शुक्रबार, मंसिर २३, २०७९

कोरोनाको उच्च जोखिममा प्रदेश २ : राउत बन्लान् त उदाहरणीय ?

नेपाल समय  |  काठमाडौं, शुक्रबार, चैत २८, २०७६

नेपाल समय

नेपाल समय

शुक्रबार, चैत २८, २०७६, काठमाडौं

प्रदेश २ कोरोना संक्रमणका हिसाबले उच्च जोखिममा छ। यसका पछाडि पर्याप्त कारण छन्। पहिलो- प्रदेश २ का सबै जिल्लाको सीमा भारतको बिहार राज्यसँग जोडिएको छ। दुई मुलुकबीच आवतजावत सहज छ।

कोरोना महामारीमा फसिसकेको भारतबाट ठूलो संख्यामा नेपाली यहाँ आइसकेका छन्। मुख्य नाकामा कडाइ भएपछि चोरबाटो भएर प्रदेश २ भित्र प्रवेश गर्ने क्रम रोकिएको छैन।

लुकिछिपी आउने क्रममा कमी नआएपछि अहिले सशस्त्र प्रहरीको संख्या थपेर नाकामा थप कडाइ गरिएको छ। भारतबाट आएकालाई स्थानीयकै सहयोगमा क्वारेन्टाइनमा राखिएको छ।

दोस्रो- कतार, मलेसिया, सउदी अरेबियालगायतका देशमा वैदेशिक रोजगारीमा जाने जनशक्ति सबैभन्दा बढी यही प्रदेशबाट छ। अधिकांश युवा जनशक्ति रोजगारीका सिलसिलामा ती देशमा पुगेका छन्। कोरोना संक्रमण फैलिएपछि घर फर्कने क्रम बढेको छ।

पछिल्लोपटक चैत ४ मा कतार एयरलाइन्सबाट नेपाल फर्केकी एक युवतीमा कोरोना संक्रमण फेला परेको थियो। त्यो जहाजमा कतिपय प्रदेश २ का पनि थिए। सुरक्षाकर्मी, जनप्रतिनिधि र स्थानीयवासीको सहयोगमा पहिचान गरी उनीहरुलाई अहिले क्वारेन्टाइनमा राखिएको छ।

प्रदेश २ मा अहिलेसम्म कसैमा कोरोना पोजिटिभ भेटिएको छैन। १५९ जनाको स्वाब संकलन भएकोमा ११३ जनामा कोरोना नेगेटिभ देखिएको छ। अरु रिपोर्ट आउन बाँकी छ।

तर, केही रिपोर्ट नेगेटिभ आउँदैमा ढुक्क भएर बस्न सक्ने अवस्था नरहेको चिकित्सक बताउँछन्। पर्याप्त मात्रामा परीक्षण नभएकाले ढुक्क हुन नसकिने उनीहरुको तर्क छ।

अर्को कारण हो भौतिक पूर्वाधार र दक्ष जनशक्तिको अभाव। लालबाबु राउत नेतृत्वको सरकारले कोरोनाविरुद्धको लडाइँका लागि तयार रहेको बताइरहे सरकार निकै कमजोरी छ।

स्तरीय अस्पताल छैन। भएका अस्पतालमा आईसीयू बेड छैन। दक्ष जनशक्ति अभाव छ। पीपीई, भेन्टिलेटरलगायत अत्यावश्यक उपकरण छैनन्। अन्यत्रको त के कुरा? प्रदेश राजधानी जनकपुरका अस्पतालमा पनि गम्भीर प्रकृतिको रोगको उपचार हुन सक्दैन। काठमाडौं वा भारततर्फ जानुपर्ने बाध्यता छ।

प्रदेश २ मा भेन्टिलेटरको संख्या ११ छ। जनकपुरस्थित प्रादेशिक अस्पतालमा ३, राजविराजस्थित गजेन्द्रनारायण सिंह सगरमाथा अस्पतालमा ३ र वीरगन्जस्थित नारायणी उपक्षेत्रीय अस्पतालमा ५ वटा भेन्टिलेटर छन्। प्रदेशभित्र कम्तीमा पनि एक सय भेन्टिलेटर आवश्यक रहेको चिकित्सक बताउँछन्।

त्यसैले प्रदेश २ कोरोना संक्रमणको उच्च जोखिममा छ र संक्रमण भइहालेमा उपचारमा पनि निकै कठिनाइ सामना गर्नुपर्नेछ।
यस्तो अवस्थामा पनि कोरोनाविरुद्धको लडाइँमा मुख्यमन्त्री राउतले खेलेको अहिलेसम्मको भूमिका प्रशंसनीय छ। उनले विभिन्न संघसंस्थाको सहयोग पाएका छन्।

कोरोना रोकथामका लागि स्थापना गरिएको मुख्यमन्त्री राहत कोषमा सहयोग आउने क्रम जारी छ। तर कोषमा संकलित रकम कोरोनासँग लड्न पक्कै पनि पर्याप्त छैन।

अतः प्रदेश २ मा कोरोना संक्रमणको जोखिमविरुद्ध लड्न धेरै काम गर्नुपर्नेछ। अस्पतालमा आईसीयू बेड र भेन्टिलेटर जडान अत्यावश्यक छ। चिकित्सक र स्वास्थ्यकर्मीलाई आवश्यक पर्ने पीपीईलगायतका सामग्री खरिदमा ढिलाइ गर्नु हुँदैन। कोरोना उपचार गर्न छुट्टै अस्पताल बनाउन सकिए झनै प्रभावकारी हुन्छ। तर, यसका लागि प्रदेश सरकारले ठूलो रकम खर्च गर्नुपर्ने हुन्छ।

मानव सूचकांकको हिसाबले प्रदेश २ को स्वास्थ्य र शिक्षाको अवस्था निकै तल छ। शिक्षा र स्वास्थ्यको स्थिति माथि उकास्न दीर्घकालीन योजना बनाउनतर्फ ध्यान दिनु जरुरी छ। तत्कालका लागि के हुन सक्छ त त्यस्तो योजना ?

आर्थिक वर्ष सकिन अब दुई महिना बाँकी छ। पछिल्लो आर्थिक वर्षको बक्यौता भुक्तानी हुन नसक्दा चालु आर्थिक वर्षमा पनि विकास निर्माणको काम अघि बढ्न सकेको छैन।

पुँजीगत बजेट हालसम्म खर्च भएको छैन। अब खर्च हुने सम्भावना पनि देखिँदैन। त्यसैले विकास निर्माण तथा संसदीय विकास कोषको रकम स्तरीय अस्पताल निर्माण र स्वास्थ्य उपकरणमा लगाउँदा दीर्घकालीन हित हुने देखिन्छ।

यस्तो निर्णय गर्दा कतिपय पार्टी वा प्रदेश सांसदका तर्फबाट पक्कै विरोधको स्वर उठ्नु स्वाभाविकै हो। त्यसैले मुख्यमन्त्री राउतले हिम्मतसाथ सुविधा सम्पन्न अस्पताल बनाउने निर्णय गर्नुपर्छ। तर याे कोरोना भाइरस संक्रमण रोकथामका लागि गतिलो प्रयास हुनेछ भने प्रदेश २ मा उनकाे कदम उदाहरणीय बन्ने निश्चित छ।

 


प्रकाशित: April 10, 2020 | 12:17:00 काठमाडौं, शुक्रबार, चैत २८, २०७६

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
ब्लग

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।
नेपाल समय
ब्लग

हिमालको काखबाट राष्ट्रिय खेलकुद नियाल्दा

प्रतियोगिताको दोस्रो दिन बिहान खासै इभेन्ट थिएनन्। ढिलो गरेर ११ बजे रंगशाला पुग्दा सबै साथीहरू त्यहीँ भेटिए। फेवातालको छालमा टल्किइरहेका घामका किरण, माछापुच्छ्रेलगायतका हिमालमा ठोक्किएका घाम किरण, सिरसिरे हावा, पोखरापारिका रमणीय गाउँ अनि नौला खेलाडी, व्यवस्थापक र दर्शक हेर्दै बिहान बितेको थियो।
नेपाल समय
ब्लग

अनि दसैं आउँथ्यो गाउँमा

घर लिपपोत गरेपछि पनि हाम्रो दसैंको चटारो सकिन्थेन। विद्यालय र घरको लिपपोतपछि बल्ल गाउँ सफाइ अभियान चल्थ्यो। मेरो गाउँ मगर समुदायको बाहुल्यता भएको क्षेत्रमा पर्छ। त्यसैले त्यहाँ सामूहिकता बलियो थियो।
नेपाल समय
ब्लग

बलात्कारका बेला किन प्रतिवाद गर्न सक्दैनन् पीडित?

कुनै बेला पीडितको शरीर फ्रिज भएर बेहोसको अवस्थामा पुगिसकेका हुन्छन्। त्यसैले १ चोटी मात्र हैन ३-४ चोटी बलात्कार गर्दा पनि किन पीडित त्यही बसिरह्यो भन्ने प्रश्न गलत हो। यो फ्रिज भएकै आधारमा केटी किन चिच्याइन? ढोकामा चुकुल नलागेको बेला पनि किन भागेन? सबै व्याख्या हुन्छ।
नेपाल समय
ब्लग

सिंहदरबारलाई चिठ्ठी

तिम्रो निर्माणक्रममा बडाहाकिमहरु चाकु र मासको पिठोको थुप्रोमा थुक्दै र कुल्चँदै हिँड्थे रे। त्यसो गर्नुको कारण चाकु र मास चोरी नहोस् भनेर रहेछ। यसरी निर्माणक्रमबाटै यस्तो प्रकृया सुरु भएर हो कि किन हो यहाँबाट प्रवाहित सबै सेवामा हरेक सम्बन्धित सेवाप्रदायक र सेवाग्राही आज पनि चोर्न मात्र उद्दत छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना