सोमबार, असोज १७, २०७९

२०.६२ प्रतिशत लाभांश दिन सक्ने अवस्थामा हिमालयन बैंक

नेपाल समय  |  काठमाडौं, आइतबार, साउन २९, २०७९

नेपाल समय

नेपाल समय

आइतबार, साउन २९, २०७९, काठमाडौं

नेपाल समय

काठमाडौं- हिमालयन बैंकले गत आर्थिक वर्ष २०७८–०७९ को नाफाबाट सेयरधनीलाई २०.६२ प्रतिशत लाभांश दिन सक्ने देखिएको छ। बैंकले गत आर्थिक वर्षमा २ अर्ब ४८ करोड २१ लाख ३६ हजार रुपैयाँ खुद नाफा कमाएको छ।

अघिल्लो आर्थिक वर्षमा बैंकले २ अर्ब ९९ करोड ८६ लाख २३ हजार रुपैयाँ खुद नाफा कमाएको थियो। गत आर्थिक वर्षको नाफा र रिजर्भबाट आएको रकमबाट २०.६२ प्रतिशत लाभांश दिन सक्ने अवस्थामा बैंक छ। बैंकको वित्तीय विवरणअनुसार बैंकको वितरणयोग्य नाफा २ अर्ब ६६ करोड १५ लाख रुपैयाँ रहेको छ। बैंकका अनुसार रेगुलेटरी रिजर्भबाट ९ करोड ८९ लाख ७५ हजार फिर्ता  आएको छ। यसका साथै अघिल्ला वर्षमा उठ्न नसकेको रकम पनि फिर्ता आएछि बैंकलाई 'प्रोभिजनिङ'को भार पनि कम परेको हो। सम्भावित खराब कर्जाका लागि विनियोजित रकमलाई 'प्रोभिजिनिङ' भनिन्छ। प्रोभिजनिङमा भार कम पर्दा वितरणयोग्य नाफामा सकारात्मक असर परेको हो। 

अघिल्लो आर्थिक वर्षमा बैंकले २१.३८ प्रतिशत बोनस सेयर र ४.६२ प्रतिशत नगद गरी २६  प्रतिशत लाभांश दिएको थियो। सो आवमा लाभांश वितरणमा राष्ट्र बैंकले बाध्यकारी व्यवस्था गरी नगद वितरणमा कडाइ गरेको थियो। चालू आवमा भने लाभांश वितरणमा बाध्यकारी व्यवस्था लागू नहुने प्रष्ट पारिसकेकाले केन्द्रीय बैंकले लाभांशमा नगदलाई जोड दिने आकलन गरिएको छ। 

गत आवमा हिमालयन बैंकको खुद ब्याज आम्दानी बढेर ५ अर्ब १२ करोड रुपैयाँ पुगेको छ। अघिल्लो आवमा आम्दानी ३ अर्ब ७८ करोड थियो। त्यसैगरी गत आवमा बैंकको ब्याज आम्दानी बढेर १६ अर्ब ६८ करोड पुगेको छ। अघिल्लो आवमा यस्तो आम्दानी १० अर्ब ३७ करोड रुपैयाँ मात्र रहेको बैंकले जनाएको छ। 

गत आवमा फी र कमिसनबाट बैंकले खुद ९१ करोड ४९ लाख रुपैयाँ कमाएको थियो। अघिल्लो आवमा बैंकको यस्तो कमाइ ६९ करोड ८१ लाख रुपैयाँ मात्र थियो। बैंकले ६ अर्ब ३४ करोड रुपैयाँ खुद सञ्चालन नाफा कमाएको छ। अघिल्लो आवमा यस्तोमा नाफा ७ अर्ब २२ करोड रुपैयाँ मात्र थियो। 

त्यस्तै गत आवमा बैंकले १ अर्ब ७ करोड ८४ लाख रुपैयाँ कर तिरेको छ। खुद नाफामा आएको कमीसँगै कर रकम पनि घटेको हो। अघिल्लो आवमा बैंकले १ अर्ब २७ करोड रुपैयाँ कर तिरेको थियो। गत आवमा बैंकको खराब कर्जा ०.७७ प्रतिशत छ। अघिल्लो आवमा बैंकको खराब कर्जा ०.४८ रहेको थियो। 

त्यस्तै अघिल्लो आवको तुलनामा हिमालयन बैंकको लागत भने झन्डै दोब्बरले बढेको छ। अघिल्लो आवमा बैंकको लागत ४.६१ प्रतिशत रहेकोमा गत आवमा बढेर ८ प्रतिशत पुगेको छ। लागतका कारण पनि नाफामा कमी आएको बैंकको दाबी छ।

त्यस्तै बेस रेट पनि बढेर ९.८८ प्रतिशत पुगेको छ। अघिल्लो आवमा बैंकको बेस रेट ६.७४ प्रतिशत रहेको थियो। त्यस्तै स्प्रेड रेट पनि बढेर ४ प्रतिशत पुगेको बैंकले जनाएको छ। बैंकको प्रतिसेयर आम्दानी १९ रुपैयाँ १४ पैसा रहेको छ। बैंकको तरलता अनुपात २३.४८ प्रतिशत रहेको छ। 

नेपाल राष्ट्र बैंकले गरेको व्यवस्था अनुसार वाणिज्य बैंकको तरलता अनुपात २० प्रतिशतभन्दा कम हुनु हुँदैन। बैंकसँग जतिधेरै तरलता हुन्छ त्यति नै बैंक कर्जा प्रवाहका लागि सक्षम देखिन्छ। हिमालयन बैकको सिडी (कर्जा निक्षेप अनुपात) रेसियो पनि ८८.८० पुगेको छ। हालसम्म राष्ट्र बैंकले सीडीमा निक्षेप र डिबेन्चरलाई पनि मिसाउन दिएकोले हिमालयन सहज अवस्थामा देखिएको हो।

राष्ट्र बैंकका अनुसार सीडी रेसियो अनिवार्य रुपमा ८० प्रतिशत हुनुपर्छ। अघिल्लो आवमा बैंकको सीसीडी ८५.७४ प्रतिशत रहेको थियो। गत आवबाट मात्र राष्ट्र बैंकले सिडी रेसियो लागू गरेको हो। 

बैंकसँग हाल निक्षेप १ खर्ब ६८ अर्ब ४१ करोड रहेको छ भने १ खर्ब ४७ अर्ब ९९ करोड रुपैयाँ कर्जा प्रवाह गरेको छ। यस्तो निक्षेप तथा कर्जा अघिल्लो आवमा क्रमशः १ खर्ब ४१ अर्ब १ खर्ब २६ अर्ब रुपैयाँ रहेको थियो। 

त्यस्तै हिमालयन बैंकको सेयरपुँजी १२ अर्ब ९६ करोड ८७ लाख रुपैयाँ छ भने बैंकको रिजर्भ ६ अर्ब ४६ करोड ८७ लाख  रुपैयाँ रहेको छ। बैंकको रिजर्भ अघिल्लो आर्थिक वर्षभन्दा कम छ। अघिल्लो वर्ष बैंकसँग रिजर्भ ६ अर्ब ५१ करोड रुपैयाँ रिजर्भ रहेको थियो। 

आवश्यकता अनुसारको विशिष्ट सेवा प्रदान गर्ने, नयाँ प्रोडक्ट र सेवा लन्च गर्ने, नेटवर्कलाई थप मजबुत बनाएर नयाँ बिजनेस खोज्नका लागि लागिरहने पनि प्रतिबद्धता बैंकले जनाएको छ।


प्रकाशित: August 14, 2022 | 09:16:36 काठमाडौं, आइतबार, साउन २९, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
बैंक/बिमा

यस वर्षको दसैंमा साटिए ५५ अर्बका नयाँ नोट

१६ अर्ब रुपैयाँ बराबरका १ सय रुपैयाँभन्दा साना दरका र ३९ अर्ब रुपैयाँ बराबरका ५ सय र हजार दरका नोट साटिएको हो।
नेपाल समय
बैंक/बिमा

यस्तो छ आजको विनिमय दर, कुन मुद्रा कतिमा हुँदैछ खरिद-बिक्री?

राष्ट्र बैंकले अमेरिकी डलर एकको खरिद दर अधिकतम १२९ रुपैयाँ ८५ पैसा र बिक्री दर १३० रुपैयाँ ४५ पैसा कायम गरेको छ।
नेपाल समय
बैंक/बिमा

दसैं दक्षिणाले बिमा

बिमा कम्पनीहरुले विभिन्न प्रकारका बिमा पोलिसीहरु बिक्री गर्दै आइरहेका छन्। आफ्नो आम्दानी र बचत अनुसार बिमा पोलिसी गरिद गर्नुपर्छ।
नेपाल समय
बैंक/बिमा

यस्तो छ आजको विनिमय दर, कुन मुद्रा कतिमा हुँदैछ खरिद-बिक्री?

राष्ट्र बैंकले अमेरिकी डलर एकको खरिद दर अधिकतम १२९ रुपैयाँ ८५ पैसा र बिक्री दर १३० रुपैयाँ ४५ पैसा कायम गरेको छ।
नेपाल समय
बैंक/बिमा

कृषि विकास बैंकमा मागभन्दा कम उम्मेदवार पास

विभिन्न तहका लागि भएको परीक्षामा आवश्यक संख्यामा परीक्षार्थी उत्तीर्ण नभएपछि बैंकमा कर्मचारी नपाउने भएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना