सोमबार, माघ २३, २०७९

पाकिस्तानी क्रिकेटले देखाएको जादू

विनय सापकोटा  |  काठमाडौं, मंगलबार, कार्तिक २२, २०७९

विनय सापकोटा

विनय सापकोटा

मंगलबार, कार्तिक २२, २०७९, काठमाडौं

नेपाल समय

काठमाडौं– सामान्यतया खेलमा भनिने गरेको छ,  कोही बेला भाग्यले साथ दिन्छ, कोही बोला दिँदैन। अझ मैदानमा क्रिकेट चलिरहेको छ भने ‘लक’ को कुरा झनै आउँछ। बलरले तीव्र गतिमा फालेको बल ब्याटमा बजारिएर हावामा उडिरहँदा मैदानभित्र फिल्डर नजिकै झर्न पनि सक्छ, बाउन्ड्रीबाहिर जान पनि सक्छ।

यस्तै जोखिम, कौशल र संयोगको रोमाञ्चक खेलमा पाकिस्तानको कथा उस्तै गज्जबको  छ। क्रिकेटमा टी–२० क्रिकेटको कुरा छ भने कुन बेला पासा पल्टिन्छ, थाहा हुँदैन। उसको खेलमा मात्र होइन, यो वर्ष अस्ट्रेलियामा भइरहेको विश्वकप तालिकामा पनि उस्तै संयोग देखिए। संयोगकै कारण भन्नुपर्छ, यो वर्ष पाकिस्तानलाई जिम्बाबेले हरायो अनि नेदरल्यान्ड्ससँग दक्षिण अफ्रिका हार्‍यो। संवेदनशील भएर खेल्न सकेको भए कथा फरक हुने थियो होला।

चार दिनअघि जब दक्षिण अफ्रिका आईसीसी विश्वकप सेमिफाइनलमा पुग्नै लागेको थियो, उसले अप्रत्यासित हार बेहोर्‍यो। त्यसअघि दुई हार बेहोरेर पाकिस्तानको सेमिफाइनल नपुग्ने लगभग पक्काजस्तै भइसकेको थियो।

यस्तै–यस्तै कमजोर अवस्थाबाट शक्तिमा पुग्न सकिने हुँदा नै क्रिकेटको मजा फरक छ। यो विश्वकपमा पाकिस्तानको यस्तै ‘जादूयी भर्सन’ देख्न पाइएको छ। ग्रिक मिथोलोजीमा फिनिक्स चराको कथा छ! खरानीबाट उठेर फेरि चरा बन्ने। यो वर्ष पाकिस्तानको कथा लगभग त्यस्तै रह्यो। अन्तिम खेलमा बंगलादेशलाई हराएर ताराको आकृति बनाएर उत्सव मनाएका पाकिस्तानी खेलाडीलाई सेमिफाइनलमा न्युजिल्यान्डले पर्खिरहेको छ।

विश्वकपमा अबको तगारो न्युजिल्यान्ड नै हुनेछ, पाकिस्तनका लागि। दुई टिमबीच आगामी बुधबार पहिलो सेमिफाइनलमा प्रतिस्पर्धा हुनेछ। ‘न्युजिल्यान्डले पाकिस्तानलाई अन्डरस्टिमेट गरेको छैन,’ न्युजिल्यान्डका बलर टिम साउथीले भनेका छन्।

‘जब कुनै टिम शीर्ष चारमा पुग्छ, उसको उत्ति नै अवसर हुन्छ,’ साउथीले भनेका छन्, ‘हामीले पछिल्लो समय पाकिस्तानसँग खेलिरहेका कारण उनीहरू खतरनाक टिम हुन् भन्ने थाहा छ।’

पाकिस्तानको सन् १९९२ को विश्वकपमा पनि केही यस्तै थियो। अहिलेझैं कमजोर सुरुआत गरेको पाकिस्तानले एडिलेडमा इंग्ल्यान्डलाई २२ रनले हराएको थियो। पाकिस्तान बनेको ४० वर्षमा उसले विश्वकप जित्यो। १५० वर्षे लामो इतिहास बोकेको क्रिकेट मैदानमा ऐतिहासिक उपाधि पाकिस्तानका लागि निकै सानदार थियो। त्यो प्रतियोगिता अस्ट्रेलिया र न्युजिल्यान्डले पहिलो पटक आयोजना गरेका थिए। अहिले पनि अस्ट्रेलियाले पहिलो पटक विश्वकप आयोजना गरेको हो। त्यसैले यी दुई अवस्थालाई जोडेर हेर्ने गरिएको छ।

अहिले पाकिस्तानको यात्रा सुरुआतमा धेरै कठिनाइ आए। पाकिस्तानले पहिलो खेलमै आफ्नो प्रतिद्वन्द्वीको रूपमा भारतलाई पाएको थियो। क्रिकेटको विश्व मानचित्रमा भारत र पाकिस्तानको खेल विशेष महत्त्वका साथ हेरिन्छ। निकै प्रतिस्पर्धात्मक खेलमा पाकिस्तानले चार विकेटको हार बेहोर्‍यो।

पहिले ब्याटिङ गरेको पाकिस्तानले ८ विकेट गुमाएर १५९ रन बनाएको थियो। ओपनिङमा कमजोर प्रदर्शन गरेको पाकिस्तानका लागि शाम मसुद र इफितीखर रहमानले अर्धसतक बनाएर सहज अवस्थामा पुर्‍याएका थिए।

मिडल अर्डरमा उत्कृष्ट बलिङ गरिरहेको पाकिस्तानले भारतलाई लक्ष्य पूरा गर्न सकेन। भारतका विराट कोहलीको ब्याटबाट बाउन्ड्री सुरु भयो र अन्तिम बलमा पाकिस्तानले हार बेहोर्‍यो। उसको विश्वकप नै हारबाट सुरु भयो।

अस्ट्रेलियामा भइरहेको विश्वकप तालिकामा गज्जबका संयोग देखिए। संयोगकै कारण भन्नुपर्छ, यो वर्ष पाकिस्तानलाई जिम्बाबेले हरायो अनि नेदरल्यान्ड्ससँग दक्षिण अफ्रिका हार्‍यो। पाकिस्तान बनेको ४० वर्षमा उसले विश्वकप जित्यो। १५० वर्षे लामो इतिहास बोकेको क्रिकेट मैदानमा ऐतिहासिक उपाधि पाकिस्तानका लागि निकै सानदार थियो।

भारतसँगैको हारले घायल बनाएको पाकिस्तानलाई जिम्बाबेले पनि छाडेन। पर्थमा पाकिस्तानले १३० रनको मध्यम लक्ष्य पाएको थियो। तर पाँच खेलाडी दोहोरो अंकमा रन नबनाईकन आउट भएपछि सान मसुदले बनाएको ४४ रनले पनि पाकिस्तानलाई सहयोग गर्न सकेन।

अन्तिम ओभरमा पाकिस्तानलाई १० रन चाहिएको थियो। पहिलो बलमा ३ र दोस्रो बलमा चौका बनाएपछि पाकिस्तानलाई ४ बलमा ३ रन मात्र आवश्यक रह्यो। तेस्रो बलमा एक रन बनाएर पाकिस्तानले खेललाई आफ्नो खल्तीमा राख्न आँटिसकेकोे थियो।

तर जिम्बाबेका ब्राड इभान्सले अन्तिम दुई बलमा दुई विकेट गिराइदिए। शहिन शाह अफ्रिदी र मोहमद नवाजको विकेट पतनसँगै पाकिस्तानको जितको आशा सकियो। दुई खेलसम्म पराजय हुनुले पाकिस्तान सुपर १२ बाटै आउट हुने संकेत गरिरहेको थियो।

तर सधैं एकनास हुँदैन। नेदरल्यान्ड्स पाकिस्तानको बाटोमा आयो र पाकिस्तानले उसलाई ३७ बल बाँकी रहँदै हरायो। नेदरल्यान्ड्सले दिएको ९१ रनको लक्ष्य पाकिस्तानले १३ ओभर ५ बलमै पूरा गरेपछि उसलाई नेट रन रेटमा सहयोग पुगेको थियो।

विश्वकपमा दक्षिण अफ्रिकाले भारतलाई हराएर अन्तिम चारमा आफ्नो दाबेदारी प्रस्तुत गरिसकेको समय पनि त्यही थियो, जब पाकिस्तानलाई जितबाहेक कुनै अवस्थाले बचाउन सक्ने अवस्था थिएन।

दक्षिण अफ्रिकासँगको खेलमा पाकिस्तानले टस जितेर ब्याटिङ रोज्यो। उसलाई थाहा थियो, मौसम खराब छ र आधा खेल टसबाटै जितिन्छ। इफतिखर र सदाब खानको ब्याटिङ चलेको दिन उसले  १८६ रनको प्रतिस्पर्धात्मक लक्ष्य प्रस्तुत गरेको थियो। नभन्दै खेल पछि १४ ओभरमा घटाइयो। पाकिस्तानले डिएल मेथडबाट ३३ रनको जित निकाल्यो।

४ खेलबाट २ हार अनि २ जित। अझैसम्म पाकिस्तान आफ्नो खुट्टामा उभिन सक्ने भएको थिएन। उसलाई दक्षिण अफ्रिकाको खेलको भर थियो। त्यस्तो अवस्थामा नेदरल्यान्ड्स यसरी आयो कि दक्षिण अफ्रिकाले देखिरहेको सपना पाकिस्तानको पोल्टामा पुर्‍याइदियो।

आइतबार दिउँसो नेदरल्यान्ड्सले दक्षिण अफ्रिकालाई १३ रनले हरायो। अब पाकिस्तानले एउटा होमवर्क गर्नुपर्नेछ। त्यो हो–बंगलादेशमाथि जित निकाल्नु। ११ बल बाँकी रहँदै ५ विकेट बचाएर उसले जित निकाल्यो। यो जित सेमिफाइनलमा पुग्नकै लागि थियो। एउटा कुरा के भने उसले अपत्यारिलो लाइफलाइन पाएको थियो।

त्यतिबेला सबैलाई लागेको एउटा कुरा के भने अब एडिलेडमा फेरि पाकिस्तान र इंग्ल्यान्डले फाइनल खेल्नेछन्? जसरी उनीहरूले ३० वर्षअघि खेलेका थिए। त्यसले सन् १९९२ को विश्वकपको झल्को दिनेछ।

बंगलादेशलाई जितेपछि पाकिस्तानका ननप्लेइङ खेलाडीले भनेका थिए– थ्यांक यू नेदरल्यान्ड्स। त्यसको केही समयपछि अलि मुस्तफाले भने, ‘परीक्षाको अघिल्लो दिन मात्र पढेर पनि पास भएजस्तै आनन्द आइरहेको छ।’

तर विश्वकप बाँकी छ। यात्रा सकिएको छैन। संघर्ष अझै छन्। सन् २०१९ को एकदिवसीय विश्वकपको उपधि बाँड्नुपरेको पीडा न्युजिल्यान्डसँग छ। ऊ सबै फम्र्याटका प्रतियोगिताको उपाधि जित्न चाहन्छ। दुई वर्षअघि नै उसले टेस्ट च्याम्पियनसिपको उपाधि जितिसकेको छ।

यद्यपि, न्युजिल्यान्डलाई टी–२० का लागि अस्ट्रेलिया भाग्यमानी ठाउँ मानिँदैन। यो वर्ष उसलाई हराउन सजिलो छैन। थप बलियो, मजबुत भएर आएकै कारण न्युजिल्यान्ड समूह ‘ए’को शीर्ष स्थानमा रह्यो। किनभने, उसले डिफेन्डिङ च्याम्पियनलाई समेत ८९ रनले सिकार बनाइसकेको छ। सम्भवतः प्रतियोगिताको सबैभन्दा भोको टिम न्युजिल्यान्ड नै हो।

‘आशा छ, हामीले जसरी खेलिरहेका छौं र जित निकालिरहेका छौं, सेमिफाइनलमा पनि त्यस्तै जितको आशा गरेका छौं,’ साउथीले भनेका छन्।


प्रकाशित: November 8, 2022 | 07:40:10 काठमाडौं, मंगलबार, कार्तिक २२, २०७९

तपाईं को प्रतिक्रिया

ट्रेंडिंग

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

आन्तरिक उडानमा थप पाँच नियम

आन्तरिक हवाई उडानलाई थप सुरक्षित, भरपर्दो, मर्यादित र व्यावसायिक बनाउने उद्देश्यले नयाँ हवाई उडान व्यवस्था गरिएको प्राधिकरणले बताएको छ।

नेपालमा पनि राम्रो छ कमाइ 'पठान'को, शुक्रबारदेखि 'ह्यारीकी प्यारी' सँग प्रतिस्पर्धा

नेपालमा मनोज राठीले पठान ल्याएका हुन्। फिल्मले १ सातामा नेपालबाट ६ करोड रूपैयाँ कमाएको छ।

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

थप समाचार

नेपाल समय
क्रिकेट

माइतीघरमा क्यान र सन्दीपविरुद्ध प्रदर्शन

क्यानले लामिछानेलाई शुक्रबारबाट बन्द प्रशिक्षणमा सहभागी गराउने निर्णय गरेसँगै विभिन्न क्षेत्रबाट आलोचना भइरहेको छ।
नेपाल समय
क्रिकेट

सन्दीपबारे क्यानको निर्णय तत्काल फिर्ता हुनुपर्छ: गगन

अदालतमा विचाराधीन मुद्दाका अभियुक्तलाई क्यानले निलम्बन फुकुवा गरेको सम्बन्धमा धेरैले आफ्नो धारणाबारे प्रश्न गरेको भन्दै थापाले ट्विटरमा धारणा सार्वजनिक गरेका हुन्। ‘
नेपाल समय
क्रिकेट

क्यान अध्यक्षलाई विश्वप्रकाशको प्रश्न- खेलको नियम पालना गर्ने संस्थाले न्यायको नियम पालना गर्नुपर्दैन?

खेलकुद मन्त्रीलाई महामन्त्री शर्माले यसबारे ध्यानाकर्षण पनि गराएका छन्- कि सहि भएको छ, बधाई दिनोस्, कि `यो प्रकरणमा पनि अदालत कुरौं, हतारको गल्ती सच्याउ भन्नोस्! मौनता जिम्मेवार जवाफ हुन्न !!
नेपाल समय
क्रिकेट

सामाजिक सञ्जालमा #BycottCAN अभियान

खासगरी नेपाल क्रिकेट संघले नेपाल टी–२० गराउनका लागि विदेशी कम्पनीलाई साझेदार बनाउँदा सरकारी निकायबाट अनुमति नलिएको लगायतका विषयका साथै स्पट फिक्सिङलगायतका विषयमा क्यानको आलोचना भएको लामै समय भइसकेको छ।
नेपाल समय
क्रिकेट

जेल फर्केलान् कि प्रशिक्षणमा सन्दीप?

लामिछानेलाई पुर्पक्षका लागि धरौटीमा छोड्ने उच्च अदालत पाटनको आदेश बदर गर्न माग गर्दै महान्याधिवक्ताको कार्यालयले सर्वोच्चमा पुनरावेदन गरेको थियो। सोही पुनरावेदनको पेसी आजका लागि तोकिएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना