सोमबार, असोज १७, २०७९

१ अर्ब भ्रष्टाचारका १२ आरोपितलाई अदालतमा उपस्थित हुन १५ दिनको म्याद

प्रेम चन्द  |  काठमाडौं, मंगलबार, पुष २०, २०७८

प्रेम चन्द

प्रेम चन्द

मंगलबार, पुष २०, २०७८, काठमाडौं

नेपाल समय

काठमाडौं– विशेष अदालतले डीएपी मल खरिदमा भएको अनियमिततामा मुछिएका १२ जनालाई उपस्थित हुन म्याद काटेको छ। अख्तियार दुरुपयोग अनुसन्धान आयोगले आरोपपत्र दर्ता गरेपछि विशेषले सोमबार म्याद काटेको हो। अदालतका प्रवक्ता दीपेन्द्रनाथ योगीले आरोपितलाई १५ दिनभित्र उपस्थित हुन म्याद काटिएको जानकारी दिए। 

उनले भने, ‘आरोपितलाई उपस्थितिका लागि म्याद पठाइसक्यौं। उहाँहरु उपस्थित भएपछि बेन्चको कारबाही अगाडि बढ्छ। उपस्थित नभए म्याद बदर गरेर पत्रिकामा सूचना निकालिनेछ।’

अख्तियार दुरुपयोग अनुसन्धान आयोगले गत आइतबार कृषि सामाग्री कम्पनी लिमिटेडका प्रबन्ध सञ्चालक नेत्रबहादुर भण्डारीलगायत १२ जनाविरुद्ध १ अर्ब ५३ लाख २२ हजार ४०६ रुपैयाँ बिगो दाबी गर्दै विशेष अदालतमा मुद्दा दायर गरेको थियो। आरोपितहरुमा गुणस्तरहीन मल आपूर्तिकर्तालाई भुक्तानी दिने कृषि सामग्री कम्पनीका प्रबन्ध सञ्चालक नेत्रबहादुर भण्डारी, प्रबन्धक विष्णुप्रसाद पोखरेल, सहायक प्रबन्धक दुर्गाप्रसाद पाण्डे र उपप्रबन्धक पुष्करदीप बुढा छन्।

यसैगरी गलत प्रतिवेदन तयार गर्ने गराउने कार्यमा संलग्न नेपाल इन्भाइरोमेन्टल साइन्टिफिक सर्भिस प्रालिका प्रबन्ध निर्देशक सलिल देवकोटा, ल्याब निर्देशक सुनीलबाबु खत्री, सिनियर सर्भेयर महेन्द्रकुमार डागा, प्रयोगशाला परामर्शदाता भेलानाथ चौधरी र कम्पनीका तर्फबाट सम्झौता गर्ने मनोज आचार्यलाई पनि पत्र काटिएको छ। अर्का आरोपत कम गुणस्तरको डीएपी मल आपूर्ति गर्ने जोशी बिज हाउस प्रालि नेपालका सञ्चालक विनित जोशी हुन्।

भ्रष्टाचार निवारण एनेको दफा ३ मा १ करोड रुपैयाँभन्दा बढी जतिसुकै बिगो भएमा ८ वर्षदेखि १० वर्षसम्म कैद गर्न सकिने प्रावधान छ। 

अख्तियार दुरुपयोग अनुसन्धान आयोगले भ्रष्टाचार निवारण ऐन २०५९ को दफा १७ अनुसारको कसुरमा आरोपपत्र दायर गरेको हो। कसुरको मात्राअनुसार दफा सोही ऐनको दफा ३ बमोजिम प्रतिवादीहरुलाई सजाय तोकिनेछ। भ्रष्टाचार निवारण एनेको दफा ३ मा १ करोड रुपैयाँभन्दा बढी जतिसुकै बिगो भएमा ८ वर्षदेखि १० वर्षसम्म कैद गर्न सकिने प्रावधान छ। सरकारी कम्पनीका प्रमुखसमेत भएकाले नेत्रबहादुर भण्डारीमाथि थप ३ वर्ष सजाय हुन सक्नेछ। 

अख्तियारले गुणस्तरहीन मललाई गुणस्तरीय भन्दै प्रतिवेदन तयार पार्ने नेपाल इन्भायरोमेन्टल एन्ड साइन्टिफिक सर्भिसेज प्राइभेटका प्रबन्ध निर्देशक सलिल देवकोटा, सुनिलबाबु खत्री र परीक्षण प्रतिवेदन तयार पार्ने सिनियर सर्भेयर महेन्द्र डागा, प्रयोगशाला परामर्शदाता भोलानाथ चौधरी र मनोज आचार्यमाथि पनि १ अर्ब ५३ लाख २२ हजार ४०६ रुपैयाँ बिगोसहित कसुरअनुसारको सजाय माग गर्दै आरोपपत्र दायर गरेको छ। उनीहरुलाई दुई वर्षसम्म कैद हुन सक्ने काुननी व्यवस्था छ। आयोगले गुणस्तरहीन मल आयात गर्ने जोशी बिज हाउस प्रालिका कार्यकारी निर्देशक विनित जोशीविरुद्ध १ अर्ब ५३ लाख २२ हजार ४०६ रुपैयाँ बिगो दाबिसहित कसुरअनुसारको सजाय माग गर्दै मुद्दा दायर गरेको छ।

भएको के थियो?

कृषि सामग्री कम्पनी लिमिटेडले आर्थिक वर्ष २०७७/०७८मा कन्ट्रयाक्ट नम्बर ०८९/०७७/०७८ भियतनाममा उत्पादित मल आयात गरेको थियो। उक्त मल गुणस्तरहीन रहेको भन्दै २०७८ जेठ १८ मा अख्तियार दुरुपयोग अनुसन्धान आयोगमा उजुरी परेको थियो। अख्तियार दुरुपयोग अनुसन्धान आयोगले २०७८ असार ९ गते अनुसन्धान अधिकृतहरु कृषि सामग्री कम्पनी लिमिटेडमा खटाएको थियो।

असार १४ गते आयोगले डीएपी मल खरिदका लागि गुणस्तर तथा नापतौल विभागमा पठाएको थियो। विभागले गत साउन ४ गते आयोगलाई उक्त मल गुणस्तरहीन रहेको प्रतिवेदन बुझाएको थियो। विभागको प्रतिवेदनअनुसार उक्त डीएपी मलमा मोइस्चर (पानीको मात्रा) १२.४ प्रतिशत पाइएको थियो। डीएपी मलको स्पेसिफिकेसनअनुसार मोइस्चर १.५ प्रतिशत मात्रै हुनुपर्छ। त्यस्तै डीएपी मलमा नाइट्रोजनको मात्रा १४.२ प्रतिशत हुनुपर्नेमा १८ प्रतिशत पाइएको प्रतिवेदन विभागले आयोगलाई उपलब्ध गराएको थियो। 

एमोनिएकल नाइट्रोजन १३.६ प्रतिशत हुनुपर्नेमा १७ प्रतिशत पाइएको र फस्फोरसको मात्रा ४६ प्रतिशत हुनुपर्नेमा ४५.१ प्रतिशत पाइएको थियो। 

सर्भेयरमै शंका

मलको गुणस्तर परीक्षण गर्ने संस्था नेपाल इन्भायरोन्मेन्टल एन्ड साइन्टिफिक सर्भिसेजलाई कृषि तथा पशुपन्छी विकास मन्त्रालयले यसअघि २०७५ साल जेठ २५ गते सर्भेयरका रूपमा नियुक्त गरेको थियो। त्यतिबेला मन्त्रालयको मलसम्बन्धी शाखामा कम्पनीका अहिलेका प्रबन्धक सञ्चालक नेत्रबहादुर भण्डारी थिए।

भण्डारी २०७६ साल फागुन २८ गतेदेखि कृषि सामाग्री कम्पनी लिमिटेडको प्रबन्ध सञ्चालकका रुपमा मन्त्रालयबाट सरुवा भएका थिए। प्रबन्ध सञ्चालक भण्डारी र प्रबन्धक विष्णु पोख्रेलले अख्तियारमा दिएको बयानमा सर्भेयर मन्त्रालयले नियुक्त गरेको हुनाले २०७७ साल साउन ४ मा आफूहरुले पनि सोही सर्भेयरलाई नियुक्त गरेको उल्लेख गरेका छन्।



प्रकाशित: January 4, 2022 | 10:51:05 काठमाडौं, मंगलबार, पुष २०, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
अर्थ

दसैंको हवाई टिकट : काठमाडौं-धनगढी १७ हजार, धनगढी-काठमाडौं ६ हजार ५ सय

दसैंको हवाईं टिकटमा मनोमानीरुपमा महँगो बनाइएको छ। काठमाडौंबाट बाहिरिनेहरुको टिकट धनगढीको सबैभन्दा महँगो १७ हजारसम्म रहेको छ भने धनगढीबाट फर्किनेहरुका लागि पनि टिकट सस्तो रहेको छ।
नेपाल समय
बैंक/बिमा

यस वर्षको दसैंमा साटिए ५५ अर्बका नयाँ नोट

१६ अर्ब रुपैयाँ बराबरका १ सय रुपैयाँभन्दा साना दरका र ३९ अर्ब रुपैयाँ बराबरका ५ सय र हजार दरका नोट साटिएको हो।
नेपाल समय
बैंक/बिमा

यस्तो छ आजको विनिमय दर, कुन मुद्रा कतिमा हुँदैछ खरिद-बिक्री?

राष्ट्र बैंकले अमेरिकी डलर एकको खरिद दर अधिकतम १२९ रुपैयाँ ८५ पैसा र बिक्री दर १३० रुपैयाँ ४५ पैसा कायम गरेको छ।
नेपाल समय
अर्थ

सुपथ मूल्य पसलमा उपभोक्ताको आकर्षण, १५ दिनमा डेढ करोडको व्यापार

चाडपर्वका समयमा दैनिक उपभोग्य वस्तुको मूल्य नियन्त्रण र उपभोक्तालाई सहुलियत दरमा उपभोग्य वस्तु उपलब्ध गराउने उद्देश्यले सञ्चालन गरिएको ‘पर्वोत्सव’ सुपथ मूल्य पसलमा उपभोक्ताको आकर्षण बढेको छ।
अर्थ

त्रिभुवन विमानस्थलको पाँच किलोमिटरभित्र ड्रोन उडाए कारबाही हुने

नेपाल नागरिक उड्डयन प्राधिकरण (क्यान) ले त्रिभुवन अन्तर्राष्ट्रिय विमानस्थलको पाँच किलोमिटर क्षेत्रभित्र ड्रोन उडाउनेलाई कारबाही गरिने जनाएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना