सोमबार, मंसिर १९, २०७९

अनि दसैंमा गुन्जिन्छ 'रातो टीका निधारमा टलक्क टल्कियो'

नेपाल समय  |  काठमाडौं, मंगलबार, असोज १८, २०७९

नेपाल समय

नेपाल समय

मंगलबार, असोज १८, २०७९, काठमाडौं

नेपाल समय

काठमाडौं- ‘रातो टीका निधारमा टलक्क टल्कियो’। चलचित्र अल्लारेको गीत हो, यो। तीन दशक अगाडि बनेको चलचित्रको गीत आज पनि दसैं वरपर बजिहाल्छ। 

व्यावसायिक सोचले सिर्जना गरिएको गीत दसैं सान्दर्भिक होला भनेर कहिल्यै सोचेका थिएनन्, संगीतकार शम्भुजित बाँस्कोटाले। गीतकार सहदेव ढुंगनाले लेखेको गीतलाई संगीतकार बाँस्कोटाले संगीतबद्ध गरेका थिए। 

‘गीत राम्रो हुन्छ भन्ने लागेको थियो तर सदावहाद हुन्छ भन्ने लागेको थिएन’, कम्पोज गर्दाको दिन सम्झिँदै बाँस्कोटाले भने। 

आजको युवा पुस्तामाझ यो गीत लोकप्रिय होला भन्ने कल्पना पनि गरेका थिएनन् उनले। प्रेमसम्बन्धी धेरै गीत बनाए बाँस्कोटाले तर रातो टीका निधारमा भन्ने मुखडाले दर्शकको मन जितेको ठान्छन्। 

संगीतकार बाँस्कोटाले यो गीत संगीत गर्दा अलि फरक रहेको सम्झिन्छन्। गीतका टुक्का मीठा भए पनि खासमा माथिल्लो मुखडा यस्तै भने थिएन। प्रेमभाव आउने खाले गीतलाई बारम्बार नयाँ–नयाँ ट्युन बनाएको उनले सम्झिए, ‘रातो टीका निधारमा टलक्क टल्कियो भन्ने ठ्याक्कै थिएन। जब नयाँ ट्युन बनाउन थालियो अनि मुखडामा जोडियो।’

हुन त, आफ्नो सिर्जाना सबै हिट होस् भनेर काम गरिन्छ। तर कति हिट हुन्छ भन्ने अड्कल दर्शकले लगाइदिन्छन्। यो गीत अहिले पनि दर्शकको रुचिमा हुनु भनेको मौलिकतासँग जोडिएको ठान्छन्, संगीतकार बाँस्कोटा। नेपाली चलचित्र संगीतको इतिहासमा रातो टीका निधारमा छुटाउनै नसकिने गरी दर्शकमाझ लोकप्रिय बनेको बताउँछन्, बाँस्कोटा। भन्छन्, ‘दसैं मौलिक चाड हो। मौलिकतासँग हाम्रो आत्मीयता छ। त्यसैले दसैंमा यो गीत बज्छ। भोलिका भोलिसम्म बज्छ।’

ढुंगालाई माटोको भर, माटोलाई ढुंगाको भर एक अन्तरामा छ। यो शब्द सामान्य हो। ढुंगामाटो दैनिक जीवनसँग नजिक छ। निर्जीव वस्तुमा जीवन कल्पना गर्न सकिन्न। यही सेरोफेरोमा मायाप्रेम चलेको छ। बाँस्कोटाका अनुसार मायाप्रेमको गीत बनाउन खोजिएको थियो। पछि थेगोको रूपमा दसैं जोडियो। उनी भन्छन्, ‘चाडवाडसँग कति कनेक्ट छौं भन्ने भाव यो गीतले पनि बुझाउँछ। 

चलचित्रका गीत–संगीत प्रायः कम्पोजका क्रममा छलफल गरिन्छ। कस्तो ट्युनिङ ल्याउने, मास्टर धुन के बनाउने? कहाँबाट गीतको उठान गर्ने? सबै एकअर्काबीच छलफल हुन्छ। चलचित्र अल्लारेका निर्देशक अशोक शर्मा यो गीत संयोगले बनेको ठान्छन्। 

दसैं नेपालीको मौलिक चाड हो। मौलिकतासँग नेपाल मनको आत्मीयता जोडिएकाले पनि रातो टीका निधारमा टलक्क टल्कियो गीतले दसैंलाई सम्झाइरहने ठान्छन्, संगीतकार बाँस्कोटा।

दसैंका लागि गीत चाहियो भनेर लेखिएको थिएन। न त फिल्मको कथामा दसैं जोडिएको थियो। कथामै दसैं नभएपछि दसैंका गीत सोच्ने कुरै भएन। निर्माता शर्मा भन्छन्, ‘हामीले पहिला मौलिक प्रेमगीत खोजेका थियौं। पछि काम गर्दै जाँदा रातो टीका निधारमा जोडिन पुगेको हो।’

चलचित्र अल्लारेका अभिनेता तथा निर्मातासमेत रहेका शर्माले यो गीत तयार पार्न कुनै कसर बाँकी छाडेका थिएनन्। कम्पोज पनि मीठो भइदियो। शर्माका अनुसार यो गीत आज पनि बझ्नुको कारण लोक प्याट्रन ठान्छन्। 

अभिनेता राजेश हमाल र अभिनेत्री करिश्मा मानन्धर गीतमा प्रस्तुत भएका छन्। भनिन्थ्यो, राजेशले नाच्नै नआएर पनि राम्रो नाचेको जस पाएको गीत थियो, रातो टीका निधारमा टलक्क टल्कियो। 

अल्लारे चलचित्रबाटै नेपाली फिल्म उद्योगमा स्थापित भएका शर्मा करियरको टर्निङ प्वाइन्ट यो गीत पनि ठान्छन्। उनी भन्छन्, ‘चलचित्रलाई माथि उठाउन गीतले पनि भूमिका खेलेको हो।’

‘रातो टीका निधारमा’ शीर्षक राखेर अर्को चलचित्र बनाए। आफ्नै छोरा अंकित शर्मालाई नेपाली सिनेमामा प्रवेश गराए। पुरानै गीतलाई रिमेक भर्सनका रूपमा प्रयोग गरे। अनि नचाए अंकित र साम्रज्ञी, बुद्धि तामाङ, निता ढुंगाना, रवीन्द्र झा, जयनन्द लामा, वसुन्धरा भुसाल, खुश्बु खड्का, शिवहरि पौडेल, अरुणा कार्कीलगायतका कलाकारलाई।

गीत हिट भएकै कारण यो नामको फिल्म बनाउन हौसिएको स्वीकार्छन्, शर्मा। भन्छन्, ‘पचासको दशकमा फिल्मसँगै गीत पनि हिट भयो। गीतकै शीर्ष लाइनलाई फिल्मको नाम राखेर काम गरिएको हो।’

चलचित्र रातो टीका निधारलाई शर्माले दसैंका दिनमै प्रदर्शनमा ल्याएका थिए। अल्लारे चलचित्रमा गायक उमेश पाण्डे र रमना श्रेष्ठले गीत दिएका थिए भने रातो टीका निधारको शीर्ष गीतलाई गायक प्रमोद खरेल र मेलिना राईले गाए। 

शर्माको ‘रातो टीका निधारमा’ फिल्मले व्यावसायिक सफलता नपाए पनि गीतले आज र भोलिसम्म पनि सफलता पाइरहनेछ। ज्ब–जब दसैं नजिकिनेछ अनि गुन्जिनेछ, ‘रातो टीका निधारमा टलक्क टल्कियो!’



प्रकाशित: October 4, 2022 | 09:28:19 काठमाडौं, मंगलबार, असोज १८, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
संगीत

विराटनगरबाट सुरु भयो नेपथ्यको मानवताका लागि संगीत अभियान

अभियानको पहिलो ध्वनि शुक्रबार बेलुकी विराटनगरस्थित हाटखोला मैदानमा फैलिँदा हजारौं दर्शकको उत्साह मिश्रित आवाजले रंगेली जोड्ने सडक वरपरका सिंगो भेग गुञ्जायमान भए।
नेपाल समय
संगीत

राजा वीरेन्द्रलाई सरोद सुनाएर स्यावासी पाएका वज्राचार्य

प्रज्ञा प्रतिष्ठानको जागिर, काठमाडौं विश्वविद्यालयको कक्षा, रेडियो नेपालका प्रशिक्षक, पक्षी लाइभ कन्सर्टका गुरु वज्राचार्य अहिले पनि सरोदकै तारमा औंलाहरू खेलाइरहन्छन्।
नेपाल समय
रचना

एक्काइसौं शताब्दीलाई सुकुम्बासी भ्रुणको गाली

विनोदविक्रम केसीको कविता 'एक्काइसौं शताब्दीलाई सुकुम्बासी भ्रुणको गाली'
नेपाल समय
कला/साहित्य

नाटक महोत्सवमा चुनाव र विश्वकपको प्रभाव

कोरोनाले थलिएको नाटक विधा विस्तारै लयमा फर्किन थाले पनि आमनिर्वाचन र विश्वकपका कारण दर्शकको उपस्थिति पातलिएको हो।
नेपाल समय
कला/साहित्य

कला–संस्कृतिमा नेपाल विश्वकै समृद्ध : प्रधानमन्त्री देउवा

कला र संस्कृति सिर्जनाको संरक्षण र सम्वद्र्धन गर्दै विश्व मानचित्रमा नेपालको विशिष्ट पहिचान बनाउन सबैको पहल जरुरी रहेको प्रधानमन्त्री देउवाको धारणा।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना