शुक्रबार, साउन २७, २०७९

जसले ४३ घण्टामै ४४ हजार मतगणना सके

दिलीप कुँवर  |  काठमाडौं, बुधबार, जेठ ४, २०७९

दिलीप कुँवर

दिलीप कुँवर

बुधबार, जेठ ४, २०७९, काठमाडौं

नेपाल समय
भक्तपुर नगरपालिकाको मतगणना हुँदै। इन्सेटमा भक्तपुरका मुख्य निर्वाचन अधिकृत गोपालप्रसाद बाँस्तोला।

काठमाडौं– स्थानीय तह सदस्य निर्वाचन सम्पन्न भएको आज बुधबार ६ दिन बितिसक्दा पनि देशभरका पालिकाको मतगणना सकिएको छैन। मतगणना कछुवा गतिमा भएको भन्दै निर्वाचन आयोगको पनि आलोचना भइरहेको छ।  

जवाफमा प्रमुख निर्वाचन आयुक्त दिनेशकुमार थपलियाले गणनाको काम प्रमुख निर्वाचन अधिकृतको हुने भन्दै उनीहरुकै कारण ढिलाइ भएको बताएका छन्। ‘निर्वाचन गराउने जिम्मेवारी मैले निर्वाह गरें, गणना मेरो जिम्मेवारी होइन। गणनाको काम प्रमुख निर्वाचन अधिकृतको हो। मत कहिले गनिसक्ने, उहाँहरूकै तजबिजमा भर पर्छ। हरेक जिल्लामा प्रमुख निर्वाचन अधिकृतको जिम्मेवारी जिल्ला न्यायाधीशहरूले पाएका हुन्छन्, उनीहरूले आयोगको अनुरोध बेवास्ता गर्दा मतगणनामा ढिलाइ भइरहेको हो,’ थपलियाले कान्तिपुरसँग भनेका छन्, ‘मतगणना छिटो गराउन मैले सबै प्रमुख निर्वाचन अधिकृतलाई अनुरोध गरेको हुँ, आवश्यक पर्ने सबै सुविधा दिन तयार छौं पनि भनेको हुँ। धेरै मतदाता भएका महानगरमा कर्मचारी थपेर धेरै ठाउँमा एकै पटक गणना गर्ने मेरो प्रस्ताव थियो। यसो गर्दा अहिलेसम्म परिणाम दिन सकिन्थ्यो तर काठमाडौंका प्रमुख निर्वाचन अधिकृतले मान्नुभएन।’

प्रमुख आयुक्तले निर्वाचन अधिकृतमाथि दोष थोपरिरहँदा एक यस्ता निर्वाचन अधिकृत पनि छन्, जसले खरायो गतिमा गणना सकाए। भक्तपुरको भक्तपुर नगरपालिकामा करिब ४४ हजार मत ४३ घण्टामै गणना गरेर सकिएको हो। 

भक्तपुर नगरपालिकाको प्रमुख, उपप्रमुख र वडाध्यक्षसहित सबै पदमा नेपाल मजदुर किसान पार्टी (नेमकिपा)ले जित निकालेको छ। नगरपालिकाका १० वटै वडामा अध्यक्ष तथा सदस्य पदमा समेत नेमकिपाका उम्मेदवार विजयी भए। अरु पार्टीका उम्मेदवारको जमानत नै जफत भयो। कुल खसेको मतको १० प्रतिशतभन्दा कम मत आउने उम्मेदवारको जमानत जफत हुन्छ। भक्तपुर नगर प्रमुखमा सुनिल प्रजापतिले २९ हजार २ सय मत प्राप्त गरी निर्वाचित भएका छन्। उनका निकटतम प्रतिस्पर्धी नेपाली कांग्रेसका राम कासुलाले ३ हजार ३५२ मत प्राप्त गरे भने भने अर्का उम्मेदवार एमालेका रविन्द्र लाछिमस्यूले २ हजार ८३७ मतमा चित्त  बुझाए।

प्रमुखकै स्वतन्त्र उम्मेदवार सत्यराम त्वायनाले २ हजार ३४५, राष्ट्रिय प्रजातन्त्र पार्टीका बद्री लाखाजुले १ हजार १३८ र माओवादी केन्द्रका तुलसीभक्त सुवालले ७४२ मत ल्याए। उपप्रमुखमा पनि नेमकिपाकी रजनी जोशीले २९ हजार ६९५ मतसहित निर्वाचित हुँदा उनका निकटम प्रतिद्वन्द्वी नेकपा एमालेकी रञ्जना चापागाईं खर्वुजाले २ हजार ७८४ मत ल्याएकी छन्। 

वडाध्यक्षतर्फ १ नम्बरमा श्यामकृष्ण खत्री, २ मा हरिप्रसाद बासुकला, ३ मा राजकृष्ण गोरा, ४ उपेन्द्र सुवाल, ५ मा योगेन्द्रमान बिजुक्छे, ६ मा हरिराम सुवाल, ७ मा उकेश कवाँ, ८ मा कृष्णप्रसाद कोजू, ९ मा रविन्द्र ज्याख्व र वडा नं १० मा लक्ष्मी प्रसाद ह्यौंंमिखा निर्वाचित भएका छन्। 

सँगै मतगणना सुरु भएका अन्य नगरपालिकामा अझै अन्तिम परिणाम आउन सकेको छैन। तर, भक्तपुर नगरपालिकामा भने कसरी ४३ घण्टामै करिब ४४ हजार मत गनेर सकियो त? हामीले त्यहाँका निर्वाचन अधिकृतलाई यसबारे जिज्ञासा राख्यौं।

निर्वाचन हुनुभन्दा करिब एक साता अघिदेखि नै आफूहरुले गणनाको तयारी थालेको निर्वाचन अधिकृत गोपालप्रसाद बाँस्तोलाले जानकारी दिए। व्यवस्थापनलाई मुख्य प्राथमिकतामा राखेर काम गरेको उनले सुनाए।

प्रमुख आयुक्तले निर्वाचन अधिकृतमाथि दोष थोपरिरहँदा एक यस्ता निर्वाचन अधिकृत पनि छन्, जसले खरायो गतिमा गणना सकाए। भक्तपुरको भक्तपुर नगरपालिकामा करिब ४४ हजार मत ४३ घण्टामै गणना गरेर सकिएको हो। 

उनले नेपाल समयसँग कुराकानी गर्दै भने, ‘म अधिकृत भए पनि मान्छे अलि खडुस छु। मलाई काममा लापरवाही गरेको मन पर्दैन। निर्वाचन सकिएपछि मत गन्दा मैले आफैं बाकस बोकेर गन्ने ठाउँमा ओसारेँ। देख्नेहरुले मलाई सहयोग गरेझैँ गरेर नजिक आए पनि। तर, मैले मेरै कर्मचारीहरुलाई घर गएर आनन्दले सुत्नुस् भनेर थर्काएँ। आयोगले प्रत्येक मतपेटिकाबाट मतपत्रहरू खसालेपछि त्यसलाई घोप्टो पारी ५०–५० वटाको मुठा पारेर एक–एकवटा गन्न निर्देशन दिएको थियो। हामीले त्यही विधि प्रयोग गरी छिटो सम्पन्न गर्यौं।’

अधिकांश निर्वाचन अधिकृतहरु आफ्ना सहयोगीहरुलाई काम गर्न निर्देशन दिन्छन्। तर, बाँस्तोला भने आफैँ खटिए। मतगणना गर्दा उनले एकदम स्वस्थ चार जना गणक छनोट गरे। ‘हामीले निर्वाचन भएको दिनकै साँझ लगभग ८ बजेतिर सुरु गरेका थियौँ। बिरामी कर्मचारीलाई मत गन्न लगाएर के गर्नु? एकछिनमै ढाड दुख्यो, टाउको दुख्यो भनेर नाटक देखाउन थालिहाल्छन्। मलाई फेरि काम गर्दा त्यस्तो मन पर्दैन। कि गर्दै नगर्ने, गरेपछि फत्ते गरेर मात्रै आराम गर्ने,’ बाँस्तोलाले भने।  

४३ हजार ९ सय ५४ मत ४३ घण्टामा गनिसकेको उनले बताए। गणनाको समयमा आफूले खटाएका कर्मचारीहरुले खाना खान पनि १० मिनेटभन्दा बढी समय नलिएको उनले सुनाए। ‘४३ घण्टामा मैले खटाएका कर्मचारीले खाना खान १० मिनेटभन्दा बढी लिएनन्। मलाई त झन् खाना सहयोगीले मतगणनास्थलमै ल्याइदिए, तपाईं यहाँ कार्यालयमा आएर जोकोहीलाई पनि सोध्न सक्नुहुन्छ,’ उनले भने। 

देशभरका निर्वाचन अधिकृतहरुले यतिबेला मतगणनालाई आफ्नो मुख्य जिम्मेवारी सम्झेर काम गर्नुपर्ने बाँस्तोलाले बताए। अरुलाई निर्देशन दिनुभन्दा पनि आफैँ खटिएर जिम्मेवारी पूरा गर्नुपर्ने उनको सुझाव छ। ‘नेपालमा मजस्ता अफिसर कति होलान् र? म पो यस्तै भएँ र,’ बाँस्तोला भन्छन्। मतगणना कति छिटो गर्ने वा ढिलो गर्ने भन्ने कुरा निर्वाचन अधिकृतमै भर पर्ने उनले बताए। भने, ‘अफिसरले कसैलाई खुशी पार्न काम गर्ने होइन, आफ्नो जिम्मेवारी हो, खुरुखुरु गर्नुपर्छ। त्यहाँ कति जना खटाउने, कसरी खटाउने सबै उसकै हातमा हुन्छ।’

उनले आफ्नै उदाहरण दिँदै भने, ‘मेरो मतगणनास्थलमा म २ मिनेटको लागि पनि बाहिर निस्केको छैन। मेरो खाना, खाजा सबै यहीँ छ। अरु–अरु अफिसरहरु त एकछिन काम गर्ने, त्यसपछि एक घण्टा खाना समय भन्यो, त्यसको दुई घण्टापछि फेरि नास्ता समय भयो। यसरी त पाँच दिन होइन, दुई हप्ता नै लाग्छ।’

बाँस्तोला भक्तपुर नगरपालिकाको मतगणना सकेर पनि यत्तिकै बसिरहन सकेनन्। उनी फेरि चाँगुनारायाण नगरपालिकामा आफ्ना मित्र तथा निर्वाचन अधिकृतलाई सहयोग गर्न पुगिहाले। त्यहाँ पनि बाँस्तोलाकै सहयोगमा बुधबार (आज) मतगणना सकिएको छ। 

बाँस्तोला न्यायाधीश हुन्। उनको नेतृत्व र क्षमताले गर्दा नै उनी यसअघि सरकारबाट विभूषित भइसकेका छन्। अघिल्लो वर्ष कोभिडले देश थिलथिलो बनेको बेला कुनै पनि जिल्ला अदालतले दुई सयभन्दा बढी मुद्दा फर्छ्योट गर्न सकेका थिएनन्। तर बाँस्तोला मात्र थिए, जसले ६ सय मुद्दा फर्छ्योट गर्न सफल भएका थिए। 


प्रकाशित: May 18, 2022 | 18:35:33 काठमाडौं, बुधबार, जेठ ४, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

निर्मला प्रकरण : 'शंकास्पद दोषी' विष्टको बचाउ गर्ने परिवार नै पीडित!

निर्मला हत्या प्रकरणमा प्रहरीले विष्टलाई दोषी करार गर्न खोजेको थियो। आरोप विष्टले स्वीकार पनि गरेका थिए। तर स्थानीयले विष्टको मानसिक सन्तुलन ठीक नभएको र प्रहरीले ‘भीआईपी’ अपराधी जोगाउन ‘निर्दोष’लाई 'बलिको बोको' बनाउन खोजेको भन्दै आन्दोलन गरेका थिए। त्यो भीडमा विष्टबाट यतिबेला दुर्व्यवहार भोगेकी किशोरीको परिवार पनि सहभागी थियो।

०६४ सालमा केपी ओलीलाई हराएका लिङ्देन खोज्दैछन् अर्को 'चान्स'

२०६४ सालको चुनावमा केपी ओलीलाई झापा क्षेत्र नम्बर ५ बाट हराएर चर्चामा आएका लिङ्देन पुनः उनैसँग आउँदो मंसिरको निर्वाचनमा भिड्ने मुडमा छन्।

'सहायक श्रीमान'ले जित्यो उत्कृष्ट डकुमेन्ट्री अवार्ड

अमेरिकाको एटलान्टामा अगस्त ४ देखि ७ सम्म भएको आठौं कब इन्टरनेसनल फिल्म फेस्टिभलमा पाण्डे निर्देशित ‘को–हजबेन्ड’लाई उत्कृष्ट अन्तर्राष्ट्रिय डकुमेन्ट्री फिल्म घोषणा गरिएको हो।

पञ्चायत र प्रजातन्त्रमा चुनाव गराएका सूर्यप्रसाद श्रेष्ठ, जसले बिर्सन सक्दैनन् यस्ता घटना

२०४३ को राष्ट्रिय पञ्चायतको चुनाव र प्रजातन्त्र पुनर्स्थापछिको बहुदलीय चुनाव गराउने अवसर पाएर राजा, कांग्रेस, कम्युनिस्टको रोजाइमा परेका पूर्वनिर्वाचन आयुक्त हुन् सूर्यप्रसाद श्रेष्ठ।

धरातल बिर्सिएका हुन् त धराने मेयरले?

मेयर साम्पाङका हरेक गतिविधि अपरिपक्व लाग्ने गरेका छन्। नीति निर्माण तहमा रहेका उनी घरी रुने, घरी केटाकेटी पाराले सामाजिक सञ्जालमा प्रस्तुत हुने बानीले कार्यपालिका सदस्यहरु आफूहरुलाई लाज लाग्ने गरेको बताउँछन्।

गाउँपालिकासँगको विवादले दुई ठूला सिमेन्ट उद्योगको उत्पादन प्रभावित, गुम्दै करोडौं राजस्व

कपुरकोट गाउँपालिकाले क्लिंकर उत्पादनमा प्रयोग हुने कच्चा पदार्थ चुनढुंगा बोक्ने टिपर सञ्चालनमा अवरोध गरेपछि दुई महिनादेखि सिमेन्ट उत्पादन प्रभावित भएको हो।

त्यसैले विश्वविद्यालयजस्तो छैन त्रिवि

राजनीतिक दलहरूको संगठित दोहन र आन्दोलनका नाममा विद्यार्थी संगठनहरूको निरन्तरको बार्गेनिङले त्रिविलाई खोक्रो बनाइरहेको छ।

प्रकाशमानले भने- फर्स्ट म्यान बनेर देशको विकास गर्ने चाहना छ

नेपाली कांग्रेसका नेता प्रकाशमान सिंहले प्रधानमन्त्री बनेर नेपालको विकास गर्ने चाहना प्रकट गरेका छन्।

कथा, किंवदन्ती र रीतिरिवाजको संयोजन रातो मच्छिन्द्रनाथलाई आँखैअगाडि कोर्दा...

रातो मच्छिन्द्रनाथको रथ निर्माणलाई प्रत्यक्ष हेरेरै १९ वटा चित्र कोरेकी सुशीलाले १६ चित्र भने १६ दिन लगातार बनाएकी थिइन्। उडान सीमाभन्दा बाहिर शीर्षक दिएर उनका चित्रलाई गत १७ जुलाईबाट म्युजियम अफ नेपाली आर्टले प्रदर्शनीमा ल्याएको छ।

काठमाडौं उपत्यकामा भूकम्पको धक्का महसुस

काठमाडौं उपत्यकामा भूकम्पको धक्का महसुस भएको छ।

थप समाचार

नेपाल समय
निर्वाचन विशेष

काभ्रेमा साटफेर भए १७ मतदान केन्द्र

काभ्रेका ६ स्थानीय तहमा गरिएको मतदान केन्द्र परिवर्तनमध्ये सबैभन्दा धेरै नमोबुद्ध नगरपालिकामा सारिएका हुन्।
नेपाल समय
निर्वाचन विशेष

रूपन्देहीमा चुनावी चर्चा : गृहमन्त्री, पूर्वमन्त्रीदेखि स्वतन्त्रसम्म आकांक्षी

सरकारले आगामी ४ मंसिरका लागि प्रदेशसभा र संघको निर्वाचन मिति घोषणा गरेसँगै नेतैनेता भएको रूपन्देहीमा चुनावी सरगर्मीको पारो उक्लिन थालेको छ।
नेपाल समय
निर्वाचन विशेष

स्थानीय निर्वाचनपछि थपिए साढे ४ लाख मतदाता, दलहरु उत्साहित

नेकपा एकीकृत समाजावादीका अध्यक्ष माधवकुमार नेपालले पनि मंसिर ४ मा हुने चुनावमा भिड्न आफू तयार रहेको बताएका छन्। यसअघि ७० वर्ष उमेर पुगेपछि राजनीति छोड्ने बताउँदै आएका उनले परिस्थितिका कारण पुन: उम्मेदवारी दिनुपरेको बताए।
नेपाल समय
निर्वाचन विशेष

निर्वाचन घोषणासँगै यस्ता छन् आयोगले गर्नुपर्ने काम

निर्वाचन आयोगले १ महिनाअघि नै १२० दिनको निर्वाचन अवधि राखेर कार्यतालिकासहित मंसिर २ गते निर्वाचनको मिति तोक्न सिफारिस गरेको थियो। तर, सरकारले १०७ दिनको अवधि राखेर मंसिर ४ गतेका लागि प्रदेश र प्रतिनिधिसभा सदस्य निर्वाचनको मिति तोकेको हो।
नेपाल समय
निर्वाचन विशेष

निर्वाचन घोषणा गर्न किन अलमल?

‘चुनाव दुई महिना, तीन महिना अगाडि नै गरेपनि शपथ २० फागुनमै गर्नुपर्छ,' देव गुरुङले भने, 'यसले आगामी दिनमा पनि सहजता ल्याउँछ र संविधानले भनेको प्रतिनिधिसभाको कार्यकाल ५ वर्ष भन्ने पनि पूरा हुन्छ।’

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना