सोमबार, मंसिर १९, २०७९

२०७४ को चुनाव जितेका कांग्रेस नेता: कोही मतान्तर बढाउँदै, कोही 'रेड जोन'मा

नेपाल समय  |  काठमाडौं, बिहीबार, मंसिर ८, २०७९

नेपाल समय

नेपाल समय

बिहीबार, मंसिर ८, २०७९, काठमाडौं

नेपाल समय

काठमाडौं– २०७४ को आमचुनाव नेपाली कांग्रेसका लागि सबैभन्दा खराब रह्यो। वाम गठबन्धनका कारण कांग्रेसको अवस्था खराब बनेको थियो। तर वाम गठबन्धन भएको अवस्थामा पनि कांग्रेसका २३ जना प्रतिनिधिसभा सदस्य निर्वाचित भएका थिए। यी २३ मध्ये ४ जना मात्र २०७९ को चुनावमा दोहोरिएनन्। 

कांग्रेसले मोरङ २ बाट २०७४ मा निर्वाचित डा. मीनेन्द्र रिजाललाई उम्मेदवार बनाएन। मीनेन्द्रको स्थानमा नेतृ सुजाता कोइरालालाई उम्मेदवार बनायो। त्यस्तै, सर्लाही ४ बाट निर्वाचित अमरेशकुमार सिंहलाई पनि कांग्रेसले उम्मेदवार बनाएन। सिंहले स्वतन्त्र उम्मेदवारी दिएपछि कांग्रेसबाट निष्कासित भइसकेका छन्। यो क्षेत्रमा कांग्रेसले गठबन्धनका तर्फबाट नगेन्द्र रायलाई उम्मेदवार बनायो।

रौतहट २ बाट विजयी मोहम्मद आफताव आलम फौजदारी अभियोगमा जेलमा हुँदा उनका छोरा फिरदोष अलामलाई उम्मेदवार बनायो। २०७४ मा सिरहा १ बाट विजयी प्रदीप गिरिको निधन भएका कारण सो क्षेत्रमा पुराना नेता पदमनारायण चौधरीलाई उम्मेदवार बनाएको छ। 

२०७४ मा निर्वाचित 
२०७४ मा मीनेन्द्र रिजाल, अमरेशकुमार सिंह, मोहम्मद आफताव आलम र प्रदीप गिरिका अतिरिक्त कांठमाडौं १ बाट प्रकाशमान सिंह, काठमाडौं ४ बाट गगन थापा, काठमाडौं ६ बाट भीमसेनदास प्रधान, काठमाडौं १० बाट राजन केसी, रसुवाबाट मोहन आचार्य, सप्तरी ४ बाट तेजुलाल चौधरी, डडेलधुराबाट शेरबहादुर देउवा, सुनसरी ४ बाट ज्ञानेन्द्रबहादुर कार्कीले चुनाव जितेका थिए।

त्यस्तै, रौतहट ४ बाट देवप्रसाद तिमिल्सेना, उदयपुर १ बाट ज्ञानेन्द्रबहादुर कार्की, सुनसरी ३ बाट विजय गच्छदार, सुनसरी २ बाट सीताराम मेहता, बारा १ बाट उमाकान्त चौधरी, नवलपुर १ बाट डा शशांक कोइराला, बर्दिया १ बाट सञ्जय गौतम, नवलपरासी २ बाट देवेन्द्रराज कँडेल, कपिलवस्तु ३ बाट अभिषेकप्रसाद साह, रुपन्देही ५ बाट भरत शाह र रुपन्देही ४ बाट प्रमोद यादव प्रतिनिधिसभा सदस्यमा निर्वाचित भएका थिए।  

२०७४ र २०७९ दुवैमा विजयी 

२०७४ र २०७९ को दुवै निर्वाचनमा जित निकाल्ने कांग्रेस नेताहरुमा शेरबहादुर देउवा, प्रकाशमान सिंह, गगन थापा, राजन केसी, मोहन आचार्य रहेका छन्। 

देउवा डडेल्धुराबाट २५ हजार ५३४ मतका साथ निर्वाचित भए। उनका निकटतम प्रतिद्वन्द्वी सागर ढकालले १३ हजार ४२ मत पाए। एमाले र बीपी कांग्रेसका साझा उम्मेदवार कर्ण मल्ल भने तेस्रो स्थानमा रहे। उनले ७ हजार ५३५ मत पाए। 

काठमाडौं १ बाट प्रकाशमान सिंहले पनि आफ्नो जित कायमै राखे। उनी ७ हजार १४० मत ल्याएर निर्वाचित भए। उनका निकटतम प्रतिस्पर्धी राप्रपाका रवीन्द्र मिश्रले ७ हजार ११ मत पाए। सिंहले यस पटक १२९ मतले जित निकाले। सिंहले २०६४, २०७०, २०७४ को निर्वाचन सोही क्षेत्रबाट जितेका थिए। अघिल्लो पटक विवेकशील साझाबाट उम्मेदवार बनेका मिश्र सिंहसँग ८१८ मतले पराजित भएका थिए। यस पटक राप्रपा प्रवेश गरेर उम्मेदवार बनेका मिश्र १२९ मतले पराजित भए। 

लगातार जित निकाल्ने कांग्रेस नेतामा महामन्त्री गगन थापा पनि पर्छन्। थापा ७ हजार ४५७ मतान्तरसहित निर्वाचित भए। थापाले २१ हजार २९४ मत प्राप्त गर्दा एमालेका राजन भट्टराईले १३ हजार ८५५ मत पाए। थापाले काठमाडौं ४ बाट ह्याट्रिक गरे। थापाले २०७४ को चुनावमा एमालेका भट्टराईलाई ३ हजार २०० मतान्तरले पराजित गरेका थिए। 

काठमाडौं १० बाट राजन केसी यस पटक पनि जित निकाल्ने नेतामा परेका छन्। लगातार दुई निर्वाचनमा विजयी केसी यस पटक १४ हजार ४५८ मतसहित निर्वाचित भए। उनका निकटतम प्रतिस्पर्धी एमाले उम्मेदवार हिमेश केसीले ११ हजार ७८६ मत पाए। 

हिमाली जिल्ला रसुवाबाट मोहन आचार्य पनि २०७४ र यस पटक जित निकाल्ने नेतामा परेका छन्। आचार्य १८ हजार २३५ मत प्राप्त गर्दै विजयी भए भने उनका निकटतम प्रतिस्पर्धी छेवाङ तामाङले ८ हजार ६१४ मत ल्याए।

यस्तै, २०७४ मा निर्वाचन जितेका नेता डा. शशांक कोइरालाले पनि यसपल्ट जित निकालेका छन्। नवलपरासी पूर्व १ बाट डा. कोइरालाले २७ हजार ६७ मतसहित जित निकालेका छन्। कोइरालाले एमाले उम्मेदवार कृष्णप्रसाद पौडेललाई पराजित गरे। पौडेलले २५ हजार ४७ मत प्राप्त गरे। राष्ट्रिय स्वतन्त्र पार्टीका राजन गौतम २४ हजार ५ मत ल्याउँदै तेस्रो स्थानमा रहे।

२०७४ मा जित, अहिले पराजित 
२०७४ को चुनाव जितेकामध्ये केहीले २०७९ को चुनावमा पराजय भोग्नुपरेको छ भने मतगणना भइरहेका क्षेत्रका केही नेताहरु ‘रेड’ जोनमा रहेका छन्। पराजय भोग्ने नेताहरुमा काठमाडौं क्षेत्र ६ बाट २०७४ मा प्रतिनिधिसभा सदस्यमा निर्वाचित भीमसेनदास प्रधान रहेका छन्। उनी यस पटक पराजित मात्र भएनन्, तेस्रो स्थानमा पुगे। यो क्षेत्रमा राष्ट्रिय स्वतन्त्र पार्टीका शिशिर खनालले जित हात परे। शिशिर १४ हजार २०४ मतसहित विजयी हुँदा एमालेका सर्वेन्द्र खनालले ८ हजार ९११ मत पाए। प्रधान ८ हजार ८०५ मत ल्याएर तेस्रो स्थानमा पुगे। 

२०७४ मा निर्वाचित कांग्रेस सांसदमध्ये पराजित हुने अर्का नेता रुपन्देही ५ का भरत शाह हुन्। उनी एमालेका वासुदेव घिमिरेसँग पराजित भएका छन्। शाह ९ हजार ७०२ मतले पराजित भए। घिमिरेले ३६ हजार ८२२ मत ल्याउँदा शाहले २७ हजार १२० मत प्राप्त गरे। शाह यसअघिका तीन निर्वाचनमा सोही क्षेत्रबाट निर्वाचित भएका थिए। 

रुपन्देही ४ बाट २०७४ मा निर्वाचित प्रमोद यादवले पनि यस पटक हार बेहोर्नुपरेको छ। उनी लोकतान्त्रिक समाजवादी पार्टीका नेता सर्वेन्द्रनाथ शुक्लासँग पराजित भएका हुन्। शुक्लाले २८ हजार मत ल्याए भने यादवले २२ हजार ७०४ मत ल्याए। यादवले २०७४ मा यस क्षेत्रबाट शुक्लालाई पराजित गरेका थिए।

२०७४ मा जित, अहिले ‘रेड जोन’ मा
२०७४ मा चुनाव जितेका केही कांग्रेस नेताहरुको निर्वाचन क्षेत्रको मत गणना जारी  छ। मत गणना जारी रहेका क्षेत्रमा २०७४ मा कांग्रेसले जित निकालेका केही क्षेत्र ‘रेड जोन’ मा रहेका छन्। २०७४ मा जित निकालेको रौतहट २ मा कांग्रेस ‘रेड जोन’ मा परेको छ। २०७४ मा यो क्षेत्रमा कांग्रेसका मोहम्मद अफताव आलमले जितेका थिए। तर उनी फौजदारी मुद्दा लागेका कारण जेलमा रहेकाले कांग्रेसले उनका छोरा फिरदोष आलमलाई उम्मेदवार बनाएको थियो। यो क्षेत्रमा फिरदोष स्वतन्त्र उम्मेदवार किरणकुमार साहसँग झन्डै ३ हजार मतले पछाडि छन्। 

त्यस्तै, २०७४ मा प्रदीप गिरिले जितेको सिरहा १ मा पनि कांग्रेस ‘रेड जोन’ मा छ। गिरिको निधनपछि कांग्रेसले पुराना नेता पदमनारायण चौधरीलाई उम्मेदवार बनाएका थियो। उनी एमाले उम्मेदवार रामशंकर यादवसँग झन्डै ३ हजार मतले पछाडि छन्। २०७४ मा जित निकालेको मोरङ २ मा पनि कांग्रेस ‘रेड जोन’ मा छ। यो क्षेत्रमा कांग्रेस उम्मेदवार सुजाता कोइरालालाई एमाले उम्मेदवार ऋषिकेश पोखरेलले पछाडि पारेका छन्। कोइराला झन्डै १ हजार मतान्तरले पछाडि छन्। 

२०७४ मा जित निकालेको सुनसरी २ र सुनसरी ३ मा पनि कांग्रेस ‘रेड जोन’ मा परेको छ। सुनसरी २ मा २०७४ मा जित निकालेका सीताराम मेहतालाई कांग्रेसले उम्मेदवार बनाएको थियो। यो क्षेत्रमा मेहता तेस्रो स्थानमा छन्। राष्ट्रिय स्वतन्त्र पार्टीका लालविक्रम थापा पहिलो नम्बरमा छन् भने दोस्रोमा एमालेका भीम आचार्य छन्। झन्डै साढे २ हजार मतान्तरले मेहता पछाडि छन्।

gachhadarत्यस्तै, सुनसरी ३ मा पनि कांग्रेस नेता गच्छादार तेस्रो नम्बरमा छन्। यो क्षेत्रमा पनि पहिलोमा  एमालेकी भगवती चौधरी रहेकी छन् भने दोस्रोमा राष्ट्रिय स्वतन्त्र पार्टीका कमलबाबु मैनाली छन्। गच्छदार झन्डै साढे ३ हजार मतान्तरले पछाडि छन्। २०७४ मा जितेको नवलपरासी २ मा पनि कांग्रेस ‘रेड जोन’ मा परेको छ। यो क्षेत्रमा कांग्रेसले २०७४ का विजेता देवेन्द्रराज कँडेललाई उम्मेदवार बनाएको थियो। तर कँडेललाई राप्रपाका उम्मेदवार ध्रुवबहादुर प्रधानले पछाडि पारेका छन्। कँडेल ९ हजार बढी मतान्तरले पछाडि छन्। 

कांग्रेसले २०७४ मा कपिलवस्तु ३ मा पनि जित निकालेको थियो। तर यस पटक यो क्षेत्रमा कांग्रेस ‘रेड जोन’ मा परेको छ। यो क्षेत्रमा अघिल्लो पटकका विजेता अभिषेकप्रताप शाहलाई एमालेका मंगल गुप्ताले पछाडि पारेका छन्। शाह १ हजार बढी मतान्तरले पछाडि छन्।

बारा १ मा पनि कांग्रेस ‘रेड जोन’ मा परेको छ। यो क्षेत्रमा २०७४ का विजेता उमाकान्त चौधरीलाई एमाले उम्मेदवार अच्युत मैनालीले पछाडि पारेका छन्। चौधरीलाई झन्डै साढे ५ हजार मतान्तरले मैनालीले पछि पारेका छन्। 

अग्रता लिइरहेका २०७४ का विजेता 
कांग्रेसबाट २०७४ मा जित निकालेका तेजुलाल चौधरी, डा. नारायण खड्का, ज्ञानेन्द्रबहादुर कार्की, सञ्जय गौतम र कांग्रेसले उम्मेदवार नबनाएपछि स्वतन्त्र उम्मेदवार बनेका अमरेश सिंहले अग्रता लिइरहेका छन्। खड्का, कार्की र सिंह झिनो मतले अगाडि छन्। चौधरी र गौतम ४ हजार बढी मतान्तरले अगाडि छन्। 


प्रकाशित: November 24, 2022 | 17:43:37 काठमाडौं, बिहीबार, मंसिर ८, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
निर्वाचन विशेष

दोलखा प्रदेशसभा (क) मा कांग्रेसका काफ्ले निर्वाचित

उनी दोलखा प्रदेशसभा ‘क’ बाट प्रदेशसभा सदस्यमा निर्वाचित भएका हुन्।
नेपाल समय
निर्वाचन विशेष

दोलखामा सत्ता गठबन्धनको अग्रता कायमै

हालसम्म ५६ हजार तीन सय २१ मत गणना गर्दा कार्कीले २५ हजार दुई सय मत प्राप्त गरेका छन्।
नेपाल समय
निर्वाचन विशेष

दोलखामा माओवादीका कार्कीको अग्रता कायमै

हालसम्म ४९ हजार छ सय ३५ मत गणना गर्दा कार्कीले २१ हजार चार सय १२ मत प्राप्त गरे।
नेपाल समय
निर्वाचन विशेष

दोलखामा मतान्तर बढाउँदै एमालेका सिवाकोटी

हालसम्म ३९ हजार ३८९ मत गणना हुँदा नेकपा एमालेका बालकृष्ण सिवाकोटीले १७ हजार ५२८ मत प्राप्त गरेका छन्।
नेपाल समय
निर्वाचन विशेष

दोलखा प्रदेशसभा (ख) बाट एमालेका केसी निर्वाचित

उनका निकटतम प्रतिद्वन्द्वी नेपाली कांग्रेसका बर्मा लामालाई पराजित गर्दै केसी निर्वाचित भएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना