सोमबार, असार १३, २०७९

भारतीय क्रिकेटमा डेढ दशकको रोहित यात्रा

नेपाल समय  |  काठमाडौं, बिहीबार, असार ९, २०७९

नेपाल समय

नेपाल समय

बिहीबार, असार ९, २०७९, काठमाडौं

नेपाल समय

काठमाडौं– सन् २००७ को जुन २३। अर्थात्, आजकै दिन आयरल्यान्डविरुद्ध भारतको राष्ट्रिय टिमबाट अन्तर्राष्ट्रिय मञ्चमा डेब्यु गरेका रोहित शर्माको क्रिकेट करियअरको १५ वर्ष पूरा भएको छ।

१५ वर्षको अवधिमा उनी अहिले पनि भारतीय टिमको नियमित सदस्य छन्। रोहितले भर्खरै मात्र भारतीय टिमको कप्तानीको जिम्मेवारी पाएका छन्।

अन्तर्राष्ट्रिय क्रिकेटमा डेढ दशक पूरा भएपछि उनले खुसी व्यक्त गरेका छन्। बिहीबार सामाजिक सञ्जालमा उनले लेखेका छन्, ‘आज मैले अन्तर्राष्ट्रिय क्रिकेटको १५ वर्ष पूरा गरेको छु। यो खुसीलाई जीवनको बाँकी समय पनि मनाउनेछु।’

राहुल द्रविडको कप्तानीमा डेब्यु गरेको दिन उनले ब्याटिङको अवसर पाएनन किनभने भारतले ९ विकेटको जित निकालेको थियो। त्यसपछि लामो समय महेन्द्रसिंह धोनी र विराट कोहलीको कप्तानीमा खेलेका रोहितले यसै वर्षबाट भारतीय टिममा कप्तानीको जिम्मेवारी पाएका हुन्।

दायाँ हाते आपेनिङ ब्याटरका रूपमा रहेका रोहितले अहिले २३० वटा एकदिवसीय खेलेका छन् भने ४५ टेस्ट खेलमा सहभागिता जनाइसकेका छन्। मुम्बई इन्डियन्सबाट पाँच पटकका आईपीएल विजेता रोहित ३८४ टी२० र १२० टी२० आई खेलेका छन्। लिमिटेड ओभरका सबैजसो खेलमा उनको प्रदर्शन राम्रो हुने गरेको छ।

उनले १५ वर्षको खुसीयाली मनाउँदै रोहितले भनेका छन्, ‘जो–जो यो यात्रको हिस्सा रहनुभएको छ । सबैलाई धन्यवाद भन्न चाहन्छु, जसले मलाई आज यो स्थानमा पु¥याउनुभएको छ।’

उनले एकदिवसीय क्रिकेटमा २६४ रन बनाएर विश्वकै सबैभन्दा धेरै रन लिने खेलाडीको कीर्तिमान पनि बनाइसकेका छन्। सन् २०१४को १३ नोभेम्बरमा श्रीलंकाविरुद्ध बनेको यो कीर्तिमान् अहिलेसम्म तोडिएको छैन। त्यति मात्र होइन, उनले अहिलेसम्म तीन पटक दोहोरो शतक प्रहार गरेका छन्।

सन् २०१९ मा इंग्ल्यान्डमा एकदिवसीय क्रिकेट विश्वकप आयोजना भएको थियो। त्यो विश्वकपमा उनले पाँच पटक शतक प्रहार गरेका थिए। त्यही वर्ष उनी आईसीसी बेस्ट प्लेयर अफ द इअर घोषित भए। यद्यपि भारत सो प्रतियोगितामा सेमिफाइनलबाटै बाहिरिएको थियो।

‘ती सबै प्रेमी, फ्यान र आलोचकलाई टिमको माया र समर्थनले नै हामी विभिन्न बाधा पार गरेर यहाँसम्म आइपुगेका छौं,’ उनले भनेका छन्।

दायाँ हाते ओपनिङ ब्याटरका रूपमा रहेका रोहितले हालसम्म २३० वटा एकदिवसीय खेलेका छन् भने ४५ टेस्ट खेलमा सहभागिता जनाइसकेका छन्। लामो समय महेन्द्रसिंह धोनी र विराट कोहलीको कप्तानीमा खेलेका रोहितले यसै वर्षबाट भारतीय टिममा कप्तानीको जिम्मा सम्हालिरहेका छन्।

शर्माको बाल्यकाल सजिलो थिएन। उनका पिता मुस्किलले घर खर्चको जोहो गर्थे। त्यसैले रोहितलाई हजुरबा र हजुरआमाले पाले। बेलाबेला मात्र उनी बाबुआमा बसेको एक कोठामा पुग्ने गर्थे।

सन् ९० को दशकमा भारतमा क्रिकेटको चर्चा धेरै चुलियो। उनलाई पनि क्रिकेटमा मोह बढ्यो। तर सहयोग गर्ने कसले ? अन्तिममा उनलाई काकाले क्रिकेट सिक्न लगानी गरिदिने भए। त्यसपछि रोहितले क्रिकेट सिक्न थाले।

त्यहाँ दिनेश लाडले उनलाई क्रिकेट सिकाउँथे। उनले नै रोहितलाई विद्यालय परिवर्तन गरेर स्वामी विवेकानन्द अन्तर्राष्ट्रिय स्कुलमा भर्ना हुन सुझाए किनभने शर्माको पहिलेको स्कुलभन्दा त्यहाँ क्रिकेटको सुविधा राम्रो थियो। तर उनले त्यहाँ शुल्क तिर्न सक्दैनथे।

‘पछि प्रशिक्षकले मलाई त्यहाँ स्कलरसिप मिलाइदिनुभयो । अनि मैले क्रिकेटमा राम्रो गर्दै गएँ,’ रोहितले एक पटक भनेका थिए। सुरुमा रोहित अफ स्पिनर थिए। ब्याटिङ पनि राम्रो गर्न सक्थे। ब्याटिङको आठौं नम्बरमा पर्थे।

तर एक पटक उनले ओपनिङ पनि गर्न सक्छन् भन्ने दिनेशलाई लाग्यो। स्कुले प्रतियोगिताको पहिलो ओपनिङमै रोहितले शतक प्रहार गरे। त्यसपछि आजसम्म उनी ओपनिङमा रमाइरहेका छन्।

सन् २००५ मा भएको एक खेलमा चेतेश्वर पुजार र रवीन्द्र जाडेजासँगै रोहित शर्माले पनि लिस्ट ‘ए’मा डेब्यु गरेका थिए। त्यो खेलमा आठौं नम्बमा ब्याटिङ गरेका रोहितले अविजित ३१ रन बनाए।

घरेलु क्रिकेटमा उनले त्यसपछि ठाउँ पाउँदै गए। बेस्ट जोनबाट खेल्ने उनले एक पटक नर्थ जोनविरुद्ध १२३ बलमा १४२ रन बनाएका थिए। त्यसपछि मात्रै हो, उनले भारतको घरेलु क्रिकेटमा चर्चा कमाउन थालेको।

त्यसको केही समयमै उनी अबुधाबी भ्रमणमा निस्किए। त्यसपछि आईसीसी च्याम्पियन ट्रफीको ३० खेलाडीको स्क्वाडमा परे। यद्यपि उनी अन्तिम टोलीमा पर्न सकेनन्।

उनले न्युजिल्यान्डविरुद्ध लिस्ट ‘एक’ मा डेब्यु गरेका थिए। त्यतिबेला उनी भारत ‘ए’ टिमबाट खेलिरहेका थिए। तर घरेलु क्रिकेटमा भने उनले मुम्बईको टिमबाट मात्र खेलिरहे। एक पटक रन्जी ट्रफीमा उनले गुजरातविरुद्ध ३०९ रन बनाएका थिए।

यो नै अहिलेसम्म उनले बनाएको सबैभन्दा धेरै रन हो। उनले सन् २०१३ मा सचिन तेन्दुलकरको बिदाइ खेलमा वेस्ट इन्डिजविरुद्ध डेब्यु गरेका थिए। त्यो डेब्युमा उनले १७७ रन बनाए। यसरी शानदार डेब्यु गर्नेमा उनी शिखर धवन(१८७) पछि छन्।



प्रकाशित: June 23, 2022 | 17:20:38 काठमाडौं, बिहीबार, असार ९, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

चन्द्रागिरिको जंगलमा हराएका तीन विदेशी भीरमा भेटिए

उक्त स्थान थानकोटबाट करिब सात किलोमिटर टाढा थानकोट–चित्लाङ सडकखण्ड नजिक रहेको प्रहरीले जनाएको छ।

...अनि पटक-पटक मर्ने प्रयास गरेकी थिइन् दिलमायाले

‘त्यसबेला मेरो छोरो पाँच वर्षको थियो। म माइतीको शरणमा गएको थिएँ। तर माइतीले पनि नहेरेपछि मर्छु भनेर बाबुलाई घरमै छोडेर जंगलभित्र गा'को थिएँ। तर जंगलमा ३ घन्टा रुँदैरुँदै बिताएर घर फर्किएँ। बच्चाले दुःख पाउँछ भनेर मर्न सकिनँ...

गायिका सुनार मृत्यु प्रकरण : प्रेमीले फालेको सल नालीमा भेटियो, पोस्टमार्टम रिपोर्ट कुर्दै प्रहरी

प्रहरीको प्रारम्भिक अनुसन्धानले गायिका सुनारको डिभोर्सपछि उनी श्रेष्ठसँग करिब डेढ वर्षयता ‘लिभिङ टुगेदर’मा बस्दै आएको देखिएको छ। नेपालटारस्थित उनको डेरामा श्रेष्ठको आउजाउ बाँक्लै थियो।

कांग्रेसभित्र यसरी 'फ्रन्ट डोर' ढकढक्याउँदैछन् विनोद चौधरी

म कांग्रेस एकदमै कमजोर भएको अवस्थामा प्रवेश गरेको हुँ। मेरो बाँकी राजनीतिक जीवन कांग्रेसमै बित्छ। कांग्रेसमै रहेर पार्टी र देशका लागि केही गर्ने हो। परिवर्तन ल्याउन भूमिका खेल्ने हो। म मेरो योजनामा असफल भएँ भने राजनीतिमा विश्राम लिएर आराम गरेर बस्छु।

गोर्खा सैनिकको सम्झनामा त्यो फोकल्यान्ड युद्ध

‘बिहानको १० बजेसम्म घाम देखिँदैन। जताततै तिखा चट्टान, ढुंगा र घासे मैदान। चार मोजा र बुट लगाउँदा सम्म नथेगिने चिसो। घरिपानी, घरि असिना, घरि हिउँ। रुखपात छैन, झारपात मात्र कस्तो ठाउँ होला!’

नेपालबाट बेलायत जाने मौसमी कामदार बढे, सरकार भन्छ- ऐनले चिन्दैन

कोराना महामारीपछिको अर्थतन्त्रलाई ट्रयाकमा ल्याउन बेलायत सरकारले विभिन्न मुलुकबाट मौसमी रोजगारका लागि आवेदन मागिरहेको छ। तर नेपालको श्रम ऐनमा मौसमी रोजगारसम्बन्धी व्यवस्था नहुँदा नेपाली श्रमिकलाई अप्ठेरो पारिरहेको छ।

साडियो माने : धुलाम्य मैदानदेखि लिभरपुलको लोभलाग्दो रवाफसम्म

बाल्यावस्थादेखि बलसँगै लडिबुडी गरेका मानेले फुटबलमा पाएको जादूयी सफलतापछि जन्मथलो बम्बालीमा उम्रिँदै छन् सयौं मानेहरू।

'मानवताको सहर' बुटवलमा दलितले कोठा भाडा पाउँदैनन्

जातका आधारमा हुने विभेदलाई कानुनले निषेध गरेको र बुटवलमा मानव भएर बाँच्न मानवताको सहर नारा तय गरिए पनि त्यसैलाई खिल्ली उडाउँदै जातीय भेदभावको घटना सार्वजनिक भएको हो।

रवि लामिछाने र रमेश खरेलबीच सहकार्यको विषयमा छलफल

नवगठित राष्ट्रिय स्वतन्त्र पार्टीका अध्यक्ष रवि लामिछाने र नेपाल सुशासन पार्टीका अध्यक्ष रमेश खरेलबीच भेटवार्ता भएको छ।

राष्ट्रिय स्वतन्त्र पार्टीले आज पत्रकार सम्मेलन गर्ने

रवि लामिछाने नेतृत्वको राष्ट्रिय स्वतन्त्र पार्टीले आज पत्रकार सम्मेलन गर्ने भएको छ।

थप समाचार

नेपाल समय
क्रिकेट

नेपाली महिला क्रिकेट टोली फर्कियो स्वदेश

एसीसी महिला टी–ट्वान्टी च्याम्पियन्ससिप खेलेर नेपाली टोली सोमबार नेपाल आइपुगेको हो।
नेपाल समय
क्रिकेट

स्कटल्यान्डमा हुने खेलका लागि नेपाली क्रिकेट टिम घोषणा

नेपाल क्रिकेट संघ (क्यान)ले आइतबार क्यानडाविरुद्ध हुने दुई एकदिवसीय खेल र आईसीसी विश्वकप क्रिकेट लिग दुई अन्तर्गत स्कटल्यान्ड भ्रमणका लागि कप्तान सन्दीप लामिछानेसहित १४ खेलाडी सदस्य टिमको घोषणा गरेको छ।
नेपाल समय
क्रिकेट

यूएईविरुद्ध जवाफी ब्याटिङ गर्नै पाएन नेपालले, वर्षाले खेल रद्द भएपछि सेमिफाइनलबाटै बाहिरियो

नेपाल एसीसी महिला क्रिकेट टी–२० च्याम्पियनसिपको सेमिफाइनलबाटै बाहिरिएको छ। वर्षाले यूएईविरुद्धको खेल रद्द भएका कारण नेपाल सेमिफाइनलबाटै बाहिरिएको हो।
नेपाल समय
क्रिकेट

नेपालले पायो ८२ रनको लक्ष्य

नेपाली युवा बलर अश्मिनाले तीन ओभर पाँच बलमा १० रन मात्र दिएर पाँच विकेट गिराएपछि यूएइले एक बल बाँकी रहँदै सम्पूर्ण विकेट गुमाएर ८१ रनमा समेटिएको हो।
नेपाल समय
क्रिकेट

सेमिफाइनलमा नेपालले टस जितेर फिल्डिङ रोज्यो

नेपालले समूह चरणमा तीन जित र एक हारका साथ सेमिफाइनमला स्थान बनाएको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना