शुक्रबार, मंसिर २३, २०७९

कानुनले मात्रै हुँदैन सडक व्यवस्थापन

शान्तिकृष्ण अधिकारी  |  काठमाडौं, बुधबार, माघ १, २०७६

शान्तिकृष्ण अधिकारी

शान्तिकृष्ण अधिकारी

बुधबार, माघ १, २०७६, काठमाडौं

नेपाल समय

२०४० सालतिरको कुरा हो। ट्रली बस चढेर म त्रिपुरेश्वरबाट कोटेश्वर ओहोरदोहोर गर्थें। त्यतिबेला बस मीनभवनपछि एकैपटक कोटेश्वरमा रोकिन्थ्यो।

एकदिन तीनकुनेको सडक छेउ उभिएका एक यात्रुले हात उठाए। म बसभित्र ड्राइभरको छेउमा उभिएको थिएँ। चालकले ‘ट्याक्सी हो र जहाँ पायो त्यहीँ रोक्नलाई ?’ भन्दै बस कुदाए।

उतिबेला ट्राफिक प्रहरी पनि धेरै थिएनन्। सडकमा यातायात नियमन र नियन्त्रण अहिले जति हुन्थेन तर सवारीचालक आफैंमा अनुशासित थिए। अहिले प्रहरी बढेका छन्, कडा कानुनहरु आइरहेका छन्। तैपनि चालक अनुशासनमा रहेको देखिन्न। हामी यात्री पनि घरको ढोकामै बसले झारिदिए हुन्थ्यो भनेजस्तो गर्छौं ।

सबैभन्दा बढी अराजकता सडकमै देखिन्छ र नियम कानुन पनि कसिला बन्दैछन् । तर, नियम र कानुनले मात्रै सडक व्यवस्थापन हुन सक्दैन भन्ने पुष्टि भइसकेको छ। अहिले लेन अनुशासन तोडेमा पन्ध्र सय रुपैयाँ जरिवाना र एक घण्टाको सचेतना कक्षा लिनुपर्ने सूचना जारी गरिएको छ ।

अझ, ट्राफिक नियम तोडेमा दश हजार रुपैयाँसम्म जरिवाना हुने सूचना लेखिएका बोर्ड सडकमै यत्रतत्र देखिन्छ । तैपनि नियम उल्लंघन गर्नेको संख्या घट्नुको साटो बढ्दो क्रममै छ । नियमले मात्रै हुँदैन, कार्यान्वयनमा जानैपर्छ भन्ने प्रमाणित यसबाट पनि भएकोे छ ।

अहिलेकै पूर्वाधार र संरचनामा रहेर काठमाडौं उपत्यकाको सवारी जाम पूरै हटाउन मुश्किल होला तर, ५० प्रतिशत कम गर्न सकिन्छ।

२०४० सालसम्म तीनकुनेमा बसस्टप थिएन। अहिले काठमाडौंमा कतै पनि बसस्टप छैन ! अर्थात् यात्रुले जहाँ उभिएर हात उठायो, त्यहीँ बसस्टप। ४० किलोमिटर प्रतिघण्टाको गतिमा गुडिरहेको बस यात्रुले हात उठाएपछि जहाँ पनि रोकिन्छ।

कतिपय बेला त चालकले बस छेउ पनि लगाउँदैनन्। बीचतिरै रोकिएको बसले पछाडि आइरहेका अरु सवारी साधनको बाटो छेकिदिन्छ। कतिपय त अघिल्लो गाडीमा ठोक्किन पुग्छन्।

के काठमाडौं उपत्यकामा निश्चित बसस्टप तोक्न सम्भव छैन त? बस स्टपभन्दा अन्यत्र रोकिएका सवारी साधनहरुलाई नियन्त्रणमा लिई कम्तीमा ६ महिना सवारी चलाउनै नपाउने गरी चालकसमेतलाई कारवाही गर्ने व्यवस्था गर्न सकिँदैन?

काठमाडौंभित्र बसस्टप भनिएका ठाउँहरुमा रोकिएका बसहरु हेर्ने हो भने थाहा हुन्छ, अधिकांश बस, माइक्रोबस छड्के पारेर रोकिएका हुन्छन्। यात्रु ओराल्न र चढाउन मात्र रोकिनुपर्ने ती सवारी साधन यात्रु पर्खेर बस्छन् ।

जथाभावी उछिन्दै गुड्ने माइक्रो बस होउन् वा नागबेली दौडिने मोटरसाइकल, दुर्घटना निम्त्याइरहेका छन् ।

सडकमा जाम बढ्ने मुख्य कारण चालकले लेन अनुशासन तोड्नु नै रहेको देखिन्छ। आजभोलि सीसीटीभी हेरेर लेन अनुशासन तोड्नेलाई कारवाही गरिएको समाचार यदाकदा सुनिन्छ। तर, यो प्रभावकारी भएजस्तो लाग्दैन ।

यसको कडा कार्यान्वयन हुने हो भने पनि जाम घटाउन ठूलो सहयोग हुनेछ। सडकमा प्रहरी उभिएर यो सम्भव छैन तर सीसीटीभी हेर्ने प्रहरीको संख्या बढाए सफलता हात लाग्न सक्छ ।

लेन अनुशासन तोड्ने बित्तिकै केही वर्षका लागि लाइसेन्स रद्द हुने व्यवस्था गरियो भने पनि लेन अनुशासन कायम गर्न ठूलो सहयोग पुग्नेछ। काठमाडौंका धेरै सडकमा सीसीटीभी जडान भएका छन्। अब प्रहरी सडकमा उभिएर भन्दा पनि सीसीटीभीमै चालकको व्यवहार हेरेर कारवाही थाल्न ढिलो गर्नु हुँदैन।


प्रकाशित: January 15, 2020 | 09:28:21 काठमाडौं, बुधबार, माघ १, २०७६

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
ब्लग

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।
नेपाल समय
ब्लग

हिमालको काखबाट राष्ट्रिय खेलकुद नियाल्दा

प्रतियोगिताको दोस्रो दिन बिहान खासै इभेन्ट थिएनन्। ढिलो गरेर ११ बजे रंगशाला पुग्दा सबै साथीहरू त्यहीँ भेटिए। फेवातालको छालमा टल्किइरहेका घामका किरण, माछापुच्छ्रेलगायतका हिमालमा ठोक्किएका घाम किरण, सिरसिरे हावा, पोखरापारिका रमणीय गाउँ अनि नौला खेलाडी, व्यवस्थापक र दर्शक हेर्दै बिहान बितेको थियो।
नेपाल समय
ब्लग

अनि दसैं आउँथ्यो गाउँमा

घर लिपपोत गरेपछि पनि हाम्रो दसैंको चटारो सकिन्थेन। विद्यालय र घरको लिपपोतपछि बल्ल गाउँ सफाइ अभियान चल्थ्यो। मेरो गाउँ मगर समुदायको बाहुल्यता भएको क्षेत्रमा पर्छ। त्यसैले त्यहाँ सामूहिकता बलियो थियो।
नेपाल समय
ब्लग

बलात्कारका बेला किन प्रतिवाद गर्न सक्दैनन् पीडित?

कुनै बेला पीडितको शरीर फ्रिज भएर बेहोसको अवस्थामा पुगिसकेका हुन्छन्। त्यसैले १ चोटी मात्र हैन ३-४ चोटी बलात्कार गर्दा पनि किन पीडित त्यही बसिरह्यो भन्ने प्रश्न गलत हो। यो फ्रिज भएकै आधारमा केटी किन चिच्याइन? ढोकामा चुकुल नलागेको बेला पनि किन भागेन? सबै व्याख्या हुन्छ।
नेपाल समय
ब्लग

सिंहदरबारलाई चिठ्ठी

तिम्रो निर्माणक्रममा बडाहाकिमहरु चाकु र मासको पिठोको थुप्रोमा थुक्दै र कुल्चँदै हिँड्थे रे। त्यसो गर्नुको कारण चाकु र मास चोरी नहोस् भनेर रहेछ। यसरी निर्माणक्रमबाटै यस्तो प्रकृया सुरु भएर हो कि किन हो यहाँबाट प्रवाहित सबै सेवामा हरेक सम्बन्धित सेवाप्रदायक र सेवाग्राही आज पनि चोर्न मात्र उद्दत छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना