसन्धानको खाँचो हुन्छ। यस्तै जोखिम मोलेका छन् गायक शर्मा र निर्देशक निशानले। इतिहासका कथालाई म्युजिक भिडियोमार्फत प्रस्तुत गर्नु भनेको इतिहासमा कलाकारलाई रुचि बढ्नु पनि हो। 

चलचित्रकर्मीहरू इतिहासमाथि फिल्म बनाउन डराइरहेका बेला लोकदोहोरी गीतको म्युजिक भिडियोमा एउटा कालखण्डको इतिहास देखाउने दुस्साहस गरेका छन् पशुपतिले। गीत हेरिसकेपछि गीत भन्दा बेजोड दोहोरीको राजा म्युजिक भिडियोको दृश्य कथा लाग्ने छ।

अञ्जली अधिकारी, लोमश शर्मा, सुरवीर पण्डित, शीतल शर्मा, आसिम शर्मा, नकुल ढकाल शोभा ढकाल लगायतको अभिनय हेर्न सकिन्छ । गीतलाई सन्तोष राजवाहकले कोरियोग्राफ गरेका छन्। उत्सव दाहालले छायांकन गरेका छन् गीतलाई निशान काश्यपको सम्पादन तथा निर्देशन रहेको छ। पशुपति शर्मालाई स्वारमा लक्ष्मी मल्लले साथ दिएकी छन्।


प्रकाशित: November 8, 2021 | 12:51:00 काठमाडौं, सोमबार, कार्तिक २२, २०७८

तपाईं को प्रतिक्रिया

ट्रेंडिंग

बक्स अफिसमा नयाँ रेकर्ड बनाउँदै पठान

फिल्मले सबैभन्दा छोटो समयमा ४ सय करोडभन्दा बढीको व्यापार गर्ने हिन्दी चलचित्रको रेकर्ड पनि कायम गरेको छ। चौथो दिनमात्र पठानले १०० करोडभन्दा बढीको बिजनेस गरेको छ।

रवि लामिछानेले लिए नागरिकता

लामिछानेले जिल्ला प्रशासन काठमाडौंमा अमेरिकी नागरिकता त्यागेको निस्सा पेस गरेपछि दोस्रो पटक नेपाली नागरिकता लिएका हुन्।

लाइन मिचेर नागरिकता लिन सीडीओ कार्यालय पुगे रवि

रवि लामिछाने नागरिकता लिन जिल्ला प्रशासन कार्यालय काठमाडौं पुगेका छन्। आइतबार दिउँसो १२ बजे उनी नागरिकता लिन सीडीओ कार्यालय पुगेका हुन्।

रविको राजीनामापछि रास्वपाको पहिलो बैठक बस्दै

राष्ट्रिय स्वतन्त्र पार्टीको केन्द्रीय समिति बैठक बस्ने भएको छ।

प्रथम सरस्वती कराते कपको उपाधी इचङुनारायण र ब्रह्मास्मी स्कुललाई

प्रथम सरस्वती कप सिनियर/जुनियरको उपाधी इचङुनारायण डोजो र ब्रह्मास्मी स्कुलले जितेको छ।

चितवन-२ मा उपनिर्वाचन हुने, अयोग्य ठहरिएका रवि चुनाव लड्न पाउलान्?

पुनः नागरिकता प्राप्त गरेसँगै चितवन क्षेत्र नम्बर २ मा अब हुने उपनिर्वाचनमा उनी सहभागी हुन सक्नेछन्। तर त्यसअघि अन्य कसुरमा उनीमाथि कारबाही नभएको अवस्थामा मात्रै उपनिर्वाचनमा उम्मेदवार हुन पाउने छन्।

मुक्तिनाथ बैंकका गार्डले सांग्रिलाको एटीएम फुटाउन खोजेपछि...

एटीएम फोडेर पैसा झिक्न खोज्ने एकजनालाई प्रहरीले शुक्रबार पक्राउ गरेको छ।

रविको राजनीतिक यात्रा: ६ महिनामा अविश्वसनीय छलाङ, अचानक उपलब्धि शून्य

उनले हासिल गरेका उपप्रधान तथा गृहमन्त्री र सांसद पद गएको छ। त्यतिमात्र नभएर उनी आफैंले ६ महिनाअघि गठन गरेको पार्टीबाट पनि उनी बेदखल भएका छन्। रविको आफ्नै शब्दमा भन्ने हो भने उनी अनागरिक भएका छन्।

डिल्लीबजारस्थित फ्युजन कन्सल्टेन्सीबाट तीन जना पक्राउ

डिल्लीबजारस्थित फ्युजन कन्सल्टेन्सीमा प्रहरीले छापा मारेर तीन जनालाई पक्राउ गरेको छ।

लोकदोहोरी गायक भीम पौडेलको निधन

लोकदोहोरी गायक भीम पौडेलको निधन भएको छ। स्याङजा खुदी घर भएका पौडेल लामो समयदेखि लोकदोहोरी गायनमा सक्रिय थिए।

थप समाचार

नेपाल समय
मनोरञ्जन

चलचित्र पत्रकारिता कार्यशाला सम्पन्न

चलचित्र पत्रकार सङ्घ नेपालको आयोजनामा दुई दिने कार्यशाला सम्पन्न भएको छ।
नेपाल समय
मनोरञ्जन

गायक मनोज केसीको ‘घर त गैरी गाउँ’ सार्वजनिक

गायक मनोज केसीको स्वरमा रहेको ‘घर त गैरी गाउँ’ सार्वजनिक गरिएको छ। उक्त गीतमा गायिक अस्मिता अधिकारीले मनोजलाई स्वरमा साथ दिएकी छन्।
नेपाल समय
मनोरञ्जन

गोविन्दाः हिरो बन्न २४ लाख गायत्री मन्त्र जप

बलिउडका ‘राजा बाबू’ अर्थात् गोविन्दाले आफ्नो स्टारडमका कारण बलिउडमा कुनै समय सबैलाई हैरान बनाएका थिए।
नेपाल समय
मनोरञ्जन

नेपथ्य अष्ट्रेलिया टुरको डार्बिनमा भब्य सुरुवात

सरस्वती पुजाको अघिल्लो दिन नेपालमा माघे ठिही चलिरहेकै बेला अष्ट्रेलियाको डार्बिन हपहपी गर्मीमा रापिएको थियो। यसैबीच भर्खरै नयाँ स्वरुप पाएको ‘डार्बिन इन्टरटेनमेन्ट सेन्टर’मा बुधबार ठीक ७ बज्दा चिरपरिचित घडी देखिन सुरुभयो।
नेपाल समय
मनोरञ्जन

आरआरआरको नाटुनाटु ओस्कारमा मनोनित

९५औं ओस्कार अवार्डको मनोनयनमा बाहुबली निर्देशक एसएस राजामौलीको ‘आरआरआर’को गीत ‘नाटु नाटु’ बोलको गीत मनोनित भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना