सुदूरपश्चिम खप्तड गोल्डकपको सम्पूर्ण तयारी पुरा

धनगढी- सर्वाधक पुरस्कार राशिको तेस्रो नेपाल आइस अन्तर्राष्ट्रिय आमन्त्रण सुदूरपश्चिम खप्तड गोल्डकपको सम्पूर्ण तयारी पुरा भएको छ । प्रतियोगिातको सम्पूर्ण तयारी पुरा भएको आयोजक सुदूरपश्चिम-११ स्पोर्टस क्लबका अध्यक्ष सुरेश हमालल एक पत्रकार सम्मेलनको आयोजना गर्दै जानकारी दिएका हुन् । 

अध्यक्ष हमालले तेस्रो संस्करणको प्रतियोगिता भएपनि यो सिकाई चरण भएको बताएका छन् । ‘हामीबाट कुनै गलत हुन सक्छ, किनकी यो हाम्रो सिकाई चरण हो ।’ अध्यक्ष हमालले भने, ‘आगामी दिनहरुमा यसलाई सझै राम्रो बनाउने प्रयास गर्ने समेत प्रतिबद्दता गर्दछु ।’ 

प्रतियोगिताको उद्घाटन खेलमा आयोजक सुप-११ स्पोर्टस क्लब र मेची नेत्रालय काँकडभिट्टा फुटबल ट्रेनिङ सेन्टरबीच प्रतिस्पर्धा हुनेछ । खेल दिउासो २ः३० बाट धनगढी रंगशालामा सुरु हुनेछ ।  

प्रतियोगितामा देशका विभिन्न स्थानका १० वटा ‘ए’ डिभिजन क्लब तथा दुई विदेशी टोली गरी १२ टोलीले सहभागी जनाउने छन् । मनाङ मस्याङ्दी, थ्री स्टार, संकटा, च्यासल युथ क्लब, विभागीय टिम नेपाल पुलिस, नेपाल एपिएफ क्लब सहभागी हुनेछन् । 

त्यसैगरी गोर्खा ब्वाइज स्पोर्टस रुपन्देही, काँकडभिट्टा ट्रेनिङ सेन्टर झापा, मोरङ-११ स्पोर्टस क्लब तथा विदेशबाट भारतको दिल्ली एफसी र क्यामरुनको धाउफिन्स टिम फ्यामिली क्लबले सहभागिता जनाउने छन् । 

सहभागी १२ टिमलाई ६-६ गरी दुई समूहमा विभाजन गरि नकआमउटको आधारमा खेलाइने छ । प्रतियोगिताको विजेताले टोलीले नगद २१ लाख र उपविजेताले १० लाख प्रप् तगर्ने छन् । 

उत्कृष्ट खेलाडीले मोटरसाइकल, विभिन्न विधाका उत्कृष्ट विधाका खेलाडीले जनही १५-१५ हजार पाउनेछ । प्रत्येक खेलको म्यान अफ द म्याचलाई नगद १० हजार प्रदान गरिनेछ ।