सोमबार, असोज ४, २०७८
  • गृहपृष्ठ
  • समाज
  • काठमाडौंमा प्रहरी 'आतंक' : काम देखाउन सर्वसाधारण उठाउँदै, मुद्दा चलाउँदै

काठमाडौंमा प्रहरी 'आतंक' : काम देखाउन सर्वसाधारण उठाउँदै, मुद्दा चलाउँदै


नेपाल समय
नेपाल समय | काठमाडौं, बुधबार, भदौ १६, २०७८

काठमाडौं- साउन ३० गते दिउँसोको १२ बज्नै लागेको थियो। सुन पसल व्यवसायी पवन विक काठमाडौंस्थित रत्नपार्कको बाटो हुँदै न्यूरोडमा रहेको आफ्नो पसलतिर लम्किरहेका थिए। आकाशेपुल छेउ रत्नपार्कमा उभिइरहेकी एक महिलाले आफूतिर इशारा गर्दै उनलाई बोलाइन्। 

‘हजुर! भन्नू न,’ ती महिलाको छेउमा पुगेर जवाफ के फर्काउँदै थिए, महानगरीय प्रहरी वृत्त सिंहदरबारको भ्यान अगाडि आएर रोक्कियो। पवनले ठाने, ‘केही गल्ती गरेको छैन, किन डराउने?’

तर, प्रहरीले यौनकर्मीसँग डिल गरेको आरोप लगाउँदै पवन र ती महिला दुवैलाई पक्राउ गर्‍यो। मेडिकल परीक्षणका लागि वीर अस्पताल लगियो। त्यसपछि सिधैँ, सिंहदरबार वृत्तको हिरासत। 

‘प्रहरीले त्यसै समातेको देख्दा म त अचम्ममा परेँ,’ ११ दिनको हिरासत बसाइपछि धरौटी तिरेर निस्किएका पवन भन्छन्, ‘मलाई त त्यही दिन छोड्छ भन्ने लागेको थियो, तर छोडेन। भोलिपल्ट बिहान छोड्नै लागेको थियो, तर डिएसपीले यसलाई मुद्दा चलाउनु भनेपछि एक्कासी अभद्र व्यवहारमा मुद्दा चलाइयो। मेरी सुत्केरी श्रीमती काखीमा नानी च्याप्दै 'छोड्दिनुस्' भनेर मेरो रिहाइका लागि अनुरोध गर्न प्रहरी कार्यलयसम्म आइपुगेकी थिइन्। तर, छाडेनन्, मुद्दा चलाएरै छाडे।’

000

भक्तपुर, सूर्यविनायक बस्ने राजकुमार श्रेष्ठ कामविशेषले भदौ ७ गते अनामनगर आएका थिए। साँझको त्यस्तै साढे ८ बजेको थियो। अनामनगरस्थित एक खाजाघरमा साथीसँग चिया पिउँदै गफ गरिरहेका थिए उनी। जिल्ला प्रशासन कार्यलयले ८ बजेपछि ‘कोरोना नियन्त्रण’का लागि भन्दै पसल, रेस्टुरेन्ट बन्द गर्न आदेश दिएको छ। त्यही कारण साहुजीले चिया पसलको सर्टर बन्द गरिसकेका थिए। तर, ढोका ढकढक्याएर बाहिरबाट डिएसपी भरत श्रेष्ठको नेतृत्वमा प्रहरीको एक हुल टोली त्यहाँ आइपुग्यो। डिएसपीले आदेश दिए, ‘साहुजी, कस्टमर सबैलाई गाडीमा हाल्, कसैलाई छाड्नुहुन्न।’

सिंहदरबार वृत्तमा कार्यरत एक प्रहरीले भने, ‘माथिबाट आज कति मान्छे उठाइस् भन्दै हरेक दिन रिपोर्टिङ खोज्छन्। हिरासत रित्तै भयो भने के हेरेर बसिराछस् भन्दै थर्काउँछन्। त्यही कारण पनि डिएसपी सा’ब आफैँ ड्युटीमा तात्नुभएको छ।’

‘मैले डिएसपीलाई धेरैपटक अनुरोध गरेँ, 'सर चिया पिउन आएका हौँ, हामी कोरोनाप्रति सचेत छौँ, गइहाल्छौँ, एकपल्टलाई छाड्दिनुस्' भनेँ,’ पीडित राजकुमारले भने, ‘तर, डिएसपीले एक शब्द सुनेनन्। न माइकिङ गरे। न सचेत गराए। सिधैँ हत्कडी लगाएर वीर अस्पताल पुर्‍याए, अनि हिरासतमा हाल्दिए। कहिल्यै हिरासत नबसेको मान्छेलाई प्रहरीको यस्तो व्यवहारले कस्तो मनोवैज्ञानिक असर पर्ला, तपाईं आफैँ सोच्नुस् त!’

000

यी त प्रतिनिधि उदाहरण मात्रै हुन्, यदि तपाईं राति ८ बजेपछि कुनै काम विशेषले हिँडिरहनुभएको छ, कतै रेस्टुरेन्टमा खाजा खाइरहनुभएको छ या पानी परेर कतै ओत लागिरहनुभएको छ भने पनि सचेत रहनुपर्ने भएको छ। काठमाडौं प्रहरीले थुन्न सक्छ। कारण, यतिखेर काठमाडौंको प्रहरीले ‘स्विप अपरेसन’ या ‘कोरोना नियन्त्रण’को नाममा आफ्नो काम देखाउन र अंक बढाउनका लागि सर्वसाधारणलाई उठाउँदै मुद्दा चलाइरहेको छ। 

एक प्रहरी अधिकारीका अनुसार यतिखेर काठमाडौंका प्रहरी वृत्तहरूबीच ‘कसले धेरै मान्छे उठाउने’भन्ने प्रतिस्पर्धा चलिरहेको छ। सिंहदरबार वृत्तमा कार्यरत एक प्रहरीले भने, ‘माथिबाट आज कति मान्छे उठाइस् भन्दै हरेक दिन रिपोर्टिङ खोज्छन्। हिरासत रित्तै भयो भने के हेरेर बसिराछस् भन्दै थर्काउँछन्। त्यही कारण पनि डिएसपी सा’ब आफैँ ड्युटीमा तात्नुभएको छ।’

अहिले एकै दिन एउटा वृत्तले ५० देखि १ सय जनासम्म सर्वसाधारण उठाइरहेको प्रहरी श्रोत बताउँछ। ‘तर, राति राखेर भोलिपल्ट छाडिनेको संख्या धेरै छन्, मुद्दा कमैलाई चलाइन्छ, त्यसैले डाटा माग्दा प्रहरीले ज-जसको मुद्दा चल्यो, त्यतिको डाटा मात्रै भनिरहेका छन्,’ काठमाडौंमा कार्यरत एक प्रहरी अधिकृतले भने।  

काठमाडौंका प्रहरी वृत्त प्रमुखहरु भने महानगरीय प्रहरी परिसर टेकुका एसएसपी अशोक सिंहले नै आफ्नो काम देखाउन र अंक बढाउनका लागि ‘स्विप अपरेसन’का नाममा सर्वसाधरण उठाउन दबाब आएको अनौपचारिक भेटघाटमा स्वीकार्छन्।

महानगरीय प्रहरी वृत्त सिंहदरबारका डिएसपी दिनहुँ ७–८ देखि १०–१२ जना मान्छे उठाइरहे पनि कसैलाई दुर्व्यवहार नगरेको बताउँछन्। ‘हामी सुरुमा सम्झाउँछौँ, सम्झाउँदा लागेन भने मात्रै थुन्ने हो,’ उनले भने। तर, अनामनगरका व्यवसायी तथा सर्वसाधरण भने डिएसपी श्रेष्ठले माइकिङ पनि नगरिकन, चेतावनी पनि नदिइकन सिधैँ लगेर थुन्ने गरेको आरोप लगाइरहेका छन्। 

काठमाडौंका प्रहरी वृत्त प्रमुखहरु भने महानगरीय प्रहरी परिसर टेकुका एसएसपी अशोक सिंहले नै आफ्नो काम देखाउन र अंक बढाउनका लागि ‘स्विप अपरेसन’का नाममा सर्वसाधरण उठाउन दबाब आएको अनौपचारिक भेटघाटमा स्वीकार्छन्। ठमेल आसपास त राति ८ बजेपछि प्रहरीले बाटोमा हिँडेको देख्यो भने पनि पक्रने आदेश रहेको सोह्रखुट्टे वृत्तमा कार्यरत एक सिपाहीले सुनाए। ‘हामीलाई निर्दोष छन्, हिरासतमा हाल्न हुन्न भन्ने लाग्दालाग्दै पनि हाकिमको दबाबमा पक्रनु परेको छ,’ ती सिपाहीले विवशता सुनाए। 

तर, वृत्त प्रमुख डिएसपी दुर्गाप्रसाद दाहाल आफूले इमर्जेन्सीमा हिँडेका सर्वसाधारणलाई नथुनेको, उल्टै सहयोग गरेको दाबी गर्छन्। ‘इमर्जेन्सीमा हिँडेकालाई त हामी सहयोग गर्छौँ, त्यसरी दुःख दिएका छैनौँ। 'जेन्युन' समस्यामा हामीले कसैलाई समातेका छैनौं। कोभिडका बेला मापसे गर्ने, होहल्ला गर्नेलाई मात्रै समातिरहेका हौँ,’ उनले भने। 

यस विषयमा महानगरीय प्रहरी कार्यालय रानीपोखरीका प्रमुख एआईजी हरिबहादुर पालसँग सम्पर्क गर्दा उनले प्रहरीको माथिल्लो नीति सर्वसाधारणलाई दुर्व्यवहार गर्ने र जथाभावी पक्राउ गर्ने नरहेको बताउँछन्। ‘लोकल लेभल'मा कँहीकतै सर्वसाधारणलाई अनावश्यक पक्राउ गर्ने र दुःख दिने काम भएको छ भने म तत्काल काठमाडौंको एसएसपी अशोक सिंहलाई सच्याउन निर्देशन दिन्छु,’ उनले भने, ‘काठमाडौं प्रहरीले 'स्विप अपरेसन' चलाइरहेको छ। तर, स्विप अपरेसनका नाममा निर्दोष मान्छेलाई नथुन्न मैले यसअघि नै निर्देशन दिइसकेको छु।’

‘हामीलाई निर्दोष छन्, हिरासतमा हाल्न हुन्न भन्ने लाग्दालाग्दै पनि हाकिमको दबाबमा पक्रनु परेको छ,’ ती सिपाहीले विवशता सुनाए। 

यता महानगरीय प्रहरी परिसर प्रमुख एसएसपी अशोक सिंह भने पटकपटक सम्झाउँदा पनि नमान्नेहरूलाई मात्रै आफूहरुले पक्राउ गरिरहेको बताए। ‘सञ्चालकले तोकेको समयमा पसल बन्द गर्नुस् भनेपछि गर्नुपर्छ,’ उनले भने, ‘हामी बारम्बर माइकिङ गरिरहेका छौँ, त्यसलाई मान्नुपर्छ । तर, जथाभावी नियन्त्रणमा लिइएको छ भने त्यो गलत हो। तर, ढंग नपुगेर निर्दोष मान्छेलाई पनि हिरासतमा ल्याइएको हुन सक्छ। कुनै पनि वृत्तले त्यस्तो अनावश्यक हैरानी दिएको छ भने म तत्काल सच्याउन निर्देशन दिन्छु।’ 

सर्वसाधारणलाई अनावश्यक दुःख दिने हाम्रो नीति छैन : एआइजी हरि पाल
प्रमुख, महानगरीय प्रहरी कार्यालय, रानीपोखरी

साँझ ८ बजेपछि रेस्टुरेन्ट, पसल नखोल्ने जिल्ला प्रशासनको निर्णय छ। तैपनि व्यवहारिक हिसाबले ९ बजेसम्म खोल्न दिऔं भन्ने नै हाम्रो नीति छ। तर, मान्छेलाई दुःख दिने, अनावश्यक 'ह्यारेस' गर्ने हाम्रो निर्देशन छैन। लोकल लेभलमा कहीँ कतै त्यस्तो भएको छ भने म तत्काल काठमाडौं एसएसपी अशोक सिंहसँग बुझ्छु। कतै गल्ती गरेका छन् भने म तत्काल सुध्रिन निर्देशन दिन्छु। मान्छे उठाउने प्रतिस्पर्धा होइन।


यो बीचमा जिल्ला प्रहरीले 'स्विप अपरेसन' चलाएको हो। त्यतिबेला शंकास्पद मान्छेलाई उठाएर सोधपुछ गर्ने भन्ने थियो। त्यसमा पनि मैले निर्दोष मान्छे पर्न सक्छन्, त्यस्तो भेटियो भने तत्काल छोड्नु भनेर सबै वृत्त प्रमुखलाई बोलाएर निर्देशन दिएको थिएँ। सर्वसाधारणलाई दुःख दिने हाम्रो नीति छँदै छैन। कतै भएको छ भने तत्काल मलाई खबर गर्न अनुरोध गर्छु।

नेपाल समय

नेपाल समय

नेपाल समय
काठमाडौं, बुधबार, भदौ १६, २०७८

थप समाचार

सङ्खुवासभा हत्या घटना : लोकबहादुरका भाइसहित ४ जना अनुसन्धानमा तानिए

सङ्खुवासभाको मादी नगरपालिका–१ उम्लिङ खोलागाउँमा ६ जनाको सामूहिक हत्यामा संलग्न रहेको आरोपमा प्रहरीले लोकबहादुर कार्कीका भाइ नरेश कार्कीसहित अन्य चार जनालाई अनुसन्धानमा तानिएको छ।

ओली सरकारविरुद्ध 'काम गरेका' न्यायाधीशले मेडल फिर्ता गर्नुपर्छ : नेम्वाङ

उनले दिल्ली बसेर ओली सरकार गिराउन काम गर्ने पूर्वप्रधानमन्त्री झलनाथ खनाल र पुष्पकमल दाहाल 'प्रचण्ड'की पत्नी सीता दाहाललाई समेत पदक दिइएको भन्दै पदको गरिमा गुमेको टिप्पणी गरे।

७३४ संक्रमित थपिए, २१ हजार ३६० जनाले कोभिडको खोप लगाए

पछिल्लो २४ घण्टामा देशभर ७३४ जनामा कोरोना संक्रमण पुष्टि भएको छ।

मल नल्याएर कालोसूचीमा परेका ठेकेदार र महामारीमा हात उठाउने अस्पताल निर्देशकलाई पनि पदक

रासायनिक मल समयमा आयात नगरेको आरोप लागेका ठेकेदार र कोरोना महामारीको समयमा बिरामीको उपचार गर्न नसक्ने भन्दै सार्वजनिक सूचना जारी गरेका अस्पताल निर्देशकले पनि सरकारबाट पदक पाएका छन्।

नयाँ पत्रिकाका कृष्णज्वाला र वीरका अशेषले पनि अस्वीकार गरे पदक

नयाँ पत्रिका दैनिकका प्रधानसम्पादक कृष्णज्वाला देवकोटा र वीर अस्पतालका छातिरोग विशेषज्ञ डा. अशेष ढुंगानाले पनि सरकारले दिएको पदक अस्वीकार गरेका छन्।

पत्रकार नारायण अमृत, हरिबहादुर थापा र कार्टुनिस्ट रविन साय‍्मिले गरे पदक अस्वीकार

नेपाल समयका प्रधान सम्पादक नारायण अमृत, इकाजका प्रधान सम्पादक हरिबहादुर थापा र नागरिक दैनिकका कार्टुनिस्ट रविन साय‍्मिले संविधान दिवसका अवसरमा सरकारले प्रदान गरेको पदक अस्वीकार गरेका छन्।

ट्रेंडिंग

नेपाल समय
राजनीति

भीम रावलले लिएको त्यो यु–टर्न, जसले उनलाई यता न उताको बनायो

पार्टीभित्र अन्तरसंघर्ष चर्काएर पार्टी फुटाउन उद्यत उनै रावल ओलीको दौराको फेर समाएर एमालेमै बसेका छन्। माधवकुमार नेपाललगायतले नयाँ पार्टी खोल्दा रावल पछि हटे।
नेपाल समय
श्रृंखला

कंगोमा कुटाइ खाएका नमराजको बयानः सेनाका क्याप्टेनहरूले मलाई फुटबल बनाएर हाने

फेरि पनि मलाई हान्न आउँदा मैले हात खडा गरी 'सर! मेरो गल्ती भए सजाय दिनुस्, यसरी नकुट्नुस्' भन्दा पनि 'तँ बढी बोलिस्' भनेर मलाई सहसेनानी (क्याप्टेन) इन्द्रबहादुर थापा र सहसेनानी सुबास हुमागाई (क्याप्टेन)ले फुटबल खेलेजस्तो गरी हान्नुभयो।
नेपाल समय
शिक्षा

तलबभत्ता निकासा नभएपछि देशभरका ईसीडी शिक्षक र विद्यालयका कर्मचारी आन्दोलित

स्थानीय तहले सरकारले तोकेबमोजिम ईसीडी शिक्षक (बाल विकास सहजकर्ता) र विद्यालय कर्मचारीको वृद्धि भएको तलब निकासा नगरेको भन्दै आन्दोलनमा उत्रिएका छन्।
नेपाल समय
संवाद

राष्ट्र बैंकको पैसा वाणिज्य बैंकमा सार्नेबित्तिकै तरलताको समस्या हट्छ : भुवनकुमार दाहाल [अन्तर्वार्ता]

बैंकहरुको आइडल फन्ड राष्ट्र बैंकमा छैन। उनीहरुले विभिन्न ऋणपत्रमा लगानी गरिरहेका छन्। आफूसँग आइडल रकम नभएपछि बैंकहरुले ऋणपत्र धितो राखेर ५ प्रतिशतमा राष्ट्र बैंकबाट ऋण लिनुपर्‍यो। बैंकहरुमा अहिले तरलताको अभाव नभएर आइडल फन्डको दबाब मात्र हो।
नेपाल समय
श्रृंखला

अनियमितताबारे हुनुपर्ने सेनाको अनुसन्धान किन मोडियो सूचनाको स्रोततिर?

जसको जागिर गुम्यो, उनीहरुलाई ‘कोर्ट अफ इन्क्वायरी’को टोलीले बयान नलिनुले नै छानबिन कतिसम्म फितलो र पूर्वाग्रही थियो भन्ने प्रष्ट देखाउँछ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C