शुक्रबार, असोज २१, २०७९

स्थानीय निर्वाचनपछि थपिए साढे ४ लाख मतदाता, दलहरु उत्साहित

नेपाल समय  |  काठमाडौं, बिहीबार, साउन १९, २०७९

नेपाल समय

नेपाल समय

बिहीबार, साउन १९, २०७९, काठमाडौं

नेपाल समय
गत वैशाख ३० गते सम्पन्न स्थानीय तह निर्वाचनमा मतदान गर्दै एक मतदाता। फाइल तस्बिर : दिनेश श्रेष्ठ/नेपाल समय

काठमाडौं– सरकारले बिहीबार प्रदेशसभा र प्रतिनिधिसभा निर्वाचनको मिति घोषणा गरेको छ। बिहीबार बसेको मन्त्रिपरिषद् बैठकले आगामी मंसिर ४ गते आइतबार एकै चरणमा गर्ने गरी चुनाव घोषणा गरेको हो। 

बुधबारमात्र सत्तारूढ पाँचदलीय गठबन्धनले आगामी मंसिर ४ गते संसदीय निर्वाचन गर्ने सहमति गरेको थियो। सोहीअनुसार निर्वाचन गराउन आफू तयार रहेको निर्वाचन आयोगले बताएको छ। प्रमुख निर्वाचन आयुक्त दिनेश थपलियाले तोकिएको समयमा निर्वाचन सम्पन्न गर्न आयोग तयार रहेको बताएका छन्।

मंसिर ४ गते हुने संघीय र प्रदेश सभाको चुनावका लागि निर्वाचन आयोगले आइतबारदेखि राजनीति दल दर्ताको प्रक्रिया पनि सुरु गर्ने भएको छ। यसरी निर्वाचनमा देश होमिँदा राजनीतिक दलहरु उत्साहित देखिएका छन्। साथै निर्वाचनको लागि आफूहरु तयारी अवस्थामा रहेको नेताहरुले बताउन थालेका छन्।

नेकपा एमालेले मंसिर ४ मा प्रतिनिधिसभा र प्रदेशसभा निर्वाचन गर्ने सरकारको निर्णयको स्वागत गरेको छ। पत्रकारहरुसँग कुरा गर्दै एमाले अध्यक्ष केपी शर्मा ओलीले निर्वाचनको लागि तोकिएको मिति स्वाभाविक रहेको टिप्पणी गरेका छन्। चुनावको लागि प्रतिस्पर्धा गर्न एमाले तयारी अवस्थामा रहेको पनि ओलीले बताएका छन्। चुनाव निष्पक्ष र भयरहित वातावरणमा हुनुपर्ने ओलीको माग छ।

नेकपा एमालेका उपाध्यक्ष विष्णु पौडलले पनि चुनावको मिति घोषणा लगत्तै एमालेसँग एक्लै प्रतिस्पर्धा गर्ने हैसियत नेपालका कुनै राजनीतिक दलसँग नरहेको टिप्पणी गरेका छन्। उनले भने, ‘अरुले पार्टीका रुपमा चुनाव लडेनन्। कांग्रेसले ललितपुरमा लड्यो? चिरिबाबु कांग्रेसका होइनन् र भन्नुहोला। तर म भन्छु, कांग्रेसले ललितपुरमा लडेन। ७७ वटै जिल्ला र ७५३ पालिकामा कांग्रेसले लडेन। यो कुरा हामीले जनतालाई बताउन सक्छौं कि सक्दैनौं?’ 

त्यस्तै नेकपा एकीकृत समाजावादीका अध्यक्ष माधवकुमार नेपालले पनि मंसिर ४ मा हुने चुनावमा भिड्न आफू तयार रहेको बताएका छन्। यसअघि ७० वर्ष उमेर पुगेपछि राजनीति छोड्ने बताउँदै आएका उनले परिस्थितिका कारण पुन: उम्मेदवारी दिनुपरेको बताए। बिहीबार काठमाडौंमा आयोजित एक कार्यक्रममा उनले भने, ‘७० वर्षमै छोडौं कि भनेको परिस्थितिले दिएन। आजमात्रै चुनाव घोषणा भएको छ। चुनाव त लड्नैपर्छ, जित्नैपर्छ।’

चुनावमा नउठ्ने हो भने माधव नेपाल डरायो भनेर आलोचकहरुले उडाउने भएकोले पनि आफू चुनावी मैदानमा होमिने उनले बताए। यसरी गठबन्धनका अन्य दलहरु पनि उत्साही देखिन्छन्। बुधबारमात्र गठबन्धनका दलको सहमतिपछि चुनावको मिति टुंगो लागेको थियो।

थपिए साढे चार लाख मतदाता

गत वैशाख ३० गते भएको स्थानीय तह चुनावयता करिब साढे चार लाख मतदाता थपिएका छन्। निर्वाचन आयोगका सूचना अधिकारी सूर्यप्रसाद अर्यालका  अनुसार वैशाख ३० को स्थानीय निर्वाचनपछि आजसम्म ४ लाख ४८ हजार ५१६ मतदाता थपिएका छन्। 

२०७४ सालको संघीय र प्रदेश सभा निर्वाचनमा १ करोड ५४ लाख २७ हजार ९३८ मतदाता रहेकोमा गत वैशाख ३० गतेको स्थानीय तह निर्वाचनको अन्तिम नामावलीमा १ करोड ७७ लाख ३३ हजार ७२३ जना मतदाता थिए। जुन अहिले बढेर १ करोड ८१ लाख ८२ हजार २३९ पुगेको हो।

अर्यालका अनुसार असारयता आफ्नै जिल्लामा मतदाता नामावली लेखाउने मतदाता ४ लाख १२ हजार ७६६ छन् भने अनलाइनबाट फर्म भर्नेहरु ३५ हजार ७५० जना छन्। पछिल्लो समय ४ लाख ४८ हजार ५१६ मतदाता थपिएका छन्। पछिल्लो २–३ दिन यताको अद्यावधिक विवरण नआएकाले त्यो संख्या ५ लाखसम्म पुग्नसक्ने पनि उनले बताएका छन्।

स्थानीय तह निर्वाचनपछि गत असार १ गतेयता फेरि आयोगले मतदाता परिचयपत्र दिन थालेको थियो। 


प्रकाशित: August 4, 2022 | 18:09:29 काठमाडौं, बिहीबार, साउन १९, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
निर्वाचन विशेष

चुनावमा सञ्चारमाध्यमका गतिविधि अनुगमन गर्न आयोगको संयन्त्रमा सेनाप्रहरी!

निर्वाचन आयोगले आगामी ४ मंसिरमा हुने चुनावमा सेना र प्रहरीका समेत प्रतिनिधि रहने गरी निर्वाचन मिडिया अनुगमन संयन्त्र गठन गर्ने प्रक्रिया अगाडि बढाएपछि पत्रकार महासंघको विरोध।
नेपाल समय
निर्वाचन विशेष

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।
नेपाल समय
निर्वाचन विशेष

माधव र शेरबहादुर रिझाएका आलेलाई जिल्ला मिलाउन सकस

ओलीसँग मिलेर २०७४ मा सांसद बनेका आले मन्त्री बन्‍न माधव नेपालको साथमा उभिए। प्रतिनिधिसभामा पुन: निर्वाचित हुन गठबन्धनको मुख ताकिरहेका आलेका परस्पर विरोधी मल्लको सामना गर्नुपरेको थियो। यता कांग्रेसले भने गठबन्धनका उम्मेदवारलाई मत नहाल्‍ने चेतावनी दिएको छ।
नेपाल समय
निर्वाचन विशेष

१६५ संघीय निर्वाचन क्षेत्रमा खुल्दै निर्वाचन अधिकृतको कार्यालय

आयोगले मुख्य निर्वाचन अधिकृत ७७, निर्वाचन अधिकृत ८८ र निर्वाचन अधिकारी ७७ सहित तोकेरै निर्वाचन अधिकृतको कार्यालय खोल्न लागेको हो।
नेपाल समय
निर्वाचन विशेष

बुधबारदेखि लागू हुँदै निर्वाचन आचारसंहिता

आगामी ४ मंसिरमा हुने संघ र प्रदेशसभाको निर्वाचनका लागि आयोगले आचारसंहिता लागू गर्ने भएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना