बिहीबार, असोज २०, २०७९

ई-टिकट लागू भए पनि बसपार्कमा बिचौलिया सक्रिय, यात्रुलाई सास्ती उस्तै [भिडियोसहित]

लक्ष्मी विश्वकर्मा  |  काठमाडौं, आइतबार, भदौ २०, २०७८

लक्ष्मी विश्वकर्मा

लक्ष्मी विश्वकर्मा

आइतबार, भदौ २०, २०७८, काठमाडौं

नेपाल समय

काठमाडौं– करिब एक वर्षपछि नयाँ बसपार्क आएका सुर्खेतका खड्गबहादुर शाही पहिलेजस्तो टिकट काट्न अल्मलिएनन्। सरासर काउन्टरमा गए, आफ्नो विवरण टिपाए, टिकट लिए। टिकट पहिलेजस्तो हातैले लेखिएको थिएन। कम्युटरबाट प्रिन्ट गरेर दिइएको थियो। सुरुमा त अल्मलिए पनि उनी। 

‘अब तपाईंले पहिलेजस्तो हातले लेखेको टिकट पाउनुहुन्न। सबै टिकट यसै गरी कम्युटरबाट काटिन्छ,’ काउन्टरका कर्मचारीले बुझाए। साउन १० गतेदेखि नै गोंगबुस्थित नयाँ बसपार्कमा कम्प्युटर प्रणालीबाट टिकट काट्न थालिएको हो। इटिकटको व्यवस्था भएसँगै बसपार्कमा हुने यात्रुको अलमल मात्रै हटेको छैन, सिट र भाडाका लागि हुने किचकिचि पनि अन्त्य भएको छ।

कम्युटरबाट टिकट काट्दा बिचौलियाले बढी लिने र नक्कली टिकट भिडाएर यात्रु ठग्ने सम्भावना क्षीण भएको नयाँ बसपार्क व्यवस्थापनको जिम्मेवारी पाएको ल्होत्से बहुउद्देश्यीय प्रालिका अधिकारी बताउँछन्।

ल्होत्से प्रालिका मानव संशाधन प्रमुख पंकज मल्लका अनुसार टिकट काउन्टर प्रविधिमैत्री बनाएसँगै बसपार्कको काउन्टरमा हुने भीडभाड र यात्रु तानातान अन्त्य भएको छ। टिकट काउन्टरका कर्मचारी सहदेव अधिकारी पनि पहिलेभन्दा अहिले टिकट काट्न धेरै सहज भएको बताउँछन्। सिट डबल पर्‍यो, बढी भाडा लियो भन्ने गुनासो आएको छैन।

ल्होत्से बहुउद्देश्यीय प्रालि र टिकट काउन्टरका कर्मचारीले इटिकट सुरु भएसँगै बिचौलिया हटेको दाबी गरे पनि बसपार्कमा यात्रुको झोला तान्नेहरुको कमी थिएन। अनेक बहाना गरेर टिकट भिडाउन खोज्नेको जमात पनि ठूलै थियो।


यही जमातको बीचमा भेटिइन् बुटवलकी मनीषा विश्वकर्मा। उनको व्यथा काउन्टरका कर्मचारीले दाबी गरेभन्दा फरक थियो। उनलाई कम्प्युटर प्रणालीको सिस्टमले फरक पारेको छैन। बुटलबाट आउँदा ६ सय ५० मा इटिकट लिएकी आइन्। तर, बीचबाटोमा आइपुगेपछि थप ३ सय ५० रुपैयाँ मागियो। गाडीका सहचालक थप रकम नदिए उतारिदिने  धम्कीसमेत दिए। जसका कारण उनी मागेको जति पैसा दिन बाध्य भइन्।

नयाँ बसपार्कभित्रका टिकट काउन्टरलाई अन्तर्राष्ट्रियस्तरको बनाउनका लागि वैशाख १ गतेदेखि बन्द गरिएका टिकट काउन्टर कम्प्युटर प्रणाली र प्रविधि प्रयोग गरी सञ्चालनमा ल्याइएको हो।

इटिकटको पैसा सीधै सवारीधनीको खातामा जाने भएपछि बीचमा खान पल्किएका चालक, सहचालकसहितका कर्मचारीले सताउने गरेको मनीषाको गुनासो छ। ‘दिएको पैसाले मात्रै गनतव्यमा पुगिन्छ कि पुगिँदैन भन्नै नसकिने। यस्तो सिस्टम कसरी राम्रो भयो?’ उनको प्रश्न छ, ‘आफूलाई ठिक्क पुग्ने खर्च बोकेर हिँडिएको हुन्छ। यसरी बाटोमा थप भाडा मागेर दुःख दिनु त अत्याचार नै भयो नि।’ यस्ता सवारी र त्यसका कर्मचारीलाई कारबाही गर्नुपर्ने उनको माग छ। 

धरान जान टिकट लिएका कृष्ण लिम्बु केही कमजोरी हटाए इटिकटले यात्रुलाई सहज बनाउने बताउँछन्। ‘बीचबाटोमा पैसा उठाउने गरेको गुनासो मैले पनि सुनेको छु। यस्तामाथि कारबाही गरेर इटिकट व्यवस्थित बनाउनुपर्छ,’ उनले भने।

नयाँ बसपार्कभित्रका टिकट काउन्टरलाई अन्तर्राष्ट्रियस्तरको बनाउनका लागि वैशाख १ गतेदेखि बन्द गरिएका टिकट काउन्टर कम्प्युटर प्रणाली र प्रविधि प्रयोग गरी सञ्चालनमा ल्याइएको हो। ‘डिजिटल प्रणाली’मा लगेसँगै अब टिकट काउन्टरमा बस्ने कर्मचारीले पोसाक र परिचयपत्र लगाउनुपर्नेछ।

यस्तो छ ई-टिकटको व्यवस्था

काठमाडौं महानगरपालिका र ल्होत्से बहुउद्देश्यीय प्रालिबीच नयाँ बसपार्कभित्रका टिकट काउन्टरलाई अन्तर्राष्ट्रियस्तरको टिकट काउन्टर बनाउने उद्देश्यअनुरुप कम्युटर जडान गरी बस टिकट काट्न सुरु गरिएको हो।

कम्युटर प्रणाली अपनाएसँगै गाडीमा सिट भए वा नभएको प्रस्ट थाहा पाउने हुनाले आफूले चाहेको टिकट सजिलै काट्न सकिन्छ। नयाँ बसपार्कबाट हाल ६५ भन्दा बढी जिल्लामा एसी, डिलक्स र साधारण स्तरका सार्वजनिक सवारीसाधन आउजाउ गर्छन्। नयाँ बसपार्कभित्रका ३२ टिकट काउन्टरले कम्युटर प्रणालीमार्फत बसको टिकट  काटिरहेका छन्।

ल्होत्सेले सरकारले लिएको नीतिअनुसार कोभिड–१९ संक्रमणपछि हुने भीडभाडलाई ध्यानमा राखेर प्रविधिको प्रयोगमा जोड दिएको छ। बस टिकट खरिद तथा बुकिङका लागि क्यूआरकोडमार्फत भुक्तानी हुने व्यवस्था मिलाइएको छ। 

भिडियो 


प्रकाशित: September 5, 2021 | 14:30:00 काठमाडौं, आइतबार, भदौ २०, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
उपभोक्ता

बाराको टाँगियाबस्तीमा बल्यो बिजुली

बाराको जीतपुरसिमरा उपमहानगरपालिका-१६स्थित टाँगियाबस्तीमा विद्युत पुगेको छ ।
नेपाल समय
उपभोक्ता

नेपाल पे क्युआरबाट प्रतिमहिना १.५ करोडको कारोबार

असार र साउनमा नेपाल पे क्यूआरबाट प्रति महिना कारोबार लगभग १.५ करोड रुपैयाँ पुगेको छ।
नेपाल समय
उपभोक्ता

एक लिटर पेट्रोलमा १६.८ रुपैयाँ घटाएर भारतले पठायो नयाँ मूल्यसूची

भारतीय आयल कर्पोरेसन (आईओसी)बाट सोमबार नेपाल आयल निमगलाई प्राप्त भएको मूल्यसूचीअनुसार डिजल प्रतिलिटर १२ रुपैयाँ ४५ पैसा र पेट्रोल प्रतिलिटर १६ रुपैयाँ ८० पैसा घटेर आएको छ।
नेपाल समय
उपभोक्ता

इम्बोस्ड नम्बर प्लेट : साउन १ मा 'असम्भव'

'हामीले बागमती र गण्डकी प्रदेशमा पूर्वाधार तयार पारिसकेका छौँ। अब प्रदेशका यातायात कार्यालयहरुले त्यहाँ सञ्चालित सवारीको वर्गीकरण गरी इम्बोस्ड अनिवार्य गराउनु हुनेछ,' घिमिरे भन्छन्, 'यो पुरानो निर्णय हो। सोहीअनुसार गरेका हौँ।'
नेपाल समय
उपभोक्ता

इन्धनको मूल्य घटाउने तयारी भइरहेका बेला भारतले फेरि बढाएर पठायो सूची

पेट्रोलियम पदार्थमा लाग्दै आएको पूर्वाधार कर हटाएर मूल्य घटाउने तयारी भइरहेका बेला भारतले नयाँ सूची पठाएको उद्योग वाणिज्य तथा आपूर्ति मन्त्रालय स्रोतले जानकारी दिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना