मंगलबार, माघ ११, २०७८

महिला हिंसाका कथा बोल्छन् सुप्रियाका चित्रहरू

नेपाल समय  |  काठमाडौं, बिहीबार, मंसिर १६, २०७८

नेपाल समय

नेपाल समय

बिहीबार, मंसिर १६, २०७८, काठमाडौं

नेपाल समय

काठमाडौं- बाल्यकालमा कथा खुबै सुन्थिन्, सुप्रिया पाण्डे। आमाले सुनाएका बालकथा एकादेशका लाग्थे उनलाई। जब हुर्किंदै गइन्, आमाले सुनाएका कथामा वास्तविकता पनि भेटिने रहेछ भन्ने लाग्न थाल्यो उनलाई। 

सानैदेखि चित्र कोर्न रुचि राख्ने सुप्रियाका लागि आमाले सुनाएका महिलाका कथा चित्रका 'थिम’ बने। उनले पहिलो पटक बनाएको चित्र गर्वभती महिलाको थियो। आफ्नो पेटभित्र हुर्कंदै गरेको शिशुसँग कुराकानी गरेको भाव व्यक्त गर्ने उक्त तस्बिरमा आमाले आफ्नै पेटलाई वात्सल्य दृष्टिले नियालिरहेकी देखिन्छिन्, ती देवी अर्थात् आमा। यो चित्र उनले दुई वर्ष पहिले नै बनाएकी हुन्। बिहीबार नेपाल आर्ट काउन्सिलमा सुरु भएको एकल चित्रकला प्रदर्शनीमा १६ वर्षीया पाण्डे आफ्ना साथीलाई आफूले पहिलोपटक बनाएको चित्रको बारेमा व्याख्या गर्दै थिइन्। 


 

सुरुसुरुमा प्रकृतिका चित्र कोर्थिन् उनी। विस्तारै उनलाई समाज र मानवीय पक्षलाई चित्रका विषयवस्तुले तान्न थाल्यो। महिला हिंसा र विभेदका विरुद्धका आवाज चित्रमार्फत् व्यक्त गर्न थालिन्। यस्तै अर्को चित्र कोरिन् र नाम दिइन्- 'महिला हिंसाः भ्रुणदेखि घाटसम्म।'

प्रदर्शनीमा ३० वटा चित्र छन्। यी सबै चित्रमा महिला हिंसाविरुद्धको भाव झल्किन्छ। विशेष गरेर 'पर्पल कलर'मा चित्र कोर्न रुचाउने सुप्रिया आफ्ना चित्रले कतिसम्म न्याय गर्लान् भन्ने चिन्ताले डसेको बताउँछिन्। भन्छिन्, ‘चित्र बनाउन खोज्दा कति न्याय गर्न सक्छु र कति सत्यभाव व्यक्त गर्न सक्छु भन्ने हुन्छ।’ 

चित्रको ‘थिम कथा’ 

सुप्रियाका चित्रमा महिलाका पीडा देखिन्छन्, महिलामा पनि विभेदको सिकार भएकाहरू। दाइजो प्रथाका कारण शारीरिक तथा मानसिक यातना र दाइजोका नपाएको कारण जल्नु परेको पीडा उनका चित्रमा देख्न सकिन्छ। गृहिणीका नाममा महिलालाई घरमै सीमित राख्ने पितृसत्तात्मक समाजविरुद्ध उनका चित्रले खबरदारी गर्छन्। 

नेपाली समाजमा महिलाले भोग्नु परेको पीडालाई उनले रङमार्फत् जनचेतनामूलक फैलाउने प्रयास गरेकी छन्। ‘एक्रीलिक कलर’बाट बनेका चित्रमा 'डार्क कलर'को बाहुल्यता छ। 

सुप्रिया आफ्ना चित्रकलामा परिवारको सहयोग पनि ठान्छिन्। उनी भन्छिन्, ‘ड्याडीममीको सहयोग नभएको भए आफ्ना चित्रलाई न्याय गर्न सक्थिनँ होला।’


जनस्वास्थ्यविद् डा. रवीन्द्र पाण्डे बच्चाको रुचि बुझेर सहयोग गर्नुपर्ने बताउँछन्। ‘सानैदेखि छोरीको आकर्षण चित्रकलामा थियो। ६ वर्षदेखि चित्र कोर्थिन्। हौसला दिँदै जाँदा निखारिँदै गइन्,’ सुप्रियाका बुबा पाण्डेले भने। 

 महिला हिंसाजस्तो संवेदनशील विषयवस्तुलाई उनले आफ्ना चित्रमार्फत् बुझाउने कोसिस गरेको बताउँछन् वरिष्ठ कलाकार तथा कुलपति केके कर्माचार्य। उनी भन्छन्, ‘एक्काइसौँ शताब्दीमा आइपुग्दा पनि महिलाले सहनु र भोग्नु परेको घरेलु तथा सामाजिक महिला हिंसालाई आफ्नो विषयवस्तु बनाएर चित्रकलामार्फत् जनचेतना सहयोग पुग्ने भएको छ।’

समाजले महिलामाथि गर्ने क्रुर व्यवहारलाई सुप्रियाले रेखा र रङमार्फत् क्यानाभासमा उतारेको बताउँछन्, कलाकार रवीन्द्र मानन्धर। उनी भन्छन्, ‘कलर कम्बिनेसनमा काफी मेहनत गर्नु पर्ने देखिए पनि चित्रकलाका आधारभूत शिक्षासँगको साक्षात्कारपछि छोटो समयमै निखारिएकी कलाकार हुन्, सुप्रिया।’ 

टिम नेपोका भाइबहिनीको स्वयंसेवामा आयोजना गरिएको कला प्रदर्शनी मंसिर १८ गतेसम्म चल्नेछ। प्रदर्शनीमा बिक्री भएका पेन्टिङबाट प्राप्त रकम कर्णालीका बालबालिकाको शिक्षा, आर्ट सामाग्री वितरण र आर्ट प्रशिक्षण समर्पित गर्ने सुप्रिया बताउँछिन्। 



प्रकाशित: December 2, 2021 | 17:41:01 काठमाडौं, बिहीबार, मंसिर १६, २०७८
नेपाल समय

नेपाल समय

नेपाल समय
काठमाडौं, बिहीबार, मंसिर १६, २०७८

थप समाचार

ढाका फिल्म फेस्टिभलमा दुई नेपाली फिल्मलाई निर्देशक र स्क्रिप्टको अवार्ड

फेस्टिभलको ‘वेस्ट मिट्स इस्ट स्क्रिनप्ले ल्याब’अन्तर्गत किरण पोखरलेको ‘पुतलीको सपना’ले उत्कृष्ट स्क्रिप्टको अवार्ड जित्दा सुजित बिडारीको ‘ऐना झ्यालको पुतली’ले एसियन सिनेमा विधातर्फ उत्कृष्ट निर्देशकको अवार्ड पाएको हो।

कोरोना प्रभाव : दुई युनिटमा बाँडिएर छायांकन हुँदै सौगात मल्लको ‘लाखे’

ठूला बजेटमा निर्माण हुने भनिएका फिल्महरु ‘एक्स ९’ र ‘सत्यम्’ अझै फ्लोरमा जान नसकिरहेका बेला ‘लाखे’ले भने दुई युनिटमा बाँडिएर भएपनि छायांकनलाई निरन्तरता दिएको हो। यो फिल्मको अहिले उपत्यकामा छायांकन भइरहेको छ।

भोजपुरी स्टार निरहुआसँग फिल्म गर्दै शिल्पा पोखरेल

विराज भट्ट भोजपुरी सिनेमामा आफूलाई स्थापित गर्न सफल नेपाली कलाकार हुन्। पछिल्लो समय यही दौडमा छिन् अभिनेत्री शिल्पा पोखरेल।

दासप्रथा उन्मूलनमा हस्ताक्षर गर्दा काँपेको लिंकनको हात

चालिस लाख मजदुरहरूलाई मालिक र सामन्तहरूको माखेसाङ्लोबाट मुक्त गर्न सकिएमा श्रमिकहरू ठूलो फौज तयार हुने कुरामा ती दुवै राष्ट्रका पुँजीपतिहरू विश्वस्त हुन थालेका थिए।

कापुचे कलायात्रा : कुचि चोप्‍न नभ्याउँदै आइस बन्थ्यो पानी

प्रकृतिको अनुपम उपहारमध्येको एक कास्कीको ‘कापुचे लेक’लाई क्यान्भासमा कैद गर्न पुगेका भक्तपुरका दुई कलाकार क्यान्भासमा नौला सिर्जनाका साथै अनुपम अनूभूति बोकेर राजधानी फर्किएका छन्।

गायिका समीक्षा भन्छिन्- समय आउँदैछ, यथार्थ खुलाउनेछु

बिहीबार फेसबुकमा पुरानो स्टाटसलाई कोट गर्दै उनले लेखेकी छन्, 'अब समय आउँदैछ, यथार्थ खुलाउनेछु।'

ट्रेंडिंग

नेपाल समय
राजनीति

सभापतिमा देउवाको एक महिना, देखिएन सुध्रिने संकेत

‘पार्टीमा पुस्तान्तरणको एजेन्डा सेट भएको छ। रुपान्तरणको सन्देश महाधिवेशनले दिएको छ। पदाधिकारीमा युवाहरुको प्रवेश भइसकेको छ। अब सभापतिजी विधि र पद्धती अनुसार नै चल्नुहुन्छ भन्‍ने लागेको थियो। तर, उहाँको कार्यशैलीमा सुधारको छाँट देखिएन,’ ती पदाधिकारी भन्छन्, ‘प्रश्न उठाउँदा झपार्नुहुन्छ। बोल्न दिनुहुन्‍न, अनि कसरी सुधारको अपेक्षा राख्‍ने?’
नेपाल समय
समाज

काठमाडौंका गेस्ट हाउस : महिलाका लागि असुरक्षित बन्न थालेका हुन्?

'घटना बढ्दै गएपछि हामीले गेस्ट हाउसमाथि निगरानी बढाएका छौं। गेस्ट हाउस छिर्दा र बाहिरिने ठाउँमा सीसी क्यामेरा अनिवार्य रुपमा लगाउन निर्देशन दिएका छौं।'
नेपाल समय
समाज

काठमाडौंको सुन्धाराबाट 'दंगाली छोटे डन' पक्राउ, यस्ता छन् कसुरका शृंखला

'दङ्गाली छोटे डन' उपनामले परिचित विकास पुन काठमाडौंबाट पक्राउ परेका छन्। प्रहरीको केन्द्रीय अनुसन्धान ब्युरोले उनलाई काठमाडौंको सुन्धारास्थित होटल भ्यू ग्लोबलमा लुकीछिपी बस्दै आएको अवस्थामा सोमबार पक्राउ गरेको हो।
नेपाल समय
समाज

इतिहासमा आज : अमेरिकी राज्यमा राजतन्त्रको अन्त्य, जापानमा शक्तिशाली भूकम्प

आज सन् २०२२ जनवरी १७। विश्‍वभर आजका दिनमा भएका महत्वपूर्ण घटनाहरुलाई यहाँ समेटेका छौं।
नेपाल समय
राजनीति

चुच्चे नक्सामा बढ्यो भारतको हैकम, कूटनीतिक पहलमा यसरी पन्छियो सरकार

'सरकारको प्रवक्ताले बोल्ने त एउटा कुरा भयो, अर्को परराष्ट्र मन्त्रालयले कूटनीतिक नोट पठाउनुपर्थ्यो। अर्को कुरा भारतीय दूतावासले विज्ञप्ति निकालेपछि दिल्लीस्थित नेपालको दूतावासले विज्ञप्ति निकाल्नुपर्थ्यो।'

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2022. Design & Development by Cn’C