सोमबार, असोज १०, २०७९
नेपाल समय

केसी-महत विवादले माओवादीलाई हुन सक्छ फाइदा, नुवाकोटमा कसरी मिल्ला बाँडफाँट?

खिला कार्की  |  काठमाडौं, शुक्रबार, साउन २७, २०७९
खिला कार्की

खिला कार्की

काठमाडौं, शुक्रबार, साउन २७, २०७९

काठमाडौं- पञ्चायतकालभर डा प्रकाशचन्द्र लोहनीको जिल्लाका रुपमा चिनिएको नुवाकोट २०४६ पछिका चुनावमा अर्जुननरसिंह केसी र डा रामशरण महतको पल्लाभारी हुन थाल्यो। यद्यपि २०४८ पछिका दुई वटा चुनावमा दुवै नेताले जित निकाल्न सकेनन्। 

२०४८ सालमा नै डा महत राप्रपा नेता डा प्रकाशचन्द्र लोहनीसँग पराजित भएका थिए। अर्जुननरसिंह केसी २०६४ सालमा माओवादीकी विमला सुवेदीसँग पराजित भए। माओवादी शान्ति प्रक्रियामा आएपछिको पहिलो संविधानसभा चुनावमा रामशरण महतले भने जित निकालेका थिए। 

२०७४ सालमा दुवै नेता पराजित भएका थिए। केसी एमालेका नारायण खतिवडा र महत माओवादीका हितबहादुर तामाङसँग पराजित भए। बहुदल आएपछि पनि नुवाकोटमा डा लोहनीको वर्चश्व कायमै थियो। २०४८ सालको चुनावमा नै रामशरण महतलाई पराजित गर्दै डा लोहनी प्रतिनिधिसभा सदस्य भएका थिए। २०५६ सालमा नुवाकोट तीन वटा क्षेत्रमा विभाजित भएपछि एमालेका राजेन्द्र लोहनीलाई एक भोटले पराजित गर्दै डा लोहनी विजयी भएका थिए। पछि अदालतले पुनःगणनाको आदेश दिएपछि राजेन्द्र लोहनी विजयी भए। राजेन्द्र अहिले नेकपा एसमा छन्।  

जता गठबन्धनको त्यतै पल्लाभारी
२०७४ सालमा वाम गठबन्धन भयो। नुवाकोटका दुवै क्षेत्रमा वाम गठबन्धनका उमेदवारले चुनाव जिते। यो पटक सरकारमा रहेका पाँच दलका बीचमा गठबन्धन हुँदा पाँच दलीय गठबन्धनको पल्लाभारी हुन सक्ने देखिन्छ।

२०७४ सालमा नुवाकोट-१ मा वाम गठबन्धनका उमेदवार माओवादी नेता हितबहादुर तामाङले ३६ हजार ४७३ मत ल्याएर जित निकालेका थिए। उनका निकटतम प्रतिद्वन्द्वी बनेका कांग्रेस नेता डा रामशरण महतले २७ हजार ९२० मत पाएर पराजीत भए। त्यस्तै नुवाकोट-२ मा पनि गठबन्धनका तर्फबाट उमेदवार बनेको एमाले नेता नारायण खतिवडाले ३६ हजार ८९२ मत पाएर प्रतिनिधिसभा सदस्य बनेका थिए। खतिवडाले कांग्रेस नेता अर्जुननरसिंह केसीले २६ हजार ३३५ मात्र मत पाए। 

२०७४ सालमा वाम गठबन्धन भयो। नुवाकोटका दुवै क्षेत्रमा वाम गठबन्धनका उमेदवारले चुनाव जिते। यो पटक सरकारमा रहेका पाँच दलका बीचमा गठबन्धन हुँदा पाँच दलीय गठबन्धनको पल्लाभारी हुन सक्ने देखिन्छ।

अहिले स्थानीय तहको चुनावमा वडा अध्यक्षले पाएको मतलाई हेर्ने हो भने पाँचदलीय गठबन्धनका उम्मेदवार विजयी हुने देखिन्छ। स्थानीय चुनावमा नुवाकोट-१ मा कांग्रेसका वडाध्यक्ष उम्मेदवारले २८ हजार ९६२, माओवादीका उम्मेदवारले २३ हजार २००, एमालेका उम्मेदवारले १८ हजार २६७, राप्रपाका उम्मेदवारले ४ हजार ७८, नेकपा एसका उम्मेदवारले २ हजार २४५ मत पाएका छन्। यसलाई आधार मान्दा गठबन्धनका पक्षमा ५४ हजार ४०७ मत देखिन्छ। यो एमालेकोभन्दा ३६ हजार १४० ले बढी हो। एमाले र राप्रपाका बीचमा तालमेल हुँदा पनि पाँचदलीय गठबन्धनकै मत बढी हुन्छ। 

त्यस्तै, नुवाकोट-२ मा पनि गठबन्धनकै मत बढी देखिन्छ। यो क्षेत्रमा कांग्रेसका वडाध्यक्षका उम्मेदवारले २९ हजार ८६१, एमालेका उम्मेदवारले २६ हजार ३७७, माओवादीका उम्मेदवारले १६ हजार ६७, राप्रपाका उम्मेदवारले २ हजार २११ र नेकपा एसका उम्मेदवारले ९६१ मत पाएका छन्। यो क्षेत्रमा गठबन्धनका दलका उम्मेदवारहरुले ३२ हजार ४८९ मत पाएका छन् भने एमालेका उम्मेदवारको मत २६ हजार ३७७ छ। यो क्षेत्रमा एमालेको भन्दा गठबन्धनमा रहेका दलको ६ हजार ११२ भोट बढी छ। 

गठबन्धनमा सिट बाँडफाँटको सकस 
कांग्रेस प्रवक्ता डा.प्रकाशशरण महत यो पटक नुवाकोट-१ बाट प्रत्यक्ष निर्वाचनमा उम्मेदवार बन्ने सार्वजनिक घोषणा गरेका छन्। तर सो क्षेत्रमा ०७४ को आमनिर्वाचनमा वाम गठबन्धनबाट माओवादीका हितबहादुर तामाङ निर्वाचित भएका थिए। तामाङले नेपाली कांग्रेसका नेता एंव प्रकाशरणका दाजु डा रामशरणलाई पराजित गरेका हुन्। तामाङले ३६ हजार ४ सय ७३ भोट ल्याउँदा महतले २७ हजार ९ सय २० मत पाएका थिए। 

नुवाकोट-१ माओवादीलाई छाड्नु परे त्यसमा हितबहादुर तामाङ उम्मेदवार बन्ने सम्भावना प्रबल छ। नुवाकोट-२ कांग्रेसले लिँदा केन्द्रीय सदस्य बहादुरसिंह लामालाई उमेदवार बनाउने चर्चा पनि नुवाकोटमा छ।

२०६४ र २०७० को निर्वाचनमा डा रामशरणसँगै पराजित भएका तामाङले वाम गठबन्धनको बलमा जित निकालेका थिए। तर स्थानीय चुनावमा भने यो क्षेत्रमा कांग्रेस पहिलो र माओवादी दोस्रो भएको छ। स्थानीय चुनावमा कांग्रेसको २८ हजार ९ सय ६२, माओवादीको २३ हजार २ सय, एमालेको १८ हजार २ सय ६७, राप्रपाको ४ हजार ७८ र नकोप एसको २ हजार २ सय ४५ भोट देखिन्छ। यसअघि काठमाडौं-५ बाट उमेदवार बनेका कांग्रेस प्रवक्ता महतले नुवाकोट १ दाबी गरेपछि सिट टुंगो लगाउन गठबन्धनलाई सकस पर्ने देखिन्छ। 

दाजु रामशरणले उम्मेदवारी नदिने आकलन गर्दै प्रकाशशरणले दाजुको क्षेत्रमा गई प्रत्यक्ष उम्मेदवार बन्ने इच्छा देखाएका हुन्। यो क्षेत्रमा माओवादी दोस्रो स्थानमा रहेकाले प्रकाशशरणलाई सहज भने छैन। कांग्रेस प्रवक्ता र सभापति शेरबहादुर देउवाका विश्वासपात्र मानिएका प्रकाशशरणले आफ्नै गृहजिल्लामा प्रत्यक्ष उमेदवार बन्ने इच्छा देखाएका कारण कांग्रेसको यो निर्वाचन क्षेत्रमा दाबी बलियो देखिन्छ। अर्कोतर्फ नुवाकोट कांग्रेसको राजनीतिमा केसी परिवार र महत परिवारको हावी हुने भएकाले पनि आफूलाई उम्मेदवार बनाउन कांग्रेस सभापति देउवाले अडान लिइदिने अपेक्षा प्रकाशशरणलाई छ। 

महत र केसी परिवारको द्वन्द्व
नुवाकोटको राजनीतिमा महत र केसी परिवारको बीचमा एउटै पार्टी भएपनि हार्दिकताको भने खडेरी छ। कुनै समय नुवाकोटमा विद्यालय व्यवस्थापन समिति, वन उपभोक्ता समितिमा समेत केसी र महत पक्षको आ-आफ्नै प्यानल बनाउने गरेका थिए। २०७४ सालको चुनावपछि डा रामशरण महत र अर्जुननरसिंह केसीबीच केही हार्दिकता बढेपनि लामो समय टिक्न भने सकेन। 

रमेश महतलाई देउवा समूहका डा प्रकाशरण महतको पनि सहयोग थियो। 

पार्टीको १४औँ महाधिवेशन अन्तर्गतको जिल्ला अधिवेशनमा फेरि केसी र महत परिवारको द्वन्द्व देखियो। कांग्रेसहरू देशभर सभापाति शेरबहादुर देउवा पक्ष देउवा इतर पक्ष भएर जिल्ला अधिवशेनमा होमिएका थिए। तर नुवाकोटमा भने देउवा इतर समूहमा रहेका रामशरण महतका भतिजा रमेश महत र अर्जुननरसिंह केसीका भाई डा केदारनरसिंह केसीबीचमा प्रतिस्पर्धा भएको थियो। रमेश महतलाई देउवा समूहमा रहेका तत्कालीन सहमहामन्त्री डा प्रकाशरण महतको पनि सहयोग थियो।  

मंसिरको चुनावमा पनि केसी र महत परिवारबीच विश्वासको संकट मैदानसम्मै आइपुग्ने नुवाकोटका कांग्रेसीको आकलन छ। प्रकाशशरणले काठमाडौंमा नुवाकोटका पत्रकारसँग आफू नुवाकोटबाटै प्रत्यक्ष चुनाव लड्ने घोषणा गरेका थिए। पछि प्रजातान्त्रिक विचार समाजको कार्यक्रममा सम्बोधन गर्न पुगेका कांग्रेस नेता अर्जुनरसिंह केसीले कांग्रेसका केन्द्रीय पदाधिकारीहरुको कुनै खास जिल्ला क्षेत्रमा मात्र देशभर लोकप्रिय भएको भन्दै प्रकाशशरणप्रति व्यंग्य कसेका थिए। 

प्रकाश र अर्जुन उम्मेदवार नबन्ने चर्चा पनि
नुवाकोट-१ बाट डा प्रकाशशरण महत, नुवाकोट-२ मा अर्जुननरसिंह केसी र बहादुरसिंह लामाले आकांक्षा राखेका छन्। माओवादीका तर्फबाट भने क्षेत्र नम्बर १ मा हितबहादुर तामाङ र दुई नम्बरमा अहिले प्रदेशसभा सदस्य रहेका हीरानाथ खतिवडालाई आकांक्षी छन्। तर कांग्रेसबाट अर्जुननरसिंह केसी र डा रामशरण महत दुवै रिटार्यड हुने चर्चा पनि नुवाकोट कांग्रेसमा छ। यस्तो अवस्थामा डा प्रकाशशरण पनि नुवाकोटबाट प्रत्यक्ष उम्मेदवार नबनेर केसीका भाइ जगदिशनरसिंह केसी र रामप्रकाशका भतिजा रमेश महतलाई उम्मेदवार बन्न सक्ने सम्भावना रहेको नुवाकोट कांग्रेसका नेताहरू बताउँछन्। 

नुवाकोट-१ माओवादीलाई छाड्नु परे त्यसमा हितबहादुर तामाङ उम्मेदवार बन्ने सम्भावना प्रबल छ। नुवाकोट-२ कांग्रेसले लिँदा केन्द्रीय सदस्य बहादुरसिंह लामालाई उमेदवार बनाउने चर्चा पनि नुवाकोटमा छ। यदि प्रकाश र अर्जुन दुवैले संघीय सांसदमा प्रतिस्पर्धा नगरेको अवस्थामा भने प्रदेशसभाका दुई वटा निर्वाचन क्षेत्रमा जगदीश्वरनरसिंह र रमेशलाई उम्मेदवार बनाउने सम्भावना पनि छ। 

एमालेबाट यी हुन उमेदवार 
एमालेले नुवाकोट-१ मा बद्री मैनालीलाई उम्मेदवार बनाउने सम्भावना छ। उनी एमाले जिल्ला अध्यक्षसमेत रहेका उनी प्रदेशसभा सदस्य पनि छन्। नुवाकोट-२ मा भने वर्तमान सांसद नारायण खतिवडा र केशव पाण्डेमध्ये एकलाई चुनावी मैदानमा उतार्ने तयारीमा एमाले छ। पाण्डे अहिले प्रदेशसभा सदस्य हुन्।

तपाईं को प्रतिक्रिया

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
निर्वाचन विशेष

आयोगको सहमतिबिना निर्वाचन क्षेत्र नछाड्न निर्वाचन अधिृकतलाई निर्देशन

आयोगका प्रवक्ता शालिग्राम शर्मा पौडेलले विज्ञप्ति जारी गर्दै निर्वाचन अधिकृतको कार्यालय स्थापना गरेपछि पूर्वसहमति बिना निर्वाचन क्षेत्र नछाड्न निर्वाचन अधिकृतलाई जानकारी गराउने निर्णय गरेको जानकारी दिए।
नेपाल समय
निर्वाचन विशेष

आचारसंहितामा हस्ताक्षर गर्न प्रधानमन्त्रीसहितका नेता बोलाउँदै आयोग

आगामी चुनावमा सत्तारुढ, प्रतिपक्षी कुनै पनि राजनीतिक दलबाट आचारसंहिता उल्लंघन गर्न नपाइने सर्तसहितको प्रतिबद्धता–पत्रमा हस्ताक्षर गराइँदै।
नेपाल समय
निर्वाचन विशेष

बजेटबाहिरको हिसाब २४ घन्टाभित्रै बुझाउन अर्थलाई आयोगको निर्देशन

आयोगले निर्वाचन घोषणा भइसकेपछि मन्त्रालयबाट भएको बजेटबाहिरको खर्च विवरण बुझाउन निर्देशन दिएको हो।
नेपाल समय
निर्वाचन विशेष

निर्वाचनलाई भयरहित बनाउन सुरक्षा निकायका प्रमुखबीच जंगी अड्डामा छलफल

आगामी प्रतिनिधिसभा तथा प्रदेशसभाको निर्वाचनलाई सफलतापूर्वक सम्पन्न गर्न आवश्यक सुरक्षा व्यवस्थाबारे चार वटा सुरक्षा निकायका प्रमुखबीच छलफल भएको हो।
नेपाल समय
निर्वाचन विशेष

२ लाख ३२ हजारले दिए म्यादी प्रहरीमा दरखास्त

दरखास्त दिएकामध्येबाट १ लाख १५ हजार म्यादी प्रहरीमा छनोट हुनेछन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना