सोमबार, असोज ४, २०७८
  • गृहपृष्ठ
  • अर्थ
  • आजदेखि घर–घरमा पुग्‍ने जनगणनाका सुपरीवेक्षकले सोध्‍नेछन् यस्ता प्रश्‍न

आजदेखि घर–घरमा पुग्‍ने जनगणनाका सुपरीवेक्षकले सोध्‍नेछन् यस्ता प्रश्‍न

नेपाल समय  |  काठमाडौं, बुधबार, भदौ ३०, २०७८

नेपाल समय

नेपाल समय

बुधबार, भदौ ३०, २०७८, काठमाडौं

नेपाल समय

काठमाडौं– सरकारले १२ औं जनगणनाका लागि घर तथा घरपरिवारको सूचीकरण सुरु गरेको छ। केन्द्रीय तथ्यांक विभागले आज (बुधबार) देखि घरपरिवारको सूचीकरण सुरु गरेको हो। 

विभागका सूचना अधिकारी तीर्थराज चौलागाईंले आजदेखि घरघरमा सुपरीवेक्षक पुग्ने र घरपरिवार सूचीकरण गर्ने जानकारी दिए। ‘सुपरीवेक्षकहरुले हिजो सामान बुझिसकेका छन्। आजदेखि घरघरमा पुगेर सूचीकरण गर्न सुरु हुँदैछ,’ उनले भने।

उनका अनुसार सुपरीवेक्षकले प्रत्येक घरमा पुगेर विवरण संकलन गर्नेछन्। प्रत्येक घरमा पुगेर सो घरअन्तर्गत परिवार छन् कि छैनन्, छन् भने कतिवटा परिवार छन् लगायत कुराको विवरण संकलन गर्नेछन्। आगामी  कात्तिक २५ देखि हुने मुख्य जनगणनाका लागि आजैदेखि घरमुली छनोट पनि गर्ने कार्यक्रम छ। ‘प्रत्येक घर अन्तर्गत कति वटा परिवार छन्, परिवारको मुली को हो, कतिजना महिला छन्, कति पुरुष छन्, कतिजना तेस्रो लिंगी छन्, त्यसको विवरण लिनेछन्,’ उनले भने।

त्यस्तै कृषिमा आश्रित परिवार हो कि होइन, आफ्नो तथा अर्काको समेत लिएर कति क्षेत्रफल जमिनमा कृषि कर्म गर्छन् भन्ने विवरण समेत घरपपिरवार सूचीकरणमा समेटिने छ। पशुपालन, पन्छीपालन, माछापालन लगायतको जानकारी समेत यसमा समेटिने छ।

प्रत्येक परिवारको बैंकिङ जानकारी पनि जनगणनामा समेटिने छ। यसमा बैंक खाता भए–नभएको, ऋण लिए–नलिएको आदि समेटिनेछ।

घरमा आउने सुपरीवेक्षकलाई आवश्यक सहयोग गर्न विभागले सबैलाई अनुरोध गरेको छ। पछिल्लो समय सरकारले दार्चुलाको कालापानी, लिपुलेक लगायत क्षेत्र पनि नेपालको नक्सामा समेटेकाले विभागलाई सो क्षेत्रको पनि जनगणना गर्ने दायित्व छ। त्यहाँको जनगणनाका लागि प्रहरीसँग समन्वय गरिएको र सकेसम्म जनगणना गर्ने तयारी रहेको विभागको भनाइ छ। 

‘लिम्पियाधुरातिर आफैं विभागले मात्रै गर्न सक्ने भएन। पुलिस, प्रशासन हरेक चिजको सहयोग चाहिन्छ,’ सूचना अधिकारी चौलागाईंले भने, ‘उहाँहरुले स्थानीय क्षेत्रमा कता कता जान भन्नुहुन्छ, त्यही अनुसार हामी जाने हो।’

विभागले सहयोगका लागि गरेको आग्रहअनुसार प्रहरीले पनि  आवश्यक समन्वयका लागि आफ्ना सबै कार्यालयलाई पत्राचार गरिसकेको जानकारी गराएको चौलागाईंको भनाइ छ। 

घरपरिवार सूचीकरण कार्यक्रम असोज १८सम्म चल्नेछ। त्यसपछि कात्तिक २५ देखि मूल जनगणना हुने छ। विभागले घर तथा घरपरिवार सूचीकरणका लागि ८ हजार ५ सय जना सुपरीवेक्षक खटाएको छ। सम्बन्धित स्थानीय तहमा सकेसम्म स्थानीय जनशक्ति परिचालन गर्नेगरी खटाइएको विभागले यसअघि नै जानकारी गराइसकेको छ।


प्रकाशित: September 15, 2021 | 11:39:06 काठमाडौं, बुधबार, भदौ ३०, २०७८
नेपाल समय

नेपाल समय

नेपाल समय
काठमाडौं, बुधबार, भदौ ३०, २०७८

थप समाचार

माउन्टेनमग कफीको आउट्लेट विस्तार

प्राकृतिक सुन्दरता र हिमश्रृंखलाको अवलोकन गर्न सकिने पर्यटकीय आकर्षणको केन्द्र श्रीनगर हाइटमा तानसेनस्थित होटल श्रीनगरसगको साझेदारीमा सो आउटलेटको सुरुवात गरिएको हो।

सोमबार बजेट पारित हुने निश्‍चित

प्रतिनिधि सभाको सोमबारका लागि बोलाइएको बैठकमा शेरबहादुर देउवा नेतृत्वको सरकारले अध्यादेशलाई प्रतिस्थापन गर्ने गरी ल्याएको बजेटमा पारित हुने भएको छ।

पदयात्राको वातावरण बनाउन व्यवसायीको माग

पदयात्रामा जान चाहने विदेशी पर्यटकले ७२ घण्टाको पीसीआर परीक्षण नेगेटिभ रिपोर्ट पनि लिएर आउने भएकोले क्वारेन्टाइन बस्नु नपर्ने व्यवस्था गरेर पदमार्गमा जाने पर्यटकलाई खुकुलो बनाउनुपर्ने पथप्रदर्शक दुर्गा राईले बताए।

मोटरहेडका बाइक नेपाली बजारमा

मोटरहेड मोटरसाइलको नेपालका लागि अधिकृत विक्रेता एसएलआर टेक्नो एण्ड ट्रेड प्रा.लि. (एसजी समूहको एक सहायक कम्पनी)ले विश्वमै परिचित अफ रोड मोटरसाइकलहरु चीनबाट आयात गरेर नेपालमा बिक्री गर्दै आएको छ।

बजेट बनाउने सिस्टम डरलाग्दो र योजना बनाउने प्रचलन कहालीलाग्दो रहेछ : अर्थमन्त्री शर्मा

उनले देशलाई कति सडक चाहिने हो? कुन सडक कति लेनको हुनुपर्ने हो? भन्ने विषयम कुनै मापदण्ड पालना नभएको बताए। उनले भने, ‘जो आयो त्यसले आफ्नै मनमौजी तरिकाले सडकको बजेट हाल्ने गरेको पाइयो।’

असोज १० गतेदेखि अग्रिम टिकट बुकिङ खुला

शुक्रबार यातायात व्यवस्था विभाग, व्यवसायी, ट्राफिक प्रहरी र प्रशासनबीचको बैठकले ओज १० गतेबाट टिकट बुकिङ खुल्ला गर्ने सहमति गरेको हो।

ट्रेंडिंग

नेपाल समय
राजनीति

भीम रावलले लिएको त्यो यु–टर्न, जसले उनलाई यता न उताको बनायो

पार्टीभित्र अन्तरसंघर्ष चर्काएर पार्टी फुटाउन उद्यत उनै रावल ओलीको दौराको फेर समाएर एमालेमै बसेका छन्। माधवकुमार नेपाललगायतले नयाँ पार्टी खोल्दा रावल पछि हटे।
नेपाल समय
श्रृंखला

कंगोमा कुटाइ खाएका नमराजको बयानः सेनाका क्याप्टेनहरूले मलाई फुटबल बनाएर हाने

फेरि पनि मलाई हान्न आउँदा मैले हात खडा गरी 'सर! मेरो गल्ती भए सजाय दिनुस्, यसरी नकुट्नुस्' भन्दा पनि 'तँ बढी बोलिस्' भनेर मलाई सहसेनानी (क्याप्टेन) इन्द्रबहादुर थापा र सहसेनानी सुबास हुमागाई (क्याप्टेन)ले फुटबल खेलेजस्तो गरी हान्नुभयो।
नेपाल समय
शिक्षा

तलबभत्ता निकासा नभएपछि देशभरका ईसीडी शिक्षक र विद्यालयका कर्मचारी आन्दोलित

स्थानीय तहले सरकारले तोकेबमोजिम ईसीडी शिक्षक (बाल विकास सहजकर्ता) र विद्यालय कर्मचारीको वृद्धि भएको तलब निकासा नगरेको भन्दै आन्दोलनमा उत्रिएका छन्।
नेपाल समय
संवाद

राष्ट्र बैंकको पैसा वाणिज्य बैंकमा सार्नेबित्तिकै तरलताको समस्या हट्छ : भुवनकुमार दाहाल [अन्तर्वार्ता]

बैंकहरुको आइडल फन्ड राष्ट्र बैंकमा छैन। उनीहरुले विभिन्न ऋणपत्रमा लगानी गरिरहेका छन्। आफूसँग आइडल रकम नभएपछि बैंकहरुले ऋणपत्र धितो राखेर ५ प्रतिशतमा राष्ट्र बैंकबाट ऋण लिनुपर्‍यो। बैंकहरुमा अहिले तरलताको अभाव नभएर आइडल फन्डको दबाब मात्र हो।
नेपाल समय
श्रृंखला

अनियमितताबारे हुनुपर्ने सेनाको अनुसन्धान किन मोडियो सूचनाको स्रोततिर?

जसको जागिर गुम्यो, उनीहरुलाई ‘कोर्ट अफ इन्क्वायरी’को टोलीले बयान नलिनुले नै छानबिन कतिसम्म फितलो र पूर्वाग्रही थियो भन्ने प्रष्ट देखाउँछ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C