बिहीबार, माघ १९, २०७९

२०८१ मा पूरा होला काठमाडौं–तराई मधेस द्रुतमार्ग?

चाँडो सकाउन गठन भयो समन्वय तथा अनुगमन समिति
नेपाल समय  |  काठमाडौं, मंगलबार, माघ १०, २०७९

नेपाल समय

नेपाल समय

मंगलबार, माघ १०, २०७९, काठमाडौं

नेपाल समय

काठमाडौं– नेपाली सेनाले जिम्मा लिएको र चर्चामा रहेको काठमाडौं–तराई मधेस द्रुतमार्ग निर्माण छिटो सक्न समन्वय तथा अनुगमनसम्बन्धी समिति गठन गरिएको छ।    

राष्ट्रिय गौरवका आयोजनामध्ये यो आयोजनामा आजको सुरुआत, भोलिको आधार: काठमाडौं–तराई मधेस द्रुतमार्ग’ नारासहित नेपाली सेनाको व्यवस्थापनमा काम भइरहेको छ।

ललितपुरको खोकनाबाट सुरु भई काठमाडौं, मकवानपुर हुँदै बाराको निजगढमा पुगेर पूर्व–पश्चिम राजमार्गमा जोडिने द्रुतमार्गको लम्बाइ ७२.५ किलोमिटर छ।     

खासगरी पूर्वी र मध्य तराई÷मधेसबाट कम समय र छोटो दूरीमा देशको राजधानी काठमाडौंसँग जोड्ने समृद्धिको उद्देश्य बोेकेको आयोजनाप्रति सबैले ठूलो आशा र भरोसा राखेका छन्। आर्थिक वर्ष २०७४÷ ७५ मा सुरु भएको द्रुतमार्ग आयोजना २०८१ पुससम्म सम्पन्न गर्ने लक्ष्य सेनाले राखेको छ।

महादेवडाँडा, धेद्रे र लेनडाँडामा करिब ६.४१ किमि दोहोरो सुरुङसहितको द्रुतमार्गमा साना र ठूला गरी ८७ पुल निर्माण गरिनेछ। ती पुलको लम्बाइ १०.५९ किमि हुनेछ। पुल र सुरुङबाहेक सडक खण्ड ५५.५ किमि रहनेछ। द्रुतमार्ग सडक ललितपुरमा ७.९ किमि, काठमाडौंमा ४, मकवानपुरमा ५३ र बारामा ७.६ किमि पर्छ।

सरकारले हालसम्मको वित्तीय र भौतिक प्रगति करिब २० प्रतिशत भएको आयोजनाको कुल लागत १ खर्ब ७५ अर्ब १९ करोड ३६ लाख अनुमान गरेको छ। पछिल्लो समय आयोजना निर्माणको नेतृत्व सेनाका सहायकरथी कमलविक्रम शाहले सम्हालेका छन्। आयोजनाका लागि गत आवसम्म ३७ अर्ब ९६ करोड रुपैयाँ खर्च भइसकेको छ।     

नेपाली सेनाले निर्माण जिम्मा लिएको ७२.५ किमि लामो काठमाडौं–तराई मधेस द्रुतमार्ग आयोजनाको अनुमानित लागत १ खर्ब ७५ अर्ब १९ करोड बढी रहेको छ।

देशको राजधानीलाई पूर्वी भू–भाग र तराईसँग जोड्ने वैकल्पिक राजमार्ग बनाउने सोचअनुरुप निर्माणाधीन काठमाडौं–तराई–मधेस द्रूतमार्ग आयोजनाका लागि २०४९ सालमा डेनिस सहयोग नियोगबाट सम्भाव्यता अध्ययन गरिएको थयो।     

त्रिभुवन अन्तर्राष्ट्रिय विमानस्थलले बढी रहेको हवाई उडान र अवतरणको चाप थेग्न नसक्ने निक्र्योलका साथ राजधानीबाट छोटो दूरीमा रहने गरी अर्को वैकल्पिक अन्तर्राष्ट्रिय विमानस्थल निजगढमा बनाउने तथा कम समयमा त्यहाँ आउजाउ गर्न सडक निर्माण गर्ने लक्ष्यसहित पूर्वाधार बनाइन लागेको हो।   

काठमाडौंलाई तराई मधेस हुँदै छिमेकी भारतसँग जोड्ने छोटो, फराकिलो र सुविधा सम्पन्न द्रुतमार्ग निर्माणपछि काठमाडौंबाट निजगढसम्मको यात्रावधि पाँच घन्टाबाट घटेर एक घन्टामा सीमित रहनेछ। सरकारले ठूलो मात्रामा खर्चिंदै आएको इन्धनको रकम र समयसमेत बचत हुनेछ।  

सैनिक प्रवक्ता नारायण सिलवालको अध्यक्षतामा गठित उक्त संयन्त्रलाई आयोजना अघि बढाउने सिलसिलामा देखिएका समस्या र चुनौती समन्वय गरी सुल्झाउने कार्य जिम्मेवारी सुम्पिएको छ।     

रणनीतिक र बहुआयामिक महत्त्वको आयोजना अघि बढाउन गठन भएको समितिमा महासेनानी रक्षा केसी, लेखा विभागका प्रमुख सेनानी सौरवमानसिंह बस्नेत, इन्फेन्टीका महासेनानी कमल बानिया र इन्जिनियरिङतर्फका प्राविधिक महासेनानी धर्मेन्द्र झा रहेका छन्। समितिले आफ्नो कार्य थालिसकेको छ।



प्रकाशित: January 24, 2023 | 18:25:22 काठमाडौं, मंगलबार, माघ १०, २०७९

तपाईं को प्रतिक्रिया

ट्रेंडिंग

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

एकीकृत समाजवादीले प्रधानमन्त्रीलाई ज्ञापनपत्र बुझाउने

देशको आर्थिक अवस्था नाजुक भएको भन्दै एकीकृत समाजवादीले यसलाई सुधार्न प्रधानमन्त्रीको ध्यानाकर्षण गराउन लागेको हो।

सिंहदरबार ताक्ने रवि लामिछानेको योजनामा माओवादीको अवरोध

आइतबारको बालुवाटार जमघटमा एमाले अध्यक्ष केपी ओलीले गृहमन्त्रीमा लामिछानेलाई नियुक्त गर्न र गठबन्धनको मर्मअनुसार चल्न सुझाए पनि सोमबारको माओवादी पदाधिकारी बैठकले गृह मन्त्रालय नछाड्न र रविलाई गृहमन्त्री नबनाउन दबाब दिएपछि अलमलमा प्रधानमन्त्री प्रचण्ड।

प्रधानमन्त्रीलाई भेटेपछि गभर्नरसँग छलफल गरे मेयर बालेनले

निजी सम्पत्तिमा महानगरले क्षति पुर्‍याएको भन्दै आन्दोलनसमेत भइरहेको छ। यस्तो अवस्थामा मेयरले संघीय सरकारबाट हुनुपर्ने सहयोगको अपेक्षासमेत राखिरहेका छन्।

आत्मदाह प्रयास गरेका पुरुषलाई बचाउँदा घाइते भएकी महिलाको मृत्यु

पोखरा महानगरपालिका-१३ काहूँखोलामा आइतबार एक व्यापारिले आत्मदाह प्रयास गरे। घर वहालमा बसेका युवकले शरीरमा आगो लगाउन खोजेपछि घरबेटीले डेरावाल युवकलाई बचाउन खोजेकी थिइन्।

थप समाचार

नेपाल समय
अर्थ

नबिल बैंकका ग्राहकलाई शाओमीका सामान खरिद गर्दा ब्याज नलाग्ने

नबिल बैंक लिमिटेड र साओमी नेपाल बीच शून्य इएमआई सम्बन्धी सम्झौता भएको हो।
नेपाल समय
अर्थ

हवाई उडान सुरक्षित बनाउन फेरिँदै प्रावधान

प्राधिकरणले आन्तरिक हवाई उडानलाई थप सुरक्षित र भरपर्दो बनाउने उद्देश्यले उड्डयन क्षेत्रका विज्ञ तथा सरोकारवालासँग छलफल गरेर नयाँ हवाई उडान व्यवस्था लागू गरिने जानकारी दिएको हो।
नेपाल समय
अर्थ

सुनको मूल्यले छुँदै अकास, प्रतितोला १ लाख साढे ७ हजारमा कारोबार

बिहीबार प्रतितोलामा १ हजार ३०० रुपैयाँ बढेर छापावाला सुनको मूल्य १ लाख ७ हजार ५ सय पुगेको छ।
नेपाल समय
अर्थ

त्रिभुवन विमानस्थलबाट ९ किलो अवैध सुन बरामद

सुनसँगै एक क्यानडेली नागरिक पनि पक्राउ परेका छन्।
नेपाल समय
अर्थ

२० वर्ष पुगेका सवारीसाधन चलाउन दिनुपर्ने माग

नेपाल यातायात व्यवसायी राष्ट्रिय महासङ्घले २० वर्ष पुगेका सवारी साधनलाई यान्त्रिक परीक्षण गरेर सञ्चालन गर्न दिनुपर्ने माग गरेको छ ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना