शुक्रबार, असार १७, २०७९
नेपाल समय

३० नकट्दै स्थानीय सरकार हाँक्दैछन् यी अनुहार

तीर्थराज बस्नेत  |  काठमाडौं, बुधबार, जेठ ४, २०७९
तीर्थराज बस्नेत

तीर्थराज बस्नेत

काठमाडौं, बुधबार, जेठ ४, २०७९

काठमाडौं- गत शुक्रबार भएको स्थानीय तहको निर्वाचनको मत परिणाम आउनेक्रम जारी छ। अहिलेसम्म प्राप्त मतपरिणाममा केही रोचक तथ्य समेत उजगार भएका छन्।

कतिपय पालिकामा श्रीमान, श्रीमति नै विजयी भएको, ज्वाइँ-जेठान, दाजुभाइको हारजित भएका समचार आइरहेका छन्। तर, यो निर्वाचनमा नयाँ पुस्ताका तन्‍नेरीहरु पनि चुनावी प्रतिस्पर्धामा उत्रिए। ३० वर्ष नकटेका युवाहरुले केही पालिकामा जित समेत निकालेका छन्। 

जुन नेपाली राजनीतिका लागि सुखद् विषय पनि हो। राजनीतिमा युवा पुस्ताको हस्तक्षेपले आशाको सञ्‍चार गरिदिन्छ। टेस्टेड नेतृत्वबाट जनतामा जागेको निराशा राजनीतिमा युवा पुस्ताको आगमनले घटाइदिनेछ। तर त्यसका लागि नेतृत्वमा पुगेका युवाहरुले परम्परागत ढर्रा छाडेर जनअपेक्षा पूरा गर्नपर्नेछ। 

यो पटकको निर्वाचनमा केही पालिकाका प्रमुख, उपप्रमुख र वडाध्यक्षमा युवा प्रतिनिधि चुनिएका छन्। अब उनीहरुको कार्यसम्पादन कस्तो हुनेछ, त्यसले उनीहरुको राजनीतिक भविष्यलाई धेरै हदसम्म निर्धारण गरिदिनेछ।  

को-कहाँबाट निर्वाचित?

परशुराम नगरपालिकाको प्रमुखमा २८ वर्षीय युवा 

डडेल्धुराको परशुराम नगरपालिकाको प्रखुमा २८ वर्षीय भरत बडायर जोशी निर्वाचित भएका छन्। उनी नेपाली कांग्रेसको तर्फबाट प्रमुखको उम्मेदवार थिए। उनले ५ हजार ९४१ मत ल्याएर विजयी हुँदा उनका निकटतम प्रतिस्पर्धी नेकपा माओवादी केन्द्रका शेरसिंह मालले ५ हजार ८०५ मत प्राप्त गरे।  

माओवादी उम्मेदवार माल निकै बलिया प्रतिस्पर्धी मानिएका थिए। तर, जोशीले डडेल्धुरामा कांग्रेसको विरासत मात्र जोगाएनन्, नगर प्रमुखमा युवा नेतृत्व स्थापित पनि गरिदिए।  जोशी कांग्रेसको १४ औं महाधिवेशनबाट नगरपालिकाको सभापतिमा समेत निर्वाचित भएका थिए। त्यो बेला उनले पूर्व जिल्ला उपसभापति धर्मनन्द भट्टलाई पराजित गरेका थिए। 

जोशीले वायुमण्डली भौतिक शास्त्रमा स्‍नातकोत्तरसम्मको अध्ययन गरेका छन्। नगरप्रमुखमा निर्वाचित भएपछि उनले काम गरेर देखाउने प्रतिबद्धता गरेका छन्। उनले भनेक छन्, 'राजनीति फोहोरी खेल मात्र होइन। काम गरेर देखाएपछि राजनीतिलाई हेर्ने दृष्टिकोण पनि फेरिन्छ। युवाहरुलाई गाउँ र राष्ट्रको जिम्मेवारी बहन गराउन इच्छा भाव जाग्छ। त्यसकारण मैले काम गर्नुपर्छ। मैले काम गरेर देखाए भोली अर्को युवाले पनि नेतृत्व दावी गर्न आँट गर्छ।'

उनी कोरोनाकालमा मात्रै चीनबाट गाँउ फर्किएका थिए। उनी चीनमा अध्ययनरत थिए। उनले नगरपालिकामा सामाजिक र पूर्वधार विकासको एजेन्डा अघि सारेका छन्। उनी २०६८ सालमा त्रिचन्द्र क्याम्पसमा नेविसंघको सदस्य भएका थिए।  

कालिकामाईको नेतृत्व २१ वर्षीय कलवालको हातमा 

पर्साको कालिकामाई गाउँपालिकाको नेतृत्व २१ वर्षीय वशिष्टकुमार कलवालको हातमा पुगेको छ। बीबीए सकेर एमबीएको तयारी गरिरहेका कलवाल गाउँपालिकाको अध्यक्षमा निर्वाचित भएका हुन्। 

जनता समाजवादी पार्टीका कलवालले नेपाली कांग्रेसका अजयकुमारलाई पराजित गरेका हुन्। कलवाल ३ हजार ७४३ मत ल्याएर विजयी हुँदा अजयकुमारले ३ हजार ६२६ मत प्राप्त गरे।  

जसपा सांसद प्रदीप यादवका अनुसार कलवाल जसपा पर्साका नेता दिनेशकुमारका भतिजा हुन्। उनकै सल्लाहमा पार्टीले २१ वर्ष २ महिनाका कलवाललाई गाउँपालिकाको टिकट दिएको थियो।  

रामनगरले पनि पयो २२ वर्षीय यादवको नेतृत्व 

सर्लाहीको रामनगर गाउँपालिकाले पनि युवा नेतृत्व पाएको छ। गाउँपालिकाको अध्यक्षमा २२ वर्षीय राजाबाबु यादव निर्वाचित भएका छन्। नेकपा माओवादी केन्द्रका तर्फबाट अध्यक्षको उम्मेदवार बनेका थिए। उनले नेपाली कांग्रेसका हरिनन्दप्रसाद यादवलाई पराजित गरे। २ हजार ८१ मत प्राप्त गरेर राजाबाबु निर्वाचित हुँदा कांग्रेसका हरिनन्दले २ हजार ३९२ मत मात्र प्राप्त गरे। 

नातामा हरिनन्द र राजाबाबु काका भतिज हुन्। रामबाबुले काकालाई करिब दोब्बर मतले पराजित गरिदिए। राजाबाबु केही महिना अघि मात्रै राजनीतिमा आएका हुन्। उनी माओवादीका पूर्व सांसद शिवपुजन यादवका छोरा हुन्। 

उनी बीबीएको परीक्षा दिएर गाउँ फर्किएका थिए। यो गाउँपालिका सर्लाहीको पिछडिएको क्षेत्र हो। त्यसकारण उनले ठूलो सपना बाँडेका छैनन्। उनले सडक स्तरोन्नती, किसानलाई बिउबिजन र जनताका स-साना समस्यालाई एजेन्डा बनाएका छन्। 

बुलिङटारमा २८ वर्षका इन्जिनियर बने अध्यक्ष 

नवलपरासी पूर्वको बुलिङटार गाउँपालिकाले २८ वर्षीय इन्जिनियरको नेतृत्व पाएको छ। गाउँपालिकाको अध्यक्षमा दीपेन्द्र सुनारी मगर निर्वाचित भएका छन्। मेकानिकल इन्जिनियरिङमा स्नातकोत्तर गरेका उनी नेकपा एमालेबाट निर्वाचित भएका हुन्। 

कांग्रेसको गढलाई भत्काएका उनी ४ हजार ५९ मत ल्याएर निर्वाचित भएका हुन्। उनले गाउँपालिकाका निवर्तमान अध्यक्ष शशीकिरण बास्ताकोटीलाई १५१ मतले पराजित गरेका हुन्। बुलिङटारमा अहिलेसम्म कांग्रेस पराजित भएको थिएन।

तर दीपेन्द्रले कांग्रेसको आधार इलाका मात्रै भत्काइदिएनन् बुबाले भोग्‍नुपरेको दुई पटकको पराजयको बदला समेत लिइदिए। उनका बुबा शेरबहादुर सुनारी मगर २०५४ सालमा गाउँपालिकाका अध्यक्षमा उठेका थिए। तर उनी कांग्रेससँग पराजित बन्न पुगेका थिए। 

२०७४ सालको निर्वाचनमा शेरबहादुर वडा नम्बर एकको अध्यक्ष उठेका थिए। तर उनको भागमा पराजय पर्‍यो। कांग्रेसका दिलबहादुर सूर्यवंशीसँग पराजित भए। त्यो बेला बुवालाई जिताउन दीपेन्द्रले ठूलो मेहनत गरेका थिए। तर सफल हुन सकेनन्। त्यसपछि उनी मेकानिकल इन्जिनियरिङ पढ्न चीन गए। दुई वर्ष चीनमा पढेर फर्किएपछि उनी जागिर खान थाले। २ वर्ष अघि गाउँ फर्किएका उनले कांग्रेसको आधार इलाका भत्काउँदै गाउँपालिकाको अध्यक्षमा निर्वाचित हुन सफल भएका छन्। 

उनले कृषिलाई व्यवसायीकरण र आधुनिकिकरण गर्ने मुख्य एजेन्डा अघि सारेका छन्। यस्तै व्यवहारमुखी शिक्षा प्रणाली लागु गर्ने उनको योजना छ। गाउँपालिकाका सबै काम पारदर्शी बनाउने र जनतासँग गरेको बाचा पुरा गर्ने उनले सुनाए।  

एमालेले टिकट नदिएपछि विद्रोह गरेर गाउँपालिकाको अध्यक्ष जितेका जोशी  

बैतडीको डिलासैनी गाउँपालिकाको अध्यक्षमा ३५ वर्षीय सन्तोषप्रकाश जोशी निर्वाचित भएका छन्। उनी नेकपा एमालेबाट विद्रोह गरेर चुनावी मैदानमा होमिएका थिए। युवा पुस्ता माझ लोकप्रिय जोशीले कांग्रेस, माओवादी र नेकपा एससँगै एमालेको घेरावन्दी तोडेर गाउँपालिकाको अध्यक्षमा निर्वाचित भएका हुन्। 

जोशीको विद्रोह एमालेका लागि भारी परेको छ। गाउँपालिकाको अध्यक्ष र उपाध्यक्ष गुमाएको त छ नै। सँगै २ वडा वडामा मात्रै एमाले सीमित भएको छ। जोशी आफू मात्रै विजयी भएनन्, पुतली चिह्‌नधारी स्वतन्त्र प्यानल बनाएर तीन वडाको नेतृत्व समेत हात पारेका छन्। 

उनलाई एमालेले गाउँपालिकाको अध्यक्षमा सिफारिस गरेको थियो। तर, जिल्ला कमिटीको रोजाइमा उनी पर्न सकेनन्। जिल्ला कमिटीले अक्कल रानालाई उम्मेदवार बनाउने निर्णय गर्‍यो। ३ हजार १८९ मत ल्याएर जोशी विजयी हुँदा माओवादीका लोकेन्द्रबहादुर रानाले २ हजार ६५१ मत प्राप्त गरे। एमालेका रानाले २ हजार ५५७ मत प्राप्त गरे। यो गाउँपालिकामा कांग्रेसले उपाध्यक्ष सहित २ वडा जितेको छ। 

तन्‍नेरी वडाध्यक्षहरु 

बैतडीको मेलौली नगरपालिका-८ मा २२ वर्षीय युवा वडाध्यक्ष निर्वाचित भएका छन्। काठमाडौंमा पत्रकारिता गर्दै आएका तपेन्द्र विष्ट वडाध्यक्षमा निर्वाचित भएका हुन्। एमालेबाट निर्वाचित उनले कांग्रेसका शम्भु विष्टलाई ८० मतले पराजित गरेका थिए।

बझाङकै बुङ्गल नगरपालिका-९ मा २३ वर्षीय हरिश सिंह वडाध्यक्षमा निर्वाचित भएका छन्। नेपाली कांग्रेसबाट प्रतिस्पर्धामा उत्रिएका उनले ६८४ मत प्राप्त गरेका छन्। यस्तै काभ्रेको भुम्लु गाउँपालिका-२ मा २४ वर्षीय सुजन भण्डारी वडाध्यक्षमा निर्वाचित भएका छन्। उनी ४०५ मत ल्याएर निर्वाचित भएका हुन्।

तपाईं को प्रतिक्रिया

तपाईं को प्रतिक्रिया

ट्रेंडिंग

नाबालिगविरुद्ध २७ वर्षीया विवाहित महिलाको बलात्कार मुद्दा, तर अदालतले पत्याएन

बलात्कृत भएकी भनिएकी महिलाको घरमा टिभी मर्मत गर्न पुगेका नाबालिगले सहमतिमै शारीरिक सम्पर्क गरेको बयान दिएपछि जबर्जस्ती करणीको मुद्दामा न्यायाधीशले सुनाए अचम्मको फैसला।

श्रीमतीलाई भीरबाट लडाएर हत्या गर्ने निर्दयी श्रीमान्

गत असार ५ गते भएको घटना १० गते मात्र थाहा भएको थियो। लेकबहादुरले गत असार ५ गते बिहान घरमा कोही नभएको मौका छोपी श्रीमतीलाई कुटपिट गदै लखेट्दै जंगलतिर लगेको प्रहरी अनुसन्धानबाट खुलेको छ।

चन्द्रागिरिको जंगलमा हराएका तीन विदेशी भीरमा भेटिए

उक्त स्थान थानकोटबाट करिब सात किलोमिटर टाढा थानकोट–चित्लाङ सडकखण्ड नजिक रहेको प्रहरीले जनाएको छ।

...अनि पटक-पटक मर्ने प्रयास गरेकी थिइन् दिलमायाले

‘त्यसबेला मेरो छोरो पाँच वर्षको थियो। म माइतीको शरणमा गएको थिएँ। तर माइतीले पनि नहेरेपछि मर्छु भनेर बाबुलाई घरमै छोडेर जंगलभित्र गा'को थिएँ। तर जंगलमा ३ घन्टा रुँदैरुँदै बिताएर घर फर्किएँ। बच्चाले दुःख पाउँछ भनेर मर्न सकिनँ...

गायिका सुनार मृत्यु प्रकरण : प्रेमीले फालेको सल नालीमा भेटियो, पोस्टमार्टम रिपोर्ट कुर्दै प्रहरी

प्रहरीको प्रारम्भिक अनुसन्धानले गायिका सुनारको डिभोर्सपछि उनी श्रेष्ठसँग करिब डेढ वर्षयता ‘लिभिङ टुगेदर’मा बस्दै आएको देखिएको छ। नेपालटारस्थित उनको डेरामा श्रेष्ठको आउजाउ बाँक्लै थियो।

कांग्रेसभित्र यसरी 'फ्रन्ट डोर' ढकढक्याउँदैछन् विनोद चौधरी

म कांग्रेस एकदमै कमजोर भएको अवस्थामा प्रवेश गरेको हुँ। मेरो बाँकी राजनीतिक जीवन कांग्रेसमै बित्छ। कांग्रेसमै रहेर पार्टी र देशका लागि केही गर्ने हो। परिवर्तन ल्याउन भूमिका खेल्ने हो। म मेरो योजनामा असफल भएँ भने राजनीतिमा विश्राम लिएर आराम गरेर बस्छु।

गोर्खा सैनिकको सम्झनामा त्यो फोकल्यान्ड युद्ध

‘बिहानको १० बजेसम्म घाम देखिँदैन। जताततै तिखा चट्टान, ढुंगा र घासे मैदान। चार मोजा र बुट लगाउँदा सम्म नथेगिने चिसो। घरिपानी, घरि असिना, घरि हिउँ। रुखपात छैन, झारपात मात्र कस्तो ठाउँ होला!’

बालुवाटार पुगे नेकपा एसका तीन मन्त्री

स्वाथ्य तथा जनसंख्यामन्त्री विरोध खतिवडा, शहरी विकासमन्त्री रामकुमारी झाँक्री र श्रम, रोजगार तथा समाजिक सुरक्षा मन्त्री कृष्ण कुमार श्रेष्ठ आफूहरुको माग र अडान पुरानै भएको दोहोर्‍याउन बालुवाटार पुगेको स्रोतको दाबी छ। उनीहरुसँग निरा जैरुसहित केही सांसद पनि रहेको बताइएको छ।

नेपालबाट बेलायत जाने मौसमी कामदार बढे, सरकार भन्छ- ऐनले चिन्दैन

कोराना महामारीपछिको अर्थतन्त्रलाई ट्रयाकमा ल्याउन बेलायत सरकारले विभिन्न मुलुकबाट मौसमी रोजगारका लागि आवेदन मागिरहेको छ। तर नेपालको श्रम ऐनमा मौसमी रोजगारसम्बन्धी व्यवस्था नहुँदा नेपाली श्रमिकलाई अप्ठेरो पारिरहेको छ।

साडियो माने : धुलाम्य मैदानदेखि लिभरपुलको लोभलाग्दो रवाफसम्म

बाल्यावस्थादेखि बलसँगै लडिबुडी गरेका मानेले फुटबलमा पाएको जादूयी सफलतापछि जन्मथलो बम्बालीमा उम्रिँदै छन् सयौं मानेहरू।

थप समाचार

नेपाल समय
निर्वाचन विशेष

दाङका स्थानीय तहमा दुई सय १७ महिला जनप्रतिनिधि

प्रमुख पदमा निर्वाचित नभए पनि उपप्रमुख, उपाध्यक्ष, महिला सदस्य, दलित महिला सदस्य र खुला सदस्य गरी २१७ महिला निर्वाचित भएको प्रदेश निर्वाचन कार्यालयले जनाएको छ।
नेपाल समय
निर्वाचन विशेष

बाँकेमा कार्यपालिका सदस्य निर्वाचन सम्पन्न

नेपालगञ्ज उपमहानगरपालिकाको कार्यपालिका सदस्यमा नेपाली कांग्रेस, जनता समाजवादी पार्टी (जसपा) र राष्ट्रिय प्रजातन्त्र पार्टी( राप्रपा) का उम्मेदवार निर्वाचित भएका हुन्।
नेपाल समय
निर्वाचन विशेष

त्रियुगा नगरपालिका प्रमुखमा कांग्रेस, उपप्रमुखमा एमाले विजयी

त्रियुगा नगरपालिकाको प्रमुखमा नेपाली कांग्रेस र उपप्रमुखमा नेकपा (एमाले) विजयी भएको छ। मतगणनाको आज प्राप्त भएको परिणामअनुसार प्रमुखमा कांग्रेसका वसन्तकुमार बस्नेत विजयी भएका छन्। उनले १३ हजार ९५९ मत प्राप्त गरे। उनका निकटतम प्रतिद्वन्द्वी एमालेका भागवत राउतले ११ हजार ८३८ मत प्राप्त गरेका थिए।
नेपाल समय
निर्वाचन विशेष

त्रियुगाको मेयरमा कांग्रेसको अग्रता कायमै

उदयपुरको त्रियुगा नगरपालिकाको मेयरमा नेपाली कांग्रेसले अग्रता कायमै राखेको छ।
नेपाल समय
निर्वाचन विशेष

त्रियुगाको मेयर र उपमेयरमा कांग्रेसको अग्रता

त्रियुगा नगरपालिकाको मेयरमा नेपाली कांग्रेसका बसन्तकुमार बस्नेतले अग्रता फराकिलो पारेका छन्। २३ हजार ९७५ मत गणना हुँदा बस्नेतले करिब दुई हजार मतान्तरको अग्रता कायम गरेका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना