सोमबार, असोज १७, २०७९

आयल निगममा पौडेलको कार्यकाल : यस्तो छ व्यवसायीको समीक्षा

प्रेम चन्द  |  काठमाडौं, बुधबार, पुष २८, २०७८

प्रेम चन्द

प्रेम चन्द

बुधबार, पुष २८, २०७८, काठमाडौं

नेपाल समय
नेपाल आयल निगमका निर्वतमान कार्यकारी निर्देशक सुरेन्द्र कुमार पौडेल। फाइल तस्बिर।

काठमाडौं- नेपाल आयल निगमका कार्यकारी निर्देशक सुरेन्द्र कुमार पौडेलको कार्यकाल गत शुक्रबारबाट सकिएको छ। तत्कालीन मन्त्रिपरिषद्‌ले २०७५ पुस २३ मा निगमको कार्यकारी निर्देशक नियुक्त गरेको उनको तीन वर्षे अवधि पूरा भएको हो। उद्योग वाणिज्य तथा आपूर्ति मन्त्रालयले उनको स्थानमा नयाँ कार्यकारी निर्देशक नियुक्तका लागि विज्ञापन पनि खुलाइसकेको भए पनि पौडेलको तीन वर्षे कार्यकालको समीक्षा भने भइरहेका छन्। निगमबाट बिदा हुनुभन्दा एक दिनअघि बिहीबार मात्रै उनले आफ्नो फेसबुक पेजमा निगमको हितका लागि ज्ञान र बुद्धिले भ्याएसम्म अहोरात्र खटिएर काम गरेको उल्लेख गरेका छन्। 

‘जिम्मेवारी पाएपछि पदीय गरीमा जोगाउने क्रममा निगमको हितलाई सर्वोपरि ठानी मेरो ज्ञान र बुद्धिले भ्याएसम्म अहोरात्र खटिरहेँ’ उनले फेसबुकमा लेखेका छन्, ‘यस क्रममा नेपालको इन्धन आपूर्तिको सरल र बक्र दुवै गहिराइका तितामिठा अनुभूतिसहित उपभोक्ता र निगमको श्रीवृद्धिका निम्ति आफूले कति सहजीकरण गर्न सकेँ या सकिन यसको समग्र मूल्यांकन इतिहासलाई छाडेको छु।’

उनी आफ्नो कार्यकालमा केही पूर्वाधार निर्माणका काम सम्पन्‍न भएको र केही पूर्वाधारका कामको सुरुवात भएकाले आफ्नो तीन वर्षे कार्यकाल सफल भएका बताउँछन्। मोतिहारी अमलेखगन्ज पेट्रोलियम पाइपलाइन उनकै नियुक्ति भएपछि २०७६ साल भदौमा सञ्चालनमा आएको थियो। त्यसबाहेक पोखरामा १० हजार किलोलिटर इन्धन भण्डारणको काम करिब ७० प्रतिशत सम्पन्‍न भएको छ। 

त्यस्तै बबरमहलमा निगमको कर्पोरेट भवन निर्माणको काम हालै अघि बढाइएको छ। काम अघि बढाउँदा होस् वा आफ्नो कार्यकालको अवधिमा ठूलो विवादमा नपरेकाले उनी आफ्नो कार्यकाल सफल भएको दाबी गर्छन्। तर, व्यवसायीले भने विद्युतीय उर्जालाई प्राथमिकता दिने सरकारी नीति भएको अवस्थामा ठूला कर्पोरेट भवन, इन्धन भण्डारण गृह निर्माण आपसमा बाझिएको बताउँछन्। 

‘सरकारी नीति नै विद्युतीय उर्जालाई प्रोत्साहन गर्ने रहेको अवस्थामा अहिले इन्धन भण्डारण गृह, पाइपलाइन, कर्पोरेट भवनमा लगानी गर्नु बाझिएको जस्तो देखिन्छ,’ नेपाल एलपी ग्यास उद्योगसंघका पूर्व अध्यक्ष शिवप्रसाद घिमिरे भन्छन्, ‘व्यवसायीको समस्या सामाधानको हिसावले हेर्दा उहाँ पूर्णरुपपमा असफल भएको जस्तो लाग्छ।’

निगमले अन्तर्राष्ट्रिय बजारमा भएको पेट्रोलियम पदार्थको मूल्य वृद्धि अनुसार पौडेलेको कार्यकालमै ३०-३५ रुपैयाँ प्रतिलिटरसम्म बढाए पनि आफूहरुको ढुवानी  भाडालगायतका रकम समावेशमा निगम चुकेको घिमिरेको भनाई छ। ‘यही बीचमा ३०-३५ रुपैयाँ प्रतिलिटरका दरले पेट्रोलियमको मूल्य बढाए पनि त्यही अनुसार हाम्रो ढुवानी खर्चलगायतको लागत बढ्यो। त्यो समावेश गरिदिनु भएन,’ घिमिरेको भनाई छ, ‘यो दृष्टिकोणबाट हेर्दा उहाँ असफल हुनुभयो। एलपी ग्यासको पनि मूल्य पनि समावेश भएको छैन।’

घिमिरेका अनुसार पौडेलको कार्यकालमा पेट्रोलियम पदार्थमा लामो समयसम्म आपूर्तिमा अवरोध नआएकाले उपभोक्ताको कोणबाट हेर्दा पौडेलको कार्यकाल सफल भएको छ। ‘अर्कोतिर उपभोक्ताको पार्टबाट हेर्ने हो भने एलपीजी ग्यास लगायतका पेट्रोलियम  पदार्थको शर्टेज भएन। उपभोक्ताले नपाएर सास्ती खेप्नु परेन,’ उनी भन्छन्, ‘यो सकारात्मक पक्ष हो। उपभोक्तालाई आयल निगमको घाटा नाफा र व्यवसायीको ढुवानी भाडासँग मतलब  हुँदैन। ‘उपभोक्ताले पाउने र राज्यले उपलब्ध गराउनुपर्ने वस्तुको सहज रुपमा प्राप्त भयो कि भएन भन्ने पार्टबाट हेर्दा चाँही सन्तोष मान्ने ठाउँ रहेको छ,’ घिमिरे भन्छन्। 

घिमिरेको नजरमा पौडेल स्वचालित मूल्यप्रणाली पूर्णरुपमा कार्यान्वयन गर्न असफल भएको ठान्छन्। सो विषय निगमका कार्यकारी निर्देशक पौडेल पनि स्वीकार गर्छन्। कार्यकाल सकिनुभन्दा अघि नेपाल आर्थिक पत्रकार संघ (सेजन)ले आयोजना गरेको कार्यक्रममा स्वचालित मूल्य प्रणाली पूर्णरुपमा कार्यान्वयन आउन नसकेको पौडेलले स्वीकार गरेका थिए।

त्यस्तै पछिल्लो समय बढाइएको मूल्य र विभिन्‍न करका कारण निगम आफैं घाटामा गएको निगमका अधिकारीहरु बताउँछन्। ‘स्वचालित मूल्यप्रणाली पूर्णरुपमा कार्यान्वयनमा आएन,’ घिमिरे भन्छन्, ‘अहिले नै घाटा ५-७ अर्ब रुपैयाँ भनेको निगमको आफ्नो तर्फबाट हेर्ने हो भने यो तीन वर्षे अवधि सन्तोषजनक छैन।’

नेपाल पेट्रोलियम डिलर्स एसोसिएसनका अध्यक्ष लिलेन्द्र प्रधान यो तीन वर्षमा आफूहरुको थुप्रै माग पूरा नभएको स्वीकार गर्छन्। ‘हाम्रा माग पूरा भएनन्,’ उनी भन्छन्, ‘गत तीन वर्षको समिक्षा भन्दापनि हाम्रो माग आगामी नेतृत्वसमक्ष राख्ने योजना बनाएका छौं।’


प्रकाशित: January 12, 2022 | 18:30:00 काठमाडौं, बुधबार, पुष २८, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
अर्थ

दसैंको हवाई टिकट : काठमाडौं-धनगढी १७ हजार, धनगढी-काठमाडौं ६ हजार ५ सय

दसैंको हवाईं टिकटमा मनोमानीरुपमा महँगो बनाइएको छ। काठमाडौंबाट बाहिरिनेहरुको टिकट धनगढीको सबैभन्दा महँगो १७ हजारसम्म रहेको छ भने धनगढीबाट फर्किनेहरुका लागि पनि टिकट सस्तो रहेको छ।
नेपाल समय
बैंक/बिमा

यस वर्षको दसैंमा साटिए ५५ अर्बका नयाँ नोट

१६ अर्ब रुपैयाँ बराबरका १ सय रुपैयाँभन्दा साना दरका र ३९ अर्ब रुपैयाँ बराबरका ५ सय र हजार दरका नोट साटिएको हो।
नेपाल समय
बैंक/बिमा

यस्तो छ आजको विनिमय दर, कुन मुद्रा कतिमा हुँदैछ खरिद-बिक्री?

राष्ट्र बैंकले अमेरिकी डलर एकको खरिद दर अधिकतम १२९ रुपैयाँ ८५ पैसा र बिक्री दर १३० रुपैयाँ ४५ पैसा कायम गरेको छ।
नेपाल समय
अर्थ

सुपथ मूल्य पसलमा उपभोक्ताको आकर्षण, १५ दिनमा डेढ करोडको व्यापार

चाडपर्वका समयमा दैनिक उपभोग्य वस्तुको मूल्य नियन्त्रण र उपभोक्तालाई सहुलियत दरमा उपभोग्य वस्तु उपलब्ध गराउने उद्देश्यले सञ्चालन गरिएको ‘पर्वोत्सव’ सुपथ मूल्य पसलमा उपभोक्ताको आकर्षण बढेको छ।
अर्थ

त्रिभुवन विमानस्थलको पाँच किलोमिटरभित्र ड्रोन उडाए कारबाही हुने

नेपाल नागरिक उड्डयन प्राधिकरण (क्यान) ले त्रिभुवन अन्तर्राष्ट्रिय विमानस्थलको पाँच किलोमिटर क्षेत्रभित्र ड्रोन उडाउनेलाई कारबाही गरिने जनाएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना