मंगलबार, कार्तिक २, २०७८

बेइजिङमा फेरि जग्मगायो अरनिकोको चिनो [भिडियो]

नेपाल समय  |  काठमाडौं, बुधबार, भदौ ३०, २०७८

नेपाल समय

नेपाल समय

बुधबार, भदौ ३०, २०७८, काठमाडौं

बेइजिङ– नेपाल–चीन मित्रताको एउटा जिउँदो साक्षी हो वास्तुशास्त्री अरनिकोले बनाएको श्वेतचैत्य, जुन बेइजिङको केन्द्रभागमा छ। करिब ५१ मिटर अग्लो यो सम्पदा कुनै बेला चीनको सबैभन्दा अग्लो टावर थियो।

७४० वर्ष लामो इतिहास बनाएको यो सम्पदा युआन राजवंशकालमा (सन् १२७१ मा) सम्राट कुब्लाई खाँले बनाउन लगाएका थिए। १२७९ मा चिनियाँहरूका लागि अनौठो, अग्लो र शानदार प्यागोडा टावर खडा भयो, जुन अहिलेसम्म पनि जीवित छ। 

पटक पटक गरेर यसको जीर्णोद्धार गरिएको छ, तर यसलाई कहिल्यै पनि ध्वस्त हुन दिइएन। यसको अर्थ नेपाल–चीन मैत्री प्रतीकको रूपमा यसले दुवै देशलाई घनिष्ठ बनाइराखेको छ। यहाँ नेपालीहरूले निःशुल्क प्रवेश पाउँछन्। पछिल्लो पटक श्वेतचैत्य जीर्णोद्धार गरिएपछि नयाँ स्वरूपमा सार्वजनिक भएको छ। 

युआन राजवंशको ९० वर्षे शासनकालमा इतिहास, संस्कृतिको रक्षा भयो भने मंगोलियाली, तिब्बती र हान संस्कृतिको गहिरो आदान प्रदान भयो। सन् १३६८ मा बेइजिङमा भीषण आगलागी भएको थियो। श्वेतचैत्य युआन राजधानीको उत्थान र पतनको साक्षी भयो। 

अभिलेख अनुसार मिङ राजवंशमा श्वेतचैत्यको जीर्णोद्धार ५ पटकसम्म गरिएको थियो– १४५३, १४५७, १४६५, १५०५ र १५८७ मा। प्राचीन तिब्बती शैलीका कारण श्वेतचैत्य अद्वीतिय र लोकप्रिय भयो। छिङ वंशको खाङसी (१६६८), छियानलोङ (१७५३) र (१७७६) गरी ३ पटक श्वेतचैत्यको जीर्णोद्धार गरिएको थियो। 

सन् १९१२ मा चीनमा राजतन्त्रको अन्त्य भएर गणतन्त्र आयो। चीनभरि युद्ध र अस्थिरताका कारण भिक्षुहरूलाई चैत्य छोडेर अन्यत्रै बस्न उर्दी जारी गरिएको थियो। बेलाबेलामा धार्मिक वा बजारमूलक मेलाहरूको प्रदर्शनी गर्न थालियो। प्रदर्शनीको मात्रा यस्तरी बढ्दै गयो कि श्वेतचैत्य पनि ४ प्रमुख ठूला प्रदर्शनीस्थलमध्येको एक भयो। त्यहाँ प्रदर्शनीमूलक गतिविधिहरू निरन्तर चलिरहे। सन् १९३०–१९४० को दशकमा कलाकारहरूले प्रदर्शन गर्ने आकर्षक स्थल बन्यो यो। त्यसपछि सन् १९५० सम्म त्यो पूर्ण रूपमा बन्द भएर रह्यो। 

गणतन्त्र चीन स्थापनाको १३औँ वर्षगाँठ (१९२४)मा मंगोलियाली राजकुमारी र केही सम्भ्रान्तहरूले टावरको मर्मतका लागि सुन लगायत सामग्री दान गरेका थिए। १९३७ सम्म राजधानीको सम्पदाको जीर्णोद्धारको क्रम चलिरह्यो। 

सन् १९४९ मा जनगणतन्त्र चीन अर्थात् नयाँ चीनको स्थापनापछि यो एतिहासिक धरोहरको अझ ठूलो महत्व रह्यो। चीनमा भएको सांस्कृतिक क्रान्तिको अवधिमा यसलाई क्षतविक्षत हुनबाट बचाइयो। र, हाल चीन र नेपालबीचको घनिष्ठ मित्रताको सेतुको रूपमा चीनले पनि उच्च महत्व दिएको सम्पदाको रूपमा यो बेइजिङको केन्द्रमा उभिइरहेको छ।


प्रकाशित: September 15, 2021 | 15:45:00 काठमाडौं, बुधबार, भदौ ३०, २०७८
नेपाल समय

नेपाल समय

नेपाल समय
काठमाडौं, बुधबार, भदौ ३०, २०७८

थप समाचार

हिमाली भेगमा यसरी भइरहेको छ बलिउड फिल्म 'उचाइ' को छायांकन

गत ४ अक्टोबरदेखि नेपालमा भारतीय फिल्म उचाइको छायांकन भइरहेको छ। काठमाडौंमा दुई दिनको छायांकन सकाएर हिमाली भेगतर्फ प्रस्थान गरेको टोलीले लुक्ला र नाम्चेको सुन्दरता कैद गरिरहेको छ।

'प्रभाव'मा खुलेका प्रकाश र साम्राज्ञी

यस वर्षको दसैंको मुख्य दिन (टीकाको दिन) गायक प्रकाश विक्रम थापाको 'प्रभाव' बोलको गीत सार्वजनिक भएको छ।

प्रियंका चोपडा : विदेशी गर्ल!

बलिउडमा देशी गर्लको उपनाम पाएकी एक्ट्रेस हुन्, प्रियंका चोपडा।

बलिउड कलाकारहरुको आग्रह : सपरिवार फिल्म हेर्न हलमा आउनुहोस्

कोरोना भाइरसको कारण ठप्प फिल्मी क्षेत्र विस्तारै चलायमान हुँदैछ। पछिल्लो समय भारतको सम्पूर्ण प्रान्तमा फिल्म हल खुलेपछि यो क्षेत्र विस्तारै पहिलेकै लयना फर्किने तयारीमा छ।

२० वर्षपछि 'गदर' को सिक्वेल घोषणा

सनी देओलको सफल फिल्म मध्येको एक हो ‘गदर : एक प्रेम कथा’। यसै फिल्ममार्फत सनीले अवार्ड मात्र जितेनन्, उनले हिन्दी फिल्मले गर्न सक्ने व्यापारको आंकडा पनि तय गर्‍यो।

माधुरी दीक्षितको जीवनमा 'तेजाब' कोशेढुंगा

अभिनेत्री माधुरी दीक्षितलाई नृत्यमा निपूर्ण मानिन्छ। उनले गर्ने नृत्य र त्यसमा दिने एक्सप्रेसनले दर्शक मोहित हुने गर्छन्।

ट्रेंडिंग

नेपाल समय
समाज

४४ वर्षीया महिलालाई बलात्कार गरेको आरोपमा १७ वर्षीय किशोर पक्राउ

४४ वर्षीया महिलालाई बलात्कार गरेको अभियोगमा बन्दीपुर गाउँपालिका-२ पौवा बस्‍ने १७ वर्षीय किशोर पक्राउ परेका छन्।
नेपाल समय
शिक्षा

१२ पछि के पढ्ने? यस्ता छन् विकल्प

१२ पछि के पढ्ने? विकल्प धेरै छन् भविष्य खोज्दै विद्यार्थी
नेपाल समय
फुटबल

साफ फाइनलमा नेपाल भारतसँग पराजित

साफ च्याम्पियनसिपअन्तर्गत शनिबार माल्दिभ्सको राजधानी मालेमा भएको फाइनलमा भारतले नेपाललाई ३–० गोलले पराजित गर्दै उपाधि जितेको हो।
नेपाल समय
फुटबल

साफ फाइनल : नेपालको सुरुवाती ११ सार्वजनिक

गोलरक्षकमा कप्तान किरण चेम्जोङले नै निरन्तरता पाएका छन्। डिफेन्डरतर्फ अनन्त तामाङ र दिनेश राजवंशीले सेन्टर डिफेन्स तथा विंगब्याकमा गौतम श्रेष्ठ र सुमन अर्याल खेल्नेछन्।
नेपाल समय
विदेश

दुर्गा पूजा पण्डालमा तोडफोडपछि बंगलादेशमा हिंसात्मक प्रदर्शन

बंगलादेशमा दुर्गा पूजा पण्डालमा तोडफोडपछि बंगलादेशमा हिंसात्मक प्रदर्शनहरु भएका छन्। शुक्रबार हिन्दु मन्दिर र दुर्गा पूजा पण्डालमा तोडफोड भएपछि राजधानी ढाका र नोआखालीमा प्रदर्शनहरु भएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C