शुक्रबार, मंसिर २३, २०७९

अझै बनेनन् गोदाम घर, फेरि बजेट माग्दै कृषि मन्त्रालय

प्रेम चन्द  |  काठमाडौं, बुधबार, वैशाख १५, २०७८

प्रेम चन्द

प्रेम चन्द

बुधबार, वैशाख १५, २०७८, काठमाडौं

नेपाल समय

चालु आर्थिक वर्षमै समेटिएको गोदाम घर बनाउने कार्यक्रम अझै कार्यान्वयनमा आउन नसकेका बेला कृषि मन्त्रालयले फेरि सोही कार्यक्रम प्राथमिकतामा राख्दै बजेट सिलिङ बनाएको छ।

काठमाडौं – सरकारले आगामी आर्थिक वर्ष २०७८/०७९ को बजेट निर्माणको तयारी थालेको छ। राष्ट्रिय योजना आयोगले विभिन्न मन्त्रालयलाई दिएको बजेटको सिलिङअनुसारका कार्यक्रम बनाउन विषयगत मन्त्रालयहरू लागिरहेका छन्। 

यसैक्रममा कृषि तथा पशुपन्छी विकास मन्त्रालयले पनि आफ्ना कार्यक्रमहरू बनाउन थालेको छ। मन्त्रालयलाई राष्ट्रिय योजना आयोगले आगामी आर्थिक वर्षका लागि ३६ अर्ब २३ करोड रूपैयाँको बजेट सिलिङ तोकेको छ। 

उक्त सिलिङ कृषि तथा पशुपन्छी विकास मन्त्रालयका लागि एकदमै थोरै भएको भन्दै कृषि तथा पशुपन्छी विकास मन्त्रालयले बजेटको सिलिङ बढाउनुपर्ने केही दिन अघि मात्रै संसदको अर्थ समितिमा जानकारी गराएको छ। 

अर्थ समितिमा भएको छलफल एवं त्यसपछि अर्थ मन्त्रालयसँग भइरहेको छलफलअनुसार अर्थ मन्त्रालयले कार्यक्रम हेरेर बजेट दिने बताएको कृषि तथा पशुपन्छी विकास मन्त्रालयका सचिव डा. योगेन्द्रकुमार कार्की बताउँछन्। ‘अर्थ मन्त्रालयसँग निरन्तर छलफलमा छौं,’ कृषि सचिव कार्कीले भने, ‘उहाँहरूले कार्यक्रम हेरेर बजेट दिन्छौं भन्नु भएकोले त्यस्तो समस्या नहोला।’

प्राथमिकतामा गोदाम घर

सचिव कार्कीका अनुसार आगामी  आर्थिक वर्षमा कृृषि मन्त्रालयको महत्त्वपूर्ण कार्यक्रम स्थानीय तहहरूमा गोदाम घर निर्माण गर्ने रहेको छ। धानको माग आउने स्थानीय तहहरूमा धानका गोदाम घर निर्माण गर्ने गरी तयारी थालिएको सचिव कार्कीको भनाइ छ। 

‘कार्यक्रमहरू बनाउँदा गोदाम घरहरू निर्माणमा फोकस गरेका छौ,ं’ कार्कीले भन्छन्, ‘जहाँ–जहाँबाट धानको माग आउँछ, ती ठाउँहरूमा धान गोदाम घरहरू बनाउने र ती गोदामहरू स्थानीय सरकार मातहत राख्ने गरी कार्यक्रम बनाउँदैछौं।’

उनका अनुसार गोदाम घर निर्माणका लागि आगामी आर्थिक वर्षमा स्थानीय सरकारलाई एक अर्ब रूपैयाँ बजेट पठाउने गरी बजेटको कार्यक्रम बनाइएको छ। तर, चालु वर्षकै यो कार्यक्रम भने हालसम्म पनि कार्यान्वयनमा आउन सकेको छैन। 

गत जेठ १५ मा तत्कालीन अर्थ मन्त्री डा. युवराज खतिवडाले सार्वजनिक गरेको चालु आर्थिक वर्षको बजेटमा २०० वटा गोदाम घर निर्माण गर्ने उद्देश्य राखिएको थियो। 

‘खाद्य सुरक्षा तथा आपूर्ति व्यवस्थालाई सुदृढ तुल्याउन र कृषि उपजको मूल्य सुनिश्चित दिन २०० खाद्य भण्डारण केन्द्र स्थापना गर्न स्थानीय तहलाई एक अर्ब रूपैयाँ वित्तीय हस्तान्तरणको व्यवस्था गरेको छु,’ तत्कालीन अर्थमन्त्री खतिवडाले बजेट सार्वजनिक गर्दै भनेका थिए। 

सोही कार्यक्रमलाई निरन्तरता दिन सरकारले आगामी आर्थिक वर्षमा पनि एक अर्ब रूपैयाँ बजेटको व्यवस्था गर्न लागेको सचिव कार्की बताउँछन्। 

चालु आर्थिक वर्षको बजेटमा समावेश गरिएको उक्त व्यवस्था कार्यान्वयनका लागि कृषि तथा पशुपन्छी विकास मन्त्रालयले मंगलबार मात्रै सूचना जारी गरेको छ। ‘गोदाम घरका लागि हामीले मंगलबार सूचना निकालेका छौं,’ सचिव कार्की भन्छन्, ‘स्थानीय तहहरूले सबै मागहरू दिएपछि चालु आर्थिक वर्षको एक अर्ब रूपैयाँ स्थानीय सरकारलाई पठाउने छौं।’

चालु आर्थिक वर्षमा एक अर्ब रूपैयाँ बजेट रहेको सो कार्यक्रमलाई बहुवर्षीय कार्यक्रम बनाउने गरी आगामी आर्थिक वर्षमा थप एक अर्ब रूपैयाँ बजेटको व्यवस्था मन्त्रालयले गर्न लागेको छ।

गोदाम घर निर्माण गर्दा अहिलेसम्म रहेका पुराना भवनहरू मर्मतसम्भार पनि गर्न सकिने र थप नयाँ भवनहरू पनि बनाउन सकिने मन्त्रालयले कार्यक्रम बनाइरहेको छ।

गोदाम घर निर्माण गरेर स्थानीय सरकारले सहकारी वा निजी क्षेत्रलाई सञ्चालनका लागि दिन सक्ने योजना बनाइएको मन्त्रालयले जानकारी दिएको छ।

न्यून खर्च 

कृषि तथा पशुपन्छी विकास मन्त्रालयले यस वर्षको अहिलेसम्मको खर्च पनि न्यून छ। चालु आर्थिक वर्षको ९ महिना सकिँदा पनि पुँजीगत खर्च ४६ प्रतिशत मात्रै भएको छ। 

पुँजीगत खर्च नहुनुमा पूर्वकृषि सचिव सुरोज पोखरेल विभिन्न कारणहरू देख्छन्।

उनका अनुसार चालु आर्थिक वर्षमा खर्च न्यून हुनुको कारण तीनै तहका सरकारमा मिल्ने किसिमका कार्यक्रम नहुनु हो।

‘यो वर्ष नहुनुको कारण सतही हेर्दाखेरी संघीयताका हिसाबले कार्यक्रमहरू तीन तहमा मिल्ने र खपत हुने कार्यक्रमहरू नभएको पनि हुन सक्छ,’ पूर्वसचिव पोखरेल भन्छन्। 

उनका अनुसार चालु आर्थिक वर्षमा कोभिड–१९ को कारण पनि खर्च नभएको हो। ‘सीधै किसानहरूको समूह अथवा उपभोक्ता समूह, किसानका सहकारीहरूले बनाउने कार्यक्रमलाई सहयोग गर्ने हिसाबको कार्यक्रम भइदिँदा पनि खर्च गर्न सजिलो हुन्थ्यो होला,’ उनी भन्छन्।

कृषि तथा पशुपन्छी सचिव कार्कीले पुँजीगत खर्च सन्तोषजनक रहेको बताए। ‘पुँजीगत बजेट कुल बजेटको १० प्रतिशत मात्रै हो,’ कार्कीले भने, ‘यही एउटा गोदाम घर बनाउनको लागि एक अर्ब रूपैयाँ हो। त्यो अब प्रक्रियामा गइसक्यो। समग्रमा राम्रै खर्च भएको छ। यस वर्ष ७० देखि ८० प्रतिशत खर्च हुन्छ।’


प्रकाशित: April 28, 2021 | 06:17:00 काठमाडौं, बुधबार, वैशाख १५, २०७८

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
सूचना/प्रविधि

दर्जन बढी गाउँमा टिप्दैन मोबाइलको नेटवर्क

इच्छाकामना गाउँपालिका-१ को चौकीडाँडा, बङ्घ्याङ, जैथली, विङलाङ, कोलभञ्ज्याङ, थाप्राङ, राजभोग, ज्यान्दला, जौतेस, कालिन र तिपाङमा मोबाइलको नेटवर्क टिप्दैन।
नेपाल समय
अर्थ

अर्थमन्त्रीको व्यवसायीलाई सुझाव : अर्थतन्त्र संकटमा छ नभन्नू

उद्योगी, व्यवसायीलाई सडक आन्दोलनमा नभई उद्योग व्यवसायमा लाग्न अर्थमन्त्री शर्माको आग्रह।
नेपाल समय
बजार

प्रभु बैंकले पायो सेञ्चुरीलाई प्राप्ति गर्ने अन्तिम स्वीकृति

राष्ट्र बैंकको स्वीकृतिसँगै बुधबार दुई बैंकबीच एक्विजिसनका लागि अन्तिम सम्झौता भएको हो।
नेपाल समय
बजार

नेपाल टेलिकमको ब्रान्ड एम्बेसडर बने पारस खड्का र प्रियंका रानी जोशी

ब्रान्ड एम्बेसडरद्वयमार्फत टेलिकमको बजार विस्तारमा सहयोग पुग्ने कम्पनीको विश्वास।
नेपाल समय
बजार

सडक विस्तार गर्दा फाइबर काटिएपछि सेवाग्राहीसँग एनसेलले माग्यो माफी

कम्पनीका सम्बन्धित मर्मतसम्भार टोली फिल्डमा खटाइसकेकाले चाँडै सेवा सुचारु गर्ने प्रयास भइरहेको एनसेलले बताएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना