सोमबार, असोज ४, २०७८
  • गृहपृष्ठ
  • अर्थ
  • कार्यान्वयन भएन नेपाल-चीन पारवहन सम्झौता, चलिरहेको व्यापारमा समेत अवरोध!

कार्यान्वयन भएन नेपाल-चीन पारवहन सम्झौता, चलिरहेको व्यापारमा समेत अवरोध!

प्रेम चन्द  |  काठमाडौं, मंगलबार, भदौ २९, २०७८

प्रेम चन्द

प्रेम चन्द

मंगलबार, भदौ २९, २०७८, काठमाडौं

नेपाल समय
तत्कालीन प्रधानमन्त्री केपी शर्मा ओली (बायाँ) र चिनियाँ राष्ट्रपति सी जिनपिङबीचको भेटवार्ता। फाइल तस्बिर

काठमाडौं- नेपाल सरकारले २०७२ चैत ८ गते चीनसँग पारवहन सम्झौता गरेको थियो। सम्झौता कार्यान्वयनमा आएको भए नेपालले भूपरिवेष्ठित राष्ट्रको हैसियतामा चिनियाँ समुद्र प्रयोग गरी व्यापार गर्न सक्थ्यो। सम्झौतामा चीन सरकारले नेपाललाई समुद्रसम्मको स्थायी पहुँचको अधिकार र पारवहन स्वतन्त्रता दिने उल्लेख थियो। 

सम्झौता हुनुअघि करिब ६ महिना लामो भारतीय नाकाबन्दी व्यहोरेको नेपालले चीनसँग पारवहन सम्झौता भएपछि उत्साहित बनेका थिए। सम्झौताको उद्देश्य नै नेपालले चिनियाँ समुद्रको प्रयोग गरी सामान ढुवानीमा सहजीकरण गर्ने थियो। पारहवन सम्झौता तत्कालीन प्रधानमन्त्री केपी शर्मा ओलीको पहलमा गरिएको थियो। 

करिब ९ महिना सरकारको नेतृत्व गरेका ओलीले पारवहन सम्झौता कार्यान्वयनका लागि खासै चासो भने देखाएनन्। त्यसपछि क्रमशः सरकारको नेतृत्व गरेका पुष्पकमल दाहाल प्रचण्ड र शेरबहादुर देउवाले पनि चीनसँगको पारवहन सम्झौता कार्यान्वयनमा खासै चासो देखाएनन्। पछिल्लो समय ३ वर्षभन्दा बढी समय सरकारको नेतृत्व गरेका ओलीले पारवहन सम्झौता कार्यान्वयनमा झनै चासो दिएनन्। फलस्वरुप नेपाली व्यवसायीले चीनतिरबाट हुने व्यापारमा दुःख पाइरहेका छन्। 

झन् अवरोध

निरन्तर भइरहेको व्यापारमा समेत चिनियाँ पक्षले कोटा निर्धारण गरेपछि आयातकर्ताले दुःख झेल्नु परेको आयातकर्ता समेत रहेका उद्योग वाणिज्य संघ सिन्धुपाल्चोकका अध्यक्ष राजकुमार बस्नेत बताउँछन्।

पछिल्लो समय कोरोनाको कारण देखाउँदै चीनले नेपालसँगको व्यापारमा कोटा प्रणाली कायम गरेको छ। २०७६ फागुनअघि केरुङ र तातोपानी दुवै नाकाबाट गरी दैनिक ४० देखि ५० ट्रक नेपाल भित्रिने गरेकोमा हाल दैनिक १५ वटा ट्रक मात्र भित्रिरहेका छन्। केरुङ भन्सार कार्यालयका सूचना अधिकारी नरेन्द्रप्रसाद चौधरीले केरुङबाट दैनिक ७ वटा ट्रक नेपाल भित्रिरहेको बताए। 

त्यस्तै दैनिक ८ वटा ट्रक तातोपानी नाकाबाट नेपाल भित्रने गरेको तिब्बतस्थित नेपाली महावाणिज्य दूतावासले उद्योग वाणिज्य तथा आपूर्ति मन्त्रालयलाई यसअघि नै जानकारी गराइसकेको थियो। ‘चीनसँगका नाका फुलफ्लेजमा सञ्चालनमा छैनन्,’ उद्योग वाणिज्य तथा आपूर्ति मन्त्रालयका सहप्रवक्ता उर्मिला केसीले भनिन्, ‘तातोपानी नाकामा नेपालतर्फ सडकसमेत अवरुद्ध भएकाले व्यापारमा थोरै समस्या देखिएको छ।’

निरन्तर भइरहेको व्यापारमा समेत चिनियाँ पक्षले कोटा निर्धारण गरेपछि आयातकर्ताले दुःख झेल्नु परेको आयातकर्ता समेत रहेका उद्योग वाणिज्य संघ सिन्धुपाल्चोकका अध्यक्ष राजकुमार बस्नेत बताउँछन्।

सरकारले चिनियाँ नाका प्रयोगका लागि नेपालतर्फ आवश्यक संरचना बनाएर पारवहन सम्झौता कार्यान्वयनका लागि पहल गरिदिँदा चीनसँगको व्यापारमा सहज हुने र उपभोक्तालाई राहत हुने अध्यक्ष बस्नेत बताउँछन्। ‘पारहवन सम्झौता त भयो। तर, त्यसलाई कार्यान्वयनको तहमा गएको हामीले देखेका छैनौं,’ बस्नेतले नेपाल समयसँग भने, ‘सरकारले हिसाबकिताब गरेर त्यसको चाँडो कार्यान्वयनका लागि पहल गर्ला भन्ने आशा बाहेक हामीले पारवहनबाट केही पनि पाएका छैनौं।’

पारहवन सम्झौता कार्यान्वयनमा आएपछि चीनसँग गर्न सकिने व्यापारमा धेरै सहजता आउने बस्नेत बताउँछन्। चीनसँगको पारहवन सम्झौता कार्यान्वयनमा नआउँदा र निरन्तरको व्यापारमा समेत अवरोध हुँदा कलकाताबाट लामो रुट प्रयोग गरेर सामान आयात गर्नुपरेको छ। कलकाताबाट सामान ल्याउनुपर्दा तीन गुणासम्म बढी समय लाग्ने गरेको व्यवसायी बताउँछन्। 

पारहवन सम्झौता कार्यान्वयनमा आएर सिधै चिनियाँ नाका (केरुङ, तातोपानी)बाटै सामान आयात गर्नसकेमा १५ देखि २० दिनमा नेपालमै सामान नेपाल आइपुग्छ। कलकाता हुँदै सामान ल्याउनु परेका कारण ४५ देखि ६० दिनसम्म लाग्ने गरेको बस्नेतको भनाइ छ। ‘जब समय धेरै लाग्छ, खर्च बढ्छ। बैंकबाट लिएको ऋणको ब्याज नै धेरै हुन जान्छ,’ बस्नेत भन्छन्, ‘ढुवानी समय कम गर्न सकेमा खर्च पनि कम हुन्छ। ब्याज पनि धेरै बढ्दैन र लागत कम पर्छ। लागत कम हुँदा उपभोक्तालाई सामान सस्तो पर्ने फाइदा हुन्छ।’

यसअघि २०७२ सालमा गएको भूकम्पका कारण सिन्धुपालचोक र रसुवा नाका अवरुद्ध भएका थिए। भूकम्पभन्दा अगाडि चीनसँगको व्यापारमा खासै अवरोध नरहेको व्यवसायी बताउँछन्। ‘त्यतिबेला अहिलेको जस्तो कोटा थिएन,’ बस्नेत भन्छन्, ‘जति मात्रामा व्यापार हुन्थ्यो निर्बाध हुन्थ्यो।’

मन्त्रालयका अनुसार पछिल्लो समय कोरोना महामारीका कारण चीन सरकारले फुलफ्लेजमा चलाउन दिएको छैन। ‘चीनले कोरोना नियन्त्रणका लागि फुलफ्लेजमा ट्रक चल्न दिएको छैन,’ सहप्रवक्ता केसीले भनिन्, ‘हामीले महावाणिज्य दूतावासमार्फत फुलफ्लेजमा आवतजावत खुला गर्न पहल गरिराखेका छौं।’ तातोपानी नाकामा नेपालतर्फ अवरुद्ध भएको सडक निर्माणका लागि समेत सडक विभागसँग समन्वय भइरहेको सहप्रवक्ता केसीको दावी छ।

यता भन्सार विभागले भने चीनले कोरोना कारण देखाउँदै पूर्ण क्षमतामा चल्न नदिएपनि आयात निर्यात भइरहेको उल्लेख गरेको छ। भन्सार विभागका अनुसार गत साउनमा चीनबाट २० अर्ब ९७ करोड ६ लाख ६७ हजार रुपैयाँ बराबरका विभिन्न वस्तु आयात भएका छन्। त्यस्तै नेपालका तर्फबाट साउन महिनामा ८ करोड २७ लाख ८५ हजार रुपैयाँ बराबरको निर्यात भएको छ। नेपालमा स्याउ, रेडिमेड कपडा लगायतका वस्तु आयात भइरहेका छन् भने धागो, ऊनी गलैंचा, पोलिस्टर, जुटलगायतका वस्तु नेपालले चीनमा निर्यात भइरहेका छन्।


प्रकाशित: September 14, 2021 | 17:59:04 काठमाडौं, मंगलबार, भदौ २९, २०७८
प्रेम चन्द

प्रेम चन्द

काठमाडौं, मंगलबार, भदौ २९, २०७८

थप समाचार

माउन्टेनमग कफीको आउट्लेट विस्तार

प्राकृतिक सुन्दरता र हिमश्रृंखलाको अवलोकन गर्न सकिने पर्यटकीय आकर्षणको केन्द्र श्रीनगर हाइटमा तानसेनस्थित होटल श्रीनगरसगको साझेदारीमा सो आउटलेटको सुरुवात गरिएको हो।

सोमबार बजेट पारित हुने निश्‍चित

प्रतिनिधि सभाको सोमबारका लागि बोलाइएको बैठकमा शेरबहादुर देउवा नेतृत्वको सरकारले अध्यादेशलाई प्रतिस्थापन गर्ने गरी ल्याएको बजेटमा पारित हुने भएको छ।

पदयात्राको वातावरण बनाउन व्यवसायीको माग

पदयात्रामा जान चाहने विदेशी पर्यटकले ७२ घण्टाको पीसीआर परीक्षण नेगेटिभ रिपोर्ट पनि लिएर आउने भएकोले क्वारेन्टाइन बस्नु नपर्ने व्यवस्था गरेर पदमार्गमा जाने पर्यटकलाई खुकुलो बनाउनुपर्ने पथप्रदर्शक दुर्गा राईले बताए।

मोटरहेडका बाइक नेपाली बजारमा

मोटरहेड मोटरसाइलको नेपालका लागि अधिकृत विक्रेता एसएलआर टेक्नो एण्ड ट्रेड प्रा.लि. (एसजी समूहको एक सहायक कम्पनी)ले विश्वमै परिचित अफ रोड मोटरसाइकलहरु चीनबाट आयात गरेर नेपालमा बिक्री गर्दै आएको छ।

बजेट बनाउने सिस्टम डरलाग्दो र योजना बनाउने प्रचलन कहालीलाग्दो रहेछ : अर्थमन्त्री शर्मा

उनले देशलाई कति सडक चाहिने हो? कुन सडक कति लेनको हुनुपर्ने हो? भन्ने विषयम कुनै मापदण्ड पालना नभएको बताए। उनले भने, ‘जो आयो त्यसले आफ्नै मनमौजी तरिकाले सडकको बजेट हाल्ने गरेको पाइयो।’

असोज १० गतेदेखि अग्रिम टिकट बुकिङ खुला

शुक्रबार यातायात व्यवस्था विभाग, व्यवसायी, ट्राफिक प्रहरी र प्रशासनबीचको बैठकले ओज १० गतेबाट टिकट बुकिङ खुल्ला गर्ने सहमति गरेको हो।

ट्रेंडिंग

नेपाल समय
राजनीति

भीम रावलले लिएको त्यो यु–टर्न, जसले उनलाई यता न उताको बनायो

पार्टीभित्र अन्तरसंघर्ष चर्काएर पार्टी फुटाउन उद्यत उनै रावल ओलीको दौराको फेर समाएर एमालेमै बसेका छन्। माधवकुमार नेपाललगायतले नयाँ पार्टी खोल्दा रावल पछि हटे।
नेपाल समय
श्रृंखला

कंगोमा कुटाइ खाएका नमराजको बयानः सेनाका क्याप्टेनहरूले मलाई फुटबल बनाएर हाने

फेरि पनि मलाई हान्न आउँदा मैले हात खडा गरी 'सर! मेरो गल्ती भए सजाय दिनुस्, यसरी नकुट्नुस्' भन्दा पनि 'तँ बढी बोलिस्' भनेर मलाई सहसेनानी (क्याप्टेन) इन्द्रबहादुर थापा र सहसेनानी सुबास हुमागाई (क्याप्टेन)ले फुटबल खेलेजस्तो गरी हान्नुभयो।
नेपाल समय
शिक्षा

तलबभत्ता निकासा नभएपछि देशभरका ईसीडी शिक्षक र विद्यालयका कर्मचारी आन्दोलित

स्थानीय तहले सरकारले तोकेबमोजिम ईसीडी शिक्षक (बाल विकास सहजकर्ता) र विद्यालय कर्मचारीको वृद्धि भएको तलब निकासा नगरेको भन्दै आन्दोलनमा उत्रिएका छन्।
नेपाल समय
संवाद

राष्ट्र बैंकको पैसा वाणिज्य बैंकमा सार्नेबित्तिकै तरलताको समस्या हट्छ : भुवनकुमार दाहाल [अन्तर्वार्ता]

बैंकहरुको आइडल फन्ड राष्ट्र बैंकमा छैन। उनीहरुले विभिन्न ऋणपत्रमा लगानी गरिरहेका छन्। आफूसँग आइडल रकम नभएपछि बैंकहरुले ऋणपत्र धितो राखेर ५ प्रतिशतमा राष्ट्र बैंकबाट ऋण लिनुपर्‍यो। बैंकहरुमा अहिले तरलताको अभाव नभएर आइडल फन्डको दबाब मात्र हो।
नेपाल समय
श्रृंखला

अनियमितताबारे हुनुपर्ने सेनाको अनुसन्धान किन मोडियो सूचनाको स्रोततिर?

जसको जागिर गुम्यो, उनीहरुलाई ‘कोर्ट अफ इन्क्वायरी’को टोलीले बयान नलिनुले नै छानबिन कतिसम्म फितलो र पूर्वाग्रही थियो भन्ने प्रष्ट देखाउँछ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C