सोमबार, माघ २३, २०७९

आठ मतले संविधानसभा सदस्य हुन नपाएका मण्डल १० वर्षपछि प्रदेशसभामा निर्वाचित

नेत्र पी अधिकारी  |  काठमाडौं, बुधबार, मंसिर ७, २०७९

नेत्र पी अधिकारी

नेत्र पी अधिकारी

बुधबार, मंसिर ७, २०७९, काठमाडौं

नेपाल समय

विराटनगर- नेपाली कांग्रेसका गयानन्द मण्डललाई माननीय बन्न १० वर्ष लाग्यो। धनपालथान ७ का मण्डल २०७० को संविधानसभा निर्वाचनमा नेकपा माओवादी केन्द्रका शिवकुमार मण्डलसँग आठ मतान्तरले पराजित भएका थिए। २०६४ मा पनि उनी संविधानसभा सदस्य निर्वाचनमा प्रतिस्पर्धा गरेका थिए। पहिलो संविधानसभा सदस्यमा भन्दा दोश्रोमा उनलाई बढी आस थियो।

२०७० मा माओवादीका शिवकुमारले ९ हजार ३६० मत ल्याउँदा गयानन्दले ९ हजार ३५२ मत ल्याएका थिए। २०६४ मा तत्कालीन मधेशी जनअधिकार फोरमका उम्मेदवार रामानन्द मण्डलसँग १ हजार २ सय मतान्तरले उनी पराजित भएका थिए। उनले भने, ‘२०६४ मा मेरो पराजित स्वभाविक भए पनि २०७० मा हराइयो। आठ मतान्तरले हैन म करिव एक सय मतले जितेर संविधान सदस्य हुने थिए। तर, त्यो समयमा धोका पाइयो।'

आठ मतले पराजित भएपछि पुन: मतगणनाको माग गर्दै उजुरी गरे पनि मुद्दाको सुनुवाइ नभएको बताए। मण्डलले भने, ‘बारेस दिएको मान्छले तारेख नधाउँदा मुद्दा ढिसमिस भयो।’ काठमाण्डौंको विमल संग्रौलाले धोका दिएको उनले बताए। 

१० वर्षपछि दुवै जना एउटै गठबन्धनबाट प्रतिनिधिसभा र प्रदेशसभाको उम्मेदवार बनेका थिए। २०७९ को प्रदेशसभा सदस्य निर्वाचनमा नेकपा एमालेका सन्तोषकुमार साहलाई ५ हजार ४३३ मतान्तरले उनले पराजित गरे। मण्डलले १४ हजार ८३८ मत प्राप्त गर्दा साहले ९ हजार ४०५ ल्याएका थिए। मण्डल प्रदेश १ बाट निर्वाचित हुने पहिलो प्रदेशसभा सदस्य भएका छन्।

संविधानसभा सदस्य हुन नपाए पनि प्रदेशसभा सदस्य भएकोमा उनी खुशी छन्। संविधान बनाउने काममा सहभागि हुन नपाए पनि प्रदेशसभामा भारी मतान्तरले विजयी भएको उनले बताए। मण्डलले भने, ‘यस पटक टिकट पाउँदा नै मैले जित्छु भन्ने लागेको थियो।’ मेरो टिकट फाइनल भएका सुनेका स्थानीयवासी  म भन्दा बढी खुशी भएको पाएको उनले बताए। उनले भने, ‘मभन्दा जनता बढी खुशी देखेपछि म जित्छु भन्ने लाग्यो।’

को हुन गयानन्द?

२००१ सालमा मोरङको साविक कद्महामा जन्मिएका मण्डलका बुवा पञ्चायतकालमा कदमहा ८ को वडाध्यक्ष दिए। उनका बुवाले २०१९ देखि २१ सालसम्म वडाध्यक्ष भए। बुवाको प्रेरणाबाट राजनीतिमा लागेका मण्डल २०२३ सालमा कद्महाको प्रधानपञ्चमा निर्वाचित भएका थिए।

२०२२ सालमा एसएलसी गरेका उनले उच्च शिक्षालाई अगाडी बढाएनन्। एसएलसी लगत्तै प्रधानपञ्च भएपछि जनताको सेवामा लागेको उनको भनाई छ। २०३५ सालदेखि नेपाली कांग्रेसमा आबद्ध भएर सक्रिय राजनीति गर्दै आएका छन्। उनी किसान संघको जिल्ला सदस्य हुँदै अध्यक्षसम्म भए। 

२०३६ सालमा जिल्ला विकास समितिको जिल्ला सभा सदस्य भएका उनी २०४७ देखि निरन्तर पार्टीको  महाधिवेशन प्रतिनिधि हुँदै आएका छन्। मण्डल भन्छन्, ‘नेपाली कांग्रेसको राजनीतिमा कहिल्यै पनि पराजित भएको छैन।’

५ वर्षमा प्रतिबद्धता पुरा गर्छु

मोरङको ग्रामिण क्षेत्रबाट प्रदेशसभामा निर्वाचित मण्डलले ५ वर्षमा आफ्ना चुनावी प्रतिबद्धताहरू पुरा गर्ने बताए । उनले भने, ‘जनताका समस्या सिंचाई, मल विउको छ। यो म पुरा गर्छु।’ चुनावअघि मैले किसानलाई सिंचाई, मल, विउको समस्या हुन दिन्न भनेको छु उनले भने। धनपालथान, रंगेलीका किसानका समस्या समाधानमा यसअघिका जनप्रतिनिधिले खासै काम नगरेको उनको भनाई छ।

किसानको प्रतिनिधि भएकाले किसानलाई प्राथमिकतामा राखेर काम गर्ने मण्डलले बताए।  किसानको समस्यालाई समाधान गर्ने आफ्नो प्रतिबद्धता भएको उनले सुनाए। उनले भने, ‘सरकार कस्तो बन्छ गठबन्धनको सरकार बनेमा नागरिकता समस्या समाधानमा पनि आफ्नो भूमिका रहने छ।’


प्रकाशित: November 23, 2022 | 08:41:31 काठमाडौं, बुधबार, मंसिर ७, २०७९

तपाईं को प्रतिक्रिया

ट्रेंडिंग

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

आन्तरिक उडानमा थप पाँच नियम

आन्तरिक हवाई उडानलाई थप सुरक्षित, भरपर्दो, मर्यादित र व्यावसायिक बनाउने उद्देश्यले नयाँ हवाई उडान व्यवस्था गरिएको प्राधिकरणले बताएको छ।

नेपालमा पनि राम्रो छ कमाइ 'पठान'को, शुक्रबारदेखि 'ह्यारीकी प्यारी' सँग प्रतिस्पर्धा

नेपालमा मनोज राठीले पठान ल्याएका हुन्। फिल्मले १ सातामा नेपालबाट ६ करोड रूपैयाँ कमाएको छ।

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

थप समाचार

नेपाल समय
निर्वाचन विशेष

राष्ट्रिय सभा सदस्य उपनिर्वाचनका लागि मनोनयन दर्ता हुँदै

२५ माघका लागि राष्ट्रिय सभा सदस्य उपनिर्वाचनको मतदान कार्यतालिका सार्वजनिक भएअनुसार आज मनोनयन दर्ता हुन लागेको हो।
नेपाल समय
निर्वाचन विशेष

सुरु भयो अनलाइन मतदाता नामावली दर्ता

आयोगले २ माघदेखि नै अनलाइन दर्ता सुरु हुने बताए पनि शोक बिदाका कारण मंगलबारदेखि थालिएको हो।
नेपाल समय
निर्वाचन विशेष

राष्ट्रिय सभा उपनिर्वाचन, आठ दलको निवेदन दर्ता

आयोगले उपनिर्वाचनका लागि २५ देखि २८ पुससम्मको समय निर्धारण गरेको थियो।
निर्वाचन विशेष

उपनिर्वाचनका लागि दुई दलको निवेदन

निर्वाचन आयोगले दल दर्ताका लागि आज २८ पुससम्मको समयसीमा तय गरेको छ।
नेपाल समय
निर्वाचन विशेष

अनलाइनमार्फत मतदाता नामावली संकलन

आयोगले ७७ वटै जिल्ला निर्वाचन कार्यालयबाट मतदाता नामावली दर्ता अनलाइनमार्फत गरिने बताएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना